March 2015 ~ Health

Thursday, March 26, 2015

អង្ករផ្កាម្លិះ និងចេកជួយដល់ការទទួលទានដំណេករបស់អ្នក

11:47 PM No comments

យោងតាមការសិក្សារបស់ មូលនិធិដំណេកជាតិ (NSF) បានឲ្យដឹងថា មនុស្សគួរតែទទួលទានដំណេកឲ្យបានចាប់ពី ៧ ទៅ៩ម៉ោងក្នុងមួយយប់ ក៏ប៉ុន្តែ មនុស្សភាគច្រើនអាចទទួលទានដំណេកបានជាមធ្យមត្រឹមតែ ៦ម៉ោងប៉ុណ្ណោះ។ ការទទួលទានដំណេកបានល្អនាពេលយប់ គឺមានសារសំខាន់ខ្លាំងណាស់ចំពោះសុខភាព។ វា នឹងធ្វើឲ្យអ្នកមានអារម្មណ៍ស្រស់ស្រាយ សប្បាយចិត្ត ធ្វើឲ្យខួរក្បាលដំណើរការល្អ ពង្រឹងប្រព័ន្ធភាពស៊ាំ ធ្វើឲ្យស្បែកមានពន្លឺស្រស់ថ្លា និងជួយកាត់បន្ថយហានិភ័យនៃជំងឺ លើសឈាម និងជំងឺបេះដូង។ ដោយយល់ឃើញពីផលប្រយោជន៍ទាំងនេះហើយ Cool សូមលើកយកអាហារពីរប្រភេទដើម្បីជួយដល់ការគេងរបស់លោកអ្នកដូចខាងក្រោម៖

១. អង្ករផ្កាម្លិះ

បើតាមការស្រាវជ្រាវមួយដែលបានចុះផ្សាយនៅក្នុង ទិន្និនុប្បវត្តសហរដ្ឋអាមេរីកនៃអាហារបំប៉ន (Aamerican Journal of Clinical Nutrition) បានរកឃើញថា មនុស្សដែលទទួលទានអង្ករផ្កាម្លិះសម្រាប់អាហារពេលល្ងាច នឹងទទួលទានដំណេកលឿនជាងអ្នកដែលទទួលទានអង្ករដទៃផ្សេងទៀត។ ការណ៍នេះ គឺដោយសារតែ អង្ករផ្កា ម្លិះមានកម្រិតគ្លីសេមិក (Glycemic) ខ្ពស់ មានន័យថា រាងកាយរបស់យើងរំលាយវាដោយល្បឿនយឺត ដោយធ្វើការបញ្ចេញជាតិ គ្លុយកូស តៗគ្នាទៅកាន់ចរន្តឈាម។ លើសពីនេះទៀត អង្ករផ្កាម្លិះ ក៏ជួយពន្លឿនផលិតផល ត្រាយតូផន (Tryptophan) និងសេរូតូនីន (Serotonin) នៅក្នុងឈាម ដែលអាចជួយដល់ការដេកលក់បានល្អថែមទៀត។

២. ចេក

ផ្លែចេក មានឱសថបន្ធូរការកន្ត្រាក់សាច់ដុំតាមបែបធម្មជាតិ មានម៉ាញ៉េស្យូម និងប៉ូតាស្យូម ដែលទាំងអស់នេះ ហើយជួយឲ្យការទទួលទានដំណេកបានល្អ។ ផ្លែចេក ក៏ជាប្រភពដ៏ល្អនៃវីតាមីនB6 ដែលរាងកាយត្រូវការដើម្បី បង្កើននូវការជំរុញការទទួលទានដំណេកបានលឿន។ លើសពីនេះទៀត កាបូនអ៊ីដ្រាតខ្ពស់ដែលមានក្នុងផ្លែចេក និងជួយអ្នកឲ្យកាន់តែងងុយដេកថែមទៀត។ បើនិយាយពីរបៀបនៃការទទួលទានចេកវិញនោះ គឺអ្នកត្រូវលាយ ចេកទុំមួយផ្លែជាមួយនឹងទឹកដោះគោមួយពែង ដោយធ្វើការលាយចូលគ្នាឲ្យម៉ត់ រួចហើយអ្នកទទួលទានវាឲ្យបាន យ៉ាងហោចណាស់មួយម៉ោងមុនពេលចូលដំណេក៕

ប្រែសម្រួល៖ អនត្តា
top10homeremedies

សាកឱសថទិព្វ៩យ៉ាងនេះនឹងអាចជួយឲ្យអ្នកក្រោកពីព្រលឹមបានដោយជោគជ័យ

11:46 PM No comments

មនុស្សភាគច្រើនសព្វថ្ងៃគឺ មានការខ្លាច រឺបើនិយាយឲ្យសាមញ្ញទៅគឺ ខ្ជឹលក្រោកពីព្រលឹមតែម្ដង ។ បើទោះបីជាពួកគេដឹងថា ការក្រោកពីព្រលឹមពិតជាផ្ដល់នូវអត្ថប្រយោជន៍ច្រើនដល់ពួកគេក៏ដោយ ។ តើនេះបណ្ដាលមកពីបញ្ហាអ្វីទៅ ? ពិតណាស់ គឺពួកគេគ្មាន រឺមិនអាចអនុវត្តវិធីនោះឲ្យមានប្រសិទ្ធភាព ។ ពេលខ្លះទៅ អ្នកដែលគេងទ្រមក់គឺភាគច្រើនបណ្ដាលមកពី ការបំពេញការងារច្រើនម៉ោងពេក នៅដល់យប់ជ្រៅពេក រឺក៏អ្នកខ្លះគេចូលចិត្តគេងច្រើនម៉ោងអិញ្ចឹងតែម្ដង ។ ប៉ុន្តែក៏មានបុគ្គលជាច្រើនទៀតដែរ ដែលពួកគេគឺជាជំពូកមនុស្សដែល មានការរលឹកខ្ពស់ គឺបានន័យថា ពួកគេអាចដាស់តឿនខ្លួនឯងឲ្យក្រោកភ្លាមៗបានដោយស្វ័យប្រវត្តិតែម្ដង ដោយមិនត្រូវការដាក់ម៉ោងរោទិ៍អ្វីទេ ។

ដូច្នេះថ្ងៃនេះ Cool នឹងណែនាំប្រិយមិត្តមកស្វែងយល់អំពី វិធីទាំង ៩ ដែលអាចជួយប្រិយមិត្តឲ្យក្រោកពីព្រលឹមបានដោយជោគជ័យ ប្រសិនជាប្រិយមិត្តពិតជាអនុវត្តវាឲ្យបានល្អ ៖

ទី១. អានសៀវភៅ រឺអត្ថបទដែលអ្នកចូលចិត្តអាន

ការចំណាយពេលអានអក្សររយៈពេល 30នាទីនឹងជួយឲ្យអ្នកអាចគេងបានយ៉ាងស្រួល ។

ទី២. កុំពិសារអាហារ រឺភេសជ្ជៈណាដែលមានជាតិអាល់កុល រឺកាហ្វេអ៊ីន

ការបរិភោគអាហារ រឺពិសារភេសជ្ជៈមុនពេលចូលគេងគឺ ជាទម្លាប់អាក្រក់មួយដែលបំផ្លាញដល់ដំណេកដ៏ស្កប់ស្កល់របស់អ្នក ។ ពេលដែលអ្នកបរិភោគអាហារមុនពេលចូលគេង ពេលនោះក្រពះរបស់អ្នកនឹងធ្វើការ ហើយវានឹងធ្វើឲ្យបេះដូងរបស់អ្នកមានកម្ដៅ រីឯការពិសារជាតិស្រវឹងមុនពេលចូលគេងវិញ ពិតណាស់គឺអ្នកងាយនឹងគេងលក់ ប៉ុន្តែពេលដល់ពាក់កណ្ដាលរាត្រីវានឹងរំខានអ្នកឲ្យងាកក្រោក ងាកដឹងខ្លួនតែម្ដង ។

ទី៣. ទុកសម្ភារៈអេឡិចត្រូនិកឲ្យឆ្ងាយពីខ្លួនរបស់អ្នក

សូមទុកគ្រឿងអេឡិចត្រូនិកដូចជា ទូរសព្ទ័ដៃ កុំព្យូទ័រ ជាដើមឲ្យនៅឆ្ងាយពីដំណេករបស់អ្នក ព្រោះថាមពលពន្លឺនៃឧបករណ៍ទាំងនោះ វានឹងបញ្ឆោតសារពាង្គកាយរបស់អ្នក ឲ្យយល់ថាជាពន្លឺព្រះអាទិត្យ ហើយវានឹងធ្វើឲ្យខួរក្បាលរបស់អ្នកបញ្ឈប់ការផលិតអ័រម៉ូនម៉្យាងហៅថា (អ័រម៉ូនMelatonin)ដែលវាជួយឲ្យយើងបានគេងលក់ស្កប់ស្កល់នៅពេលរាត្រី ។

ទី៤. បង្ហើយកិច្ចការរវល់ រឺស្មុគស្មាញទាំងប៉ុន្មាននៅពេលព្រឹកឲ្យអស់

ចំណុចនេះវានឹងជួយឲ្យអ្នកបានទទួលនូវថាមពលបែបស្រស់ស្រាយ មិនវិលវល់នឹងរឿងដែលនៅសេសល់ រឺស្មុគស្មាញទាំងឡាយក្នុងពេលដែលអ្នកចូលដំណេក ។

ទី៥. រៀបចំអាហារពេលព្រឹកឲ្យបានស្រេចបាច់

គ្រាន់តែនឹកឃើញអាហារពេលព្រឹក មុនពេលចូល រឺក៏ជិតក្រោកពីដំណេកនោះវានឹងធ្វើឲ្យអ្នកបានប្រាប់ខ្លួនឯងថា “ ខ្ញុំដល់ម៉ោងត្រូវក្រោករៀបចំអាហារពេលព្រឹកហើយ ” ។ ចំណុចនេះវានឹងធ្វើឲ្យអ្នកត្រូវក្រោកពីព្រលឹមឲ្យទាល់តែបាន ។ ព្រោះបើអ្នកមិនក្រោកទេ អ្នក រឺម្ដាយ-ឪពុកក្មេក ស្មាមី កូនៗ រឺភរិយា រឺរបរលក់អាហារពេលព្រឹករបស់អ្នកនឹងត្រូវអាក់ខានជាមិនខាន ហើយពេលនោះភាពស្ដាយក្រោយនឹងកើតមានឡើង ។

ទី៦. ធ្វើលំហាត់ប្រាណ

វាមិនចាំបាច់ទាល់តែក្រោកឡើងភ្លាមៗ រឺធ្វើជាប្រញឹកប្រញ៉ាប់ ដើម្បីឲ្យរាងកាយរបស់អ្នកភ្ញាក់រលឹក ដឹងខ្លួននោះទេ អ្នកគ្រាន់តែធ្វើលំហាត់ប្រាណសម្រួលសរសៃ គ្រវីដៃ-ជើង ក ពី5-10នាទីទៅបានហើយ ។

ទី៧. កុំភ្លេចពិសារទឹក មួយ ទៅពីរកែវ

ការពិសារទឹក មួយទៅពីរកែវជារៀងរាល់ព្រឹកព្រលឹមបន្ទាប់ពីក្រោកពីដំណេក វានឹងជួយបំពេញនូវភាពខ្វះខាតជាតិអស់រយៈពេលពេញមួយយប់ តាមរយៈការបែកញើស ចំហាយដង្ហើម រឺការបន្ទោរបង់ជាដើម ។

ទី៨. ដាក់នាឡិការោទិ៍ចល័ត

អ្នកគួរតែដាក់នាឡិការោទិ៍ចល័ត មួយថ្ងៃម្ដងៗ ក្នុងបន្ទប់គេងរបស់អ្នក ហើយចូរកុំរំខានការគេងនៅពេលថ្ងៃមួយស្របក់ៗឲ្យសោះ ព្រោះការគេងពេលថ្ងៃគឺជារឿងដែលអ្នកមិនអាចខានបានឡើយ ហើយវាពិតជាមានទំនាក់ទំនងយ៉ាងស៊ីជម្រៅទៅនឹងការគេងពេលយប់ ។

ទី៩. ទទួលពន្លឺព្រះអាទិត្យ

ធ្វើយ៉ាងណាក៏ដោយ អ្នកត្រូវប្រាកដថា ជារាងរាល់ព្រឹកបន្ទប់ រឺក៏ទីតាំងដំណេករបស់អ្នកត្រូវតែផ្សាភ្ជាប់ទៅនឹងពន្លឺព្រះអាទិ្យជានិច្ច ប្រសិនបើអ្នកចង់ទម្លាប់ក្រោកពីព្រលឹម ។ វាក៏ស្រដៀងទៅនឹងចំណុចទីបីដែរ ព្រោះកាលណាទ្វារវិញ្ញាណទាំងប្រាំរបស់អ្នក បានពាល់ទៅនឹងពន្លឺហើយ មិនថាជាពន្លឺអ្វីទេ នោះវានឹងធ្វើឲ្យខួរក្បាលរបស់អ្នកត្រូវបញ្ឈប់ការផលិត អ័រម៉ូន Melatonin ដោយស្វ័យប្រវត្តិ ពេលនោះបំណងចង់ក្រោកពីព្រឹកព្រលឹមរបស់អ្នកគឺពិតជាមានលទ្ធផលជាពុំខានឡើយ៕

អាហារ៩ប្រភេទនេះអាចបណ្ដាលឲ្យអ្នកចាស់មុនអាយុ

11:43 PM No comments

ថ្ងៃនេះ CooL សូមលើកយកនូវការស្រាវជ្រាវថ្មីរបស់ក្រុមអ្នកវិទ្យាសាស្រ្តសុខាភិបាលនៅជុំវិញពិភពលោក ទាក់ទងទៅនឹងអាហារទាំង៩មុខ សុទ្ធសឹងតែជាប្រភេទអាហារដែលជម្រុញដល់អ្នក ឲ្យទទួលបាននូវភាពចាស់មុនអាយុ ។ ហើយអាហារទាំងនេះ គឺភាគច្រើនកំពុងតែពេញនិយមចំពោះបណ្ដាអ្នកប្រើប្រាស់ទាំងឡាយ ។

ខាងក្រោមនេះ គឺជាប្រភេទអាហារទាំង៩ មុខដែលអាចធ្វើឲ្យអ្នកចាប់ផ្ដើមស្វែងយល់ដោយខ្លួនឯង ថាតើអាហារប្រភេទមួយណាដែលអ្នកកំពុង ទទួលទានស្ទើរតែរាល់ថ្ងៃ៖ តើអ្នកគួរតែបន្តវាទៀត ឬក៏យ៉ាងណា?

1/. ស្ករ ( Sugar )

ការទទួលទានជាតិស្ករច្រើនពេក វាអាចបណ្ដាលឲ្យសារជាតិទាំងនោះជ្រាបចូលទៅក្នុងសរសៃទឹកប្រូតេអ៊ីន ឬសរសៃខ្ចី (Collegen) ដែលអាចធ្វើឲ្យស្បែករបស់អ្នកតឹងណែន ឬអាចឈានទៅរកភាពធាត់បានដោយងាយ ។

2/. អាហារដែលសម្បូណ៌ដោយជាតិខ្លាញ់ (Trans fats)

ការបរិភោគអាហារដែលមានជាតិខ្លាញ់ច្រើនហួសកម្រិត វាក៏ស្រដៀងទៅនឹងការបរិភោគអាហារដែលមានជាតិស្ករច្រើនដែរ ដោយវាអាចធ្វើឲ្យសរសៃឈាមក្រហម និងសរសៃឈាមតូចៗងាយនឹងស្ទះដោយសារតែកំណកជាតិខ្លាញ់នៅក្នុងសរសៃឈាម ។

3/. អាហារដែលប្រៃ (Salt)

ការបរិភោគអាហារដែលសម្បូណ៌ដោយជាតិប្រៃច្រើន គឺវាអាចបណ្ដាលឲ្យរាងកាយរបស់អ្នកខ្សោះជាតិទឹក (dehydrate) និងធ្វើឲ្យអ្នក ក្លាយជាមនុស្សដែលងាយនឹង អស់កម្លាំង ល្ហិតល្ហៃ ជាដើម។

4/. ស្ករផ្អែម

ជាតិផ្អែមដែលមាននៅក្នុងស្ករគ្រាប់ដូចជា ស្ករសូកូឡា ជាដើម វាអាចបណ្ដាលឲ្យស្បែករបស់អ្នកងាយទទួលរងនូវការរលាក ឡើងក្រហម ប្រែពណ៌ និងងាយជ្រីវជ្រួញទៀតផង ។

5/. អាហារដែលមានសារធាតុកាបូហាយដ្រេត (Carbohydrates)

យោងតាមសារពត៌មាន WebMD បានឲ្យដឹងថា ការទទួលទានអាហារដែលផ្ទុកច្រើនដោយសារធាតុ កាបូហាយដ្រេត មានជាអាទិ ដូចជា នំប៉័ងជាដើម វាអាចបំផ្លាញសរសៃទឹកប្រូតេអ៊ីន ឬជាតិសរសៃនៅក្នុងស្បែករបស់របស់អ្នកបានដោយងាយ ។

6/. កាហ្វេ Coffee

កាហ្វេ និងផលិតផល ឬភេសជ្ជៈផ្សេងទៀតដែលមានជាតិកាហ្វេអ៊ីនច្រើន ក៏អាចជម្រុញឲ្យអ្នកខ្សោះជាតិទឹកពីក្នុងខ្លួន និងធ្វើឲ្យអ្នកងាយនឹងនឿយហត់ អស់កម្លាំងផងដែរ ។

7/. ភេសជ្ជៈប៉ូវកម្លាំង (Energy drinks)

ការទទួលទានភេសជ្ជៈប៉ូវកម្លាំង គឺវាអាចធ្វើឲ្យអញ្ចាញធ្មេញរបស់អ្នកងាយនឹងទ្រុឌទ្រោម ប្រាំបីដងបើធៀបទៅនឹងការទទួលទានភេសជ្ជៈសូដា ។ ម៉្យាងទៀត វាធ្វើឲ្យអញ្ចាញធ្មេញរបស់អ្នកងាយនឹងឡើងពណ៌លឿងទៀងផង ។

8/. អាហារបំពង ឬចៀន (Fried foods)

អាហារជំពូកនេះ ក៏បណ្ដាលឲ្យអ្នកងាយនឹងទទួលនូវភាពជ្រីវជ្រួញមុនអាយុផងដែរ ព្រោះកាលណាអ្នកបរិភោគវាជាញឹកញាប់ពេក វានឹងផ្ដល់មកនូវការខូច ឬខ្ទេចខ្ទាំសរសៃទឹកប្រូតេអ៊ីននៅក្នុងស្បែករបស់អ្នក ។

9/. សុរា (Alcohol drinks)

ការពិសារសុរា វាមិនត្រឹមតែបំផ្លាញស្រទាប់កោសិកាខួរក្បាលរបស់អ្នកឲ្យទទួលនូវភាពស្ពឹកស្រពន់ប៉ុណ្ណោះទេ លើសពីនេះទៅទៀត វាថែមទាំងធ្វើឲ្យអ្នកងាយនឹងចាស់ទៀតផង ។

សរុបសេចក្ដីមក ដើម្បីទទួលបាននូវសុខុមាលភាពល្អ អ្នកមិនគួរបរិភោគអាហារទៅតាមចិត្តចង់របស់អ្នកឡើយ ប៉ុន្តែប្រការដែលសំខាន់ គឺអ្នកគួរតែស្វែងរកអាហារណាដែលផ្ដល់នូវសារធាតុចិញ្ចឹមគ្រប់គ្រាន់ និងមិនបំផ្លាញដល់សារពាង្គកាយរបស់អ្នក ។

11:43 PM No comments

វាពិតជាមានការពេញនិយមជាខ្លាំង សម្រាប់ប្រជាជនជប៉ុន ក្នុងការទទួលទានទឹកជារៀងរាល់ថ្ងៃ ភ្លាមៗបន្ទាប់ពីក្រោកពីដំណេក ។ លើសពីនេះទៅទៀត អ្នកវិទ្យាសាស្រ្តផ្នែកសុខាភិបាលជាច្រើន ក៏បានអះអាងដូចៗគ្នាផងដែរថា ការទទួលទានទឹក ជារៀងរាល់ព្រឹកបន្ទាប់ពីក្រោកពីដំណេក គឺអាចផ្ដល់ដល់អ្នកនូវសុខុមាលភាពល្អ និងទប់ស្កាត់នូវការយារយីពីមេរោគ ឬជំងឺជាច្រើន ។ សម្រាប់ជំងឺចាស់គំរឹល ជំងឺកាចៗ ឬជំងឺថ្មីៗជាច្រើន ទឹកគឺជាឱសថដ៏មានសក្ដានុពលយ៉ាងខ្លាំង ក្នុងការព្យាបាលជំងឺមួយចំនួនដូចខាងក្រោមនេះ៖

ឈឺក្បាល (Headache)

ឈឺចុកចាប់រៀងកាយ ឬសាច់ដុំ (Body ache)

ជំងឺទាក់ទងនឹងប្រព័ន្ធបេះដូង (Heart system)

បេះដូងលោតញាប់ខុសចង្វាក់ (Fast heart beat)

ជំងឺរលាកសន្លាក់ (Arthritis)

ជំងឺស្កន់ ឬឆ្កួតជ្រូក (Epilepsy)

ធាត់ហួសកម្រិត (Excess fatness)

ជំងឺហឺតរលាកទងសួត (Bronchitis Asthma)

ជំងឺរបេង (TB)

ជំងឺរលាកស្រោមខួរ (Meningitis)

ជំងឺតម្រងនោម និងទឹកនោម (Kidney and urine disease)

ជំងឺរលាកក្រពះ (Gastritis)

ការក្អួតចង្អោរ (Vomiting)

ជំងឺរាគរូស (Diarrhea)

ជំងឺរលាកច្រមុះ (Piles)

ជំងឺទឹកនោមផ្អែម (Diabetes)

ជំងឺទល់លាមក (Constipation)

ជំងឺភ្នែក (All eye diseases)

ជំងឺទាំកទងនឹងស្បូន (Womb)

ជំងឺមហារីក និងជំងឺដែលទាក់ទងនឹងការមករដូវ (Cancer and Menstrual disorders)

ជំងឺភ្នែក ច្រមុះ ត្រចៀក និងបំពង់ក (Ear nose and throat diseases)

ខាងក្រោមនេះគឺជា វិធីសាស្ត្រក្នុងការព្យាបាល៖

១/. ក្រោកពីដំណេកភ្លាម អ្នកគួរពិសារទឹក ៤កែវ/ចំណុះ១៦០ml ជារៀងរាល់ព្រឹក មុននឹងដុសធ្មេញ

២/. បន្ទាប់មក ដុសធ្មេញ ប៉ុន្តែកុំទាន់បរិភោគអាហារ ឬចំណីរយៈពេល ៤៥នាទី

៣/. ក្រោយពី៤៥នាទីបន្ទាប់ អ្នកអាចចាប់ផ្ដើម បរិភោគអាហារបានតាមធម្មតា

៤/. បន្ទាប់ពី១៥នាទី ក្រោយពេលបរិភោគអាហារពេលព្រឹក ថ្ងៃត្រង់ និងល្ងាច អ្នកគួរផ្អាកការទទួលទានទឹក ឬចំណី អាហាររយៈពេល ២ម៉ោងសិន ។

៥/. ចំពោះអ្នកជម្ងឺ អ្នកមានវ័យចំណាស់ ឬអ្នកដែលមិនអាចទទួលទានទឹកបានច្រើនក្នុងពេលតែមួយ អ្នកអាចចាប់ផ្ដើមពិសារទឹកម្ដងមួយចេបៗ ធ្វើយ៉ាងណា អ្នកត្រូវកំណត់ខ្លួនឯងថា ក្នុងមួយថ្ងៃអ្នកត្រូវពិសារទឹក ឲ្យបានយ៉ាងតិច ៤ទៅ៥កែវ តាមដែលអាចធ្វើទៅបាន ។

ការពិសារទឹកជារៀងរាល់ព្រឹកមុនពេលដុសធ្មេញ គឺមិនត្រឹមតែជួយដល់អ្នក ឲ្យទទួលបាននូវសុខុមាលភាពល្អនោះទេ លើសពីនេះទៅទៀត វាថែមទាំងជួយដល់អ្នកឲ្យជៀសផុតពីជំងឺតម្កាត់នានា បានយ៉ាងមានល្អប្រសើរផងដែរ ។

អាហារទាំង៨ប្រភេទនេះ អាចជួយការពារនិងព្យាបាលរោគថ្លើម

11:40 PM No comments

ជំងឺថ្លើម គឺជាប្រភេទជំងឺដែលសម្លាប់មនុស្សដោយមិនដឹងខ្លួន។ អ្នកជំងឺថ្លើម ជាទូទៅមិនដឹងខ្លួនថាមានផ្ទុករោគថ្លើមឡើយ ហើយអ្នកដែលមានជំងឺថ្លើមក្នុងដំណាក់កាលដំបូង មានសុខភាពធម្មតា។ ជំងឺថ្លើមនេះទៀតសោត គឺងាយនឹងឆ្លងណាស់។ វាឆ្លងតាមរយៈការទទួលទានអាហារជាមួយអ្នកមានផ្ទុកមេរោគថ្លើមដោយកង្វះអនាម័យ។ ទន្ទឹមនឹងនេះដែរ មានអាហារមួយចំនួនក៏អាចជួយព្យាបាល និងការ ពារពីមេរោគថ្លើមផងដែរ ប៉ុន្តែអ្នកត្រូវចាំថា ប្រសិនបើអ្នកមានផ្ទុកមេរោគថ្លើម អ្នកត្រូវតែទៅប្រឹក្សាជាមួយគ្រូពេទ្យជំនាញដោយខានពុំបាន។ ខាងក្រោមនេះគឺជាអាហារមួយចំនួនដែលអាចជួយការពារ និងព្យាបាលមេរោគថ្លើម៖

1. ក្រូចថ្លុង

វិធីក្នុងការទទួលទានក្រូចថ្លុង គឺអ្នកត្រូវទទួលទានទឹកវាមួយថ្ងៃឲ្យបាន2កែវ ព្រោះវាជួយលាងថ្លើមបានល្អណាស់។

2. ប៉េងប៉ោះ

ផ្លែឈឺដែលមានពណ៍ស្រស់ដូចជាប៉េងប៉ោះនេះ អាចជួយសំអាតថ្លើមបានយ៉ាងល្អប្រសើរ។

3. ផ្កាស្ពៃ

ផ្កាស្ពៃ អាចជួយកំចាត់ពិសនៅក្នុងថ្លើមបាន ដូច្នេះអ្នកគួរទទួលទានវាឲ្យបានច្រើន។

4. ខ្ទឹមស

ខ្ទឹមស ជួយកំចាត់សារជាតិអាក្រក់នៅក្នុងខ្លួន ជាពិសេសទៀតនោះ វាជួយទប់ស្កាត់មិនឲ្យមានរោគម្រិញក្នុងថ្លើម។

5. ក្រូច

ផ្លែឈើប្រភេទដូចជាក្រូចនេះ ក៏អាចជួយលាងថ្លើមបានល្អផងដែរ។

6 .ស្ពៃក្តោបតូច

ការទទួលទានស្ពៃក្តោបតូច គឺមានសារសំខាន់ខ្លាំងណាស់ចំពោះសុខភាពថ្លើមរបស់អ្នក ព្រោះវាជួយកំចាត់ជាតិពិសនៅក្នុងថ្លើម។

7 .សណ្តែកគ្រប់មុខ

ការទទួលអានអាហារប្រភេទដូចជាសណ្តែកនេះ នឹងអាចជួយមិនឲ្យមានជាតិផ្អែមច្រើននៅក្នុងខ្លួនហើយវាក៏មាននាទីការពារឈាមក្រហមមិនឲ្យឈាមសមកស៊ីបានថែមទៀត។

8 .ខ្ទឹមបារាំង

ការទទួលទានខ្ទឹមបារាំងឲ្យបានសមល្មម នឹងធ្វើឲ្យសុខភាពកាន់តែល្អ ប៉ុន្តែចូរកុំទទួលទានច្រើនពេក។ បន្ថែមពីនេះទៀត ខ្ទឹមបារាំង ក៏ជួយលាងពិសបានល្អផងដែរ៕

សំដីអ្វីខ្លះ ដែលអ្នកគួរតែនិយាយទៅកូនរបស់អ្នក ជារៀងរាល់ថ្ងៃ?

10:45 AM No comments

ខាងក្រោមនេះ គឺជាឃ្លាមួយចំនួនដ៏ល្អបំផុត សម្រាប់ប្រើជាមួយកូនជាទីស្រលាញ់របស់អ្នក។
1.    ម៉ាក់ប៉ា ស្រឡាញ់កូន
ពាក្យទាំងនេះ ធ្វើឱ្យកុមារមានអារម្មណ៍ថា អ្នកពិតជាស្រឡាញ់ពួកគេ ហើយត្រូវធ្វើឱ្យពួកគេប្រាកដថាទោះមានបញ្ហាអ្វីកើតឡើងក៏ដោយ ក៏អ្នកនឹងមិនបញ្ឈប់ការស្រឡាញ់ ចំពោះពួកគេបានដែរ។
2.    កូនបានធ្វើឱ្យម៉ាក់ប៉ា សប្បាយចិត្តខ្លាំងណាស់
កុមារ គឺជាប្រភពនៃសុភមង្គល និងក្ដីស្រឡាញ់មិនចេះរីងស្ងួត។ វាជាការសំខាន់ណាស់ដែលអ្នកត្រូវប្រាប់គេជារៀងរាល់ថ្ងៃ ទោះបីវាមិនមែនជាការពិតក៏ដោយ ហើយមិនត្រូវរង់ចាំរហូតដល់ពួកគេបញ្ចប់ការសិក្សា ឬរៀបការនោះទេ។
3.    កូន គឺជាមនុស្សពិសេសខ្លាំងណាស់
វាជាការសំខាន់ណាស់ ដែលធ្វើឱ្យកុមារយល់ថា គេមានលក្ខណៈល្អខុសប្លែកពីគេ ហើយមានតែមួយគត់និងមានលក្ខណៈពិសេសផងដែរ ព្រោះវាអាចធ្វើឱ្យគេព្យាយាមកំណត់គោលដៅដ៏ល្អបំផុត ដែលមិនធ្លាប់មានពីមុនមក។
4.    ម៉ាក់ប៉ាចូលចិត្តវា នៅពេលដែលកូន ...
មនុស្សគ្រប់គ្នានឹងរីករាយ នៅពេលដឹងថា អ្វីដែលពួកគេធ្វើបាន អាចធ្វើឱ្យមនុស្សផ្សេងទៀតសប្បាយចិត្ត ជាពិសេស ចំពោះកុមារ។ ដូច្នោះ អ្នកត្រូវយកពេលវេលាទាំងនោះ ដើម្បីចង្អុលបង្ហាញអំពីទិដ្ឋភាពវិជ្ជមានដូចជាឥរិយាបថ អាកប្បកិរិយា សប្បុរស ទេពកោសល្យ គំនិតដែលគួរឱ្យអស់សំណើច ឬការសម្តែងនៅសាលារៀន។
5.    ម៉ាក់ប៉ា ជឿជាក់លើកូន
កុមារនឹងកើតមានអារម្មណ៍ថា មានសេចក្តីទុកចិត្ត នៅពេលគេដឹងថា អ្នកបានជឿទុកចិត្តលើពួកគេនោះ។ អ្នកត្រូវប្រាប់កូនអ្នកថា អ្នកជឿទុកចិត្ត និងគោរពសេចក្តីសម្រេចចិត្តរបស់ពួកគេ។
6.    ម៉ាក់ប៉ាដឹងថា កូនអាចធ្វើបាន
កុមារនឹងព្យាយាមធ្វើអ្វីមួយ ឱ្យបានសម្រេចនៅពេលពួកគេទទួលបានការលើកទឹកចិត្ត នៅក្នុងការរក្សាការព្យាយាម និងការជឿជាក់លើពួកគេនោះ៕

ស្រ្តីគួរតែអាន ៖ របៀបទាញ សុដន់អ្នក ឱ្យខ្ពស់

12:42 AM No comments

ការមានសុដន់ធំ មិនប្រាកដថាស្អាតនោះទេ ព្រោះអ្នកខ្លះ មានដើមទ្រូងមិនសូវខ្ពស់ទេ ធ្វើឱ្យពេលដែលស្លៀកពាក់ខោអាវ គឺមិនស្អាតឡើយ។ ខាងក្រោមនេះ យើងខ្ញុំនឹងបង្រៀនអ្នក ឱ្យទាញដើមទ្រូងឡើងលើ។ ចលនានេះ គឺងាយស្រួលណាស់ បើអ្នកមានចិត្តអំនត់ធ្វើ អ្នកនឹងទទួលបានដើមទ្រូងដែលស្អាត។
1.    អ្នកត្រូវឈរឱ្យត្រង់ បន្ទាប់មក លើកដៃខាងស្តាំឡើងទៅលើ ហើយជើងស្តាំឈរឱ្យត្រង់។
2.    ក្រោយពេលធ្វើ ៥ នាទី អ្នកត្រូវប្តូរដៃ និងជើងឆ្វេងម្តង ហើយត្រូវតែចាំថា ត្រូវតែឈរឱ្យត្រង់។
3.    ត្រូវធ្វើចលនានេះខាងស្តាំ ៥ ដង និងខាងឆ្វេង ៥ ដង។
4.    អ្នកក៏អាចធ្វើចលនាទាំងនេះពី ៨ ទៅ ១០ ដងដែរ៕

វិធីកំចាត់មូសចង្រៃតាមបែបធម្មជាតិដែលលោកអ្នកមិនធ្លាប់ដឹង!

12:38 AM No comments

ថ្ងៃ ចន្ទ ទី ១៦ ខែ មីនា ឆ្នាំ ២០១៥ ម៉ោង ០៨:៣២

មូសតែងតែរំខានដល់ការរស់នៅរបស់មនុស្ស។ វាជាសត្វដែលអាចចំលងជំងឺផ្សេងៗ ជាពិសេស គឺ ជំងឺគ្រុនឈាម ដែលឪពុកម្តាយតែងតែ មានការព្រយបារម្ភចំពោះកូនតូចៗ។ ប៉ុន្តែ ប្រសិនបើអ្នកចង់កំចាត់វានោះ វាមិនមែនជារឿងដែលលំបាកនោះទេ។

អ្វីដែលអ្នកត្រូវធ្វើដំបូងនោះ គឺ លុបថ្លុក និងប្រមូលសំបកកង់ឡាន រឺសំបកកំប៉ុងចាស់ៗ ដែលអាចដក់ទឹកនៅជុំវិញផ្ទះរបស់អ្នកយកទៅកប់ចោល។ ក្រៅពីនេះអ្នកអាចប្រើវិធីផ្សេងៗទៀតដូចជា ប្រើខ្ទឹមស រឺខ្ទឹមបារាំង ព្រោះវាមានប្រសិទ្ឋភាពក្នុងការកំចាត់សត្វមូសចង្រៃនេះណាស់។

អ្នកគ្រាន់តែលាយទឹកខ្ទឹម (ខ្ទឹមបុក រឺកិនហើយច្របាច់យកទឹក) ជាមួយទឹកធម្មតា (ខ្ទឹម១កំពិសធំលាយជាមួយទឹកមួយពែង) កូរឲ្យសព្វ ហើយចាក់ចូលទៅក្នុងដបស្រ្ពាយ រួចបាញ់នៅជុំវិញផ្ទះរបស់អ្នក រឺក៏កន្លែងដែលកូនរបស់អ្នកលេង ក៏ដូចជាកន្លែងអ្នកអង្គុយ។ អ្នកក៏អាចប្រើវាលាប ទៅលើស្បែករបស់អ្នកផងដែរ (វាមានប្រសិទ្ឋភាពរហូតដល់ ៦ ម៉ោង)។

ក្រៅពីខ្ទឹម អ្នកក៏អាចប្រើស្លឹកគ្រៃ និងសំបកក្រូចផងដែរ។ ដុតស្លឹកគ្រៃក្រៀម រឺសំបកក្រូចក្រៀម ក្នុងក្អមមួយ ដើម្បីយកផ្សែង ដេញមូស។ វាមានប្រសិទ្ឋភាពដូចគ្នា ព្រោះក្លិនឈួលរបស់វា ធ្វើអោយមូសខ្លាចមិនហ៊ានចូលជិត។ អ្នកនឹងរស់នៅដោយមានសេចក្តីខសាន្ត និងអស់បារម្ភអំពីការកើតជំងឺគ្រុនឈាម លើកូនតូចៗរបស់អ្នក។

របៀបងាយៗជួយអោយធ្មេញស

12:11 AM No comments

របៀបបំបាត់ការឈឺក្បាល

12:10 AM No comments

អាហារ ដែលអាចកាត់បន្ថយ ជាតិកូឡេស្តេរ៉ូល

12:03 AM No comments

របៀបហាត់ ហែលទឹកសេរី

12:00 AM No comments

វិធីថែរក្សាសុខភាពខួរក្បាលរបស់អ្នក

11:59 PM No comments

ផឹកទឹករបៀបណា ដើម្បីសម្រកទម្ងន់?

11:57 PM No comments

ទម្លាប់មិនល្អ អាចបំផ្លាញសម្ជស្សអ្នកដោយងាយ

11:42 PM No comments

តើអ្នកជឿទេថា ទម្លាប់អាក្រក់ ពិតជាអាចបំផ្លាញសម្រស់អ្នកបាន? ចម្លើយនៃសំនួរនេះ គឺបាន ហើយថែមទាំងបាន យ៉ាងងាយទៀតផង។ ដូចនេះ អ្នកត្រូវតែចេះកែចោលទម្លាប់អាក្រក់ខាងក្រោមនេះ ឱ្យអស់ទើបបាន។
1.    មិនត្រូវគេងផ្កាប់ទេ ជាពិសេស អ្នកដែលធ្វើការ ចូលចិត្តគេងផ្កាប់លើតុណាស់ នេះជាទង្វើដែលធ្វើឱ្យអ្នក ឆាប់មានស្នាមជ្រីវជ្រួញខ្លាំងណាស់។
2.    មិនត្រូវអង្គុយយូរពេកទេ ព្រោះវាមិនត្រឹមតែអាចបំផ្លាញសម្ជស្សអ្នក ហើយថែមទាំងអាចប៉ះពាល់ដល់បេះដូង និងក្រពះទៀតផង ហើយអាចធ្វើឱ្យអ្នកធាត់ថែមទៀត។
3.    ការគេងមិនគ្រប់ ៨ ម៉ោង ក៏ធ្វើឱ្យអ្នកឆាប់ចាស់ ហើយថែមទាំងមានស្នាមខ្មៅនៅជុំវិញភ្នែក និងមានស្នាមជ្រួញទៀតផង។
4.    ការអង្គុយមើលទូរទស្សន៍យូរ ក៏ជាមូលហេតុមួយដែរ ព្រោះនៅពេលដែលអ្នកអង្គុយយូរ ហើយមិនធ្វើចលនា នោះអ្នកនឹងឡើងទម្ងន់ជាមិនខាន។
5.    ការចូលចិត្តផឹកទឹកក្រូច វាមិនត្រឹមតែធ្វើឱ្យអ្នកឡើងទម្ងន់ ហើយថែមទាំងអាចធ្វើឱ្យកោសិកាអ្នកឆាប់ចាស់ និងងាយកើតសក់សទៀតផង។
6.    សម្ពាធការងារច្រើន ធ្វើឱ្យមនុស្សឆាប់ចាស់បំផុត។ ដូចនេះ អ្នកត្រូវតែចេះបន្ធូរអារម្មណ៍ ទើបល្អចំពោះអ្នក៕

សារៈសំខាន់នៃ ក្រូចថ្លុង

11:42 PM No comments

តើអ្នកធ្លាប់ដឹងទេថា ក្រូចថ្លុង គឺមានអត្ថប្រយោជន៍ច្រើនណាស់ ចំពោះខ្លួនអ្នក។ វាមិនត្រឹមតែល្អ ចំពោះសុខភាពអ្នកទេតែវាថែមទាំងល្អ ចំពោះសម្ជស្សអ្នកទៀតផង។ ខាងក្រោមនេះ យើងខ្ញុំនឹងប្រាប់អ្នក ពីអត្ថប្រយោជន៍របស់ក្រូចថ្លុង។
1.    វាអាចជួយកាត់បន្ថយស្នាមអាចម៍រុយបាន ហើយថែមទាំងអាចធ្វើឱ្យស្បែកអ្នកសទៀតផង ព្រោះវាមានសារធាតុវីតាមីន C ដែលអាចជួយដល់ស្បែកអ្នក។
2.    វាថែមទាំងអាចធ្វើឱ្យស្បែកអ្នក តឹងណែនទៀតផង។
3.    វាមានសារធាតុម្យ៉ាង ដែលជួយកាត់បន្ថយ អត្រានៃជំងឺដាច់សរសៃឈាមខួរក្បាល។
4.    វាក៏អាចជួយអ្នកឱ្យស្រកទម្ងន់បានដែរ ដោយអ្នកអាចពិសារកន្លះផ្លែ មុនពេលបាយជារៀងរាល់ថ្ងៃបាន។
5.    វាអាចការពារបេះដូងអ្នក និងអាចព្យាបាលជំងឺទឹកនោមផ្អែមទៀតផង៕

វិធីជួយអ្នក ឱ្យកាន់តែស្រលាញ់គ្នា

11:41 PM No comments

តើអ្នកធ្លាប់មានអារម្មណ៍ទេថា ហេតុអ្វីបានជានៅពេលមុនរៀបការ អ្នកទាំងពីរ គឺស្រលាញ់គ្នាណាស់ តែក្រោយពេលរៀបការ មនោសញ្ចេតនាអ្នកទាំងពីរ បែរជាប្រែប្រួលបន្តិចម្តងៗទៅវិញ។ ដូចនេះ យើងខ្ញុំនឹងជួយអ្នក ឱ្យថែរក្សាមនោសញ្ចេតនាអ្នក ឱ្យគង់វង្សជានិរន្តន៍។
1.    អ្នកត្រូវតែចេះនិយាយពាក្យថា អរគុណ ចំពោះទង្វើគ្រប់បែបយ៉ាង ដែលគេធ្វើឱ្យអ្នក។
2.    អ្នកអាចចូលរួមធ្វើសកម្មភាពផ្សេងៗជាមួយគ្នា ដូចជា ហាត់ប្រាណជាមួយគ្នា ឬក៏ធ្វើរឿងផ្សេងៗ ដែលអ្នកមានចំណង់ចំណូលចិត្តដូចគ្នា។
3.    ត្រូវតែគេងឱ្យលក់ស្រួល ព្រោះនៅពេលដែលអ្នកគេងមិនគ្រប់ អ្នកនឹងអាចមានអារម្មណ៍មិនល្អ ហើយអាចប៉ះពាល់ដល់ស្វាមី ឬភរិយាអ្នកបាន។
4.    អ្នកអាចឧស្សាហ៍ថើបគេ ឬអោបគេ ដើម្បីឱ្យទំនាក់ទំនងអ្នកទាំងពីរ កាន់តែជិតស្និទ្ធ។
5.    អ្នកត្រូវតែនិយាយពីរឿងក្នុងចិត្តអ្នករាល់ថ្ងៃប្រាប់គេ ទោះបីជាចំណាយពេល ១៥ នាទីក៏ដោយ។
6.    ទោះបីជាអ្នកខឹងយ៉ាងណាក៏ដោយ ក៏អ្នកត្រូវតែស្តាប់ហេតុផល ដែលគេបកស្រាយដែរ។
7.    ត្រូវតែចេះចែករំលែកភាពសប្បាយរីករាយ ជាមួយគ្នាគ្រប់ពេល។
8.    អ្នកអាចចេញទៅក្រៅ ដើរលេងជាមួយមិត្តភក្តិ នោះពេលមកវិញ អ្នកនឹងមានអារម្មណ៍ស្រស់ស្រាយ ពេលនៅជាមួយប្តីអ្នក៕

វិធីថែរក្សាស្បែក របស់ស្ត្រីមានផ្ទៃពោះ

11:41 PM No comments

តើអ្នកអាចបណ្តោយឱ្យស្បែកអ្នកខូចបានទេ នៅពេលដែលអ្នកមានផ្ទៃពោះ? យើងខ្ញុំជឿជាក់ថា អ្នកពិតជាស្រលាញ់ស្បែកអ្នកណាស់ ហើយអ្នកនឹងមិនបណ្តោយឱ្យស្បែកអ្នក ខូចងាយៗឡើយ។ ដូចនេះ តើមានវិធីអ្វីខ្លះ ដើម្បីថែរក្សាស្បែកអ្នកបាននោះ?
1.    ចំពោះអ្នកដែលមានស្បែកខ្លាញ់ អ្នកត្រូវតែលុបមុខឱ្យបានច្រើនដង។ ម្យ៉ាងទៀត អ្នកត្រូវតែបរិភោគអាហារ ដែលមានសារធាតុប្រូតេអ៊ីន និងវីតាមីន A, B, B2 និង C រួមទាំងបន្លែ និងផ្លែឈើឱ្យបានច្រើន។
2.    បើស្បែកអ្នកស្ងួត អ្នកអាចជ្រើសរើសសាប៊ូកូនក្មេង មកលុបមុខបាន។ ជាងនេះទៅទៀត អ្នកត្រូវបរិភោគអាហារ ដែលមានជាតិម៉ាញេស្យូម និងកាល់ស្យូមឱ្យបានច្រើន ដូចជាត្រី ពងមាន់ ព្រមទាំងត្រូវបន្ថែមអាហារ ដែលមានវីតាមីនដូចជា បន្លែពណ៌បៃតង ផ្លែឈើ ឬទឹកដោះគោជាដើម។
3.    មាននារីខ្លះ នៅពេលដែលមានផ្ទៃពោះ តែងតែកើតស្នាមអ៊ុចខ្មៅ នៅលើមុខ ឬខ្លួន។ វិធីព្យាបាល គឺអ្នកត្រូវតែគេងឱ្យគ្រប់ ត្រូវបរិភោគអាហារដែលមានវីតាមីន C និងប្រូតេអ៊ីនឱ្យបានច្រើន ព្រោះវាអាចជាជំនួយសម្រាប់ស្បែកអ្នក៕

ស្ត្រីមួយចំនួន មានការឈឺចាប់ នៅពេលរួមភេទ

11:39 PM No comments

ការឈឺចាប់នៅពេលកំពុងរួមភេទ អាចជាលទ្ធផលនៃការថយចុះ អ័រម៉ូនភេទរបស់ស្រី្ត ដែលនាំឱ្យទ្វារមាសឡើងស្ងួត អាចជាវត្តមាននៃផ្សិត ឬការឆ្លងមេរោគផ្សេងៗទៀត អាចជាការរលាកប្លោកនោម ឬបង្ហួរនោម។ នៅក្នុងករណីមួយចំនួន ការទល់លាមករ៉ាំរ៉ៃ ក៏អាចដើរតួយ៉ាងសំខាន់មួយដែរ។ ការរលាកទ្វារមាស គឺការរលាក នៅក្នុងតំបន់ជាក់លាក់មួយនៃទ្វាមាស ជាមូលហេតុទូទៅនៃការឈឺចាប់នេះ។

ការឈឺមួយទៀត អាចបណ្តាលឱ្យមានការកន្ត្រាក់ជាប់ ដោយអចេតនានៃសាច់ដុំក្នុងទ្វារមាស។ នៅក្នុងករណីមួយចំនួនទៀត វាអាចមានការកន្ត្រាក់ជាប់យ៉ាងខ្លាំង ដែលធ្វើឱ្យទ្វារមាស បិទមិនឱ្យមានការជ្រៀតចូល ដែលនៅពេលរួមភេទ វាធ្វើឱ្យមានការឈឺចាប់យ៉ាងខ្លាំង ឬពេលខ្លះ មិនអាចទៅរួចទ។ វាជាញឹកញាប់ មានចាក់ឬសនៅក្នុងរបួសផ្លូវចិត្ត៕

Health

This is default featured slide 1 title

This is default featured slide 2 title

This is default featured slide 3 title

This is default featured slide 4 title

This is default featured slide 5 title

Thursday, March 26, 2015

អង្ករផ្កាម្លិះ និងចេកជួយដល់ការទទួលទានដំណេករបស់អ្នក

សាកឱសថទិព្វ៩យ៉ាងនេះនឹងអាចជួយឲ្យអ្នកក្រោកពីព្រលឹមបានដោយជោគជ័យ

អាហារ៩ប្រភេទនេះអាចបណ្ដាលឲ្យអ្នកចាស់មុនអាយុ

អាហារទាំង៨ប្រភេទនេះ អាចជួយការពារនិងព្យាបាលរោគថ្លើម

Monday, March 23, 2015

សំដីអ្វីខ្លះ ដែលអ្នកគួរតែនិយាយទៅកូនរបស់អ្នក ជារៀងរាល់ថ្ងៃ?

Sunday, March 22, 2015

ស្រ្តីគួរតែអាន ៖ របៀបទាញ សុដន់អ្នក ឱ្យខ្ពស់

Tuesday, March 17, 2015

វិធីកំចាត់មូសចង្រៃតាមបែបធម្មជាតិដែលលោកអ្នកមិនធ្លាប់ដឹង!

របៀបងាយៗជួយអោយធ្មេញស

របៀបបំបាត់ការឈឺក្បាល

អាហារ ដែលអាចកាត់បន្ថយ ជាតិកូឡេស្តេរ៉ូល

របៀបហាត់ ហែលទឹកសេរី

Monday, March 16, 2015

វិធីថែរក្សាសុខភាពខួរក្បាលរបស់អ្នក

ផឹកទឹករបៀបណា ដើម្បីសម្រកទម្ងន់?

ទម្លាប់មិនល្អ អាចបំផ្លាញសម្ជស្សអ្នកដោយងាយ

សារៈសំខាន់នៃ ក្រូចថ្លុង

វិធីជួយអ្នក ឱ្យកាន់តែស្រលាញ់គ្នា

វិធីថែរក្សាស្បែក របស់ស្ត្រីមានផ្ទៃពោះ

ស្ត្រីមួយចំនួន មានការឈឺចាប់ នៅពេលរួមភេទ

Chose Language

Blog Archive

Thursday, March 26, 2015

Monday, March 23, 2015

Sunday, March 22, 2015

Tuesday, March 17, 2015

Monday, March 16, 2015

Social Profiles

Chose Language

Blog Archive