ដើម្បីទទួលបានអត្ថប្រយោជន៍ទាំងស្រុងពីការរួមផ្សំគ្នារវាងខ្ញី និងក្រូចឆ្មារ យើងត្រូវនាំមុខដោយរបបអាហារប្រកបដោយតុល្យភាព ការធ្វើលំហាត់ប្រាណជាទៀងទាត់ និងការពិសាទឹកឱ្យបានពីរលីត្រក្នុងមួយថ្ងៃ។ ខ្ញីមានភាពល្បីល្បាញទូទាំងពិភពលោកសម្រាប់ គុណប្រយោជន៍សុខភាពដ៏សំខាន់របស់វា ពិសេសវាមានប្រសិទ្ធភាពប្រឆាំងនឹងការរលាក និងល្អប្រសើរសម្រាប់ប្រព័ន្ធរំលាយអាហារ។
ម្យ៉ាងទៀតរុក្ខជាតិប្រភេទមើមនេះមានអំណាចលើកកម្ពស់ការសម្រកទម្ងន់បែបធម្មជាតិ និងជំនួយដល់ការរំលាយអាហារបានប្រក្រតី ហើយវាមានប្រសិទ្ធភាពផលិតចេញនូវកម្ដៅ ដែលលើកកម្ពស់ការរំលាយអាហារទៅជាថាមពល ដោយធ្វើឱ្យវាក្លាយជាភ្នាក់ងារដុតកម្ទេចជាតិខ្លាញ់ និងកាល់ឡូរីបានយ៉ាងមានប្រសិទ្ធភាព។ ចំណែកក្រូចឆ្មារវិញ ក៏មានសារៈប្រយោជន៍សម្រាប់ឱសថសម័យទំនើបជាច្រើនយ៉ាងផងដែរ។
វាត្រូវបានគេចាត់ទុកថាជាភ្នាក់ងារសម្រកទម្ងន់បែបធម្មជាតិ ដែលវីតាមីនC និងសារធាតុប្រឆាំងនឹងអុកស៊ីដកម្មរបស់វាជួយកម្ចាត់ចោលនូវកាកសំណល់ពីរាងកាយ ប្រឆាំងនឹងអការៈទល់មូត្រ លើកកម្ពស់ការបណ្ដេញជាតិពុលពីរាងកាយ និងកាត់បន្ថយអាការៈហើមពោះ។
តើខ្ញី និងក្រូចឆ្មារ អាចមានប្រសិទ្ធភាពក្នុងការសម្រកទម្ងន់បែបណា?
អ្នកជំនាញបានចាត់ទុកថា គ្រឿងផ្សំទាំងពីរយ៉ាងនេះមាននូវគុណសម្បត្ដិជាច្រើន ដែលអាចជួយកាត់បន្ថយជាតិខ្លាញ់ និងកាកសំណល់ពីរាងកាយ ដោយការរួមបញ្ចូលគ្នានូវគ្រឿងទេសទាំងពីរយ៉ាងនេះបានធ្វើឱ្យវាក្លាយជាសមាសធាតុដ៏អស្ចារ្យជួយឱ្យរាងស្ល៊ីម ដែលអាចយកមកអនុវត្ដជាទម្លាប់ នៃការសម្រកទម្ងន់ប្រកបដោយសុខភាពល្អ។ យើងជឿថា អ្នកមិនធ្លាប់នឹកស្មានដល់ថាអ្នកអាចលាយគ្រឿងផ្សំទាំងពីរយ៉ាងនេះបញ្ចូលគ្នាដើម្បីគោលបំណង នៃការសម្រកទម្ងន់នោះទេ ប៉ុន្ដែឥឡូវនេះអ្នកនឹងបានដឹងថាវាមានលក្ខណៈងាយស្រួលសម្រាប់យកទៅផ្សំនៅក្នុងរូបមន្ដអាហារផ្សេងៗ ហើយអ្នកនឹងត្រៀមខ្លួនរួចជាស្រេចដើម្បីសម្រកទម្ងន់បែបធម្មជាតិ និងទទួលបានលទ្ធផលគួរឱ្យភ្ញាក់ផ្អើល។
ខ្ញី និងតែក្រូចឆ្មារ៖ វិធីមួយដើម្បីទាញយកគុណប្រយោជន៍ដ៏ប្រសើរនៃគ្រឿងទេសទាំងពីរយ៉ាងនេះគឺដោយការឆុងទឹកតែមួយពែងដ៏សាមញ្ញបំផុតតាមជំហានមួយចំនួន។ ទឹកតែនេះមាននូវរសជាតិឆ្ងាញ់ ដែលអ្នកនឹងចូលចិត្ដពិសាវា។
តើត្រូវឆុងវាបែបណា? ដាក់កម្ដៅទឹកមួយពែងរហូតដល់វាចាប់ផ្ដើមពុះ។ ដាក់បន្ថែមមើមខ្ញីមួយចំណិតតូច ហើយត្រាំវាឱ្យបាន ៥នាទីដោយគ្របវាឱ្យជិត។ បន្ទាប់មកដាក់បន្ថែមទឹកក្រូចឆ្មារ ដែលច្របាច់ចេញពីក្រូចឆ្មារមួយផ្លែ រួចសឹមពិសាវា។ វាជាការល្អ ប្រសិនបើអ្នកពិសាទឹកតែនេះមុនអាហារ ឬពិសាមុនអាហារពេលព្រឹក។
ទឹកសុសសាឡាដធ្វើពី ខ្ញី និងក្រូចឆ្មារ៖ នេះជាប្រការប្រសើរក្នុងការលាយគុណប្រយោជន៍ នៃគ្រឿងទេសទាំងពីរយ៉ាងនេះបញ្ចូលគ្នា ហើយអ្នកមិនចាំបាច់រៀបចំទឹកសុសនេះទុកជាមុននោះទេ។ វិធីធ្វើ៖ យកសាច់ខ្ញីកិនម៉ត់មួយក្ដាប់ ហើយបន្ថែមទឹកក្រូចឆ្នារ ដែលច្របាច់ចេញពីរទឹកក្រូចឆ្មារមួយផ្លែ។ សូមប្រើគ្រឿងទេសលាយបញ្ចូលគ្នានេះ ជាទឹកសុសសម្រាប់សាឡាដ ដែលអ្នកចូលចិត្ដ៕
0 comments:
Post a Comment