អាការៈរមាស់ភ្នែកគឺជាអាការៈធ្វើឲ្យអ្នកមានអារម្មណ៍រមាស់ក្នុងភ្នែក និងជុំវិញភ្នែកដែលតែងតែកើតឡើងជាធម្មតាលើមនុស្សគ្រប់វ័យ។ ការរមាស់ភ្នែកគឺកើតឡើងច្រើននៅតំបន់ ដែលមានបរិស្ថានមិនល្អដោយមានធូលី និងដីហុយច្រើនក្នុងបរិយាសកាស ហើយវាអាចកើតឡើងតាមរដូវកាលផងដែរ។ អាការៈបែបនេះអាចធ្ងន់ធ្ងរ បើអ្នកធ្វេសប្រហែសហើយចេះតែយកដៃទៅប៉ះ និងញីមិនឈប់ជុំវិញភ្នែក។ Cool News នឹងលើកយកវិធីសាស្ត្រតាមបែបធម្មជាតិងាយៗ ដែលអ្នកអាច យកទៅអនុវត្តលើអាការៈរមាស់ភ្នែក៖
១. ប្រើស្បៃ ឬ ក្រណាត់ត្រជាក់៖ ដើម្បីអាចបញ្ឈប់ការរមាស់ភ្នែកអ្នកអាចប្រើប្រាស់ក្រណាត់ ឬស្បៃស្អាតដោយដាក់ត្រាំក្នុងទឹកកកឲ្យត្រជាក់ រួចអាចយកមកដាក់ពីលើតំបន់ត្រង់កន្លែងណាដែលមានអាការៈរមាស់ខ្លាំង។ ព្យាយាមធ្វើបែបនេះ បី ទៅបួន ក្នុងមួយថ្ងៃក៏អាចព្យាបាលអាការៈរមាស់ភ្នែកបានដោយងាយ។
២. ត្រសក់ ៖ ផ្លែត្រសក់គឺមានជាតិទឹក និងត្រជាក់ ដែលអាចជួយប្រឆាំងនឹងភាពរមាស់បានយ៉ាងមានប្រសិទ្ធភាព ហើយត្រសក់ក៏អាចកាត់បន្ថយការរលោក ហើម និងអាការៈ រមាស់ភ្នែកបានផងដែរ។ វិធីសាស្ត្រយកផ្លែត្រសក់មកព្យាបាល ការរមាស់ភ្នែក គឺចិតត្រសក់ជាចំណិតតូចៗយកទៅដាក់ក្នុងទូរទឹកកកពី ១៥ ទៅ ២០នាទី បន្ទាប់មកយកដាក់លើភ្នែកយ៉ាងតិច ១០នាទី ដោយអនុវត្តបែបនេះឲ្យបាន ៤ ទៅ ៥ ក្នុង១ថ្ងៃទើបងាយឆាប់បាត់រមាស់។
៣. ទឹកដោះគោ ស្រស់ត្រជាក់៖ ទឹកដោះគោស្រស់ ក៏អាចយកមកព្យាបាល អាការៈរមាស់ភ្នែកបានដែរ។ វិធីសាស្ត្រគឺគ្រាន់តែ យកសំឡីកប្បាសផ្តិតទឹកដោះគោ រួចហើយអ្នកអាចយកវាមកជូតជុំវិញភ្នែកដែលរមាស់គឺជាការស្រេច។ អាចធ្វើបែបនេះ ពីរ ឬ បីដង ម្តងពេលព្រឹក និងម្តងទៀតពេលល្ងាច។
៤. ទឹកអំបិល៖ ទឹក និងអំបិល គឺជាវិធីងាយស្រួលមួយ ដែលអាចជួយធ្វើឲ្យធូរស្បើយការឈឺចុកចាប់ត្រង់ភ្នែក និងការរមាស់ភ្នែកផងដែរ។ ការលាយបញ្ចូលគ្នារវាងទឹក និងអំបិលអាចកម្ចាត់បាក់តេរី និងកម្ទេចកម្ទីដីបាន។ វិធីងាយស្រួល គឺអាចលាយអំបិលមួយស្លាបព្រាកាហ្វេដាក់ក្នុងទឹកស្អាត រួចដំាំទឹករហូតដល់អំបិលរលាយអស់ បន្ទាប់មកទុកឲ្យត្រជាក់ និងបន្តក់លើកន្លែង ដែលឈឺ និងរមាស់។ ធ្វើបែបនេះឲ្យបានញឹកញាប់ ហើយតែពីរឬបីថ្ងៃនឹងឃើញប្រសិទ្ធភាព។
៥.តែបៃតង៖ តែបៃតងមានអត្ថប្រយោជន៍សម្រាប់សុខភាពក្នុងនោះតែបៃតងក៏អាចព្យាបាលការរមាស់ភ្នែកបានដែរ។ វាអាចជាប្រយោជន៍ក្នុងការបំបាត់ការរលោក ថែមទៀតផង ។ វិធីសាស្ត្រប្រើប្រាស់អាចយកតែបៃតងដាំជាមួយទឹកស្អាត បន្ទាប់មកទុកឲ្យទឹកត្រជាក់ និងបន្តក់ភ្នែកដើម្បីលាងបាក់តេរី និងការរលោករមាស់លើភ្នែកដោយធ្វើបែបនេះពីរដងក្នុងមួយថ្ងៃ។
៦.ប្រទាលកន្ទុយក្រពើ៖ ប្រទាលកន្ទុយក្រពើក៏មានប្រសិទ្ធភាព និងជាវិធីសាស្ត្រធម្មជាតិអាចធ្វើនៅផ្ទះដោយខ្លួនឯង ហើយថែមទាំងអាចព្យាបាលអាការៈរមាស់ភ្នែកបានយ៉ាងល្អ។ វិធីសាស្ត្រគឺគ្រាន់តែកាត់យកសាច់ប្រទាលកន្ទុយក្រពើ និងធ្វើឲ្យក្លាយជាទឹកមកលាយនឹងទឹកឃ្មុំ បន្ទាប់មកដុសលើកន្លែងដែលភ្នែករមាស់នោះ។
៧.ទឹកបន្លែ៖ ទឹកបន្លែឆៅច្រើនប្រភេទជាពិសេស ការ៉ុត គឺត្រូវបានរកឃើញថាមានប្រសិទ្ធភាពខ្ពស់ក្នុងការបំបាត់អាការៈ រមាស់ភ្នែកបានយ៉ាងប្រសើរ។ អ្នកអាចយកការ៉ុតមួយ ឬពីរដើម និងកិនជាទឹកការ៉ុតដើម្បីយកមកពិសាជារៀងរាល់ថ្ងៃ ដើម្បីអាចជួយបំបាត់អាការៈរមាស់ភ្នែកបាន។
៨.ដំឡូងបារាំង ៖ ដំឡូងបារាំងស្រស់គឺជារបស់ងាយស្រួលរកដែលអាចយកមកព្យាបាលអាការៈរមាស់ភ្នែកបានផងដែរ។ ដោយគ្រាន់តែកាត់ជាចំណិតតូចៗរាងមូល រួចហើយយកទៅដាក់ក្នុងទូរទឹកកក។ នៅពេលវាត្រជាក់ដាក់លើភ្នែករបស់អ្នក ដោយធ្វើបែបនេះមួយថ្ងៃបីដងរហូតដល់អាការៈរមាស់ជាសះស្បើយ។
៩. ទឹកស្អាតឬ បរិសុទ្ធ៖ ការពិសាទឹកឲ្យបានច្រើន ពី ២ ទៅ ៣លីត្រ ជារៀងរាល់ថ្ងៃក៏អាចជួយកាត់បន្ថយ ឬជៀសវាងការកើតអាការៈរមាស់ភ្នែកបានដែរ៕
0 comments:
Post a Comment