November 2015 ~ Health

Monday, November 30, 2015

វិធីសាស្រ្ដនៃការការពារធ្មេញអចិន្រ្ដៃយ៍របស់កុមារ តាំងពីកុមារមានអាយុ ៦ឆ្នាំ រហូតដល់កុមារពេញវ័យ

8:53 PM No comments

ការថែទាំធ្មេញកូនតូចជាទីស្រឡាញ់របស់លោកអ្នកឱ្យមានសុខភាពល្អ គឺជាទំនួសខុសត្រូវរបស់ឪពុកម្ដាយ ឬអាណាព្យាបាលគ្រប់រូប។ ដើម្បីឱ្យធ្មេញកូនតូចរបស់លោកអ្នកមានភាពរឹងមាំល្អ ចាប់តាំងពីអាយុ ៦ឆ្នាំ រហូតដល់ពេញវ័យ ទាមទារឱ្យ លោកអ្នកដាស់តើនក្រើនរំលឹកកូនៗឱ្យដុសធ្មេញជាទៀងទាត់ ជ្រើសរើសថ្នាំដុសធ្មេញ ដែលមានផ្ទុកសារធាតុ Fluoride និងប្រើច្រាសដុសធ្មេញស្អាត ដែលមានភាពទាក់ទាញឱ្យកូនៗចង់ដុសធ្មេញ។ ម្យ៉ាងទៀត ឪពុកម្ដាយ ឬអាណាព្យាបាលគួរលើកទឹកចិត្ដកូនៗឱ្យថែទាំសុខភាពធ្មេញ ដោយពាក្យសរសើរដូចជាថា ធ្មេញរបស់ពួកគាត់សស្អាត

ឬ មាត់មានក្លិនប្រហើរជាដើម។ ថែមពីលើនេះទៀត លោកអ្នកគួរណែនាំកូនឱ្យញ៉ាំអាហារណា ដែលសម្បូរសារធាតុប្រឆាំងនឹងអុកស៊ីដកម្ម និងសារធាតុចិញ្ចឹម ដែលជួយរក្សាធ្មេញឱ្យរឹងមាំ ឬជ្រើសរើសយកការថែទាំបែបទន្ដសាស្រ្ដដូចជា Fissure Sealant ជាដើម។ ដើម្បីឱ្យលោកអ្នក ស្វែងយល់កាន់តែច្បាស់អំពីការថែទាំធ្មេញកូនតូចឱ្យរឹងមាំ វិទ្យុឃូលបានធ្វើបទសម្ភាសន៍ជាមួយ លោកស្រ្ដីទន្ដបណ្ឌិត សូវ សុខយី(Sov Sokyi) អ្នកឯកទេសផ្នែកដាំបង្គោលធ្មេញក្នុងឆ្អឹង នៃមន្ទីរព្យាបាលធ្មេញសុវណ្ណភូមិ ដើម្បីផ្ដល់កិត្ដិយសបកស្រាយនូវខ្លឹមសារទាំងស្រុងដូចខាងក្រោម នេះ៖

១. នៅពេលកុមារមានអាយុ ៦ឆ្នាំ ឪពុកម្ដាយ ឬអាណាព្យាបាលចាំបាច់ត្រូវតែនាំកុមារទៅជួបពិគ្រោះជាមួយ ទន្ដបណ្ឌិត ដើម្បីសុំការណែនាំ ជាពិសេសគឺវិធីសាស្រ្ដក្នុងការថែទាំធ្មេញ។ ទន្ដបណ្ឌិតអាចណែនាំនូវវិធីសាស្រ្ដថែទាំធ្មេញមួយចំនួនដូចជា៖

Fissure Sealants
Sealant អាចជួយការពារធ្មេញកូនរបស់លោកអ្នក កុំឱ្យកើតរោគពុកធ្មេញ ដែលឈានដល់ការប៉ះធ្មេញ ឬព្យាបាលដកដាក់ធ្មេញជាដើម។ Sealant គឺជាផ្លាស្ទីកម្យ៉ាង សម្រាប់បិទទៅលើផ្ទៃទំពាររបស់ធ្មេញ ដែលធ្វើឱ្យធ្មេញចៀសផុតពីរោគពុកធ្មេញ ហើយម្យ៉ាងនៅលើផ្ទៃទំពាររបស់ធ្មេញថ្គាមគឺមានចង្អូរ ឬក្រឡាតូចៗ បើទោះបីជាយើងដុសសម្អាតយ៉ាងណាក៏ដោយ ក៏លំបាកនឹងសម្អាតចង្អូរធ្មេញនោះដែរ។ ដូច្នេះ ចំណីអាហារ ដែលមានជាតិស្អិត ដែលជាប់នឹងចង្អូរធ្មេញ នឹងធ្វើឱ្យធ្មេញពុក។ ការធ្វើ Fissure Sealant នេះនឹងបិទនូវចង្អូរធ្មេញទាំងអស់ ហើយចៀសផុតពីរោគពុកធ្មេញនេះ ហើយការបិទប៉ះនេះវាមិនមានផលប៉ះពាល់ដល់កំណាំ(ការខាំ)ធ្មេញនោះឡើយ ។

របៀបនៃការធ្វើ
ជាដំបូង ទន្តបណ្ឌិតចាប់ផ្ដើមពិនិត្យថា តើធ្មេញមានពុកដែរឬអត់ បន្ទាប់មកគ្រាន់តែអនុវត្ដនូវការលាងសម្អាតចង្អូរនៃផ្ទៃទំពារ បន្ទាប់មកទៀត ប្រើថ្នាំសម្រាប់បិទតាមបច្ចេកទេស ហើយការធ្វើនេះគឺគ្មានការឈឺចាប់ ចាក់ថ្នាំ ឬឆាប រ៉ធ្មេញនោះឡើយ។ Fissure Sealant នេះត្រូវធ្វើទៅលើធ្មេញអចិន្រ្ដៃយ៍ ដែលបានដុះជាបន្ដបន្ទាប់រហូតដល់កុមារមានអាយុ ១២ ដល់ ១៣ឆ្នាំ។

២. ការសម្អាតធ្មេញឱ្យបានត្រឹមត្រូវ និងទៀងទាត់យ៉ាងតិចពីរដងក្នុងមួយថ្ងៃ ឪពុកម្ដាយត្រូវដាស់តឿនកូនៗរបស់គាត់ធ្វើការដុសធ្មេញឱ្យបានទៀងទាត់ បន្ទាប់ពីកូនៗដុសធ្មេញហើយត្រូវឱ្យកូនហាមាត់ឱ្យមើលដើម្បីពនិត្យថា តើកូនដុសធ្មេញបានស្អាត ឬនៅ។

•គួរតែប្រើថ្នាំ ដុសធ្មេញរសជាតិផ្លែឈើ ដែលមានសារធាតុ Fluorides និងច្រាសដុសធ្មេញស្អាតៗ ដើម្បីទាក់ទាញឱ្យពួកគាត់ចង់ដុសធ្មេញ។
•ត្រូវនិយាយលើកទឹកចិត្ដដល់កូនៗ ថាធ្មេញរបស់ពួកគាត់សស្អាត និងមាត់មានក្លិនក្រអូបជាដើម។

៣. អាហារបំប៉នក៏ជួយឱ្យធ្មេញរឹងមាំផងដែរ ហើយអាហារបំប៉នមានតួនាទីសំខាន់ក្នុងការជួយឱ្យធ្មេញរឹងមាំ ដោយសារមានមានផ្ទុកសារធាតុប្រឆាំងនឹងអុកស៊ីដកម្ម(Antioxidants) និងសារធាតុចិញ្ចឹម(Nutrition)យ៉ាងសម្បូរបែប ដោយសារធាតុទាំងអស់នេះគេបានរកឃើញមាននៅក្នុងបន្លែ ផ្លែឈើ និងគ្រាប់ធញ្ញជាតិជាដើម។

៤. មិនគួរទទួលទានអាហារ ដែលមានជាតិស្ករ ឬជាតិស្អិតច្រើនពេកទេ ជាពិសេសគួរចៀសវាងភេសជ្ជៈ ដែលមានជាតិស្ករច្រើន។ ហើយត្រូវធ្វើការណាត់ជួបជាមួយទន្ដបណ្ឌិត ជារៀងរាល់ ៦ខែម្ដង៕

វិធីសាស្រ្ដនៃការការពារធ្មេញអចិន្រ្ដៃយ៍របស់កុមារ តាំងពីកុមារមានអាយុ ៦ឆ្នាំ រហូតដល់កុមារពេញវ័យ

8:44 PM No comments

គួរពិចារណាឡើងវិញ! ការគេងពេលថ្ងៃ ចាប់ពី ១ម៉ោងឡើងទៅ អាចធ្វើឲ្យអ្នក កើតជំងឺទឹកនោមផ្អែម

8:36 PM No comments

ជប៉ុន៖ កាលពីពេលថ្មីៗនេះ ក្រុមអ្នកវិទ្យាសាស្ត្រ បានបញ្ចេញរបាយការណ៍មួយ ដ៏គួរឲ្យភ្ញាក់ផ្អើល ទាក់ទងទៅនឹងផលប៉ះពាល់ ចំពោះសុខភាពដែលបណ្តាល មកពីការគេងថ្ងៃជាប្រចាំ ក៏ព្រោះតែទង្វើ មួយនេះត្រូវបានមនុស្ស មួយចំនួនចាត់ទុក ថាជាការធ្វើឲ្យមានផលល្អសម្រាប់សុខភាព តាំងពីដើមមក។
យោងតាមប្រភពរបាយការណ៍ របស់ក្រុមអ្នកវិទ្យាសាស្ត្រនៃសាកលវិទ្យាល័យ តូក្យូ របស់ប្រទេស ជប៉ុន បានឲ្យដឹងថា ការគេងថ្ងៃជាប្រចាំ ចាប់ពីមួយម៉ោងឡើងទៅ អាចនឹងធ្វើឲ្យមនុស្ស ប្រឈមមុខនឹងការ កើនឡើនរឹតតែខ្ពស់ ក្នុងការឈានទៅរកជំងឺទឹកនោមផ្អែម រហូតដល់ទៅ៥០% ឯណោះ។
ក្នុងនោះដែរ អ្នកវិទ្យាសាស្ត្រក៏បានបញ្ជាក់ថា មនុស្សមួយចំនួន ប្រហែលជាគិតថា ការគេងថ្ងៃអាច ជួយឲ្យពួកគេមាន អារម្មណ៍ល្អនិងជាតម្រូវការមួយដ៏សំខាន់ ក៏ព្រោះតែពួកគេ ពិបាកគេងលក់នៅពេលយប់ ប៉ុន្តែផ្ទុយទៅវិញ ស្ថានភាពបែបនេះ គឺបាននាំឲ្យមានឱកាស ក្នុងការធ្វើឲ្យសរសៃឈាមក្រហម ដែលនៅព័ទ្ធជុំវិញបេះដូង មានការឡើងដុះផ្សិត ហើយវាក៏បណ្តាលឲ្យ មនុស្សកើតមានជំងឺបេះដូង, ជំងឺដាច់សរសៃឈាមក្នុងខួរក្បាល និងជាពិសេសនោះ គឺជំងឺទឹកនោមផ្អែមតែម្តង។

ការគេងយូរ នាពេលថ្ងៃគឺមានផល អាក្រក់ខ្លាំងចំពោះសុខភាព របស់មនុស្ស
លោកវេជ្ជបណ្ឌិត Tomohide Yamada អ្នកដឹកនាំក្នុងការស្រាវជ្រាវមួយនេះ បាននិយាយថា “ការគេងថ្ងៃ ហួសប្រមាណ ឬក៏យូរពេក ពោលគឺចាប់ពីមួយម៉ោងឡើងទៅ អាចធ្វើឲ្យមនុស្ស កើតជំងឺទឹកនោមផ្អែមកម្រិតទី២។ លើសពីនេះទៀត ការគេងយូរនាពេលថ្ងៃ គឺមិនបានផ្តល់ភាព ស្រណុកសុខស្រួល ទាំងស្មារតី និងរាងកាយដល់មនុស្សឡើយ តែវាបែរជាអាចធ្វើឲ្យពួកគេមានអារម្មណ៍រងីរងើ វង្វេងស្មារតី និងអាចមានអារម្មណ៍ រឹតតែងងុយដេកខ្លាំងថែមទៀត រាល់ពេលដែលពួកគេ ភ្ញាក់ក្រោយពេលគេងយូរ នាពេលថ្ងៃរួចមក”។
លោកវេជ្ជបណ្ឌិត Yamada បានបន្ថែមទៀតថា “យ៉ាងណាមិញ ការគេងថ្ងៃក្នុងរយៈពេលខ្លី ដែលមានត្រឹម ១៥នាទី ទៅ៣០នាទី គឺមិនបង្កឲ្យមានគ្រោះថ្នាក់ដល់សុខភាពឡើយ តែវាក៏បានជួយឲ្យរាងកាយ និងស្មារតីរបស់យើងមានភាពរឹងម៉ាំ និងល្អប្រសើរជាងមុនផងដែរ ហើយកត្តាទាំងនេះក៏ត្រូវបានអ្នកវិទ្យាសាស្ត្រ និងឯកសារជាច្រើនធ្លាប់បានបញ្ជាក់នាពេលកន្លងមកហើយ”។
ទាំងនេះគឺជា ការដាស់តឿនថ្មីមួយទៀត ចំពោះអ្នកដែលចូលចិត្តគេងថ្ងៃ ហើយអ្វីដែលល្អនោះគឺ ការគេងក្នុងរយៈពេលខ្លី ពោលគឺត្រឹម១៥នាទី ទៅដល់៣០នាទីប៉ុណ្ណោះ ហើយបើលើសពីនេះ អ្នកអាចនឹងប្រឈមមុខ ចំពោះជំងឺកាចសាហាវៗ ជាច្រើន៕

ផលប៉ះពាល់ជាច្រើន ចំពោះសុខភាព នឹងកើតមាន ប្រសិនបើអ្នក គេងក្រោមកំដៅថ្ងៃ ក្នុងរយៈពេលយូរ

ហេតុអ្វី ពេលភ្ញាក់ពីគេង ត្រូវផឹកទឹកភ្លាម?

8:45 PM No comments

ដោយយោងទៅតាម ការសិក្សាស្រាវជ្រាវ របស់ប្រទេសជប៉ុន ដែលតែងតែ មានទម្លាប់ ឧស្សាហ៍ផឹកទឹក នៅពេលដែល ពួកគេភ្ញាក់ពីគេង ភ្លាមៗនោះ បានអោយដឹងថា វាអាចជួយអោយ ពួកគេមានសុខភាពល្អ រាងកាយរឹងមាំ និងមិនងាយ នឹងកើតមានជំងឺឡើយ។ ម្យ៉ាងវិញទៀត ការផឹកទឹកនៅពេលដែល ពោះគ្មានរបស់អ្វីដើម្បីទ្រាប់នោះ អាចជួយសម្រួល ដល់ការព្យាបាល ជំងឺជាច្រើន ដូចជា ឈឺក្បាល – ឈឺចុកចាប់រាងកាយ – ប្រព័ន្ធបេះដូង – ចង្វាក់បេះដូងកើនឡើង – ជំងឺឆ្កួតជ្រូក – ខ្លាញ់ក្នុងឈាម – ជំងឺរលាកទងសួត – ជំងឺហឺត – ជំងឺរបេង – ជំងឺរលាកស្រោមខួរ – ជំងឺតម្រងនោម – ផ្លូវទឹកនោម – ក្អួត – រលាកក្រពះ – រាគ – ទឹកនោមផ្អែម – ទល់លាមក – ជំងឺភ្នែកទាំងអស់ – ជំងឺទាក់ទងនឹងស្បូន – ការមករដូវមិនប្រក្រតី – ជំងឺត្រចៀក – ច្រមុះ និងបំពងកជាដើម។ ចំពោះរបៀប ឬក្បួននៃការផឹកទឹក អោយសមប្រកបនោះ សូមអនុវត្តទៅតាម ការណែនាំខាងក្រោម៖ ភ្ញាក់ពីគេងភ្លាម (នៅពេលព្រឹក) មុននឹងចាប់ផ្តើម ដុះធ្មេញ ត្រូវតែ ផឹកទឹកម្ដង អោយបាន 160 មីលីលីត្រ អោយបាន 4ដង បន្ទាប់ពីដុះធ្មេញរួច កុំទាន់អាល ផឹកទឹក ឬក៏ញ៉ាំអាហារ ក្នុងរយៈពេល 45 នាទី បន្ទាប់ពី 45 នាទី កន្លងទៅ អ្នកអាចញ៉ាំ ឬក៏ផឹកទឹក បានដូចធម្មតា ចំពោះក្បួនផឹកទឹក ដើម្បីព្យាបាលជំងឺមួយចំនួន អោយធូរស្បើយមួយកម្រិតនោះ សូមអានការណេនាំ ខាងក្រោម៖ សម្ពាធឈាមខ្ពស់ ត្រូវធ្វើផឹកទឹក តាមលំនាំខាងលើ អោយបាន 30 ថ្ងៃ រលាកក្រពះ ត្រូវផឹកទឹក តាមលំនាំខាងលើ អោយបាន 10 ថ្ងៃ ទឹកនោមផ្អែម ត្រូវផឹកទឹក តាមលំនាំខាងលើ អោយបាន 30 ថ្ងៃ ទល់លាមក ត្រូវផឹកទឹក តាមលំនាំខាងលើ អោយបាន 10 ថ្ងៃ របេង ត្រូវផឹកទឹក តាមលំនាំខាងលើ អោយបាន 90 ថ្ងៃ ព្យាយាមធ្វើបែបនេះ អោយបានទៀតទាត់ និងត្រឹមត្រូវ នោះលោកអ្នក នឹងកត់សំគាល់ដោយខ្លួនឯង ថាមាន អារម្មណ៍ ធូរស្បើយកម្រិតណា។ ហើយបើសិនជា អាការៈរបស់អ្នក ធ្ងន់ធ្ងរខ្លាំងនោះ គួរតែទៅ មន្ទីរពេទ្យ ដើម្បីព្យាបាល ទើបប្រសើរជាជាង។

តើអ្នកបានទទួលទឹក ត្រូវនឹងស្តង់ដាទំងន់របស់អ្នកហើយរឺនៅ? បើអ្នកមិនទាន់ដឹងទេសូមស្វែងយល់ជាមួយយើងទាំងអស់គ្នា

2:38 PM No comments

ទឹក គឺជាអាហារដ៏សំខាន់បំផុតមួយសម្រាប់ភាវៈមានជីវិតនានាលើពិភពលោកមិនអាច ខ្វះបាននោះទេ។ យ៉ាងណាមិញ មនុស្សមួយចំនួនធំមិនសូវខ្វល់ខ្វាយអំពីបរិមាណទឹកដែលគេបានទទួល នោះទេ ពោលគេគ្រាន់តែទទួលទានទឹកនៅពេលគេស្រេកតែប៉ុណ្ណោះ ដែលទំលាប់អាក្រក់នេះនឹងជះមកវិញនូវលទ្ធផលអាក្រក់ជាច្រើននៅថ្ងៃ មុខដូចជាជំងឺទឹកនោមផ្អែម តម្រងនោមចុះខ្សោយ កើតជំងឺលើសឈាម ។ល។ យ៉ាងណាមិញ ប្រសិនបើជាយើងទទួលទានច្រើនពេក លើសចំនួនកំណត់ វានឹងផ្តល់ផលប៉ះពាល់អោយអ្នកវិញ ហេតុដូច្នេះហើយយើងគួរតែសិក្សាទាំងអស់គ្នាអំពីបរិមាណទឹកដែល អ្នកគួរទទួលទានជារៀងរាល់ថ្ងៃ អោយសមស្របទៅនឹងទំងន់របស់អ្នក។
cover

ខាងក្រោមនេះ គឺជាវីធីគណនីអំពីបរិមាណទឹក ដែលអ្នកគួរតែទទួលទានប្រចាំថ្ងៃ ដែលត្រឹមត្រូវតាមស្តង់ដាបំផុត អាស្រ័យទៅលើទំងន់របស់អ្នក។ វាអាចជួយអោយអ្នកមានសុខភាពល្អ រក្សាទំងន់បានត្រឹមត្រូវ និងនៅក្នុងខ្លួនពោរពេញទៅដោយភាពសំណើមជានិច្ច។

ដំបូងអ្នកត្រូវតែថ្លឹងទំងន់របស់អ្នកសិន ដែលខ្នាតគិតជាគីឡូក្រាម (Kg)
បន្ទាប់មកទៀតសូមធ្វើតាមប្រមាណវិធីនេះ នោះអ្នកនឹងឃើញនូវបរិមាណទឹក គិតជាលីត្រ ដែលអ្នកត្រូវទទួលទៀនជារៀងរាល់ថ្ងៃ។

ជាមធ្យម សម្រាប់អ្នកដែលមានទំងន់ចន្លោះពី 45 ដល់ 50 គីឡូក្រាម អ្នកគួរតែទទួលទានទឹកមិនអោយតិចជាង 2 លីត្រនោះទេ ហើយសម្រាប់អ្នកដែលមានទំងន់ច្រើនវិញ អ្នកគួរតែទទួលទានទឹកអោយច្រើនជាង 2 លីត្រកន្លះ។ មនុស្សមួយចំនួនគិតថា ទទួលទានទឹកច្រើន នឹងធ្វើអោយយើងឆាប់ធាត់ ជាក់ស្តែងវាមិនពិតនោះទេ។ ទឹកគឺជាសមាសធាតុដ៏ស្អាតមួយ គ្មានផ្ទុកកាឡូរី ដែលអាចធ្វើអោយយើងឡើងទំងន់ដូចភេសជ្ជៈផ្អែម រឺទឹកក្រូចនានានោះទេ។ ផ្ទុយទៅវិញវានឹងជួយអោយយើងមានអារម្មណ៍ថាឆ្អែត មិនឃ្លាន ហេតុដូច្នេះហើយអ្នកដែលចង់សម្រកទំងន់ទាំងឡាយគួរតែទទួលទានទឹក អោយបានកាន់តែច្រើន។

ទឹកគឺជាអាហារដ៏ចាំបាច់បំផុតមួយ ដែលអ្នកគួរតែគប្បីយកចិត្តទុកដាក់អោយបានដិតដល់ដូចការទទួលទានអាហារ ដទៃទៀតដែរ។ ប្រសិនបើអ្នកទទួលទានវាបានតិចជាងបរិមាណដែលខ្លួនប្រាណយើងត្រូវ ការ អ្នកនឹងប្រឈមមុខជាមួយនឹងបញ្ហាសុខភាពជាច្រើននៅថ្ងៃមុខ ហើយប្រសិនបើយើងទទួលទានច្រើនពេកហួសចំនួនកំណត់វិញក៏មិនល្អដែរ។ បើយើងប្រៀបធៀបខ្លួនយើងដូចទៅនឹងរថយន្តវិញ ទឹកគឺប្រៀបបានជាប្រេងម៉ាស៊ីនអញ្ជឹង ដែលជួយអោយរថយន្តអាចដំនើរការទៅមុខបានដោយរលូន ហើយប្រសិនបើអ្នកមិនបានផ្លាស់ប្តូរប្រេងម៉ាស៊ីន រឺក៏ទុកអោយវាហួតហែងអស់វិញ ម៉ាស៊ីនរបស់អ្នកនឹងដំណើរការបានខ្សោយ ឆាប់ឡោកខូចផងដែរ។

ប្រសិនបើអ្នកចង់សិក្សាស្វែងយលអំពីអត្ថប្រយោជន៍ជាច្រើននៃការទទួលទាន ទឹកនោះ សូមក្រឡេកទៅមើលក្រឡោនអត្ថបទទាក់ទងដែលស្ថិតនៅផ្នែកខាងឆ្វេង។

មានដឹងអត់ ការគេងបែរមកខាងឆ្វេង ផ្តល់អត្ថប្រយោជន៍សំខាន់អ្វីខ្លះដល់អ្នក

7:49 PM No comments

តើសព្វថ្ងៃនេះ នៅពេលដែលអ្នកគេង តើអ្នកគេងបែរទៅ ខាងណា? ឆ្វេង ឬស្តាំ? តើខាងណាមួយ ដែលអ្នកគេងលក់ស្រួល និងមិនមានបញ្ហា នៅពេលដែលអ្នក ក្រោកពីគេងនោះ?

ទន្ទឹមគ្នានេះដែរ បើតាមការសង្កេត ភាគច្រើនគឺ តែងតែគេងចល័ត ទៅតាមខាងណា ដែលបែរទៅ មានអារម្មណ៍ថា ស្រួលខ្លួន។ ការគេងបែបនេះ បើសិនជា គេងបែរទៅទិស ខាងឆ្វេង អ្នកនឹងទទួលបាន អត្ថប្រយោជន៍ ល្អៗសម្រាប់ សុខភាព។ ប៉ុន្តែបើសិនជា អ្នកគេងបែរទៅ ខាងស្តាំនោះ អ្នកនឹងទទួលបាន លទ្ធផល ផ្ទុយពីអត្ថប្រយោជន៍វិញ ជាក់ស្តែងដូចជា រូបខាងក្រោមនេះដែរ បានបង្ហាញ ពីការគេងបែរ ទៅខាងឆ្វេង គឺមានសភាព គេងលក់យ៉ាងស្រួល ចំណែកឯរូបមួយទៀត បង្ហាញពី ការគេងបែរ ទៅខាងស្តាំ គឺធ្វើអោយមាន បញ្ហាដល់ដំណេក។

ដូចនេះ ដើម្បីទទួលបាន សុខភាពល្អ នៅពេលដែលអ្នកគេងនោះ អ្នកគួរតែ អនុវត្តទៅតាមក្បួន ដោយគេងបែរទៅ ខាងឆ្វេង ហើយចៀសវាង ខាងស្តាំ។ ចំពោះអត្ថប្រយោជន៍ នៃការគេងបែរ ទៅខាងឆ្វេងនោះ មានដូចជា៖

ជួយសម្រួលដល់ការបង្ហូរជាលិកា
ធ្វើអោយងាយស្រួល ដល់បេះដូងធ្វើការបញ្ជូនឈាម ពីទីខ្ពស់ទៅទាប
ងាយស្រួលក្នុងការបញ្ចេញចោល
ជួយរក្សាលំពែងអោយមានសុខភាពល្អ
ជួយអោយការរំលាយអាហារ ប្រកបទៅបានយ៉ាងត្រឹមត្រូវ
ជួយអោយចលនាឈាម រត់ត្រលប់ទៅកាន់ បេះដូងវិញ
និងជួយអោយលំហូរនៃទឹកប្រមាត់ មានភាពរលូន។

នេះជាដំណឹងដ៏ល្អមួយ ដែលអ្នកគួរតែដឹង ហើយគួរតែប្រព្រឹត្តតាម និងចៀសវាង នូវចំណុចអវិជ្ជមាន ដែលបានហាមប្រាម ដើម្បីអោយសុខភាព របស់អ្នក មានភាពប្រសើរឡើង បន្ថែមទៀត។

ជំងឺសុកមិនធ្លាក់៖ អ្វីដែលស្ត្រីត្រូវដឹង

7:16 PM No comments

អាការៈសុកមិនព្រមធ្លាក់គឺជាបញ្ហាដ៏ធ្ងន់ធ្ងរមួយសម្រាប់ស្ត្រីមានផ្ទៃពោះ ហើយកើតឡើងដោយសារតែសរសៃឈាម និងផ្នែកផ្សេងៗទៀតនៃទងសុកដុះចាក់ទៅនឹងជញ្ជាំងស្បូនជ្រៅពេក។

សុកគឺជារចនាសម្ព័ន្ធមួយដែលកើតឡើងនៅក្នុងស្បូនរបស់ស្ត្រីមានផ្ទៃពោះ។ សុកគឺជាអ្នកផ្តល់អុកស៊ីសែន និងសារធាតុចិញ្ចឹមដើម្បីអោយទារកក្នុងផ្ទៃលូតលាស់ ព្រមទាំងបញ្ចេញកាកសំណល់ពីឈាមរបស់កូនដែរ។

ជាធម្មតា សុកនេះត្រូវរបេះចេញពីជញ្ជាំងស្បូនក្រោយពីកូនសម្រាលរួច។ ប៉ុន្តែការដែលសុកមិនព្រមធ្លាក់ទាំងស្រុង ឬនៅសល់ផ្នែកណាមួយនោះ វាក្លាយទៅជាបញ្ហាធ្ងន់ធ្ងរចំពោះម្តាយ ព្រោះវាអាចបណ្តាលអោយហូរឈាមតាមទ្វារមាសជាប់ខ្លាំងក្រោយពេលសម្រាលរួច។
សុកក៏អាចដុះចាក់ចូលទៅក្នុងស្រទាប់សាច់ដុំរបស់ស្បូន (Placenta Increta) ឬធ្លុះជញ្ជាំងស្បូនទៀតផង (Placenta Percreta)។
ប្រសិនបើក្នុងពេលមានផ្ទៃពោះ ហើយសង្ស័យថាសុកមិនអាចធ្លាក់បានទេ អ្នកត្រូវតែសម្រាលកូនតាមការវះ បន្ទាប់មកកាត់ស្បូននោះចោល (Hysterectomy)។

រោគសញ្ញា
សុកមិនធ្លាក់ច្រើនតែមិនបង្កទៅជារោគសញ្ញាអ្វីទេក្នុងពេលមានផ្ទៃពោះ ប៉ុន្តែអាចនឹងមានជាការហូរឈាមតាមទ្វារមាសក្នុងត្រីមាសទី៣។
ប្រសិនបើអ្នកធ្លាប់មានអាការៈហូរឈាមតាមទ្វារមាសក្នុងត្រីមាសទី២ ចូរទំនាក់ទំនងទៅគ្រូពេទ្យភ្លាម។ ប្រសិនបើការហូរឈាមនោះធ្ងន់ធ្ងរ ចូរស្វែងរកនូវសេវាសង្គ្រោះបន្ទាន់។

មូលហេតុ
សុកមិនធ្លាក់ត្រូវបានគេដឹងថាមានជាប់ទាក់ទងនឹងភាពមិនធម្មតានៃកម្រាលខាងក្នុងរបស់ស្បូន ដោយសារតែការសន្លាកក្រោយពីវះកាត់យកកូនចេញពីមុន ឬវះកាត់នៅលើស្បូនផ្សេងៗទៀត។ ហេតុនេះវាប្រហែលជាបង្កអោយទងសុកដុះចាក់ឬសជ្រៅទៅក្នុងជញ្ជាំងស្បូនបាន។ ទោះបីជាយ៉ាងណាក៏ដោយ ពេលខ្លះអាការៈសុកមិនធ្លាក់ក៏អាចកើតឡើងបានដែរទោះបីជាមិនធ្លាប់មានប្រវត្តិវះកាត់ស្បូនពីមុនមកក៏ដោយ។

កត្តាប្រឈមមុខ
មានកត្តាជាច្រើនដែលអាចធ្វើអោយប្រឈមនឹងសុកមិនធ្លាក់ខ្លាំងដែរដូចជា៖

ធ្លាប់វះកាត់ស្បូនពីមុន៖ ប្រសិនបើអ្នកធ្លាប់វះកាត់យកកូន ឬស្បូនពីមុនមក អ្នកនឹងប្រឈមខ្ពស់នឹងសុកមិនធ្លាក់ហើយពេលមានកូនលើកក្រោយ។ ការប្រឈមនឹងជំងឺសុកមិនធ្លាក់នឹងកើនឡើងប្រសិនបើមានការវះកាត់នៅលើស្បូនច្រើនដង។
ទីតាំងរបស់សុក៖ ប្រសិនបើសុកបាំងមាត់ស្បូនជិត ឬតិចតួច ឬនៅផ្នែកខាងក្រោមនៃស្បូន ការប្រឈមនឹងសុកមិនធ្លាក់អាចនឹងកើតមាន។
អាយុម្តាយ៖ សុកមិនធ្លាក់ច្រើនតែកើតមានលើស្ត្រីអាយុចាប់ពី ៣៥ឆ្នាំឡើងទៅ។
ធ្លាប់សម្រាលកូនពីមុនមក៖ ការប្រឈមនឹងសុកមិនធ្លាក់នឹងកើនឡើងនៅពេលអ្នកសម្រាលកូនម្តងៗ
ជំងឺលើស្បូន៖ ការប្រឈមនឹងសុកមិនធ្លាក់នឹងមានខ្ពស់ប្រសិនបើអ្នកមានជាលិការសន្លាក ឬមិនធម្មតាពាសលើស្រទាបខាងក្នុងរបស់ស្បូន។ ថ្នក់ដុំសាច់ដុះចេញពីស្បូនដែលមិនមែនមហារីកក៏អាចប្រឈមខ្ពស់។

ផលវិបាក
សុកមិនធ្លាក់អាចបង្កទៅជាផលវិបាកធ្ងន់ធ្ងរច្រើនដូចជា៖

ហូរឈាមតាមទ្វារមាសធ្ងន់ធ្ងរ៖ ការហូរឈាមនេះអាចគំរាមគំហែងដល់ជីវិតអ្នកជំងឺបាន ព្រោះវាមិនធ្វើអោយហូរឈាមកកដូចធម្មតា ព្រមទាំងសួត និងតម្រងនោមខ្សោយទៀត។
កូនកើតមិនគ្រប់ខែ៖ ប្រសិនបើសុកមិនធ្លាក់ អ្នកប្រហែលជាអាចកើតមុនកំណត់។ ប្រសិនបើសុកមិនធ្លាក់វានឹងធ្វើអោយហូរឈាម ក្នុងពេលមានផ្ទៃពោះ ហើយត្រូវការសម្រាលកូនអោយបានលឿន។

តេស្ត និងរោគវិនិច្ឆ័យ
ប្រសិនបើអ្នកមានការប្រឈមមុខទៅនឹងសុកមិនធ្លាក់ក្នុងពេលមានផ្ទៃពោះ ដូចជា សុកបាំងមាត់ស្បូនជិត ឬតិចតួច ឬធ្លាប់វះកាត់ស្បូនពីមុនមក គ្រូពេទ្យនឹងពិនិត្យទៅលើការកាច់សំបុករបស់សុកយ៉ាងប្រុងប្រយ័ត្ន។
តិចនិចសម្រាប់ធ្វើរោគវិនិច្ឆ័យសុកមិនធ្លាក់៖

ថតរូបភាពវេជ្ជសាស្ត្រ៖ គ្រូពេទ្យប្រហែលជាអាចថតអេកូ ឬ Magnetic Resonance Imaging (MRI) ដើម្បីវាយតម្លៃពីរបៀបដែលសុកកាច់សម្បុកក្នុងជញ្ជាំងស្បូន។
តេស្តឈាម៖ គ្រូពេទ្យប្រហែលជាត្រូវបូមឈាមរកមើលការកើនឡើងនៃ Alpha Fetoprotein ។ ការកើនឡើងបែបនេះមានទំនាក់ទំនងទៅនឹងសុកមិនធ្លាក់ដែរ។

ការព្យាបាល
ប្រសិនបើគ្រូពេទ្យសង្ស័យថាសុកមិនធ្លាក់ទេ គាត់អាចនឹងត្រូវធ្វើយ៉ាងណាដើម្បីអោយកូនកើតមកមានសុវត្ថិភាពហើយ។

ករណីសុកជាប់នឹងស្បូនខ្លាំងមិនព្រមធ្លាក់សោះ ការវះកាត់យកកូនចេញអាចនឹងត្រូវធ្វើ បន្ទាប់មកកាត់ស្បូននោះចោលតែម្តងប្រសិនបើករណីចាំបាច់។ ការកាត់ស្បូនបែបនេះអាចជួយសង្គ្រោះជីវិតអ្នកជំងឺបានពីការហូរឈាមជាប់រហូតពេលសុកមិនធ្លាក់។

ការសម្រាលកូនដោយវះកាត់ហើយកាត់ស្បូនចោលទៀតនេះគួរតែធ្វើឡើងនៅក្នុងមន្ទីរពេទ្យ ព្រមទាំងនៅបន្ទប់សង្គ្រោះកម្រិតធ្ងន់ទៀតផងព្រោះទីនោះមានសំភារៈគ្រប់គ្រាន់សម្រាប់ការហូរឈាមធ្ងន់ធ្ងរ។ ក្រុមគ្រូពេទ្យវះកាត់មានដូចជា គ្រូពេទ្យវះកាត់ខាងសម្ភព គ្រូពេទ្យវះកាត់ខាងអាងត្រគៀក និងអ្នកជំនាញខាងថ្នាំសណ្តំ ព្រមទាំងអ្នកជំនាញខាងទារកតូចៗដើម្បីព្យាបាលកូនដែលកើតរួច។

គ្រូពេទ្យប្រហែលជាណែនាំអោយដាក់កម្មវិធីវះយកកូនចេញ និងកាត់ស្បូនចោលអោយក្នុងពេលមានផ្ទៃពោះបាន ៣៥សប្តាហ៍ហើយ។ ដើម្បីវាយតម្លៃលើភាពលូតលាស់នៃសួតរបស់ក្មេង គ្រូពេទ្យប្រហែលជាអាចធ្វើតេស្តពិនិត្យលើទឹកភ្លោះ។

ក្នុងពេលវះកាត់យកកូនចេញ គ្រូពេទ្យនឹងបញ្ជូនអ្នកនឹងយកកូនចេញតាមកន្លែងវះនៅលើពោះដំបូង និងវះលើពោះមួយកន្លែងទៀតដើម្បីយកស្បូនចេញ។ បន្ទាប់ពីសម្រាលកូនរួច គ្រូពេទ្យនឹងកាត់ស្បូនរបស់អ្នកចេញដើម្បីកុំអោយមានការហូរឈាមច្រើន។

ការកាត់ស្បូននេះនឹងបញ្ឈប់សមត្ថភាពនៃការមានផ្ទៃពោះរបស់អ្នកទៀតហើយ។ ប្រសិនបើអ្នកមានគម្រោងចង់បានកូនម្តងទៀតនោះ ចូរពិគ្រោះជាមួយគ្រូពេទ្យសិនទៅ។

ជាការកម្រ ស្បូន និងសុកប្រហែលជានៅជាប់គ្នារហូតទៀត ដែលជាហេតុនាំអោយសុកនោះរលួយបានគ្រប់ពេល។ ទោះបីជាយ៉ាងណាក៏ដោយ ការបណ្តោយអោយធ្វើបែបនេះអាចបង្កជាផលវិបាកធ្ងន់ធ្ងរជាច្រើនដូចជា៖

ហូរឈាមតាមទ្វាមាសធ្ងន់ធ្ងរ
ឆ្លងជំងឺ
កំណកឈាមដែលអាចអោយស្ទះដល់សរសៃឈាមអាក់ទែមួយ ឬពីនៅនឹងសួត
ត្រូវការវះកាត់ស្បូនចោលនៅថ្ងៃក្រោយ។

លើសពីនេះទៅទៀត ការស្រាវជ្រាវមួយបញ្ជាក់អោយដឹងថា ស្ត្រីដែលអាចចៀសវាងការកាត់ស្បូនក្រោយពីសុកមិនធ្លាក់រួចមក មានការប្រឈមនឹងផលវិបាកនៃការមានផ្ទៃពោះដូចជា រលូតកូន កូនកើតមិនគ្រប់ខែ និងសុកអាចនឹងមិនធ្លាក់ម្តងទៀត។
ប្រសិនបើអ្នកចង់រក្សាស្បូននោះទេ ចូរសុំយោបល់ពីគ្រូពេទ្យប្រសិនបើអាចធ្វើបាន។ ករណីអាចធ្វើបានគ្រូពេទ្យអាចនឹងជួយអ្នកសម្រាលទម្ងន់នៃការប្រឈមមុខបាន។

តើអ្នកដឹងទេថា តើស៊ុតចំណែកស និងស៊ុតក្រហមមួយណាមានគុណប្រយោជន៍ច្រើនជាង?

6:12 PM No comments

បពេលស៊ុតពណ៌សមិនមានផ្ទុកជាតិខ្លាញ់ ស៊ុតពណ៌ក្រហមគឺសម្បូរដោយសារធាតុប្រូតេអ៊ីន ដូច្នេះហើយស៊ុតទាំងពីរចំណែកនេះគឺល្អគ្រប់គ្រាន់សម្រាប់យកមកទទួលទាន ហើយគួរទទួលទានវាទាំងពីរយ៉ាងរួមគ្នាតែម្ដង។ តើអ្នកពិតជាចូលចិត្ដពិសាស៊ុតណាស់មែនទេ? បើដូច្នេះមែន អ្នកប្រាកដជាមានការងឿងឆ្ងល់ថា ស៊ុតចំណែកស ឬស៊ុតពណ៌ក្រហម

ដែលមានគុណប្រយោជន៍ច្រើនជាង។ ក្រុមអ្នកជំនាញបានប្រាប់យើងថា ជាទូទៅ ការពិសាស៊ុតទាំងអស់តែម្ដង ពិតជាល្អប្រសើរសម្រាប់សុខភាព។ ត្រង់ចំណុចនេះ មានន័យថា គ្រប់ផ្នែកទាំងអស់នៃស៊ុត សុទ្ធតែមានសមាសធាតុពិសេស ដែលអ្នកអាចរកឃើញនៅក្នុងអត្ថបទនេះ។ ស៊ុតគឺជាផ្នែកដ៏សំខាន់ នៃរបបអាហារប្រចាំថ្ងៃរបស់យើង ដែលជាប្រភពដ៏ប្រសើរនៃសារធាតុចិញ្ចឹម

ដែលមានគុណតម្លៃគួរដាក់បញ្ចូលទៅក្នុងអាហាប្រចាំថ្ងៃ។ អ្នកមិនចាំបាច់ព្រួយបារម្ភពីការយល់ខុស ដែលថា ស៊ុតនេះមានផ្ទុកនូវជាតិកូឡេស្ដេរ៉ូលខ្ពស់នោះទេ។ ប៉ុន្ដែផ្ទុយទៅវិញ វាគឺជាប្រភេទអាស៊ីដខ្លាញ់(Unsaturated Fat) ដែលល្អប្រសើរសម្រាប់ការថែរក្សា ប្រព័ន្ធបេះដូង និងសរសៃឈាមរបស់យើង។

គុណប្រយោជន៍នៃស៊ុតពណ៌ស៖ តើចំណែកណា ដែលចូលចិត្ដពិសាជាងគេ ចំណែកស ឬចំណែកក្រហម? ចំពោះការពិសានេះ មានមនុស្សជាច្រើន ដែលបែងចែកស៊ុតឱ្យដាច់ចំណែកពីគ្នា ដោយគិតថា ពួកគេនឹងអាចកំណត់នូវជាតិកូឡេស្ដេរ៉ូលបានល្អនៅក្នុងរាងកាយរបស់ខ្លួន។ វាត្រូវបានមនុស្សគិតថា ស៊ុតចំណែកស គឺជាផ្នែកដ៏ល្អបំផុតសម្រាប់សុខភាព។ សូមស្វែងយល់ពីគុណប្រយោជន៍នៃស៊ុតចំណែកស ទាំងអស់គ្នាដូចខាងក្រោមនេះ៖

•ស៊ុតចំណែកស គឺមិនមានផ្ទុកជាតិខ្លាញ់យ៉ាងពិតប្រាកដ។ វាមានផ្ទុកជាតិខ្លាញ់តិចតួចបំផុត ដែលធ្វើឱ្យវាក្លាយជាអាហារដ៏ល្អប្រសើរសម្រាប់សុខភាព។ ការប្រឈមនឹងគ្រោះថ្នាក់អាចកើតមានឡើង នៅពេលដែលយើងទទួលទានស៊ុតចៀន ពីព្រោះប្រេង ដែលប្រើសម្រាប់ចៀនគឺមានផ្ទុកនូវជាតិខ្លាញ់ ដែលបង្កគ្រោះថ្នាក់ដល់សុខភាពរបស់យើង។

•វាសម្បូរទៅដោយវីតាមីន B-complex

•ស៊ុតចំណែកស មានផ្ទុកនូវជាតិកាល់ឡូរីទាបជាង ស៊ុតចំណែកក្រហម

•ដូច្នេះវាទំនងជាល្អប្រសើរសម្រាប់អ្នក ដែលព្យាយាមសម្រកទម្ងន់។ មនុស្សជាច្រើនពិសាតែស៊ុតចំណែកសប៉ុណ្ណោះសម្រាប់អាហារពេលព្រឹករបស់ពួកគេ ពីព្រោះវាផ្ដល់ជាតិប្រូតេអ៊ីន និងវីតាមីនច្រើនដល់រាងកាយ ហើយម្យ៉ាងទៀតវាងាយស្រួលពិសាទៀតផង។ ប៉ុន្ដែទោះជាយ៉ាងណា យើងសូមមិនណែនាំឱ្យអ្នកពិសាតែស៊ុតចំណែកសតែមួយមុខនោះទេសម្រាប់អាហារពេលព្រឹក។ យកល្អ អ្នកត្រូវលាយច្របល់វាជាមួយអាហារដទៃទៀតដូចជា ធញ្ញជាតិ ឬទឹកក្រឡុកផ្លែឈើជាដើម។

•ស៊ុតចំណែកស ត្រូវបានសុភាពនារីភាគច្រើនប្រើ សម្រាប់ជាឱសថព្យាបាលសម្ផស្សបែបធម្មជាតិ ពោលគឺវាមានប្រសិទ្ធភាពប្រសើរជួយឱ្យស្បែកតឹងណែនម៉ត់រលោង និងទន់ និងអាចជួយព្យាបាលការរលាកប្រភេទមួយចំនួនផងដែរ។

គុណប្រយោជន៍នៃស៊ុតចំណែកក្រហម៖

•ស៊ុតក្រហមមានផ្ទុកជាតិប្រូតេអ៊ីនច្រើនជាងស៊ុតពណ៌ស

•ស៊ុតចំណែកមានផ្ទុកជាតិខ្លាញ់ខ្ពស់ ហើយយើងជឿថា អ្នកប្រាកដជាដឹងអំពីរឿងនេះ។ នៅក្នុងស៊ុតមួយគ្រាប់មានផ្ទុកជាតិខ្លាញ់ប្រមាណប្រហែល ៤ក្រាម ដែលនៅក្នុងចំណោមជាតិខ្លាញ់នោះ វាមានជាតិខ្លាញ់អវិជ្ជមានត្រឹម ១,៥ ក្រាមប៉ុណ្ណោះ។ ហើយជាតិខ្លាញ់ ដែលសល់ពីនោះគឺជាប្រភេទជាតិខ្លាញ់ល្អ(Unsaturated Fat) និងមានគុណប្រយោជន៍ច្រើនចំពោះរាងកាយ។ វាមានផ្ទុកជាតិកាល់ឡូរីទាប ហេតុដូច្នេះ វាមិនបង្កគ្រោះថ្នាក់ដល់មនុស្ស ដែលមានសុខភាពល្អនោះទេ។ ប្រសិនបើអ្នកទំនងជាអាចឡើងជាតិកូឡេស្ដេរ៉ូលខ្ពស់ អ្នកអាចកំណត់បរិមាណទទួលទានឱ្យបានត្រឹមត្រូវ ប៉ុន្ដែកុំឈប់ពិសាតែម្ដងអី ពីព្រោះសន្ទស្សន៍ជាតិប្រូតេអ៊ីនរបស់វា ពិតជាមានគុណប្រយោជន៍សម្រាប់សុខភាព។

•ស៊ុតពណ៌ក្រហមគឺជាប្រភពដ៏មានអំណាចនៃវីតាមីន និងសារធាតុរ៉ែ។ លើសពីនេះទៀតវាសម្បូរទៅដោយជាតិដែក ផូស្វ័រ ប៉ូតាស្យូម និងម៉ាញ៉េស្យូម។ សម្រាប់ជាតិវីតាមីន អ្នកនឹងទទួលបាននូវប្រភេទវីតាមីនដូចជា វីតាមីន A, E, D, B9(អាស៊ីដហ្វូលីក), B12, B6, B2 និង B1។

•មូលហេតុមួយទៀតចំពោះស៊ុត ដែលយើងមិនគួរមើលរំលងនោះគឺថា វាមានផ្ទុកនូវសមាសធាតុម្យ៉ាង ដែលគេឱ្យឈ្មោះថា Choline។ តើអ្នកដឹងទេថា ហេតុអ្វីបានជាសារធាតុនេះមានគុណប្រយោជន៍ច្រើន? វាល្អប្រសើរសម្រាប់សុខភាពខួរក្បាល និងសម្រាប់អង្គចងចាំរបស់យើង និងមានប្រសិទ្ធភាពប្រឆាំងនឹងប្រភេទជំងឺមួយចំនួនដូចជា ជំងឺ Alzheimer’s ឬជំងឺវិកលចរិក ដូច្នេះវាពិតជាអស្ចារ្យ គ្មានសង្ស័យ។

•ស៊ុតពណ៌ក្រហមសម្បូរទៅដោយសារធាតុ Lecithin។ សារធាតុ Lecithin មានសារៈសំខាន់ចំពោះការចិញ្ចឹមថែទាំរាងកាយ និងជួយថែរក្សាខួរឆ្អឹង ខួរក្បាល ថ្លើម បេះដូង និងប្រព័ន្ធសរសៃប្រសាទ។ វាជួយថែរក្សាសុខភាពបេះដូងរបស់យើង និងថែមទាំងជួយលើកកម្ពស់ការចងចាំ និងការផ្ចង់អារម្មណ៍ផងដែរ។

•មានមនុស្សជាច្រើន ដែលពិសាស៊ុតក្រហមទាំងឆៅ ឬយកវាទៅលាយទាំងឆៅជាមួយនឹងទឹកក្រឡុកដើម្បីស្រូបយកជាតិប្រូតេអ៊ីន។ ត្រង់ចំណុចនេះ គឺជាកំហុសមួយ។ ការពិសាស៊ុតឆៅអាចបណ្ដាលឱ្យកើតជំងឺមួយចំនួន ដូចជាជំងឺពុលអាហារជាដើម។ អ្នកគួរតែដឹងថា វាជារឿងល្អក្នុងការពិសាស៊ុតឆ្អិន ពីព្រោះគុណប្រយោជន៍សុខភាពក៏នឹងសម្រេចបានដូចតែគ្នា ហើយអ្នកក៏នឹងចៀសផុតពីបញ្ហាសុខភាពផងដែរ៕

តើស្ត្រីមានផ្ទៃពោះដំបូងមិនគួរបរិភោគអ្វីខ្លះ?

6:13 PM No comments

នៅពេលដែលអ្នកទើបនឹងមានផ្ទៃពោះ អ្នកគួរតែប្រយ័ត្នពីសកម្មភាពមួយចំនួន ជាពិសេសអាហារ ព្រោះអាហារជាកត្តាចំបងដែលអាចបំផ្លាញសុខភាពកូន និងអ្នកយ៉ាងងាយ ដូចនេះតើមានផ្ទៃពោះដំបូងគួរតែចៀសវាងកុំបរិភោគអាហារអ្វីខ្លះ?

កាហ្វេ និងតែ
នៅពេលដែលអ្នកមានផ្ទៃពោះ៣ខែដំបូង អ្នកគួរតែចៀសវាងកុំទទួលទានកាហ្វេ និងតែ ព្រោះនៅក្នុងនោះមានជាតិកាហ្វេអ៊ីនដែលអាចធ្វើឲ្យកូនលូតលាស់យឺត ហើយថែមទាំងអាចធ្វើឲ្យទម្ងន់កូនប្រែជាស្រាលទៀតផង។

ថ្លើមសត្វ
អ្នកមិនត្រូវបរិភោគថ្លើមសត្វដើម្បីចង់ទទួលបានវីតាមីនA និងDនោះទេ ព្រោះវាក៏អាចប៉ះពាល់ដល់ការលូតលាស់របស់កូនដែរ ដូចនេះបើអ្នកចង់បានវីតាមីនទាំង២ប្រភេទនោះ អ្នកអាចបរិភោគការ៉ុត ឬបន្លែនិងផ្លែឈើមកជំនួសបាន។

ចាខ្វៃ
អ្នកមិនត្រូវបរិភោគចាខ្វៃនៅពេលដែលអ្នកទើបនឹងមានផ្ទៃពោះ ឬចន្លោះពេលមានផ្ទៃពោះនោះទេ ព្រោះនៅក្នុងចាខ្វៃមានម្សៅម្យ៉ាងដែលអាចធ្វើឲ្យប៉ះពាល់ដល់ការលូតលាស់ខួរក្បាលរបស់កូន ដូចនេះអ្នកមិនគួរបរិភោគវាទេបើចៀសបាន។

អាហារប្រតិកម្ម
នៅពេលដែលអ្នកមានផ្ទៃពោះ អ្នកមិនគួរតែងតែសាកល្បងអាហារគ្រប់ប្រភេទនោះទេ ព្រោះវាអាចធ្វើឲ្យអ្នកប្រតិកម្មបាន ជាហេតុដែលអាចប៉ះពាល់ដល់ទារកក្នុងផ្ទៃយ៉ាងងាយ។

អាហារដែលជូរ
ថ្វីត្បិតតែអាហារដែលជូរអាចការពារអ្នកមិនឲ្យក្អួតច្រើន ប៉ុន្តែអ្នកមិនគួរបរិភោគច្រើននោះទេ ព្រោះវាអាចប៉ះពាល់ដល់ពោះវៀន និងក្រពះអ្នក ថែមទាំងធ្វើឲ្យកូនលូតលាស់មិនបានល្អទៀតផង។

ស្ករ ឬអាហារដែលផ្អែម
នៅចន្លោះពេលដែលអ្នកមានផ្ទៃពោះ អ្នកមិនគួរបរិភោគអាហារដែលផ្អែមច្រើននោះទេ ព្រោះបើអ្នកពិសារដោយមិនគិត នោះអ្នកនឹងងាយធាត់ខ្លាំងណាស់ ហើយនៅពេលដែលមានជាតិស្ករច្រើនក្នុងរាងកាយអ្នក នោះវានឹងធ្វើឲ្យធ្មេញកូនលូតលាស់មិនបានល្អឡើយ៕

គន្លឹះអស្ចារ្យ ៥យ៉ាងដើម្បីព្យាបាលសក់ស្ងួត

6:08 PM No comments

ប្រសិនបើមិត្ដនារីចង់បានសក់ភ្លឺរលោង និងមានសុខភាពល្អ វាមិនគ្រប់គ្រាន់ទេ ដោយគ្រាន់តែទៅហាងធ្វើសក់។ សក់ស្រស់ស្អាតតម្រូវឱ្យចំណាយប្រាក់ច្រើនទៅលើផលិតផលផ្សេងៗ ប៉ុន្ដែជានិច្ចកាល គ្រឿងផ្សំដែលត្រូវការចាំបាច់សម្រាប់រក្សាឱ្យសក់ស្រស់ស្អាត និងមានសុខភាពល្អរកបាននៅក្នុងទូរគ្រឿងទេសបែបធម្មជាតិ។ ប្រហែលជា គ្រឿងផ្សំភាគច្រើន អ្នកមាននៅក្នុងទូរទឹកកករបស់ខ្លួនរួចទៅហើយ។ ការណែនាំបែបសង្ខេបខាងក្រោម អាចជួយអ្នកឱ្យស្វែងយល់ពីការព្យាបាលសក់ស្ងួតតាមបែបធម្មជាតិកម្រិតមូលដ្ឋាន។ ទីនេះយើងសូមណែនាំវិធីសាស្រ្ដបែបធម្មជាតិ ៥យ៉ាង ដែលអាចធ្វើឡើងក្នុងរយៈពេលខ្លី និងចំណាយប្រាក់តិច។

១. ប្រេងអូលាវ៖ ការព្យាបាលបែបនេះអាចយកមកប្រើប្រាស់ជាការម៉ាស្សា។ សូមចាក់ប្រេងអូលាវប៉ុន្មានដំណក់ទៅលើបាតដៃររបស់អ្នក ហើយម៉ាស្សាស្រាលៗលក្ខណៈរង្វង់មូលទៅលើស្បែកក្បាលរបស់អ្នក។ អនុវត្ដបែបនេះរឿយៗ រហូតដល់ស្បែកក្បាលរបស់អ្នកទទួលបានការម៉ាស្សាពេញទាំងអស់ បន្ទាប់មកត្រដុសសក់របស់អ្នកជាមួយប្រេងអូលាវ(ប្រសិទ្ធភាពកាន់តែប្រសើរ ប្រសិនបើប្រើប្រេងអូលាវសុទ្ធ) គ្របសក់នឹងកន្សែងពោះគោ ហើយទុកវាឱ្យបាន ៤៥នាទីមុនពេលលាងជម្រះវាដោយទឹកក្ដៅឧណ្ហៗ។

២. ទឹកខ្មេះពណ៌ស៖ ការប្រើទឹកខ្មេះពណ៌សមួយស្លាបព្រាកាហ្វេ នៅពេលលាងជម្រះសក់របស់អ្នកជាមួយទឹកក្ដៅឧណ្ហៗ នឹងផ្ដល់ប្រសិទ្ធភាពខ្ពស់ចំពោះសក់ស្ងួត ស្រួយ និងបែកចុង។ ប្រសិនបើសក់អ្នកខូចធ្ងន់ធ្ងរ វាជារឿងប្រសើរក្នុងការលាយ ទឹកមួយពែង និងទឹកខ្មេះមួយពែងក្នុងចំណុះស្មើរៗគ្នា ហើយចាក់វាទៅលើសក់របស់អ្នក បន្ទាប់មកទុកវាឱ្យបានរយៈពេលមួយម៉ោងមុនពេលលាងជម្រះ ដោយការយកកន្សែងពោះគោមកគ្របការពារសក់របស់អ្នក។

៣. ផ្លែប័រ៖ សាច់ផ្លែប័រ លាយជាមួយចេក និង Mayonnaise បង្កើតបានជាម៉ាស់ ដើម្បីពង្រឹងសក់ឱ្យរឹងមាំ។

៤. Mayonnaise៖ Mayonnaise អាចជាប្រភពដ៏មានតម្លៃ សម្រាប់ថែរក្សាសក់ ព្រមទាំងជាគ្រឿងផ្សំដ៏សំខាន់សម្រាប់ធ្វើម៉ាស់ ដើម្បីថែរក្សាសក់ស្ងួតទៀតផង។

រូបមន្ដ ដែលអ្នកនឹងត្រូវការ៖

•ស៊ុតចំណែកស ១គ្រាប់

•យ៉ាអួសុទ្ធ ១/៤ ពែង

•Mayonnaise ១/៤ ពែង

ក្រោយពេលកូរស៊ុតឱ្យខាប់ល្អហើយ អ្នកអាចបន្ថែមយ៉ាអួ និង Mayonnaise។ លាបល្បាយនេះទៅលើសក់របស់អ្នក ហើយគ្របវាជាមួយនឹងមួកផ្លាស្ទីក បន្ទាប់មកទុកវាឱ្យបាន ៣០នាទី រួចលាងជម្រះល្បាយនោះជាមួយនឹងទឹកត្រជាក់ ហើយកក់សក់លាងជម្រះដោយសាប៊ូធម្មតា ដែលអ្នកតែងប្រើ។

៥. ស៊ុត៖ រូបមន្តព្យាបាលសក់ស្ងួតភាគច្រើនធ្វើឡើងពីស៊ុត ពីព្រោះវាសម្បូរដោយជាតិប្រូតេអ៊ីន និង lecithin។ ម៉ាស់អាចធ្វើជាច្រើនវិធី។ អ្នកអាចប្រើជាមួយស៊ុតវាយបំបែក ដោយលាបវាទៅលើសក់ មួយភាគម្ដងៗ ហើយទុកវាឱ្យបាន ១០នាទី។ សូមចងចាំថា ស៊ុតនេះវាមានក្លិនឆ្អាបបន្តិចហើយ អញ្ចឹងត្រូវលាងវាជាមួយទឹក និងទឹកខ្មេះពណ៌ស៕

អាហារ ៦ ប្រភេទ ធ្វើឱ្យស្បែកមានសុខភាពល្អ និងភ្លឺថ្លា

6:08 PM No comments

ការពិសាអាហារប្រកបដោយតុល្យភាព ការគេងបានគ្រប់គ្រាន់ ការរក្សារាងកាយមិនឱ្យខ្សោះជាតិទឹក គឺជារឿងដ៏ប្រសើរសម្រាប់សុខភាពរបស់អ្នក ព្រមទាំងស្បែករបស់អ្នកផងដែរ និងកាត់បន្ថយតម្រូវការប្រើប្រាស់ផលិតផលថែរក្សាស្បែកថ្លៃៗ។ ជាទូទៅ ការពិសាអាហារ ដែលសម្បូរដោយសារធាតុចិញ្ចឹម និងកំណត់កម្រិតចំពោះការពិសាអាហារច្នៃគឺល្អប្រសើរសម្រាប់រាងកាយ និងស្បែករបស់អ្នក។ គុណភាពសារធាតុចិញ្ចឹមជាមូលដ្ឋាននៅក្នុងអាហារ ដែលផ្ដល់គុណប្រយោជន៍ដល់ស្បែក គឺសារធាតុប្រឆាំងនឹងអុកស៊ីដកម្ម និងសារធាតុប្រឆាំងនឹងការរលាក។

ផ្លែឈើ និងបន្លែប្រភេទមួយចំនួន មានផ្ទុកនូវសារធាតុប្រឆាំងនឹងអុកស៊ីដកម្មដ៏មានប្រសិទ្ធភាព ដែលការពារស្បែករបស់អ្នកពីការខូចកោសិកា និងសញ្ញានៃភាពចាស់ ដែលបណ្ដាលមកពីរ៉ាឌីកាល់សេរី។ ខាងក្រោមនេះ គឺជាប្រភេទអាហារមួយចំនួន ដែលមានគុណប្រយោជន៍ធ្វើឱ្យស្បែករបស់អ្នកមានសុខភាពល្អ និងភ្លឺថ្លា។

១. ការ៉ុត៖ មើមការ៉ុតសម្បូរទៅដោយសារធាតុបេតាការ៉ូទីន ដែលបំប្លែងទៅជាវីតាមីនA។ វីតាមីន A មានសារៈសំខាន់សម្រាប់ការថែរក្សា និងជួសជុលជាលិកាស្បែក និងការពារកុំឱ្យស្បែកស្ងួត និងបែកស្រកា។

២. ផ្លែស្រ្ដូបឺរី៖ ផ្លែស្រ្ដូបឺរីសម្បួរទៅដោយវីតាមីនC ដែលប្រឆាំងនឹងផលប៉ះពាល់នៃការប៉ះនឹងពន្លឺព្រះអាទិត្យ ពង្រឹងនូវសរសៃឈាមតូចៗ ដែលធ្វើការផ្គត់ផ្គង់ដល់ស្បែក ជួយបំបាត់ស្នាមជាំលើផ្ទៃមុខ និងបន្ថយការខូចស្បែកដោយរ៉ាឌីកាល់សេរី។ ហើយផ្លែស្រ្ដូបឺរីនេះមានផ្ទុកនូវវីតាមីនE ដែលជួយការពារស្បែកពីការខូចកោសិកា។

៣. ផ្លែប័រ៖ ផ្លែប័រ មានផ្ទុកនូវវីតាមីនE ខ្ពស់ ព្រមទាំងអាស៊ីដខ្លាញ់សំខាន់ៗជាច្រើនទៀត ដែលដើរតួនាទីជាភ្នាក់ងារផ្ដល់សំណើមដល់ស្បែករបស់អ្នកបែបធម្មជាតិ។ អាស៊ីដខ្លាញ់ទាំងនេះជួយពង្រឹងភ្នាសកោសិកា ដែលជាលទ្ធផលជួយការពារសារធាតុគ្រោះថ្នាក់ កុំឱ្យកើតមានចំពោះស្បែកដូចជា មុនខ្ទុះ និងមុនខ្សាច់ និងជួយសម្អាតសំណល់ផ្សេងៗលើផ្ទៃមុខផងដែរ។ ម្យ៉ាងទៀតផ្លែប័រមានផ្ទុកនូវសារធាតុប្រឆាំងនឹងអុកស៊ីដកម្ម ដែលមានប្រសិទ្ធប្រឆាំងនឹងការរលាក។

៤. ស៊ុត៖ ស៊ុត គឺជាប្រភពដ៏ប្រសើរនៃជាតិ Biotin ជាវីតាមីនB មួយប្រភេទ ដែលបង្កើតចំណុចស្នូលនៃកោសិកាស្បែក ក្រចក និងសក់។ ម្យ៉ាងទៀតស៊ុតមានផ្ទុកសារធាតុ Selenium ដែលការពារស្បែកពីស្នាមចាស់ជ្រីវជ្រួញ។

៥. គ្រាប់ Almond៖ គ្រាប់អាល់ម៉ិន គឺជាប្រភពដ៏ប្រសើរនៃអាស៊ីដខ្លាញ់សំខាន់ៗ និងវីតាមីនE (មានលក្ខណៈស្រដៀងទៅនឹងផ្លែប័រខាងលើដែរ) ដែលជួយការពារស្បែកពីការបំផ្លាញនៃពន្លឺព្រះអាទិត្យ។

៦. ត្រី៖ ត្រីគឺជាប្រភពដ៏កំពូល នៃអាស៊ីដខ្លាញ់ Omega3 ដែលមានប្រសិទ្ធភាពប្រឆាំងនឹងការរលាក។ ប្រភេទត្រីដូចជាត្រូ ទូណា ត្រី Halibut ត្រីស្បៃកាជាដើមនេះសម្បូរទៅសារធាតុ Selenium។ ហើយគ្រឿងសមុទ្រដូចជាអយស្ដ័រ និងក្ដាមសម្បូរទៅដោយជាតិស័ង្កសី៕

កម្ចាត់ជាតិអាស៊ីត ចេញពីសន្លាក់ ដោយគ្រាន់តែ អនុវត្តតាមវិធីងាយៗនេះ

6:04 PM No comments

តាមពិតទៅបើតាមការសិក្សាបានឲ្យដឹងថា ទឹកត្រសក់ពិតជាមានប្រយោជន៍ខ្លាំងណាស់ ដល់សុខភាព របស់យើង ពោលគឺវាអាចជួយបន្ថយកម្តៅរាងកាយ ហើយលក្ខណៈសម្បតិ្តក្នុងការព្យាបាលជាមួយ សារធាតុ Alkali ដែលអាចមានឥទ្ធិពលទៅលើការកាត់បន្ថយជាតិអាស៊ីត នៅនឹងសន្លាក់បានថែមទៀតផង។

ជាមួយគ្នានេះដែរ ស្ពៃ (Celery) ហើយនឹងខ្ញី ក៏មានលក្ខណៈសម្បត្តិដ៏ខ្លាំងក្លា ក្នុងការប្រឆាំងការរលាក បានពូកែផងដែរ។ ហេតុដូច្នេះ ការរួមបញ្ចូលគ្នារបស់ពួកវានេះ អាចជួយកាត់បន្ថយការរលាកបានយ៉ាង អស្ចារ្យផងដែរ។

គ្រឿងផ្សំមានដូចជា៖

ក្រូចឆ្មា ១ចំណិត
ខ្ញីខ្ចី ១ដុំតូច
ត្រសក់ធំល្មម ១ផ្លែ
ដើមស្ពៃ (Celery) ២ដើម

វិធីធ្វើ៖ ជាដំបូង អ្នកត្រូវលាងសម្អាតគ្រឿងផ្សំទាំងនោះ ឲ្យបានស្អាតជាមុនសិន។ ហើយកាត់ស្ពៃ Celery និងត្រសក់ជាចំណិត រួចកាត់ក្រូចឆ្មាពាក់កណ្តាល ហាន់ខ្ញីជាបន្ទះស្តើងៗ។ រួចរាល់ហើយ ដាក់គ្រឿងផ្សំទាំងអស់ចូលគ្នាកិនឲ្យម៉ត់ ហើយទទូលទាន ១ ទៅ ២ដង ក្នុងមួយថ្ងៃ៕

រូបតំណាងដើមស្ពៃម្យ៉ាង (Celery)

អាហារ ៥យ៉ាង ស្រ្ដីត្រូវទទួលទានអំឡុងពេលមានផ្ទៃពោះ

6:03 PM No comments

អ្នកដឹងទេ អ្នកគួរពិសាអាហារល្អៗដើម្បីសុខភាព ព្រោះអ្នកកំពុងតែមានផ្ទៃពោះ។ យើងដឹងថា អ្នកប្រាកដជាធ្លាប់លួចញ៉ាំអាហារ ដែលគេហាម ប៉ុន្ដែប្រការនោះមិនល្អឡើយ ព្រោះវាអាចប៉ះពាល់ដល់ដំណើរការលូតលាស់ទារកក្នុងផ្ទៃ និងសុខភាពរបស់អ្នកជាម្ដាយផ្ទាល់។ ឥឡូវនេះ អ្នកកំពុងតែមានគភ៌ ដូច្នេះអ្នកត្រូវព្យាយាមពិចារណាឱ្យបានច្រើន អំពីវិធី ដែលអ្នកចិញ្ចឹមខ្លួនឯង ពីព្រោះអាហារ ដែលអ្នកទទួលទានគឺជាប្រភពសារធាតុចិញ្ចឹមសម្រាប់ការលូតលាស់ទារកក្នុងផ្ទៃ។

ជាតួយ៉ាង នៅអំឡុងពេលមានផ្ទៃពោះ អ្នកត្រូវបំពេញបន្ថែមនូវជាតិប្រូតេអ៊ីន និងកាល់ស្យូម ដើម្បីការលូតលាស់ឆ្អឹង និងជាលិការបស់ទារក។ ម្យ៉ាងទៀតរាងកាយរបស់អ្នកត្រូវការជាតិអាស៊ីដ Folic ដើម្បីការពារប្រឆាំងនឹងការខូចបំពង់សរសៃប្រសាទរបស់ទារកពេលសម្រាល ព្រមទាំងត្រូវការជាតិដែកបន្ថែម ដើម្បីជួយឱ្យកោសិកាឈាមក្រហមបញ្ជូនអុកស៊ីសែនទៅទារក។ ខាងក្រោមនេះ អ្នកជំនាញបានណែនាំ នូវអាហារល្អៗ ដែលស្រ្ដីមានផ្ទៃពោះគួរព្យាយាមពិសាឱ្យបានខ្ជាប់ខ្ជួន៖

សណ្ដែក៖ សូមបន្ថែមសណ្ដែកខ្មៅ សណ្ដែកស សណ្ដែកសៀងទៅក្នុងរបបអាហាររបស់អ្នក។ សូមសាកល្បងដាក់វាចូលក្នុងស៊ុប ភ្លា ឬញ៉ាំ ឬដាក់ចូលទៅក្នុងប៉ាស្ដា។ ក្រៅពីផ្ដល់ឱ្យអ្នកនូវជាតិប្រូតេអ៊ីន និងជាតិសរសៃ Fiber អាហារទាំងនេះក៏ជាប្រភពដ៏ប្រសើរនៃសារធាតុចិញ្ចឹមសំខាន់ៗ ដូចជា ជាតិដែក អាស៊ីដ Folic កាល់ស្យូម និងជាតិស័ង្កសី។

ត្រីសាល់ម៉ុន៖ អាស៊ីដខ្លាញ់ Omega-3 មានគុណប្រយោជន៍ល្អសម្រាប់ខួរក្បាល និងភ្នែករបស់ទារក ហើយត្រីសាម៉ុន គឺជាប្រភពដ៏ប្រសើរនៃអាស៊ីដខ្លាញ់ប្រភេទនេះ។ លើសពីនេះទៀត វាផ្ដល់ឱ្យអ្នក និងទារកនូវប្រូតេអ៊ីន និងវីតាមីនB។ ម្យ៉ាងទៀត ត្រីសាម៉ុនមានផ្ទុកជាតិបារតទាប បើធៀបទៅនឹងប្រភេទត្រីដទៃទៀត។ សូមព្យាយាមពិសាវា ដោយយកវាទៅអាំង ស្ងោរ ឬដាក់លាយជាមួយនឹងសាឡាដ។ ដើម្បីសុវត្ថិភាព អ្នកអាចពិសាត្រី ដែលផ្ទុកជាតិបារតទាបត្រឹមកម្រិត ៣៤០ក្រាមក្នុងមួយសប្ដាហ៍ម្ដង ដូចជាត្រីសាម៉ុននេះជាដើម។

ស៊ុត៖ ស៊ុតមានលក្ខណៈទន់ងាយស្រួលពិសា និងជាប្រភពដ៏ប្រសើរនៃជាតិប្រូតេអ៊ីន ដែលផ្ដល់នូវអាមីណូអាស៊ីដដល់អ្នក និងទារកក្នុងផ្ទៃ។ ស៊ុតមានផ្ទុកវីតាមីន និងសារធាតុរ៉ែបន្ថែមទៀតរួមទាំង ជាតិ Choline ផងដែរដែលល្អប្រសើរសម្រាប់ការលូតលាស់ខួរក្បាលរបស់ទារក។ ប៉ុន្ដែទោះជាយ៉ាងណា ត្រូវឱ្យប្រាកដថា អ្នកមិនពិសាស៊ុតចម្អិនមិនទាន់ឆ្អិន ឬស៊ុតឆៅនោះទេ។

ប្រភេទ Berry៖ ប្ល៊ូបឺរី រ៉ាស់បឺរី និងប្ល៊ែកបឺរី គឺជាអាហារសម្រន់ដ៏ឆ្ងាញ់ពិសា និងមានឱជារសពេលយកទៅលាយជាមួយនឹងនំ Pancake និងដាក់លាយជាមួយធញ្ញជាតិ។ ប្រភេទផ្លែបឺរីនេះ សម្បូរទៅដោយវីតាមីនC ប៉ូតាស្យូម អាស៊ីដ Folic និងជាតិសរសៃ Fiber។

ទឹកដោះគោជូរផ្ទុកជាតិខ្លាញ់ទាប៖ ទឹកដោះគោជូរមានផ្ទុកជាតិខ្លាញ់ទាបមួយពែងមានផ្ទុកនូវជាតិកាល់ស្យូមច្រើនជាងទឹកដោះធម្មតា ម្យ៉ាងទៀតវាមានផ្ទុកជាតិប្រូតេអ៊ីនខ្ពស់ និងមិនដាក់បន្ថែមជាតិស្ករឡើយ។ សូមស្រូបវាជាមួយនឹងផ្លែឈើ ឬនំស្រួយ ព្រមទាំងធញ្ញជាតិ៕

សុដន់ធ្លាក់យារ លែងជាបញ្ហាទៀតហើយ ជាមួយវិធីសាស្ត្រ ធម្មជាតិងាយៗបែបនេះ អាចជួយអ្នកបាន

5:51 PM 1 comment

ជាមួយគ្នានេះដែរ កត្តាជាច្រើនដែលបណ្តាលឲ្យសុដន់បានបាត់បង់ភាពក្លុំតឹងណែនល្អនោះមានដូចជា ការមានផ្ទៃពោះ ការឈប់មករដូវ របបអាហារមិនត្រឹមត្រូវ ការឡើងទម្ងន់ ឬចុះទម្ងន់លឿនពេក ការប្រើប្រាស់អាវទ្រនាប់មិនសមរម្យ ការជក់បារី សេពគ្រឿងស្រវឹង ព្រមទាំងកត្តាផ្សេងទៀតជាច្រើន។

យ៉ាងណាមិញ មិនមែនមកពីការបំបៅកូនពេលមានផ្ទៃពោះ ទើបធ្វើឲ្យសុដន់ធ្លាក់ទ្រុឌទ្រោមនោះទេ តែផ្ទុយទៅវិញ គឺដោយសារតែការឡើងទម្ងន់ទៅវិញទេ។

ការផ្លាស់ប្តូរយឺតៗបន្តិចម្តងៗនៃរូបរាងសុដន់នេះ អាចការពារបាន តាមមធ្យោបាយមួយចំនួន ខាងក្រោមនេះ៖

1. រក្សាលំនឹងទម្ងន់ដែលធ្វើឲ្យមានសុខភាពល្អ

2. បរិភោគទឹកឲ្យបានច្រើន

3. អនុវត្តរបបអាហារដែលនាំឲ្យមានសុខភាពល្អ និងទម្លាប់ហាត់ប្រាណ

4. ជាទៀងទាត់គួរលាបប្រេង ឬក្រេម ដែលធ្វើពីផ្លែទទឹម ឬប្រទាលកន្ទុយក្រពើ

5. ធ្វើលំហាត់ប្រាណរាងកាយ ដោយផ្តោតសំខាន់តំបន់ទ្រូង ដូចជាអាវ៉ង លើកដុំដែកជាដើម

6. ធ្វើការម៉ាស្សាសុដន់ជាមួយទឹកកក បើអាចទៅរួច

7. ធ្វើការម៉ាស្សាសុដន់ជាមួយបន្លែ និងប្រេងដែលចាំបាច់។

ជាមួយវិធីសាស្ត្របែបធម្មជាតិងាយស្រួលរកនៅផ្ទះរបស់អ្នក ដែលអាចជួយមិនឲ្យសុដន់យារ ធ្លាក់ដែលគួរឲ្យភ្ញាក់ផ្អើលនោះគឺ៖

យ៉ាអួ ១កំប៉ុង
ប្រេងវីតាមីន E ២គ្រាប់
ស៊ុត ៣គ្រាប់

វិធីប្រើ៖ គ្រាន់តែច្របល់គ្រឿងផ្សំទាំងនោះបញ្ចូលគ្នា ហើយលាបនិងម៉ាស្សាថ្នមៗនៅលើសុដន់នោះ និងទុក វាកន្លះម៉ោង សឹមលាងទឹកចេញជាការស្រេច៕

ហេតុ ផល៥យ៉ាង អ្នកជំងឺទឹកនោមផ្អែមត្រូវពិសាផ្លែត្របែក

12:03 PM No comments

ម្ហូបអាហារ ដែលអ្នកជំងឺទឹកនោមផ្អែមពិសាចូលទៅក្នុងក្រពះ គឺសម្រេចឱ្យឃើញជាក់ស្ដែងនូវដំណើរការ នៃអាការៈជំងឺទឹកនោមផ្អែម។ អ្នកជំងឺទឹកនោមផ្អែមមិនចាំបាច់ព្រួយបារម្ភមុនពេលពិសាផ្លែឈើល្អៗសម្រាប់សុខភាពនោះទេ ជាពិសេសផ្លែត្របែក ដែលជាផ្លែឈើ ផ្ទុកគុណប្រយោជន៍ដ៏អស្ចារ្យសម្រាប់សុខភាព។ ក្រៅពីផ្ទុកសន្ទស្សន៍ Glycemic ទាបហើយនោះ ផ្លែត្របែកក៏មានផ្ដល់ប្រយោជន៍ជាច្រើនទៀតដល់សុខភាពផងដែរ។ វាគឺជាសន្ទស្សន៍ Glycemic ដែលវាស់ស្ទង់ថា តើកម្រិតកាបូអ៊ីដ្រាដរលាយ និងបញ្ចេញជាគ្លុយកូសទៅក្នុងចរន្ដឈាមលឿន ឬយ៉ាងណា។ ការកើនឡើងកម្រិតជាតិគ្លុយកូស នាំទៅរកការកើនឡើងជាតិស្ករនៅក្នុងឈាម និងបញ្ចេញនូវជាតិអាំងស៊ុយលីននៅក្នុងរាងកាយ។ នៅពេលបរិមាណជាតិអាំងស៊ុយលីនបញ្ចេញច្រើនលើសកំណត់នៅក្នុងរាងកាយ ជាតិស្ករនឹងប្រែទម្រង់ជាខ្លាញ់ ហើយនឹងមានការកើនឡើងជាតិកូឡេស្ដេរ៉ូល ជាតិ Glyceride និងកើនឡើងកម្រិតសម្ពាធឈាម។ ខាងក្រោមនេះ គឺជាអត្ថប្រយោជន៍នៃផ្លែត្របែកចំពោះអ្នកជំងឺទឹកនោមផ្អែម៖

បណ្ដុំជាតិ Lycopene ខ្ពស់៖ ត្របែកមានផ្ទុកនូវកម្រិតជាតិ Lycopene ខ្ពស់ ជាសារធាតុប្រឆាំងនឹងអុកស៊ីដកម្មម្យ៉ាង ដែលអាចការពារប្រឆាំងនឹងជំងឺមហារីកក្រពេញប្រូស្ដាតបានប្រសិទ្ធភាពខ្ពស់ជាងអាហារប្រភេទរុក្ខជាតិដទៃទៀត។

កាត់បន្ថយការស្រូបយកជាតិស្ករ៖ ប្រសិនបើអ្នកជំងឺទឹកនោមផ្អែមពិសាផ្លែត្របែកដោយមិនចិតសម្បកចេញ វាអាចកាត់បន្ថយការស្រូបយកជាតិស្ករទៅក្នុងឈាម នេះបើយោងតាមប្រសាសន៍នៃអ្នកស្រាវជ្រាវមកពីសាកលវិទ្យាល័យ I-Shou University។

បន្ថយការទល់លាមក៖ អ្នកជំងឺទឹកនោមផ្អែមតែងតែរអ៊ូរទាំអំពីការទល់លាមក ហើយត្របែកនេះ អាចជួយសម្រួលដល់ចលនាពោះវៀនធំរបស់ពួកគាត់។ កម្រិតជាតិសរសៃ Fiber ខ្ពស់របស់វា មិនត្រឹមតែសម្រួលដល់ការទល់លាមកប៉ុណ្ណោះទេ ប៉ុន្ដែវាថែមទាំងបន្ថយឱកាសនៃការវិវឌ្ឍន៍ជំងឺទឹកនោមផ្អែមប្រភេទទី២ ផងដែរ។

បង្កើនចរន្ដឈាមរត់៖ ការពិសាត្របែកអាចបង្កើនចរន្ដឈាមរត់នៅក្នុងរាងកាយ ដែលលើកកម្ពស់មុខងារនៃខួរក្បាល។ ក្រៅពីនេះ កម្រិតជាតិប៉ូតាស្យូមខ្ពស់របស់វា អាចគ្រប់គ្រងសម្ពាធឈាមបាន។

ការពារការខូចកោសិកា៖ ត្របែកសម្បូរទៅដោយប្រភព នៃសារធាតុប្រឆាំងនឹងអុកស៊ីដកម្ម និងវីតាមីនC ដែលអាចការពារការខូចកោសិកា និងកាត់បន្ថយគ្រោះថ្នាក់នៃជំងឺមហារីក៕

វិធីសាស្ត្រថែរក្សាទ្វាមាសឲ្យមានសុខភាពល្អ

8:33 PM No comments

តើអ្នកដឹងពីវិធីសម្អាតទ្វាមាសដោយខ្លួនហើយ ឬនៅ? ទ្វារមាសដែលមានសុខភាពល្អគឺមានអាស៊ីតធម្មជាតិ ហើយមានផ្ទុកបរិមាណដ៏សម្បូរបែបនៃពួកបាក់តេរីមានប្រយោជន៍។ បាក់តេរីទាំងនេះអាចជួយក្នុងការទប់ស្កាត់ការឆ្លងមេរោគ និងរក្សាកម្រិត PH របស់ទ្វាមាសឲ្យនៅធម្មតា។

មានស្ត្រីជាច្រើនណាស់ដែលមិនទាន់ដឹងពីគន្លឹះក្នុងការសម្អាតទ្វាមាសតាមបែបធម្មជាតិ។ ប្រសិនបើមានការជ្រៀតជ្រែកដោយលក្ខខណ្ឌណាមួយទៅលើទ្វាមាស អ្នកអាចប្រឈមមុខនឹងការរលាក ឬឆ្លងមេរោគ។ បញ្ហានេះអ្នកគួរតែទៅរកអ្នកជំនាញដើម្បីធ្វើការព្យាបាលជាបន្ទាន់។ ដូច្នេះដើម្បីរក្សាទ្វារមាសឲ្យមានសុខភាពល្អ និងស្អាត អ្នកអាចអនុវត្តតាមគន្លឹះមួយចំនួនដូចខាងក្រោម។

ការលាងសម្អាតទ្វារមាស

នៅពេលដែលអ្នកលាងសម្អាតទ្វាមាស អ្នកត្រូវប្រាដកថាបានលាងពីខាងមុខទៅក្រោយ នឹងមិនត្រូវលាងបញ្ច្រាស់មកវិញឡើយ។ នេះជាមូលដ្ឋានដែលអាចជួយរក្សា និងការពារទ្វារមាសឲ្យមានសុខភាពល្អ។

ផ្លាស់ប្តូរសំឡីអនាម័យ

រឿងដែលសំខាន់អ្នកត្រូវផ្លាស់ប្តូរសំឡីអនាម័យចេញយ៉ាងហោចណាស់ ៤ ម៉ោងម្តង។ ធ្វើបែបនេះទើបអាចជួយឲ្យទ្វារមាសរបស់អ្នកមានសុខភាពល្អ និងស្អាតគ្មានការរំខានពីបាក់តេរីចង្រៃ។

បន្ទាប់ពីការរួមភេទ

បន្ទាប់ពីការរួមភេទ ជាការចាំបាច់ដែលអ្នកត្រូវលាងតំបន់ពិសេសរបស់ខ្លួន។ គន្លឹះមួយនេះនឹងអាចជួយឲ្យអ្នកឃ្លាតឆ្ងាយពីមេរោគផ្សេងៗ។

ការប្រើប្រាស់ក្រដាសបង្គន់

ដើម្បីរក្សាទ្វារមាសឲ្យមានសុខភាពល្អ និងស្អាតគ្រប់ពេល យកល្អប្រើបង្គន់ ឬក្រដាស់ទន់ៗដែលមានការវេជ្ជខ្ចប់ត្រឹមត្រូវ បន្ទាប់ពីបទជើងតូចរួច។ កុំប្រើប្រាស់ដែលដាក់ចោលក្នុងបង្គន់ព្រោះវាអាចឆ្លងមេរោគ។

កត្តាចាំបាច់ គឺកាត់រោមចេញ

ការកាត់រោមដែលដាច់ជាប់នឹងទ្វាមាសចេញ អាចជួយរក្សាឲ្យវាមានសុខភាពល្អ និងស្អាតជានិច្ច។ គន្លឹះនេះនឹងជួយកាត់បន្ថយការប្រមូលផ្តុំនៃញើស ដែលអាចធ្វើឲ្យទ្វាមាសមានក្លិនអាក្រក់។

លាងសម្អាតដោយប្រើទឹកក្តៅឧណ្ឌៗ

នៅពេលដែលអ្នកលាងសម្អាតទ្វាមាសជារៀងរាល់ថ្ងៃ អ្នកត្រូវប្រើប្រាស់ទឹកក្តៅឧណ្ឌៗ។ ការប្រើទឹកក្តៅឧណ្ឌៗ និងសំលាប់បាក់តេរីផ្សេងៗចេញពីតំបន់ទ្វាមាស។

ផ្លាស់ប្តូរខោក្នុងពីរដងក្នុងមួយថ្ងៃ

នៅពេលដែលអ្នកផ្លាស់ប្តូរខោក្នុងពីរដងក្នុងពីរដងក្នុងមួយថ្ងៃ ទ្វាមាសរបស់អ្នកនឹងមានសុខភាពល្អ និងគ្មានក្លិនអាក្រក់។ ការផ្លាស់ប្តូរខោក្នុងរជារៀងប្រចាំ គឺជាជម្រើសដ៏ល្អបំផុត។

ប្រភេទសាច់ក្រណាត់នៃខោក្នុង

ទោះបីជាអ្នកធ្វើការផ្លាស់ប្តូរខោក្នុងបានទៀងទាត់ក៏ដោយ អ្នកមិនគួរជ្រើសយកក្រណាត់ដែលរឹង ឬក្រណាត់សាឡែននៅក្នុងរដូវក្តៅឡើយ។ ស្លៀកខោកប្បាសគឺជាវិធីដ៏ល្អបំផុត ដើម្បីរក្សាទ្វាមាសឲ្យស្អាតជានិច្ច។

មិនត្រូវទុកឲ្យទ្វាមាសសើម

បន្ទាប់ពីអ្នកចូលបង្គន់ អ្នកត្រូវជូតតំបន់ពិសេសឲ្យស្ងួត។ ការទុកវាឲ្យសើម អាចនឹងឆ្លងមេរោគ នាំឲ្យមានកំណើននៃផ្សិតកើតឡើង។

កុំភ្លេចនោមបន្ទាប់ពីរួមភេទ

នៅពេលដែលអ្នករួមភេទបាក់តេរីមួយចំនួនអាចឆ្លៀតឱកាសជ្រៀតចូលទៅដល់ប្លោកនោមរបស់អ្នក។ យកល្អក្រោយពេលរួមភេទគួរតែនោម ដើម្បីបញ្ចូនបាត់តេរីចេញតាមទ្វាមាសមកវិញ។

ប្រើស្រោមអនាម័យ

គន្លឹះដ៏ល្អបំផុតដើម្បីរក្សាទ្វាមាសឲ្យបានស្អាត និងមានសុខភាពល្អ អ្នកត្រូវប្រើស្រោមអនាម័យ។ វាអាចជួយរក្សាកម្រិត PH របស់ទ្វាមាស ហើយអាចជួយឲ្យបាត់តេរីមានប្រយោជន៍រស់នៅទីនេះបានដែរ។

បរិភោគអាហារ

ទឹកម្នាស់ត្រូវបានគេស្គាល់ថា អាចជួយឲ្យប្រើសើរឡើងនូវក្លិនរបស់ទឹករំអិលដែលហូរចេញតាមទ្វាមាស។ ចំណែកឯការប្រើប្រាស់ខ្ទឹមសក៏អាចជួយឲ្យសម្អាតទ្វារមាសរបស់អ្នកតាមបែបធម្មជាតិផងដែរ។

ធ្វើលំហាត់ប្រាណទ្វាមាស

ការធ្វើលំហាត់ប្រាណទ្វាមាស ក៏អាចជួយរក្សាឲ្យវាមានសុខភាពល្អផងដែរ។ នេះជាកត្តាមួយដែលជួយឲ្យប្រសើរឡើងនូវជីវិតផ្លូវភេទ។ ដូច្នេះសូមប្រើយុទ្ធិសាស្ត្រមួយនេះដើម្បីជួយឲ្យទ្វាមាសមានសុខភាពល្អ និងស្អាត។

ជៀសវាងប្រើទឹកក្រអូប

នៅពេលដែលអ្នកលាងសម្អាតទ្វាមាស សូមជៀសឲ្យឆ្ងាយពីទឹកក្រអូប។ ការធ្វើបែបនេះអាចបណ្តោលឲ្យរលាក ហើយបង្កឲ្យស្បែកនៅតំបន់នេះមានបញ្ហាផ្សេងៗ។

កុំប្រើប្រាស់ផលិតផលដែលសម្រាប់សម្អាតរាងកាយ

កុំធ្វើឲ្យមានកំហុសនៅពេលដែលលាងសម្អាតទ្វាមាសរបស់អ្នក។ ចូរប្រើប្រាស់សាប៊ូទន់ៗមកជំនួសវិញ៕

Health

This is default featured slide 1 title

This is default featured slide 2 title

This is default featured slide 3 title

This is default featured slide 4 title

This is default featured slide 5 title

Monday, November 30, 2015

វិធីសាស្រ្ដនៃការការពារធ្មេញអចិន្រ្ដៃយ៍របស់កុមារ តាំងពីកុមារមានអាយុ ៦ឆ្នាំ រហូតដល់កុមារពេញវ័យ

វិធីសាស្រ្ដនៃការការពារធ្មេញអចិន្រ្ដៃយ៍របស់កុមារ តាំងពីកុមារមានអាយុ ៦ឆ្នាំ រហូតដល់កុមារពេញវ័យ

គួរពិចារណាឡើងវិញ! ការគេងពេលថ្ងៃ ចាប់ពី ១ម៉ោងឡើងទៅ អាចធ្វើឲ្យអ្នក កើតជំងឺទឹកនោមផ្អែម

Wednesday, November 25, 2015

ហេតុអ្វី ពេលភ្ញាក់ពីគេង ត្រូវផឹកទឹកភ្លាម?

Sunday, November 22, 2015

តើអ្នកបានទទួលទឹក ត្រូវនឹងស្តង់ដាទំងន់របស់អ្នកហើយរឺនៅ? បើអ្នកមិនទាន់ដឹងទេសូមស្វែងយល់ជាមួយយើងទាំងអស់គ្នា

Tuesday, November 17, 2015

មានដឹងអត់ ការគេងបែរមកខាងឆ្វេង ផ្តល់អត្ថប្រយោជន៍សំខាន់អ្វីខ្លះដល់អ្នក

Friday, November 6, 2015

ជំងឺសុកមិនធ្លាក់៖ អ្វីដែលស្ត្រីត្រូវដឹង

តើអ្នកដឹងទេថា តើស៊ុតចំណែកស និងស៊ុតក្រហមមួយណាមានគុណប្រយោជន៍ច្រើនជាង?

Thursday, November 5, 2015

តើស្ត្រីមានផ្ទៃពោះដំបូងមិនគួរបរិភោគអ្វីខ្លះ?

គន្លឹះអស្ចារ្យ ៥យ៉ាងដើម្បីព្យាបាលសក់ស្ងួត

អាហារ ៦ ប្រភេទ ធ្វើឱ្យស្បែកមានសុខភាពល្អ និងភ្លឺថ្លា

កម្ចាត់ជាតិអាស៊ីត ចេញពីសន្លាក់ ដោយគ្រាន់តែ អនុវត្តតាមវិធីងាយៗនេះ

អាហារ ៥យ៉ាង ស្រ្ដីត្រូវទទួលទានអំឡុងពេលមានផ្ទៃពោះ

សុដន់ធ្លាក់យារ លែងជាបញ្ហាទៀតហើយ ជាមួយវិធីសាស្ត្រ ធម្មជាតិងាយៗបែបនេះ អាចជួយអ្នកបាន

Tuesday, November 3, 2015

ហេតុ ផល៥យ៉ាង អ្នកជំងឺទឹកនោមផ្អែមត្រូវពិសាផ្លែត្របែក

Monday, November 2, 2015

វិធីសាស្ត្រថែរក្សាទ្វាមាសឲ្យមានសុខភាពល្អ

Chose Language

Blog Archive

Monday, November 30, 2015

Wednesday, November 25, 2015

Sunday, November 22, 2015

Tuesday, November 17, 2015

Friday, November 6, 2015

Thursday, November 5, 2015

Tuesday, November 3, 2015

Monday, November 2, 2015

Social Profiles

Chose Language

Blog Archive