បើស្ត្រីមេផ្ទះ ចង់ទិញទឹកថ្នាំលាងបន្លែពីផ្សារ ដែលជាប្រការមួយត្រូវចំណាយប្រាក់ច្រើន យើងអាចប្រើ រូបបមន្តផ្សំធ្វើដោយខ្លួនឯងបែបសាមញ្ញងាយៗដូចខាងក្រោម។
១. រូបមន្តទឹកខ្មេះ (ជួយកាត់បន្ថយសារជាតិពុលបានដល់ ៩០ ទៅ ៩៥ភាគរយ)
ប្រើទឹកខ្មេះមួយស្លាបព្រា លាយជាមួយទឹកស្អាត ឬទឹកម៉ាស៊ីនធម្មតា ១៥ ទៅ២០ មីលីលីត្រ រួចហើយយកបន្លែមកត្រាំទុកចោល ១៥ ទៅ២០នាទី ហើយបន្ទាប់ពីនោះ យកទៅលាងទឹកពី ៣ ទៅ៤ ដងទៀតជាការស្រេច។
២. រូបមន្តអំបិល (កាត់បន្ថយសារជាតិពុលបានដល់ទៅ ៦០ ទៅ ៧០ភាគរយ)
អំបិល២ ស្រាបព្រា លាយជាមួយទឹកស្អាត ៤ទៅ ៥លីត្រ រួចហើយយកបន្លែត្រាំទុកចោល ៣០នាទី បន្ទាប់ពីនោះយកទៅលាងទឹក ៣ ទៅ៤ដងទៀត។
៣. រូបមន្តទឹកសូដ្យូមកាបូណាត (កាត់បន្ថយសារជាតិពុលដល់ ៩០ ទៅ៩៥ ភាគរយ)
យកសូដ្យូមកាបូណាតមួយស្លាបព្រា លាយជាមួយទឹកស្អាត ២០ ទៅ២៥ លីត្រ រួចត្រាំបន្លែទុកចោល ១៥ ទៅ២០នាទី ហើយយកទៅលាងជម្រះទឹក ៣ ទៅ ៤ដង មុនយកទៅចម្អិន៕
0 comments:
Post a Comment