2014 ~ Health

Saturday, December 20, 2014

អត្ថប្រយោជន៍ យ៉ាងច្រើន របស់ កញ្ចប់តែ ដែលអ្នក មិនដែល នឹកស្មានដល់!

11:28 PM No comments

ភាគច្រើន អ្នកតែងតែ បោះចោល កញ្ចប់តែ នៅពេលឆុងរួច ប៉ុន្តែវាពិតជា មានអត្ថប្រយោជន៍ យ៉ាងច្រើន ដែលអ្នកមិននឹក ស្មានដល់បាន។ ១) ភ្នែកហើម រឺក៏ ចុករោយស្រពន់ភ្នែក៖ អ្នកអាចយក កញ្ចប់តែ ទៅស្អំ នៅពេលភ្នែក របស់អ្នក ឡើងហើម និង រោយស្រពន់បាន។ វិធីអនុវត្ត៖ យកកញ្ចប់តែ ទៅដាក់ លើទឹក ដែលត្រជាក់ មួយសន្ទុះ រឺក៏ដាក់ ក្នុងទូរទឹកកក រួចយក មកដាក់ ចំភ្នែករបស់អ្នក វានឹងជួយ សម្រួលដល់ អាការៈ ហើមបាន។
២) ជាំសាច់៖ ប្រសិនបើស្បែករបស់អ្នក រងប៉ះនឹងទង្គិច នឹងអ្វីមួយ រួចឡើងទៅ ជាជាំខ្មៅ អ្នកអាច យកកញ្ចប់តែ មកស្អំពីលើបាន។ បន្ថែមពីនេះ ទៅទៀត កញ្ចប់តែ បានផ្ទុក នូវសារធាតុតែខ្មៅ ដែលវាជួយ ឲ្យឈាម ដើរបានស្រួល និងជួយបន្ថូរបន្ថយ នូវបញ្ហាជាំបាន។
៣) រងការរលាក ដោយកម្តៅថ្ងៃ៖ កញ្ចប់តែ ដែលនៅសើម អ្នកអាចយក មកញី លើស្បែក ដែលរង នឹងការរលាក នូវកម្តៅថ្ងៃ វានឹងជួយ ឲ្យ ស្នាមរលាក អាចរលាយ បាត់ទៅវិញ បានផងដែរ។ ប៉ុន្តែប្រសិនបើអ្នក រងការរលាក ពេញដងខ្លួន អ្នកយកកញ្ចប់តែ លាយជាមួយនឹងទឹក រួចចាក់មុជ តែម្តង។
៤) បន្ថូរបន្ថយ ភាពឈឺចាប់ បន្ទាប់ពី កោរពុកមាត់៖ ជាការពិត ភាគច្រើនមនុស្សប្រុស តែងតែ មានការឈឺចាប់ បន្ទាប់ពីកោរពុកមាត់ ជាមួយនឹង ផ្លែឡាម ប៉ុន្តែអ្នកអាច យកកញ្ចប់តែ មកញីថ្នមៗ ត្រង់កន្លែង ដែលកោរពុកមាត់ វាជួយកាត់បន្ថយ ភាពឈឺចាប់បានផងដែរ។
៥) ជួយលើបញ្ហាមុន៖ ប្រសិនបើអ្នក មានបញ្ហាមុន កញ្ចប់តែ អាចជួយអ្នកបាន គ្រាន់តែអ្នក ឧស្សាហ៍ លុបមុខ ជាមួយនឹង ការប្រើប្រាស់ កញ្ចប់តែបៃតង។ ចំពោះវិធីនេះ អាចជួយអ្នកបាន ប៉ុន្តែអាស្រ័យ ទៅលើអ្នកផងដែរ ថាអ្នកព្យាយាម អនុវត្តវិធីនេះ ដែររឺអត់?
៦) ជួយលើ បញ្ហាឈឺមាត់៖ បើអ្នក មានអាការៈឈឺមាត់ អ្នកអាចយក កញ្ចប់តែ លាយជាមួយទឹក រួចក្រពុលមាត់ វានឹងជួយព្យាបាល នូវបញ្ហាឈឺ មាត់បាន។
៧) ជួយឲ្យមានក្លិន ដកដង្ហើមក្រអូបប្រហើរ ៖ ក្លិនមាត់ជា រឿងសំខាន់ សម្រាប់ មនុស្សគ្រប់គ្នា ក្នុងការ ប្រាស្រ័យទាក់ទងគ្នា ទៅវិញទៅមក។ ក្នុងនោះដែរ កញ្ចប់តែ ក៏បានដើរតួនាទី យ៉ាងសំខាន់ ក្នុងការ ជួយបំបាត់ក្លិនមាត់ របស់អ្នក ឲ្យត្រឡប់ មកជា ក្លិនក្រអូបប្រហើរ បានដែរ។ វិធីអនុវត្ត៖ អ្នកអាច យកកញ្ចប់តែ លាយជាមួយទឹក រួចក្រពុលមាត់ ជាការស្រេច។
៨) ជួយឲ្យជើង មានសំណើម៖ មុនអ្នកចូលគេង អ្នកអាច យកទឹកក្តៅឧណ្ឌៗ លាយជាមួយនឹង កញ្ចប់តែ ត្រាំរយៈពេល១០ ទៅ១៥នាទី ចុងក្រោយ ជូតជើងឲ្យស្ងួត ជាការស្រេច ព្រោះវាអាច ធ្វើឲ្យជើងរបស់អ្នក មានសំណើមបានផងដែរ។
៩) ជួយដោះស្រាយ នូវក្លិនមិនល្អ៖ ប្រហែលជាអ្នក មិនធ្លាប់ដឹងនោះទេ ថាកញ្ចប់តែ អាចជួយ ដោះស្រាយ នូវបញ្ហាក្លិនល្អ ដែលជាប់ ដៃរបស់អ្នក បាន ដូចជាក្លិនត្រី ឬក្លិនខ្ទឹមជាដើម។ មិនតែប៉ុណ្ណោះ វាអាចជួយដោះស្រាយ នូវក្លិនស្អុយ ដែលជាប់ ក្នុងទូរទឹកកកបានផងដែរ។
១០) កញ្ចប់តែជួយ លាងសម្អាតចានរបស់អ្នកបាន៖ ចំពោះចំនុចនេះ ហាក់ដូចជា ចម្លែកបន្តិច ប៉ុន្តែវាជាការពិត ដែលកញ្ចប់តែ អាចលាងសម្អាត ចាន របស់អ្នកបានយ៉ាង ល្អប្រសើរ។ បន្ថែមពីនេះទៅទៀត អ្នកអាចជូត កញ្ចក់ទ្វារ បង្អួច ឥដ្ឋ រឺក៏គ្រឿងសង្ហារឹម បានផងដែរ ជាមួយនឹងកញ្ចប់តែ ។ ប៉ុន្តែអ្នកត្រូវ ចងចាំថា បន្ទាប់ពីអ្នក លាងសម្អាត នូវរបស់ទាំងអស់នេះហើយ ត្រូវប្រាកដចិត្តថា វាបានស្ងួតល្អ ពីព្រោះថា តែ ជាធនធានធម្មជាតិ មួយ ដែលជ្រលក់ពណ៌បានល្អ ដូច្នេះប្រសិនបើអ្នក មិនបានជូត របស់ទាំងនោះ បានស្អាតល្អទេ វាអាចបង្កទៅជា ឡើងពណ៌ ជាប់ផងដែរ។
ទាំងនេះជាគុណប្រយោជន៍ យ៉ាងច្រើន ពីកញ្ចប់តែ ដែលអ្នកមិនដែលជ្រាបពីមុនមក៕

ចំនុចសំខាន់ៗសម្រាប់អ្នកត្រូវយល់ដឹង មុនពេលសម្រេចចិត្តទិញទឹកបរិសុទ្ធទទួលទាន

11:42 PM No comments

នៅក្នុងព្រះរាជាណាចក្រកម្ពុជានាពេលបច្ចុប្បន្ន ទៅណាមកណាយើងតែងតែឃើញមនុស្សជាច្រើនបានជាវទឹកសុទ្ធមកទទួលទាន មិនថាខ្ញុំ ឬគេឡើយដោយសារតែស្រេកទឹក ឬហត់ពេលជាដើម។ នៅក្នុងនោះមានទឹកសុទ្ធខ្លះតម្លៃ 500៛ 1000៛ 2000៛ និងខ្លះទៀតថ្លៃដល់ទៅ 2-3$ ឯណោះ សម្រាប់ម៉ាកល្បីៗ ហេតុនេះតើរវាងទឹកសុទ្ធមានតម្លៃថោក និងថ្លៃមានអ្វីខុសប្លែកគ្នាខ្លះទៅ? ប្រាកដជាមាន! តែបើទោះបីជាយើងម្នាក់ៗដឹងថាវាមានអត្ថប្រយោជន៍បែបណាក្ដីក៏នៅតែមាន អ្នកខ្លះនៅជាវទឹកសុទ្ធធម្មតាមកទទួលទាន ព្រោះពួកគេគិតថាទឹកដូចតែគ្នា ផឹកបានដូចគ្នា រីឯមនុស្សខ្លះវិញក៏ទទួលទានទឹកតាមម៉ាកផងដែរ តែសម្រាប់ខ្ញុំផ្ទាល់គិតថា អ្នកទាំងអស់គ្នាភាគច្រើនពុំទាន់បានដឹងអំពីចំនុចសំខាន់ៗនៃទឹកសុ ទ្ធទាំងនោះ ដែលមានលក់នៅក្នុងទីផ្សារព្រះរាជាណាចក្រកម្ពុជាយើងនៅឡើយនោះទេ ហេតុនេះហើយការទទួលទានទឹកសុទ្ធអាចធ្វើអោយប៉ះពាល់ដល់សុខភាព បើអ្នកពុំមានការប្រុងប្រយ័ត្ន។

ជាក់ស្ដែងការទទួលទានទឹកសុទ្ធមិនមែនមើលតែបាតដប ដើម្បីពិនិត្យមើលថ្ងៃផុតកំនត់គុណភាពនោះទេ ផ្ទុយទៅវិញនៅមានចំនុចមួយចំនួនផ្សេងទៀតសម្រាប់អោយយើងទាំងអស់គ្នាស្វែ ងយល់បន្ថែម មុនពេលសម្រេចចិត្តជាវយកទឹកសុទ្ធមកទទួលទាន។ ហេតុនេះ Cambo Report សូមធ្វើការណែនាំអំពីវិធីសាស្ត្រមួយចំនួន ដែលអ្នកគួរស្វែងយល់ និងដឹងអោយបានគ្រប់គ្នា ព្រោះទឹកសុទ្ធមិនមែនចេះតែទទួលទាននោះទេ ដោយសំបកដបគឺជាជ័រ ហេតុដូច្នេះវាអាចនឹងមានសារធាតុគីមីនៅក្នុងនោះហើយយើងពុំបានដឹ ង ចេះតែទិញដោយពុំបានពិនិត្យ ឬមិនដឹងពិនិត្យដោយរបៀបណា។ ខាងក្រោមយើងនឹងធ្វើការបកស្រាយទៅលើចំនុចធំៗមួយចំនួនដែលអ្នកអាចស្វែ ងយល់បន្ថែមអំពីការទិញទឹកដប។

ជាការពិតកាលណាអ្នកទិញទឹកសុទ្ធមួយដប អ្វីដែលអ្នកគិតមុនគឺម៉ាករបស់វាតែម្ដងមិនដែលគិតអំពីគុណភាពថ្ងៃខែឆ្នាំ នោះទេ តែវាក៏មិនមែនជាបញ្ហាធំផងដែរសម្រាប់ស្រុកយើង ព្រោះទឹកសុទ្ធដែលចរាចរណ៍នៅតាមទីផ្សារគឺមានគុណភាពល្អ ពុំមានហួសគុណភាពអ្វីនោះឡើយ។ យ៉ាងណាមិញអ្នកត្រូវកត់សំខាន់នៅបាតដបផង ដែលវាគឺជាចំនុចសំខាន់អាចបញ្ជាក់ប្រាប់អ្នកដឹងអំពីសារធាតុគីមីនៅក្នុ ងទឹកនោះ ដោយភាគច្រើននៅក្រោមបាទដប តែងតែមានអក្សផុសដូចជា HDP, HDPE និង PP ជាដើម ជាសញ្ជាបញ្ជាក់អោយយើងដឹងថា ទឹកសុទ្ធនោះពុំមានសារធាតុគីមីរលាយចេញពីដបជ័រឡើយ តែបើមានអក្សរផ្សេងពីនេះមានន័យថាសារធាតុជ័រអាចរលាយចេញពីដបចូលក្នុងទឹក ជាហេតុធ្វើអោយពេលទទួលទានទៅប៉ះពាល់ដល់ខុសភាពធ្ងន់ធ្ងរ។

1. អក្ស PET ឬ PETE

នៅពេលមើលទៅបាតដបអ្នកនឹងឃើញមានសញ្ជាត្រីកោនមួយ ហើយក្នុងនោះបានបង្កប់ទៅដោយលេខសំគាល់ ពិសេសនៅផ្នែកខាងក្រោមនោះមានដាក់អក្សរទៅតាមប្រភេទនៃសាច់ដប ហេតុនេះកាលណាអ្នកឃើញអក្ស PET ឬ PETE មានន័យថាដបជ័រនោះងាយនឹងចេញសារធាតុគីមីពុលចូលទៅក្នុងទឹកខ្លាំងណាស់ ហើយភាគច្រើនទឹកសុទ្ធ ទឹកផ្លែឈើ ឬភេសជ្ជះដបតែងតែប្រើប្រាស់លេខ 1 ឬ PETE នេះតែម្ដង ដោយសារវាមានតម្លៃធូថ្លៃ អាចចំនេញបានប្រាក់ច្រើន តែសម្រាប់អ្នកទទួលទានក៏ទទួលបានគីមីចូលក្នុងខ្លួនច្រើនដូចគ្នា។

2. អក្ស HDP ឬ HDPE

កាលណាមើលទៅបាតដបហើយអ្នកឃើញសញ្ញាត្រីកោននោះបង្កប់ទៅដោយលេខ 2 ឬមានអក្សនៅខាងក្រោមដាក់ថា HDP ឬ HDPE មានន័យថា វាគឺជាសំបកដបជ័រពិសេសដោយពុំមានសារធាតុគីមីណាអាចជ្រាបចូលទៅក្នុងទឹកបា នឡើយ។ វាត្រូវបានគេទទួលស្គាល់ថាជាសំបកដបជ័រមានគុណភាពខ្ពស់ក្នុ ងការវិចខ្ចប់វត្ថុរាវដើម្បីទទួលទានបានយ៉ាងល្អបំផុត ហើយថែមទាំងអាចរំលាយធ្វើជាជ័រអ្វីផ្សេងទៀត ឬដបទឹកសុទ្ធដដែលបានទៀផង។

3. អក្ស PVC ឬ 3V

PVC ឬ 3V មានលេខសម្គាល់ 3 នៅក្នុងត្រីកោណ វាគឺជាជ័រម្យ៉ាងដែលមានសភាពទន់ងាយបត់បែន ងាយស្រួលកាច់ ហើយវាក៏ជាជ័រអាចរលាយសារធាតុគីមីចូលទៅក្នុងទឹកបានផងដែរ ដែលអាចធ្វើអោយប៉ះពាល់ទៅដល់ខុសភាពអ្នកទទួលទានបាន។

4. អក្ស LDPE

ភាគច្រើនអក្ស LDPE នេះកម្រមានគេយកសារធាតុជ័រគីមីនេះផលិតទៅជាដបទឹកសុទ្ធណាស់ ព្រោះវាថ្លៃ ហើយក៏ពុំបញ្ចេញសារធាតុគីមីពុលចូលទៅក្នុងទឹកផងដែរ ដោយភាគច្រើនវាត្រូវបានយកទៅធ្វើជាការតាប ឬការបូបស្ពាយជាដើម។

5. អក្ស PP

នេះក៏ជាសារធាតុជ័រមួយផងដែរ ដែលគេបានប្រើប្រាស់វាវិចខ្ចប់ទឹកដោះគោជូដែលអ្នកចូលចិត្តទទួលទាន ហើយវាក៏ពុំមានបញ្ចេញសារធាតុគីមីអ្វីចូលទៅក្នុងទឹកបានផងដែរ។ វាក៏បានជាប់ចំនាត់ថ្នាក់ជាសារធាតុជ័រល្អក្នុងការបង្កើតទៅជាដប មិនចាញ់លេខ 2 ឬ អក្ស HDP/HDPE ឡើយ។

6. អក្ស PS

វាគឺជាសារធាតុជ័រដ៏មានគ្រោះថ្នាក់មួយផងដែរ តែពុំមាននរណាយកវាទៅផលិតជាជ័រដបសម្រាប់ដាក់ទឹកឡើយ តែវាត្រូវបានយកទៅធ្វើជាជ័រសម្រាប់ខ្ចប់កាហ្វេ ឬអាហាបែបអឺរ៉ុប (Fast Food) ដោយវាអាចបញ្ចេញសារធាតុគីមីចូលក្នុងអាហារបាន នឹងធ្វើអោយកើតជម្ងឺមហារីកថែមទៀតផង។

7. អក្ស PC ឬ គ្មានអ្វីសោះ

កាលណាមានអក្ស PC ឬគ្មានអ្វីសោះ មានន័យថាវាគឺជាជ័រគីមីម្យ៉ាងដែលមានគ្រោះថ្នាក់បំផុតក្នុងចំនោមជ័រណា ណាទាំងអស់ក្នុងពិភពលោក ដោយវាអាចបញ្ចេញជាតិពុលចូលទៅក្នុងទឹក ឬចំនីអាហាបានយ៉ាងងាយបំផុត។

សរុបសេចក្ដីមក មិនមែនមានតែដបទឹកសុទ្ធនោះទេ ដែលអ្នកគួរមើលនៅបាតក្រោមរបស់វា តែអ្នកក៏ត្រូវមើលទៅលើដបទឹកផ្លែឈើ ដបទឹកក្រូច ឬដបជ័រផ្សេងៗផងដែរ ដែលដបទាំងនោះត្រូវមានសញ្ជាដូចរូបខាងលើបញ្ជាក់អំពីសាច់ជ័រវិចខ្ចប់ ហេតុនេះសូមបងប្អូនប្រជាជនកម្ពុជាទាំងអស់មានការប្រុងប្រយ័ត្នទាំងអ ស់គ្នាការជាវទឹក ឬអាហាចវិចខ្ចប់ផ្សេងៗដោយគួរជាសវាងលេខ 1, 3, 6 និង 7 ឬអក្ស PETE, V, PS, PC ជាដើម -ល-។ បើដបនោះ ឬវត្ថុវិចខ្ចប់នោះផលិតចេញពីជ័រមានលេខ 2, 4 និង 5 គឺល្អសម្រាប់អ្នក ដោយវាពុំមានសារធាតុគីមីរលាយចូលចំណីអាហារឡើយ តែបើមានលេខ 7 វិញគឺកាន់តែមានគ្រោះថ្នាក់ថែមមួយកម្រិតទៀត។

បំបៅដោះកូនយូរ អាចការពារកុមារពីការធាត់បំបៅដោះកូនយូរ អាចការពារកុមារពីការធាត់

10:33 AM No comments

ការស្រាវជ្រាវថ្មីមួយបានរកឃើញថា ចំពោះកុមារដែលមានហានិភ័យខ្ពស់ទៅនឹងការធាត់ រយៈពេលយូរប៉ុណ្ណាដែលពួកគេបៅដោះម្តាយភាពដែលលើសទម្ងន់គឺតិចប៉ុន ហ្នឹង។

វេជ្ជបណ្ឌិត ស្តាស៊ី ខាលីង (Stacy Carling) បាននិយាយថា ការបំបៅដោះកូនក្នុងរយៈពេលយូរយូរ លេចឡើងជាឥទ្ធិពលការពារប្រឆាំងនឹងរោគសញ្ញានៃការធាត់ និងលើសទម្ងន់។

អ្នកស្រាវជ្រាវបានតាមដានលើកុមារ៥៩៥នាក់ តាំងពីកើតដល់អាយុ២ឆ្នាំ។ ពួកគេបានពិនិត្យលើទម្ងន់ និងរយៈពេលហើយបានប្រៀបធៀបការលូតលាស់របស់គេ ទៅនឹងរយៈពេលដែលកុមារបៅដោះម្តាយ។

កុមារដែលត្រូវបានគេចាត់ទុកថាមានហានិភ័យខ្ពស់ចំពោះការឡើង ទម្ងន់នោះ រួមមានអ្នកដែលសន្ទស្សន៍នៃទម្ងន់ខ្លួនបានឡើងលឿននៅពេលដែលកុមារ បៅដោះ។

កុមារដែលមានហានិភ័យខ្ពស់បំផុតក្នុងការឡើងទម្ងន់នោះ រួមមានកុមារដែលមានម្តាយលើសទម្ងន់ ឬធាត់ម្តាយដែលមានកម្រិតវប្បធម៌ទាប និងម្តាយដែលបានជក់បារីអំឡុងពេលមានផ្ទៃពោះ។ ជិត៥៩ ភាគរយ នៃកុមារដែលមានហានិភ័យក្នុងការលើសទម្ងន់នោះ មានម្តាយដែលមានលក្ខណៈសម្គាល់ខាងលើលើសពីមួយ បើធៀបទៅនឹង៤៣ ភាគរយ នៃកុមារដែលមិនមានហានិភ័យនៃការឡើងទម្ងន់នោះ។

ក្នុងចំណោមកុមារទាំងនោះ អ្នកដែលមានហានិភ័យខ្ពស់ចំពោះការធាត់ គឺកុមារដែលបៅដោះម្តាយតិចជាង២ខែ ងាយនឹងឡើងទម្ងន់ទ្វេដងជាងកុមារដែលបៅយ៉ាងហោចណាស់៤ខែ។

ការស្រាវជ្រាវត្រូវបានចេញផ្សាយនៅក្នុងកាសែត Pediatrics។

ការស្រាវជ្រាវមិនអាចបង្ហាញថា ការបៅដោះម្តាយបានបណ្តាលអោយបន្ថយហានិភ័យនៃការធាត់នោះទេ។ ប៉ុន្តែអ្នកស្រាវជ្រាវបានសម្គាល់ថា មានហេតុផលជាច្រើនដែលថាតើហេតុអ្វីបានជាការផ្សារភ្ជាប់គ្នារវាងការ បៅដោះម្តាយ និងការថយចុះហានិភ័យនៃការធាត់អាចមាននោះ។

វេជ្ជបណ្ឌិត Carling បាននិយាយថា ការបៅដោះម្តាយ អាចអនុញ្ញាតអោយមានការវិវត្តនៃភាពឃ្លាន និងសញ្ញានៃការចង់ញ៉ាំត្រឹមត្រូវ ក៏ដូចជាជួយការពារអត្តចរិតមួយចំនួនដែលនាំអោយលើសទម្ងន់ និងធាត់។

គាត់បាននិយាយថា ការបំបៅដោះកូនជាពិសេសនៅពេលត្រូវការប្រឆាំងនឹងការដាក់ម៉ោងពេល ត្រឹមត្រូវនៃការបៅអនុញ្ញាតអោយកុមារបៅបាននៅពេលដែលគេឃ្លានលើសពី ការជម្រុញការវិវត្តឆាប់ក្នុងការគ្រប់គ្រងពេលនៃការញ៉ាំ។ នៅពេលដែលកុមារបៅដោះម្តាយគេអាចគ្រប់គ្រងបរិមាណទឹកដោះ និងភាពញឹកញាប់ដែលគេមានការឆ្លើយតបជាធម្មជាតិទៅនឹងសញ្ញាខាង ក្នុងនៃការឃ្លាន និងការឆ្អែត។

វេជ្ជបណ្ឌិត ឡូរី ហ្វេលម៉េន វីនធឺរ (Lori Feldma-Winter) ដែលមកពីសាកលវិទ្យាល័យ Cooper បានចង្អុលបង្ហាញថា បន្ថែមពីលើការរក្សាខ្លួនប្រាណអោយបានប្រសើរទៅនឹងការញ៉ាំសមាសធាតុ នៃទឹកដោះម្តាយ ហាក់ដូចជាមិនបណ្តាលអោយធាត់នោះទេ។

វេជ្ជបណ្ឌិត Feldman-Winter បានពន្យល់ថា សមាសធាតុនៃទឹកដោះម្តាយដែលបានមើលក្នុងមីក្រូទស្សន៍រក្សាមេតា ប៉ូលីស អាចបន្ថយហានិភ័យនៃការធាត់។

ការស្រាវជ្រាវមិនបានរាប់បញ្ចូលព័ត៌មានថាតើទារកដែលមិនបៅដោះ ម្តាយ ឬភាពញឹកញាប់ប៉ុណ្ណាដែលពួកគេបៅដោះម្តាយ ធៀបទៅនឹងបៅទឹកដោះគោនោះទេ ប៉ុន្តែពេលដែលតម្រូវអោយបន្ថយហានិភ័យនៃការធាត់នោះ គឺមិនយូរនោះ។

វេជ្ជបណ្ឌិត Carling បាននិយាយថា ភាពខុសប្លែកគ្នានៃការបៅដោះម្តាយ២ខែ អាចគ្រប់គ្រាន់ដើម្បីទទួលបានអត្ថប្រយោជន៍មួយចំនួន។

នៅក្នុងការស្រាវជ្រាវនេះម្តាយដែលហាក់ដូចជាមិនបំបៅដោះកូន ក្នុងរយៈពេល៤ខែ រួមមានម្តាយដែលមានអាយុក្មេងម្តាយដែលមានចំណេះដឹងទាប ឬមានប្រាក់ចំណូលទាបម្តាយដែលមិនមានគម្រោងបំបៅដោះកូននៅពេលដែល ពួកគេមានទម្ងន់ជាដើម។

វេជ្ជបណ្ឌិត Carling បាននិយាយថា ការផ្តល់ភាពប្រសើរឡើងដល់អត្រានៃការបំបៅដោះកូនក្នុងចំណោមម្តាយ ទាំងនេះ នឹងតម្រូវអោយមានការគាំទ្រច្រើន៕

អត្ថប្រយោជន៍ដ៏អាថ៌កំបាំងទាំង 28 របស់ផ្លែត្រសក់

10:09 AM No comments

ត្រសក់គឺជាបន្លែមួយប្រភេទ ដែលគេនិយមប្រើប្រាស់បំផុតក្នុងចំណីអាហារនានា ព្រោះអីវាត្រជាក់ មានរស់ជាតិផ្អែម ណាមួយទៀតក៏មានតម្លៃថោក ងាយស្រួលក្នុងការរកជាវផងដែរ។ បន្លែមួយប្រភេទនេះមិនត្រឹមតែឆ្ងាញ់ និងងាយស្រួលរកប៉ុណ្ណោះទេ ប៉ុន្តែវាក៏មាណគុណសម្បត្តិជាច្រើនដែលអាចអោយអ្នកភ្ញាក់ផ្អើល បាន។ ខាងក្រោមនេះគឺជាគុណប្រយោជន៍ទាំង 28 របស់ផ្លែត្រសក់ សម្រាប់សុខភាពរបស់អ្នក។

1. ល្អសម្រាប់អ្នកចង់ស្រកទំងន់ : ផ្លែត្រសក់មានកម្រិតកាឡូរីតិចតូចបំផុត ហេតុដូច្នេះហើយសម្រាប់អ្នកចង់ស្រកទំងន់ រឺក៏មានរាងស្អាត គួរតែជ្រើសរើសបន្លែនេះទៅទទួលទាន។

2. សំបូរជាតិទឹក : ត្រសក់មួយផ្លែ មានទឹកក្នុងនោះចំនួន 95% ឯណោះ ហើយវាក៏សំបូរទៅដោយជីវជាតិផងដែរ។

3. កំចាត់ជាតិពុលក្នុងខ្លួន : វានឹងជួយកំចាត់ជាតិពុលមួយចំនួនក្នុងខ្លួនយើង និងបង្ហូរមកតាមរយៈទឹកនោមបាន ដែលល្អបំផុតសម្រាប់អ្នកមានបញ្ហាតម្រង់នោម។

4. សំបូរដោយជីវជាតិចិញ្ចឹម : ត្រសក់សំបូរទៅដោយវីតាមីន B1, B2, B3, B5, B6 ហ្វូលិក អាស៊ីត វីតាមីន C, ផូស្វ័រ, ប៉ូតាស្យ៉ូម, ម៉ាញ៉េស្យូម, និងស័ង្កសី។

5. ផ្តល់ថាមពល : វាសំបូរទៅយសារវីតាមីន B និង កាបូនអ៊ីដ្រាតដែលអាចផ្តល់ថាមពលបានរហ័សដល់រាងកាយ

6. ល្អបំផុតសម្រាប់ស្បែក : ដោយសារតែវាសំបូរដោយជាតិទឹក សារធាតុប្រឆាំងអុកស៊ីតកម្ម និងសារធាតុរ៉ែដូចជា ប៉ូតាស្យូម និងម៉ាញ៉េស្យូមជាដើមនោះ ត្រសក់ជាផ្លែឈើដ៏ល្អបំផុតសម្រាប់ស្បែករបស់យើង។ យើងអាចប្រើប្រាស់ត្រសក់ដើម្បីផ្តល់សំណើមដល់ស្បែក និងជួសជុលស្បែកដែលបានរងការខូចខាតដោយសារពន្លឺព្រះអាទិត្យបាន ដោយគ្រាន់តែយកត្រសក់ទៅទ្រាប់ពីលើ រឺក៏ទទួលទានវា។

7. ប្រើសម្រាប់សំអាតកញ្ចក់ : ត្រសក់មានប្រសិទ្ធភាពខ្ពស់ អាចសំអាតកញ្ចក់ កំចាត់អ័ព្ទ និងស្នាមប្រឡាក់ផ្សេងៗបាន។

8. បញ្ចៀសមហារីក : នៅក្នុងត្រសក់វាមានផ្ទុកនូវសារធាតុ lariciresinol, pinoresinol, and secoisolariciresinol ដែលវាអាចបញ្ចៀសបាននូវមហារីកមួយចំនួនមិនអោយកើតលើយើងបាន។

9. កំចាត់សត្វល្អិត : ក្លិនត្រសក់អាចបណ្តេញនូវសត្វល្អឥតបានការមួយចំនួនបាន។

10. ព្យាបាលស្បែកដែលបានរលាក : ប្រសិនបើអ្នកបានរលាកភ្លើង រឺក៏អ្វីដែលមានកំដៅក្តៅ សូមចិតត្រសក់មួយចំណិតមកបិតលើតំបន់ដែលរលាកនោះ ដើម្បីបន្ថយកំដៅស្បែក និងព្យាបាលស្បែក។

11. គ្របគ្រងសម្ពាធឈាម : ប៉ូតាស្យ៉ូម ម៉ាញ៉េស្យូម និងកាកសរសៃ Fiber ក្នុងត្រសក់ មានប្រសិទ្ធភាពខ្ពស់ក្នុងការគ្រប់គ្រងសម្ពាធឈាមរបស់យើង។

12. ជំរុញអោយសក់លូតលាស់បានល្អ : ត្រសក់មានសារធាតុសីលីកូន និងស្ពាន់ធ័រ ដែលវានឹងជំរុញអោយសក់ ដុះបានក្រាស់ល្អ។ ដើម្បីប្រសិទ្ធភាពខ្ពស់ សូមឧស្សាហ៍ផឹកទឹកការុត លាយជាមួយត្រសក់។

13. ប្រើជាអាហារសំរន់ : ប្រសិនបើអ្នកឃ្លាន អ្នកអាចប្រើត្រសក់ជាអាហារសំរន់បាន ហើយវាក៏ល្អជាងអាហារសំរន់ដូចជានំកញ្ចប់ និងអ្វីផ្សេងៗដែរ។

14. សំអាតស្បែកជើង : យកត្រសក់ត្រដុះនឹងស្បែកជើងស្បែកអ្នក នោះវានឹងភ្លឺចិញ្ចាញ

15. ល្អសម្រាប់ធ្មេញ និងអញ្ចាញ : សារធាតុ Fiber ក្នុងត្រសក់ជួយម៉ាស្សាអោយធ្មេញ និងអញ្ចាញអោយមានសុខភាពល្អ និងរឹងមាំបាន។

16. បំបាត់សម្លេងគ្រឺតចេញពីទ្វារ : ប្រសិនបើទ្វាររបស់អ្នកមានសម្លេងគ្រាតៗដែលរំខាននោះ សូមយកត្រសក់ទៅញីត្រង់ត្រចៀកទ្វារ រឺបង្អួច នោះសម្លេងនោះនឹងបាត់ជាក់ជាមិនខាន។

17. ជួយអោយយើងមានអារម្មណ៍ធូរស្រាល : ប្រើប្រាស់ត្រសក់នៅពេលដែលយើងស្ទីម នឹងធ្វើអោយអ្នកមានអារម្មណ៍ធូរស្រាល បំបាត់ស្ត្រេសបាន។

18. បំបាត់ក្លិនមាត់ស្អុយ : គ្រាន់តែយកត្រសក់ទៅទំពារផ្អាប់ទុកក្នុងមាត់រយៈពេល 30 វិនាទី នោះវានឹងបំបាត់អស់នូវក្លិនស្អុយ ក៏ដូចជាបាក់តេរីចេញពីមាត់បានយ៉ាងមានប្រសិទ្ធភាព។

19. សំអាតលោហៈធាតុផ្សេងៗអោយសស្អាត : ត្រសក់អាចជួយសម្អាតគ្រឿងលោហៈផ្សេងៗអោយស្អាតចែងចាំងបាន។

20. សំអាតទឹកហ្វឺត រឺស្នាមប្រលាក់ : សំបករបស់ត្រសក់អាចជួយសំអាតស្នាមប្រឡាក់ផ្សេងៗបានដូចជាទឹកហ្វឺត គូល័រទៀន និងអ្វីដែលលុបមិនជ្រះ។

21. ល្អសម្រាប់ប្រព័ន្ធរំលាយអាហារ : សារធាតុទឹកដ៏ច្រើនរបស់ត្រសក់ អាចជួយអោយប្រព័ន្ធរំលាយអាហារដំណើរការបានស្រួល នឹងកាត់បន្ថយជាតិពុលផ្សេងៗ។

22. ល្អសម្រាប់ជាលិការ : សិលាកាក្នុងត្រសក់ ជួយអោយជាលិកាក្នុងខ្លួនកាន់តែមានភាពរឹងមាំ ដែលធ្វើអោយយើងមានសុខភាពល្អបាន។

23. កំចាត់ព្រូន និងតេនញ៉ា : ត្រសក់អាចកំចាត់ព្រូន និងតេនញ៉ាមួយនួនចេញពីខ្លួនប្រាណរបស់យើងបាន ដោយគ្រាន់តែទទួលទានវាជាមួយទឹក។

24. ល្អសម្រាប់ក្រចក : សារធាតិស៊ីលីកានឹងជួយអោយក្រចកយើងមានភាពរឺងមាំ និងថ្លាស្អាត

25. បំបាត់ការឈឺនៃការគ្រេចជើង រឺសន្លាក់ : វីតាមីន A, B1, B6, C និង D ព្រមទាំងសារធាតុ កាល់ស្យូម និងម៉ាញ៉េស្យូម អាចជួយកាត់បន្ថយភាពឈឺចាប់នៅតាមសន្លាក់ រឺជើងរបស់យើងបាន។

26. ល្អសម្រាប់អ្នកកើតជំងឺទឹកនោមផ្អែម : វាមានសារធាតុមួយ ដែលកោសិកាចំបាច់ត្រូវការដើម្បីបង្កើតអាំងស៊ុយលីន ដែលអាចអោយអាការៈមានភាពល្អប្រសើរបន្តិចបាន។

27. កាត់បន្ថយកូឡេស្តរ៉ល : ការសិក្សាស្រាវជ្រាវមួយរកឃើញថា សារធាតុស្តេរ៉ូលក្នុងត្រសក់ អាចកាត់បន្ថយកម្រិតកូឡេស្តរ៉ូលអោយថយចុះបាន។

28. អាហារដ៏ល្អសម្រាប់ធ្មេញ : ត្រសក់ក្លាសេមួយចំណិតគឺជារបស់លេងដ៏ល្អសម្រាប់អញ្ចាញធ្មេញយើង ដែលអាចជួយម៉ាស្សា និងធ្វើអោយវាមានភាពល្អប្រសើរបាន ទាំងកុមារតូចៗ និងមនុស្សធំ។

ត្រសក់គឺពិតជាបន្លែមួយដែលសំបូរទៅដោយអត្ថប្រយោជន៍មែន ហើយថែមទាំងមានតម្លៃថោកនិងងាយស្រួលរកទិញផងដែរ។ ក៏ប៉ុន្តែដើម្បីទទួលបានអត្ថប្រយោជន៍ខ្ពស់ សូមអ្នកទាំងអស់គ្នាទទួលទានត្រសក់ណាដែលមានគុណភាពល្អ ជៀសវាងត្រសក់ដែលខូចគុណភាព និងប្រើប្រាស់សារធាតុគីមីជ្រុល។

វីធីទាំង 10 នេះអាចជំនួយដល់សុខភាពបេះដូងអ្នកដំនើរការបានកាន់តែប្រសើរ!

9:40 AM No comments

មនុស្សគ្រប់វ័យមានចង្វាក់បេះដូងខុសៗគ្នា ដូចជាកុមារ, មនុស្សពេញវ័យ, មនុស្សវ័យចំណាស់ និងស្រ្តីមានផ្ទៃពោះ សុទ្ធតែមានចង្វាក់បេះដូងលោតលឿន និងយឺតខុសគ្នា ហើយអាស្រ័យលើស្ថានភាព និងសុខភាពរបស់ពួកគេផងដែរ។ តើអ្នកទាំងអស់គ្នាធ្លាប់បានដឹងពីលំហែទាំបេះដូងដែរឬទេ? បេះដូងជាសរីរាង្គមួយដ៏សំខាន់បំផុតដែលអាចធ្វើឲ្យរបស់មានជីវិត អាចរស់នៅបាន មិនថាតែសត្វ ឬមនុស្ស សុទ្ធតែត្រូវការឲ្យបេះដូងមានសុខភាពល្អ និងរឹងមាំ។

នៅពេលនេះយើងនឹងណែនាំពីវិធីលំហែទាំពិសេសៗទាំង 10 ចំនុចមកជំរាបជូនដល់មិត្តអ្នកអាន ដើម្បីដឹងពីវិធីថែទាំសុខភាពបេះដូង និងសុខភាពរាងកាយរបស់អ្នកទាំងអស់គ្នាកាន់តែមានសុខភាពល្អ ដូចនេះសូមមើលការណែនាំនៅខាងក្រោម៖

1. កំណត់ថ្ងៃពិនិត្យសុខភាពបេះដូង

នេះជារឿងងាយស្រួលបំផុត ដែលអ្នកត្រូវតែចងចាំថ្ងៃមួយសំរាប់ពិនិត្យសុខភាពប្រចាំខែ ឬប្រចាំឆ្នាំ ហើយទុកវាដូចថ្ងៃពិសេសរបស់អ្នកចឹង ដូចនេះអ្នកអាចរក្សានូវការតាមដានសុខភាពបេះដូងរបស់អ្នកបានទៀង ទាត់ ដើម្បីជៀសវាងពីជំងឺផ្សេងៗដែលវាយប្រហារទៅកាន់បេះដូងរបស់អ្នក បាន បើសិនជាអ្នកដឹងមុនពេលដែលជំងឺធ្ងន់ធ្ងរ។

2. សំរួលចលនានៃរាងកាយ

ជំហ៊ានដំបូងអ្នកអាចព្យាយាមរត់នៅជុំវិញផ្ទះឬនៅស្តាតអូឡាំពិច ឬកន្លែងណាដែលអ្នកអាចរត់បាន ក្នុងមួយថ្ងៃ 30 នាទី ដើម្បីធ្វើឲ្យរាងកាយរបស់អ្នកដំនើរការទាំងអស់ រួមទាំងបេះដូងផងដែរ ទើបធ្វើឲ្យចង្វាក់បេះដូងដំនើរការបានល្អ។ បើសិនជាអ្នកទើបតែចាប់ផ្តើមរត់ អ្នកអាចរត់ត្រឹម 15 នាទីនៅប៉ុន្មានថ្ងៃដំបូង បន្ទាប់អ្នកអាចកើនម្តងបន្តិចៗ រហូតដល់ 30 នាទីតាមដែលអ្នក
អាចធ្វើបាន។

3. ពិសារទឹកឲ្យបានច្រើន

ការពិសារទឹកពិតជាមានសារៈសំខាន់សំរាប់មនុស្ស សូម្បីតែសត្វ ឬរុក្ខជាតិក៏ត្រូវការទឹកដែរ។ ទឹកអាចសំរួលដល់ដំនើរការរបស់ក្រពះ, ពោះវៀន និងមានសរីរាង្គជាច្រើននៅក្នុងខ្លួនមនុស្សត្រូវការទឹកជាចាំបាច់ ដើម្បីពង្រឹងដល់ប្រព័ន្ធដំនើរការផ្សេងៗ រួមទាំងបេះដូងផងដែរ។

4. ទទួលទានអាហារដែលមានជីវជាតិ និងល្អដល់សុខភាព

ព្យាយាមញុំាអាហារដែលគ្មានផលប៉ះពាល់ដល់សុខភាព ដូចជាផ្លែឈើដែលមានសារជាតិវីតាមីនគ្រប់គ្រាន់ និងបន្លែដែលមានសារជាតិចិញ្ចឹមពីធម្មជាតិ ដោយគ្មានប្រើប្រាស់ជីគីមី យកមកបរិភោគប្រចាំថ្ងៃ ហើយសូមកាត់បន្ថយអាហារដែលមានជាតិខ្លាញ់ខ្ពស់។

5. គ្រប់គ្រងកូឡេស្ត្រេរ៉ូល

ជាតិកូឡេស្ត្រេរ៉ូល អាចធ្វើឲ្យអ្នកញុំាច្រើនស្ទះសរសៃឈាមបេះដូង និងធាត់ដោយគ្មានសុខភាពល្អ ដូចនេះសូមកាត់បន្ថយ ដោយសារតែអាហារដែលយើងចំអិន និងញុំាំរាល់ថ្ងៃពោរពេញទៅជាតិនេះ ដូចនេះយើងបានត្រឹមតែកាត់បន្ថយ មិនអាចដល់ថ្នាក់ផ្តាច់បានទេ។

6. កាត់បន្ថយជាតិប្រៃ

ការញុំាជាតិប្រៃលើសកំណត់អាចធ្វើឲ្យសំពាធឈាមមនុស្សយើងឡើងខ្ពស់ខុស ប្រក្រតី ដូចនេះវាអាចបណ្តាលឲ្យដាច់សរសៃឈាមដែលតភ្ជាប់ទៅកាន់បេះដូងបាន យ៉ាងងាយ។ បើសិនជាអាច អ្នកដែលចូលចិត្តញុំាប្រៃខ្លាំងគួរតែកាត់បន្ថយទើបអាចរក្សា ជីវិតបានយូរអង្វែង។

7. បញ្ឈប់ការជក់បារី

បើសិនជាអ្នកពិបាកក្នុងការបញ្ឈប់ យើងមានវិធីណែនាំ ថ្ងៃទី 1 អ្នកត្រូវកាត់បន្ថយពាក់កណ្តាលនៃបារីដែលអ្នកបានជក់ប្រចាំថ្ងៃ រហូតដល់ថ្ងៃទី 3 អ្នកត្រូវកាត់បន្ថយការជក់បារីពាក់កណ្តាលនៃថ្ងៃដែលអ្នកបានជក់ កាត់បន្ថយហើយនោះ បន្ទាប់ដល់ថ្ងៃទី 5 អ្នកត្រូវកាត់បន្ថយពាក់កណ្តាលទៀត រហូតដល់អស់ ឬនៅសល់ភាគរយតិចបំផុត។

8. រក្សាទំងន់ឲ្យសមល្មម និងការហាត់ប្រាណ

អ្នកត្រូវកំណត់ការញុំារបស់អ្នកអោយសមប្រមាណ ដូចជាកុំញុំាច្រើនជ្រុល ឬកុំញុំាតិចពេក ហើយព្យាយាមថ្លឹងមើលទំងន់របស់អ្នកជាប្រចាំ ដើម្បីតាមដានដំនើរការប្រែប្រួលនៃទំងន់របស់អ្នក ឲ្យសាកសមជាមួយកំពស់ផង និងសុខភាពផង។

9. រក្សាការតាំងចិត្តដោយកុំបោះបង់

បើសិនជាអ្នកមិនបានតាំងចិត្តថែរក្សាសុខភាព ហើយធ្វើតាមវិធីខាងលើនេះទេ អ្នកប្រាកដជាស្តាយក្រោយ បន្ទាប់ពីជួបបញ្ហាបេះដូងណាមួយដែលអ្នកនឹកស្មានមិនដល់។ សំរាប់អ្នកដែលបានធ្វើតាមការថែទាំទាំងនេះហើយ ប៉ុន្តែធ្វើបានរយៈពេលខ្លី ក៏ត្រលប់ទៅកាន់ការញុំាច្រើនវិញ ឬមិនហាត់ប្រាណច្បាស់ជាសោកស្តាយជាមិនខាន ដូចនេះអ្នកគួរតែសំរួលអារម្មណ៍ ហើយតាំងចិត្តថា អ្នកអាចធ្វើបានដើម្បីសុខភាពអ្នក។

10. អោយរង្វាន់ដល់ខ្លួនអ្នក

បន្ទាប់ពីការពិនិត្យ, ការខំប្រឹងហាត់ប្រាណទៀងទាត់ និងញុំាអាហារដែលមានសុខភាពល្អជាប្រចាំ អ្នកអាចធ្វើអ្វីមួយដែលចូលចិត្ត ឬទិញអ្វីមួយសំរាប់ទុកជាអនុស្សារីយ៍ដែលបង្ហាញថាអ្នកអាចថែទាំ សុខភាពខ្លួនឯង រួមទាំងបេះដូងដំនើរការបានល្អ ពេលនោះអ្នកនឹងមានអារម្មណ៍សប្យាយចិត្តកាន់តែខ្លាំងនៅពេលដែល មានសុខភាពល្អ។

គន្លឹះប្រាំយ៉ាង ដើម្បីអោយស្បែករបស់អ្នកមានសុខភាពល្អ

9:37 AM No comments

ស្បែក គឺជាសរីរាង្គខាងក្រៅដ៏ធំបំផុតដែលគ្របដណ្តប់រូបរាងមនុស្សទាំងមូល។ វាមានភ្នាសនៃជាលិកាជាច្រើនស្រទាប់ និងមានកោសិកាមួយចំនួនសម្រាប់ការពារដូចជា កោសិកាសាច់ដុំ ឆ្អឹង សរសៃ និង សរីរាង្គខាងក្នុងជាដើម។ ការថែរក្សាស្បែក ជាកត្តាសំខាន់ណាស់សម្រាប់សុខភាព។ ការថែរក្សាស្បែកអោយមានសុខភាពល្អ គឺលោកអ្នកគួរគប្បីការពារស្បែកពីពន្លឺថ្ងៃ និង ធ្វើការសម្អាតជាប្រចាំ ហើយខាងក្រោមនេះ យើងនឹងបង្ហាញលោកអ្នកពីគន្លឹះល្អប្រាំយ៉ាង សម្រាប់សុខភាពស្បែករបស់យើង។

1. ការពារខ្លួនរបស់អ្នកពីពន្លឺព្រះអាទិត្យ

មួយក្នុងចំណោមវិធីដ៏សំខាន់បំផុតក្នុងការថែរក្សាស្បែករបស់អ្នកគឺការពារ ខ្លួនរបស់អ្នកពីព្រះអាទិត្យ។ ពេញមួយជីវិតនៃការទទួលពន្លឺព្រះអាទិត្យអាចបង្កអោយមានស្នាម ជ្រួញ, មើលទៅចាស់ជាងអាយុ និងបញ្ហាស្បែកផ្សេងៗទៀត ដែលជាហានិភ័យឈានទៅដល់ការកើតជម្ងឺ
មហារីកស្បែក។

ចំពោះការការពារខ្លួនរបស់អ្នកពីពន្លឺព្រះអាទិត្យ ពុំមែនមានន័យថា មិនអោយអ្នកដើរត្រូវថ្ងៃនោះទេ គឺអ្នកត្រូវមានវិធីសាស្រ្តឬមធ្យោបាយការពារនៅពេលដើរត្រូវថ្ងៃ ដូចជា៖

ប្រើឡេការពារពន្លឺព្រះអាទិត្យ នៅពេលចេញទៅខាងក្រៅ ឬ ក្រោយពេលងូតទឹកឬហែលទឹក។
រក្សាខ្លួននៅក្នុងម្លប់ មានន័យថា ត្រូវជៀសវាងការចេញទៅត្រូវថ្ងៃ ចន្លោះម៉ោង 10 ព្រឹក រហូតដល់ម៉ោង 4 រសៀល។
ស្លៀកពាក់សម្លៀកបំពាក់វែងៗ ហោមព័ទ្ធជុំវិញខ្លួនរបស់អ្នកអោយជិត។

2. កុំជក់បារី

ការជក់បារីធ្វើអោយស្បែករបស់អ្នកមើលទៅចាស់ជាងវ័យនិងធ្វើអោយជ្រួញ ខ្លាំង។ ការជក់បារីបង្កអោយសរសៃឈាមនៅក្នុងស្រទាប់ខាងក្រៅបង្អស់នៃស្បែក រួមតូច ធ្វើឲ្យលំហូរឈាមថយចុះ។ វិធីសាស្រ្តដើម្បីការពារស្បែករបស់អ្នកនោះគឺថា អ្នកត្រូវតែឈប់ជក់បារី ហើយការឈប់ជក់បារីនេះបាន អ្នកអាចទៅពិគ្រោះយោបល់ជាមួយវេជ្ជបណ្ឌិត ដើម្បីឲ្យលោកបង្ហាញពីរបៀបផ្តាច់បារី។

3. ថែរក្សាស្បែករបស់អ្នកថ្នមៗ

សកម្មភាពសម្អាតស្បែកជាប្រចាំ នឹងនាំអ្នកអោយមានសុខភាពល្អ ដូចជា៖

ងូតទឹកក្តៅអ៊ុនៗ និង កុំក្តៅពេក
ជៀសវាងការប្រើប្រាស់សាប៊ូដុំ រឹងៗ គឺអ្នកត្រូវប្រើប្រាស់នូវប្រភេទទឹកលាងសម្អាតវិញល្អជាង។
ត្រូវប្រើឡេលាបជាមុនសិន មុននឹងកោររោមនៅលើដងខ្លួនរបស់អ្នក។
បន្ទាប់ពីងូតទឹកហើយ ត្រូវមានកន្សែងជូតខ្លួន ហើយកន្លែងនោះ មិនត្រូវស្ងួតជ្រឺងនោះទេ គឺត្រូវយកកន្លែងណាដែលមានលក្ខណៈទន់ ងាយស្រួលជូត ជៀសជាងយកកន្លែងទើបតែហាលរួច។
ត្រូវប្រើផលិតផលដែលមានសំណើម សមស្របទៅតាមស្បែករបស់លោកអ្នក។

4. បរិភោគរបបអាហារដែលមានជីវជាតិ

របបអាហារដែលមានជីវជាតិល្អអាចជួយអោយអ្នកមើលទៅនិងមានអារម្មណ៍ស្រស់ ស្រាយបំផុត។ បរិភោគផ្លែឈើច្រើន បន្លែ គ្រាប់ធញ្ញជាតិនិងប្រូតេអ៊ីនគ្មានខ្លាញ់ ធ្វើអោយស្បែកមានសភាពភ្លឺក្មេងជាងវ័យ។

5. ការគ្រប់គ្រប់ទៅលើបញ្ហា Stress

បញ្ហា Stress ក៏ជាហេតុធ្វើអោយស្បែករបស់យើងមានសុខភាពមិនល្អផងដែរ។ ដូច្នេះអ្នកត្រូវរៀបចំផែនការ កាលវិភាគការងារអោយបានច្បាស់លាស់ និង សមហេតុផល ទើបធ្វើអោយលែងមាន Stress ឬ មន្ទិលសៅហ្មងក្នុងចិត្ត។

ដូច្នេះ ដើម្បីអោយស្បែករបស់យើងមានសុខភាពល្អ យើងគប្បីចេះថែរក្សាខ្លួនរបស់យើងពីពន្លឺព្រះអាទិត្យ កុំជក់បារី ថែរក្សាស្បែកដោយប្រើឡេលាប បរិភោគរបបអាហារដែលមានជីវជាតិ និង ចេះគ្រប់គ្រងនូវបញ្ហា Stress ឬ តប់ប្រម៉ល់នៅក្នុងចិត្តរបស់លោកអ្នកឲ្យបានល្អ៕

អត្ថប្រយោជន៍ទាំង 5 របស់ប្រទាលកន្ទុយក្រពើ សម្រាប់សុខភាពរបស់យើងទាំងអស់គ្នា

9:26 AM No comments

ប្រទាលកន្ទុយក្រពើរត្រូវបានប្រជាជនកម្ពុជាដាំនៅតាមផ្ទះជាច្រើន មិនថាអ្នកនៅផ្ទះល្វែង ឬផ្ទះវីឡាឡើយ ដោយសារតែវាងាយស្រួលដាំមិនចាំបាច់មើលថែអ្វីច្រើនទេ ពិសេសបំផុតនោះគឺចាស់ៗពួកគាត់ចូលចិត្តដាំវាណាស់ នោះក៏ដោយសារតែវាមានប្រយោជន៍ជាច្រើនសម្រាប់សុខភាពរបស់មនុស្ស យើង។ ជាក់ស្ដែងប្រទាលកន្ទុយក្រពើត្រូវបានក្រុមហ៊ុនផលិតភេសជ្ជៈមួយ ចំនួនយកទៅផលិតជាភេសជ្ជៈលក់ពេញទឹកពេញដី ដោយសារតែវាផ្ដល់ផលប្រយោជន៍ច្រើន ហេតុនេះ Cambo Report សូមលើកយកចំនុចសំខាន់ៗទាំង 5 ធំៗរបស់ប្រទាលកន្ទុយក្រពើមកបកស្រាយប្រាប់ប្រិយមិត្តអោយបានដឹង ទាំងអស់គ្នា ក៏ដូចជាចែកជូនទៅដល់ប្រជាជនកម្ពុជាទាំងអស់អោយបានយល់អំពីវាកាន់ តែស៊ីជម្រៅបន្ថែមទៀតដូចខាងក្រោម។

1. ល្អបំផុតសម្រាប់ព្យាបាលស្បែក

នេះគឺជាចំនុចមួយធំជាងគេបំផុតរបស់ប្រទាលកន្ទុយក្រពើសម្រាប់សុខភាពស្បែក របស់យើងទាំងអស់គ្នាមិនថាក្មេង ចាស់ ប្រុស ស្រីឡើយ វាត្រូវបានក្រុមហ៊ុនផ្នែកសម្ភស្សជាច្រើនយកទៅផលិតជាផលិតផល ថែរក្សាស្បែកសម្រាប់ការពារស្បែកនៅពេល ឆេះ រលាកភ្លើង សត្វល្អិតទិច និងជម្ងឺក្រហមស្បែកជាដើម ព្រោះប្រទាលកន្ទុយក្រពើមានសារជាតិពិសេសធ្វើអោយស្បែកត្រជាក់មាន សំនើមល្អ។ បើចង់អោយវាមានប្រសិទ្ធភាពកាន់តែខ្ពស់នោះគឺអាចកាត់មកពីដើម ភ្លាមៗ ហើយហាន់ជាចំនិតស្ដើងៗបិទត្រង់ចំនុចរបួសនោះគឺកាន់តែពិសេស បើមានទូរទឹកកក ឬធុងទឹកកក អ្នកអាចដាក់អោយវាត្រជាក់គឺកាន់តែល្អថែមមួយកម្រិតទៀត។

2. ជួយបណ្ដេញជាតិពុលចេញពីប្រព័ន្ធរំលាយអាហារ

បន្ទាយកន្ទុយក្រពើរផ្ទុកទៅដោយជាតិរអិលទន់ៗដូចចាហួយអញ្ចឹងដែរ ដែលនៅពេលអ្នកទទួលទានវាមិនត្រឹមតែកាន់តែបន្ថយកម្ដៅក្នុងខ្លួន ប្រាណនោះទេ វាថែមទាំងទៅស្រូបយកសារជាតិពុលដែលមាននៅក្នុងពោះវៀនធំរបស់ អ្នកមកជាមួយផងដែរ ដូច្នេះវាអាចកាត់បន្ថយសារជាតិពុលចេញពីរាងកាយបានយ៉ាងល្អ ប្រសើរ ពិសេសសារជាតិពុលក្នុងប្រព័ន្ធរំលាយអាហាររបស់អ្នកតែម្ដង។

3. ធ្វើអោយប្រព័ន្ធភាពស៊ាំរបស់រាងកាយដំណើរការបានល្អ

រុក្ខជាតិមួយនេះក៏ផ្ទុកទៅដោយសារជាតិប្រឆាំងនឹងអុកស៊ីតកម្ម ដែលប្រយុទ្ធប្រឆាំងនឹងរ៉ាឌីកាល់សេរីនៅក្នុងរាងកាយ។ ជាងនេះទៅទៀតវាក៏ជួយទៅដល់ការពន្លឿនកោសិកាឈាមសនៅក្នុងរាងកាយ របស់អ្នក ដែលធ្វើអោយស្នូលនៃប្រព័ន្ធភាពស៊ាំរបស់អ្នកកាន់តែខ្លាំងក្លា ជាងមុន ដែលជួយទៅដល់រាងកាយរបស់អ្នកប្រយុទ្ធប្រឆាំងនឹងការគំរាមកំហែង និងហានិភ័យនៃជំងឺផ្សេងៗបានយ៉ាងប្រសើរ ពិសេសគឺជម្ងឺឆ្លងតែម្ដង។

4. អារម្មណ៍ល្អ

ប្រទាលកន្ទុយក្រពើរជួយអោយរាងកាយរបស់អ្នកស៊ាំទៅនឹងបរិស្ថានជុំវិញខ្លួន ក៏ដូចជាប្រយុទ្ធប្រឆាំងនឹងជំងឺឆ្លងផ្សេងៗផងដែរ ដែលនៅពេលទទួលទានវា រាងកាយរបស់អ្នកនឹងងាយស្រួលក្នុងការប្រឈមមុខជាមួយនឹងបរិស្ថាន ជុំវិញខ្លួនបានយ៉ាងល្អ ធ្វើអោយអ្នកមានអារម្មណ៍ល្អ ដោយសារតែកម្ដៅក្នុងខ្លួនអ្នកមិនសូវជាក្ដៅខ្លាំងពេក។

5. សម្រកទម្ងន់

ចំនុចនេះមានការពាក់ព័ន្ធទៅនឹងចំនុចទី 2 ខាងលើ ដោយសារតែវាមានសមត្ថភាពធ្វើអោយប្រព័ន្ធរំលាយអាហាររបស់អ្នកដំណើ ការបានស្រួល មានន័យថាវាធ្វើអោយការបន្ទោរបង់របស់អ្នកទៀងទាត់ ថែមទាំងបណ្ដេញជាតិពុលបានយ៉ាងប្រសើរ ទើបធ្វើអោយអ្នកស្រកទម្ងន់បានមួយផ្នែកផងដែរ។ យ៉ាងណាមិញការប្រើប្រាស់ប្រទាលកន្ទុយក្រពើត្រូវបានគេសិក្សា ហើយរកឃើញថា ការប្រើប្រាស់ច្រើនពេកក៏អាចនឹងធ្វើអោយប៉ះពាល់ដល់សុខភាពរបស់ អ្នកផងដែរ ពិសេសគឺការទទួលទាន តែបើគ្រាន់តែការប្រើប្រាស់បិទស្បែកគឺគ្មានបញ្ហាច្រើននោះទេ តែការទទួលទានញឹកញាប់អាចនឹងមានបញ្ហាខ្លះៗទៅវិញផងដែរ។

ធ្វើម៉េចកុំអោយ លើសឈាម?

10:31 PM No comments

ខាងក្រោមនេះ គឺជាការណែនាំមួយចំនួន ដែលអាចបន្ថយឱកាស នៃការវិវត្តទៅជាជំងឺលើសឈាម និងជួយអោយអ្នកមានសុខភាពល្អ ៖
-    រក្សាទម្ងន់អោយនៅធម្មតា ទៅតាមសន្ទស្សន៍នៃទម្ងន់ខ្លួន។
-    ធ្វើលំហាត់ប្រាណ ជាទៀងទាត់។ នេះអាចជួយការពារអ្នក ពីការក្លាយជាលើសទម្ងន់ ឬជួយអ្នកអោយស្រកទម្ងន់ ប្រសិនបើអ្នកត្រូវការ។ ការធ្វើលំហាត់ប្រាណ ក៏ជួយរក្សាបេះដូង និងសរសៃឈាម អោយមានសុខភាពល្អ និងរឹងមាំ។ ការធ្វើលំហាត់ប្រាណ ជួយរក្សាសម្ពាធឈាម អោយនៅល្អ នៅពេលដែលអ្នកមានវ័យចំណាស់ក៏ដោយ។
-    ញ៉ាំអាហារដែលផ្តល់នូវសុខភាព ដែលរួមមានញ៉ាំគ្រាប់ធញ្ញជាតិ ញ៉ាំអាហារដែលមានជាតិខ្លាញ់តិច ញ៉ាំផ្លែឈើ និងបន្លែ។
-    កុំជក់បារី។ ការជក់បារី និងជំងឺលើសឈាម គឺជាកត្តាហានិភ័យ ចម្បង សម្រាប់ការគាំងបេះដូង ឬជំងឺស្ទះសរសៃឈាមខួរក្បាល នៅពេលក្រោយ។
-    សូមគ្រប់គ្រងស្ត្រេសរបស់អ្នក។ វាអាចជួយ ដោយអនុវត្តវិធីសាស្ត្រ នៃការបន្ធូរអារម្មណ៍ដូចជា ការដកដង្ហើមជ្រៅៗជាដើម។
-    បន្ថយការញ៉ាំប្រៃ។ ការញ៉ាំប្រៃតិច ត្រូវបានបង្ហាញថា ជួយបន្ថយសម្ពាធឈាម ចំពោះមនុស្សមួយចំនួន និងអាចការពារការវិវត្ត ទៅជាជំងឺលើសឈាម។
-    ជៀសវាងការផឹកស្រាច្រើន ដែលត្រូវបានផ្សារភ្ជាប់ ជាមួយនឹងជំងឺលើសឈាម។
-    ត្រូវដឹងពីសម្ពាធឈាមរបស់អ្នក។ ត្រូវពិនិត្យអោយបានទៀងទាត់ ទោះបីជាជំងឺលើសឈាមកើតមានជាញឹកញាប់ ចំពោះមនុស្សពេញវ័យក៏ដោយ ប៉ុន្តែ វាក៏អាចកើតមានលើមនុស្សគ្រប់វ័យដែរ៕

ការហាល ខោអាវ នៅក្នុងផ្ទះ ដោយមិនត្រូវ ពន្លឺថ្ងៃ ធ្វើឲ្យប៉ះពាល់ ដល់សុខភាព មនុស្សយ៉ាងខ្លាំង!

10:16 PM No comments

កាលពីពេលថ្មីៗនេះ ក្រុមអ្នកវិទ្យាសាស្រ្ត បានរកឃើញថា ការហាលខោអាវ នៅខាង ក្នុងផ្ទះ គឺបានបង្កឲ្យ មានការប៉ះពាល់ សុខភាពរបស់ មនុស្សយ៉ាងខ្លាំង និងបានបង្ក ឲ្យមានជំងឺ ផ្សេងៗទៀត ជាច្រើនដែល យើងមិនធ្លាប់បានដឹង។

យោងតាមការបញ្ជាក់ ពីក្រុមអ្នកជំនាញ បានបង្ហាញឲ្យដឹងថា ការហាលខោអាវ នៅខាងក្នុងផ្ទះ ដោយ មិនទុកដាក់ ឲ្យវាត្រូវពន្លឺ ថ្ងៃត្រឹមត្រូវ អាចធ្វើឲ្យ កម្រិតនៃជាតិសំណើម នៅក្នុងផ្ទះ កើនឡើង ខ្ពស់រហូត ដល់ទៅ៣០% ដែលអាចបង្ក ឲ្យមានការ ដុះផ្សិត និង លំអងធូលី ផ្សេងៗទៀត សាយភាយពេញ ក្នុងផ្ទះ។ លើសពីនេះទៀត ជាតិលំអង ក៏ដូចជាការ ដុះផ្សិតទាំងនោះ បានបង្កប់នូវ សារធាតុម្យ៉ាង ដែលមាន ឈ្មោះថា Aspergillus Fumigatus spores ដែលអាចធ្វើឲ្យមនុស្ស មានជំងឺហឺត យ៉ាងធ្ងន់ធ្ងរ និងអាចធ្វើឲ្យ ប្រព័ន្ធស៊ាំ របស់មនុស្ស ចុះខ្សោយទៀតផង។

លោកសាស្ត្រាចារ្យ David Denning អ្នកស្រាវជ្រាវ ប្រចាំទីក្រុង Manchester ប្រទេស អង់គ្លេស បាន និយាយថា “ជាធម្មតាខោអាវ មួយគំនរដែល បោករួចហើយ អាចផ្ទុកទឹក បានជិត២លីត្រ ដូច្នេះបើសិន ជាយើងដាក់ហាល វាចោលនៅក្នុងផ្ទះ ជាតិទឹកទាំងនោះ នឹងធ្វើឲ្យបរិយាកាស ក្នុងផ្ទះមានសំណើម ជាហេតុធ្វើឲ្យ លំអងធូលី និងការដុះផ្សិត រីកលូតលាស់ យ៉ាងឆាប់រហ័ស ដែលវាជា ដើមហេតុក្នុងការ បង្កឲ្យមាន ការកកើត ជំងឺឆ្លងផ្សេងៗ ចំពោះប្រព័ន្ធ ដកដង្ហើមរបស់ មនុស្ស ដូចជាជំងឺ ហឺត ជាដើម”។
លោកសាស្ត្រាចារ្យ បានបញ្ជាក់ បន្ថែមទៀតថា “ស្ថានភាពរបៀបនេះ គឺវាបានប៉ះពាល់ខ្លាំង ទៅដល់ អ្នកដែល មានបញ្ហាខាង ផ្លូវដង្ហើម ឬអ្នកដែលមានផ្ទុក មេរោគអេដស៍ ព្រោះថា ប្រព័ន្ធស៊ាំ របស់ពួកគេ មានភាពទន់ ខ្សោយស្រាប់ ដូច្នេះនៅពេល ពួកគេរស់នៅ ក្នុងផ្ទះដែលមាន បរិយាកាសបែបនេះ នោះជំងឺនឹងកាន់តែ ធ្ងន់ធ្ងរបន្ថែមទៀត”។
យ៉ាងណាមិញ ក្រុមអ្នកវិទ្យាសាស្ត្រ ក៏បានផ្តល់ដំបូន្មាន ក្នុងការជៀសវាង បញ្ហានេះផងដែរ ដោយ លើកឡើងថា “គួរតែយកខោអាវ ដែលបោករួច ទៅហាលនៅខាងក្រៅផ្ទះ ឬក៏កន្លែង សុវត្ថិភាពណាមួយ ដែលមានពន្លឺថ្ងៃ និងខ្យល់ចេញចូល គ្រប់គ្រាន់ ទើបមេរោគ ក៏ដូចជា ជាតិលំអង និងការដុះផ្សិត មិនអាចរីក លូតលាស់ដើម្បី ទៅបំផ្លាញសុខភាព របស់មនុស្សបាន”៕
តើប្រិយមិត្តយល់ យ៉ាងណាដែរ?

គេងស្រាត ជួយទប់ស្កាត់ ជំងឺទឹកនោមផ្អែម និងមាន អត្ថប្រយោជន៍ ជាច្រើនទៀត!

9:36 PM No comments

យោងតាមរបាយការណ៍ បានឲ្យដឹងថា មនុស្ស ដែលមានទម្លាប់គេងស្រាត អាចជួយឲ្យមាន ការដុតរំលាយ ជាតិកាឡូរី នៅក្នុងខ្លួន បានយ៉ាងល្អ, ជួយទប់ស្កាត់ ជំងឺឆ្លងផ្សេងៗ, និងជួយបង្កើន ទំនាក់ទំនង របស់អ្នកជាមួយដៃគូ ព្រមទាំងជួយ ធ្វើឲ្យអ្នកឆាប់ គេងលក់យ៉ាងស្រួល ទៀតផង ហើយអ្វីដែល ពិសេសនោះ គឺការជួយទប់ស្កាត់ អ្នកមិនឲ្យ មានជំងឺទឹកនោមផ្អែម។

លោក Dr. Chris Idzikowski ពេទ្យជំនាញ ផ្នែកដំណេក និងជានាយក Edinburgh Sleep Centre បាននិយាយថា “ការគេងស្រាត បានធ្វើឲ្យខ្លួនប្រាណ របស់អ្នក មានភាពងាយស្រួល ក្នុងការរក្សា ភាពត្រជាក់ក្នុងខ្លួន និងរក្សា សីតុណ្ហភាពទាប សម្រាប់សម្រប តាមតម្រូវការ របស់ខួរក្បាល ដើម្បីជួយឲ្យ អ្នកគេងលក់ យ៉ាងស្កប់ស្កល់។ នៅពេលដែលអ្នក គេងលក់ស្កប់ស្កល់ ហើយនោះ ដំណើរការខួរក្បាល និង ការផលិតអ័រម៉ូន ក្នុងសារពាង្គកាយ នឹងប្រព្រឹត្តទៅក្នុង ដំណើរដ៏ល្អប្រសើរ ដែលអាចឲ្យអ្នក មានការគិត និងការចងចាំល្អ”។
គាត់ក៏បាន បញ្ជាក់បន្ថែមទៀតថា “លើសពីនេះទៀត ការគេងលក់ ដោយរក្សាសីតុណ្ហភាព ត្រជាក់នៅក្នុងខ្លួន ដែលបានមកពី ការគេងស្រាត វាបានជួយ សម្រួលទៅដល់ ការដុតរំលាយ ជាតិកាឡូរី នៅក្នុងខ្លួនរបស់ មនុស្សយើង ដែលអាចធ្វើឲ្យ មនុស្សជៀសឆ្ងាយ ពីភាពធាត់ជ្រុល និងជំងឺទឹកនោមផ្អែម”។

ទាំងនេះគឺជា ការស្រាវជ្រាវ រកឃើញថ្មីរបស់ ក្រុមអ្នកវិទ្យាសាស្រ្ត ពាក់ព័ន្ធទៅនឹង ទម្លាប់មនុស្ស ក្នុងការគេងស្រាត ហើយក៏បានបង្ហាញថា វាពិតជាអាច ផ្តល់នូវអត្ថប្រយោជន៍ បានច្រើនយ៉ាង សម្រាប់សុខភាពមនុស្ស ពិតប្រាកដមែន៕
តើប្រិយមិត្តយល់ យ៉ាងណាដែរ?

ហេតុអ្វី ប្រេងអូលីវ ល្អសម្រាប់សុខភាព?

11:01 PM No comments

ប្រភេទសំខាន់នៃជាតិខ្លាញ់ ដែលមាននៅក្នុងគ្រប់ប្រភេទនៃប្រេងអូលីវ គឺជាពពួកអាស៊ីតខ្លាញ់ Monounsaturated (MUFAs)។ អាស៊ីតខ្លាញ់ MUFAs ត្រូវបានចាត់ទុកថា ជាជាតិខ្លាញ់ ដែលនាំអោយមានសុខភាពល្អ។
ប្រសិនបើអ្នកជំនួសអាហាររបស់អ្នក ដែលជាពពួកខ្លាញ់ឆ្អែត ដោយពពួកខ្លាញ់មិនទាន់ឆ្អែត ដូចជា អាស៊ីតខ្លាញ់ MUFAs និងអាស៊ីតខ្លាញ់ Polyunsaturated (PUFAs) អ្នកអាចទទួលបានអត្ថប្រយោជន៍សុខភាពមួយចំនួន។ អាស៊ីតខ្លាញ់ MUFAs និង PUFAs អាចជួយបន្ថយហានិភ័យ នៃជំងឺបេះដូងបាន ដោយការកែលម្អកត្តាហានិភ័យដែលពាក់ព័ន្ធ។ MUFAs ត្រូវបានរកឃើញថា ជួយកាត់បន្ថយកូឡេស្តេរ៉ូលសរុបរបស់អ្នក និងកម្រិតកូឡេស្តេរ៉ូលអាក្រក់ ចេញពីរាងកាយ។ MUFAs ក៏អាចជួយធ្វើអោយឈាមកកបានធម្មតា ហើយការស្រាវជ្រាវមួយចំនួន បានបង្ហាញថា MUFAs ក៏អាចផ្តល់ប្រយោជន៍ ដល់កម្រិតអាំងស៊ុយលីន និងការត្រួតពិនិត្យជាតិស្ករក្នុងឈាម ដែលអាចមានប្រយោជន៍ ជាពិសេស ប្រសិនបើអ្នកមានជំងឺទឹកនោមផ្អែមប្រភេទទី ២។
ប៉ុន្តែ ខ្លាញ់ដែលនាំអោយមានសុខភាពល្អ ដូចជា ប្រេងអូលីវ គឺមានកាឡូរីខ្ពស់ ដូច្នេះ ពួកវាប្រើបានតែនៅក្នុងកម្រិតមធ្យមតែប៉ុណ្ណោះ។ ជ្រើសរើសអាហារដែលសម្បូរអាស៊ីតខ្លាញ់ MUFA ដូចជាប្រេងអូលីវ ដែលមាននៅក្នុងអាហារខ្លាញ់ផ្សេងទៀត ជាពិសេស ប័រ សូមកុំបន្ថែមទៅលើពួកវាអោយសោះ។
ហើយសូមចាំថា អ្នកមិនអាចធ្វើអោយអាហារដែលមិនល្អសម្រាប់សុខភាព ទៅជាល្អសម្រាប់សុខភាព ដោយគ្រាន់តែបន្ថែមប្រេងអូលីវ ដល់ពួកវាបាននោះទេ៕

តើអ្នកគួរញុំាទឹកប៉ុន្មានក្នុងមួយថ្ងៃដើម្បីការពារជំងឺគ្រួសក្នុងតម្រងនោម?

7:30 PM No comments

ការទទួលសារធាតុរាវឲ្យបានគ្រប់គ្រាន់គឺជារឿងដ៏ សំខាន់បំផុតដែលមនុស្សម្នាក់អាចធ្វើទៅបានដើម្បីការពារគ្រួសក្នុង តម្រងនោម។ចំពោះអ្នកដែលមានគ្រួសក្នុងតម្រងនោម អ្នកគួរទទួលទានទឹកឱ្យបានច្រើនយ៉ាងហោចណាស់ឲ្យបាន២ លីត្រក្នុងមួយថ្ងៃ។ ចំណែកឯអ្នកដែលមានគ្រួសវិញគឺតម្រូវឲ្យផឹកទឹកកាន់តែច្រើន។ចំនួននៃ សារធាតុទឹកដែលមនុស្សម្នាក់ត្រូវការគឺអាស្រ័យលើអាកាសធាតុនិង កម្រិតនៃសកម្មភាពដែលមនុស្សធ្វើការឬធ្វើលំហាត់ប្រាណ។ ព្រោះកាលណាមានអាកាសធាតុក្តៅខ្លួនអ្នកត្រូវការសារធាតុទឹកបន្ថែមទៀត ដើម្បីជំនួសសារធាតុទឹកដែលបាត់បង់តាមញើស។ការផលិតទឹកនោមក្នុង២៤ ម៉ោងអាចត្រូវបានប្រើដើម្បីកំណត់បរិមាណនៃជាតិទឹកដែលបានផលិត ក្នុងមួយថ្ងៃ។ប្រសិនបើមានបរិមាណទឹកនោមផលិតបានតិចពេកនោះអ្នកអាច ត្រូវបានគេណែនាំឱ្យបង្កើនការទទួលទានជាតិទឹកបន្ថែម។ការសិក្សាមួយ ចំនួនបានបង្ហាញថាភេសជ្ជៈដូចជាទឹកក្រូចអាចការពារប្រឆាំងនឹងជំងឺ គ្រួសក្នុងតម្រងនោមបានព្រោះវាមានសារធាតុស៊ីត្រាតដែលអាចជួយ បញ្ឈប់ការកកើតដុំគ្រីស្តាល់ ដែលជាដុំគ្រួស៕

អត្ថប្រយោជន៍ទាំង 6 ចំនុចរបស់ផ្លែ ក្រូចឆ្មារ ដែលប្រជាជនកម្ពុជាទាំងអស់គួរយល់ដឹង!

7:22 PM No comments

ក្រូចឆ្មារត្រូវបានមនុស្សជាច្រើនយកទៅធ្វើជាគ្រឿងផ្សំ ដើម្បីធ្វើអោយចំនីអាហារមានឱជារសឈ្ងុយឆ្ងាញ់ពិសារ បានយ៉ាងច្រើនបែបច្រើនយ៉ាងបំផុត ជាងនេះទៅទៀតនោះក្រូចឆ្មារក៏បានយកទៅធ្វើជាភេសជ្ជៈ និងបង្អែមខ្លះៗផងដែរ ដែលយើងអាចនិយាយបានថា វាពិតជាមានសារៈសំខាន់ខ្លាំងណាស់ទៅដល់ការហូបចុករបស់មនុស្ស ទូទាំងពិភពលោក។ ទាំងនោះគ្រាន់តែជាផ្នែកមួយខាងអាហារញ៉ាំតែប៉ុណ្ណោះ បើយើងនិយាយអោយបានស៊ីជម្រៅទៅដល់ផ្នែកសុខភាព ដែលក្រូចឆ្មារអាចផ្ដល់អោយរាងកាយមនុស្សយើងវិញទើបបានដឹងថា វាមានអត្ថប្រយោជន៍ច្រើនសម្រាប់សុខភាពរបស់យើងទាំងអស់គ្នា ដូច្នេះថ្ងៃនេះ Cambo Report សូមធ្វើការណែនាំគុណសម្បត្តិធំៗទាំង 6 ចំនុច ដែលក្រូចឆ្មារអាចជួយទៅដល់ផ្នែកសុខភាពរបស់យើងបានជូនទៅដល់ ប្រជាជនកម្ពុជាទាំងអស់អោយបានយល់ដឹងបន្ថែម ទុកជាចំនេះដឹងទូទៅផ្នែកសុខភាព។

ក្រូចឆ្មារក៏ស្ថិតនៅក្នុងពពួកផ្លែក្រូចផងដែរ គ្រាន់តែវាមានទំហំតូចជាង និងមានរសជាតិជូរប៉ុណ្ណោះ ហេតុនេះ ក្រូឆ្មារពោរពេញទៅដោយវីតាមីន C កាល់ស្យូម ម៉ាញ៉េស្យូម សារធាតុប្រឆាំងអុកស៊ីតកម្ម និងសារជាតិដែក ដែលខ្លួនប្រាណមនុស្សត្រូវការទាំងអស់ អាចជួយទៅដល់សុខភាពសក់ក្បាល ស្បែក និងក្រចករបស់មនុស្សបានយ៉ាងប្រសើរ។

អត្ថប្រយោជន៍សំខាន់ៗទាំង 6 នៃក្រូចឆ្មាររួមមាន៖

ជួយដោះស្រាយបញ្ហាមុនក្បាលខ្មៅ នៅលើផ្ទៃមុខ៖ ក្នុងផ្លែក្រូចឆ្មារបានផ្ទុកទៅដោយសារធាតុម្យ៉ាងដែលប្រឆាំងបាក់តេរី និងមេរោគផ្សិត ដូច្នេះវាគឺជាជម្រើសល្អមួយក្នុងការទប់ស្កាត់ និងបង្ការបញ្ហាមុនក្បាលខ្មៅនៅលើផ្ទៃមុខ ឬផ្នែកមួយចំនួនរបស់រាងកាយមនុស្ស តាមបែបធម្មជាតិ ដោយចិត្តក្រូចឆ្មារស្ដើងៗយកមកអូសលាងផ្ទៃមុខរបស់អ្នក តែបើមានទឹកឃ្មុំលាយជាមួយកាន់តែល្អ បន្ទាប់ពីធ្វើការលាងមុខចុះឡើងបានប៉ុន្មាននាទីក្រោយមក អ្នកអាចយកទឹកស្អាតមកលាងមុខ។ (ហាមទឹកក្ដៅ)
ធ្វើអោយផ្ទៃមុខភ្លឺថ្លា៖ ដោយសារតែក្រូចឆ្មាមានសារជាតិជូរ (អាស៊ីត) ដែលផ្ទុកនៅក្នុងផ្លែក្រូច វាអាចជួយទៅដល់ស្បែកខូច ជំរះជាតិខ្មៅៗ ឬដីចេញពីផ្ទៃមុខបានយ៉ាងប្រសើរ។ តែបើអ្នកប្រើប្រាស់ខ្លាំងហួសហេតុពេក វាអាចធ្វើអោយអ្នកមានបញ្ហាអាស៊ីតកាត់មុខផងដែរ ហេតុនេះសូមប្រញ៉ាប់លាងទឹកស្អាតចេញ!
ធ្វើអោយធ្មេញសបែបធម្មជាតិ៖ ក្រូចឆ្មារ ក៏អាចជួយធ្វើអោយធ្មេញរបស់យើងស ដូចផ្លែចេកផងដែរ តែរបៀបធ្វើអោយធ្មេញសបានតម្រូវអោយអ្នកធ្វើការលាយបញ្ចូលទឹក សូដា ជាមួយទឹកក្រូចឆ្មារ បន្ទាប់មកបៀមទឹកនោះក្នុងមាត់របស់អ្នកមិនអោយយូរជាង 1 នាទីឡើយ។ អ្នកអាចសាកល្បងធ្វើបែបនេះក្នុងរយៈពេល 3 ដងក្នុងមួយសប្ដាហ៍។
កាត់បន្ថយផ្ទៃមុខមានខ្លាញ់ច្រើន៖ សម្រាប់អ្នកដែលមានផ្ទៃមុខមានខ្លាញ់ច្រើន អ្នកគប្បីសាកល្បងប្រើប្រាស់ទឹកក្រូចឆ្មារ លាយជាមួយនឹងសំឡីសើមជូតផ្ទៃមុខរបស់អ្នកត្រង់ចំនុចមានខ្លាច់ ច្រើនពិសេសត្រង់ច្រមុះតែម្ដង។ ការធ្វើបែបនេះពុំអាចបញ្ឈប់ផ្ទៃមុខខ្លាញ់បានរហូតឡើយ តែវានឹងកាត់បន្ថយខ្លាញ់បានច្រើនគួរអោយកត់សំគាល់។
ធ្វើអោយសក់មានខុសភាពល្អ និង ស្រស់ស្អាត៖ ការយកទឹកក្រូចឆ្មារ លាយបញ្ចូលជាមួយនឹងសាប៊ូកក់សក់របស់អ្នក បន្ទាប់មកយកក្រាសមកសិតសក់របស់អ្នក និងអង្គុយក្រោមពន្លឺព្រះអាទិត្យប្រហែល 1-2 ម៉ោង ដោយធ្វើបែបនេះអោយបានម្ដងក្នុងមួយសប្ដាហ៍ រហូតបាន 2-3 សប្ដាហ៍ អ្នកនឹងចាប់អារម្មណ៍ថាសក់អ្នកទន់ និងរលើបរលោងជាងមុន ថែមទាំងកាត់បន្ថយបញ្ហាអង្គែបានទៀតផង។
ធ្វើអោយក្រចកដៃ និង ក្រចកជើងស្អាត រឹងមាំ៖ ការយកខ្លាញ់អូលីវ លាយជាមួយទឹកក្រូចឆ្មារដាក់សំឡី ហើយធ្វើការជូតទៅលើក្រចកដៃ និងក្រចកជើង គឺជាវិធីសាស្ត្រដ៏ពិសេសមួយ ដែលអាចជួយដោះស្រាយបញ្ហាក្រចកលឿង អោយប្រែពណ៌ដូចក្រចកពណ៌ធម្មជាតិបានយ៉ាងប្រសើរ។ ជាងនេះទៅទៀតវាអាចជួយធ្វើអោយក្រចករបស់អ្នករឹងមាំមិនផុយដូច ក្រចកធម្មតានោះទេ។

សរុបសេចក្ដីមក ក្រូចឆ្មារមានផលប្រយោជន៍ខ្លាំងណាស់សម្រាប់ជីវភាពរស់នៅប្រចាំថ្ងៃ របស់មនុស្សគ្រប់គ្នា ហើយក៏ជាគ្រឿងផ្សំមួយ ដែលអាចធ្វើអោយអ្នកមានសុខភាពល្អទៅតាមការប្រតិបត្តិ ឬធ្វើទៅតាមចំនុចទាំង 6 ខាងលើនេះ។ ជាការពិតណាស់ក្រូចឆ្មារ នៅមានអត្ថប្រយោជន៍ជាច្រើនទៀត សម្រាប់យកទៅធ្វើអ្វីផ្សេងៗទៀត ដូច្នេះបើប្រិយមិត្តគិតថាចង់សាកល្បងប្រើប្រាស់ក្រូចឆ្មារជួយជា ជំនួយទៅដល់សុខភាព សូមចាប់ផ្ដើមពេលណាក៏បាន ដោយពុំចាំបាច់ព្រួយបារម្មណ៍អ្វីច្រើនដែរ រីឯតម្លៃក៏ធូរថ្លៃងាយស្រួលរកនៅតាមទីផ្សារគ្រប់ច្រកល្ហក។

តើការបំបៅដោះកូនធ្វើអោយសុដន់យារមែនទេ?

7:17 PM No comments

វាគឺជារឿងធម្មតានោះទេ ដែលមានការងឿងឆ្ងល់ថាតើការបំបៅដោះកូននឹងប៉ះពាល់ដល់សុដន់របស់ អ្នកដែរឬទេ?ប៉ុន្តែ សូមកុំបារម្ភឡើយ។ការស្រាវជ្រាវមួយបានបង្ហាញថាការបំបៅដោះកូន ដូចជា មិនមានផលអវិជ្ជមាន ដែលអាចប៉ះពាល់ដល់សភាពរបស់សុដន់នោះឡើយ។

អំឡុងពេលមានផ្ទៃពោះសរសៃពួរដែលបានជួយទ្រសុដន់របស់អ្នកអាច នឹងធ្វើអោយសុដន់របស់អ្នកឡើងតឺង ហើយជាញឹកញាប់ អ្នកមានអារម្មរណ៍ថា តឹង និងធ្ងន់ៗ។ ការឡើងតឹងនេះ អាចរួមចំណែកដល់ការយារសុដន់ បន្ទាប់ពីមានផ្ទៃពោះ មិនមែនថាតើអ្នកបំបៅ ឬមិនបំបៅដោះកូននោះទេ។សុដន់ឡើងយារអាចនឹងកត់សម្គាល់បាន កាន់តែច្បាស់ នៅពេលមានផ្ទៃពោះជាបន្តបន្ទាប់។

មានកត្តាផ្សេងទៀតក៏អាចរួមចំណែកដល់ការយារសុដន់ផងដែរដែល ក្នុងនោះ រួមបញ្ចូលទាំងភាពចាស់និងការជក់បារី ដែលទាំងពីរនេះអាចធ្វើអោយ កាត់បន្ថយនូវភាពបត់បែននៃស្បែក។ ការលើសទម្ងន់និងការមានសុដន់ធំពេក ក៏អាចមានឥទ្ធិពលស្រដៀងគ្នាផងដែរ។សូមចងចាំថា ការបំបៅដោះកូនគឺល្អបំផុតសម្រាប់ទារក។ ចូរកុំមានការភ័យខ្លាចការធ្លាក់យារសុដន់ ដែលមកពីការបំបៅដោះកូន។ ដើម្បីជួយរក្សារូបរាងនៃសុដន់របស់អ្នក សូមធ្វើអោយរបៀបរស់នៅរបស់អ្នក មានសុខភាពល្អ ដែលរួមបញ្ចូលការហាត់ប្រាណ អោយក្លាយជាទម្លាប់ប្រចាំថ្ងៃរបស់អ្នក បរិភោគអាហារដែលមានសុខភាពល្អ ហើយប្រសិនបើអ្នកជក់បារី សូមរកជំនួយពីគ្រូពេទ្យ ដើម្បីជួយអ្នកអោយឈប់ជក់បារីបាន៕

អាហារទាំង 7 ប្រភេទ ដែលធ្វើអោយធ្មេញអ្នកមានភាពរឹងមាំ និងសស្អាតបាន

6:54 PM No comments

ធ្មេញគឺជាសរីរាង្គដ៏ចំបាច់បំផុតមួយក្នុងប្រព័ន្ធរំលាយអាហារ ហើយវាក៏ផ្តល់សោភ័ណភាពអោយយើងមើលទៅមានភាពស្រស់សង្ហារទៀតផង។ ការថែរក្សាធ្មេញមិនត្រឹមតែផ្តោតទៅលើការដុះធ្មេញ សំអាតដោយប្រើវិធីផ្សេងៗ និងឧស្សាហ៍ទៅជួបទន្តបណ្ឌិតតែប៉ុណ្ណោះទេ ប៉ុន្តែការទទួលទានអាហារពិសេសៗមួយចំនួនក៏នឹងជួយអោយធ្មេញមាន សុខភាពល្អ និងមានភាពរឹងមាំផងដែរ។ ប្រសិនបើអ្នកចង់អោយធ្មេញអ្នកមានភាពរឹងមាំ សស្អាត និងមានសុខភាពល្អនោះ អ្នកគួរតែព្យាយាមទទួលទានរបស់ទាំង 7 ប្រភេទខាងក្រោមនេះអោយបានញឹកញាប់និងច្រើន នោះអ្នកនឹងទទួលបានលទ្ធផលល្អបំផុត នឹកស្មានមិនដល់។

1. ទឹកដោះគោ

ធ្មេញត្រូវការសារធាតុកាល់ស្យូមជាច្រើនណាស់ ដើម្បីអោយវាមានភាពរឹងមាំ និងមានសុខភាពល្អ។ ទឹកដោះគោគឺជាអាហារដែលងាយស្រួលរកមកទទួលទានមួយ ហើយវាក៏សំបូរទៅដោយសារធាតុកាល់ស្យូមផងដែរ។

2. ផ្លែប៉ោម

ផ្លែប៉ោមគឺជាផ្លែឈើដ៏ពិសេសម្យ៉ាង ដែលវានឹងជួយបង្កើតទឹកមាត់ក្នុងមាត់អោយច្រើនជាងមុន។ ទឹកមាត់ថ្មីដែលបង្កើតនេះវាមានប្រសិទ្ធភាពខ្ពស់ អាចការពារធ្មេញយើងពីការចោះរុក ដោយបាក់តេរីផ្សេងៗទៀតបាន។

3. ផ្សិត

ផ្សិតសំបូរទៅដោយសារធាតុវីតាមីន ដែលវាអាចអោយស្រទាប់ការពារធ្មេញយើងមានភាពរឹងមាំជាងមុន ក៏ដូចជាដុះថ្មីបានទៀតផង។ បន្ថែមពីនេះទៅទៀត វាក៏ជួយអោយធ្មេញអាចស្រូបយកសារធាតុកាល់ស្យូមបានល្អជាងមុនផង ដែរ ដើម្បីយកមកស្ថាបនាធ្មេញអោយមានភាពរឹងមាំ។

4. ទឹក

ទឹកអាចធ្វើអោយអញ្ចាញធ្មេញមានសំណើម និងស្រស់ស្រាយជានិច្ច ហើយវាក៏នឹងផ្តល់នូវសារធាតុរ៉ែដែលធ្មេញត្រូវការមួយចំនួនផង ដែរ។ បន្ថែមពីនេះទៀត វាក៏ជួយសំអាតធ្មេញអោយមានភាពស្រស់ស្រាយ និងស្អាតផងដែរ ចៀសវាងការពុកផុយដោយសារតែបាក់តេរីផ្សេងៗ។ ហេតុដូច្នេះហើយសូមឧស្សាហ៍ផឹកទឹកអោយបានញឹកញាប់ទើបល្អ។

5. ឈីស

ឈីសជាហាររបស់អឺរ៉ុបទេ ប៉ុន្តែឥលូវនេះយើងក៏ឧស្សាហ៍បានញ៉ាំវាដែរ នៅលើមុខម្ហូបមួយចំនួន។ ឈីសវាអាចប្រឆាំងជាមួយអាស៊ីតមួយចំនួនក្នុងធ្មេញបាន ដែលអាស៊ីតទាំងនោះគឺជាដើមហេតុការពុកធ្មេញ។

6. ផ្លែក្រួច

ក្រូចពោរពេញទៅដោយអាស៊ីតមានប្រយោជន៍ ដែលវាអាចជួយការពារ ក៏ដូចជាលាងសម្អាតធ្មេញយើងអោយមានសុខភាពល្អ កំចាត់នូវបាក់តេរី និងមេរោគផ្សេងៗ។ ហេតុដូច្នេះហើយបន្ទាប់ពីទទួលទានអាហារហើយ អ្នកគួរតែញ៉ាំផ្លែក្រូច រឺក៏ទឹកក្រូច ដើម្បីអោយវាជួយសម្អាតធ្មេញយើងអោយបានស្អាត។

4. គ្រាប់ធញ្ញជាតិផ្សេងៗ

គ្រាប់ធញ្ញជាតិទាំងអស់ដែលមានដូចជាគ្រាប់ ល្ពៅ ឳឡឹក Almond ផ្កាឈូករ័ត្ន សណ្តែក … សុទ្ធសឹងតែជាអាហារដ៏ពិសេសដល់រាងកាយ ដោយវាមានផ្ទុកទៅដោយសារធាតុជាច្រើនដូចជាខ្លាញ់, ប្រូតេអ៊ីន, វីតាមីន, និងសារធាតុរ៉ែមានប្រយោជន៍ដល់ធ្មេញ។

ជាការពិតណាស់ ធ្មេញគឺជាវត្តុសំខាន់មួយ ដែលអ្នកគួរតែថែរក្សាវាអោយបានប្រុងប្រយ័ត្នបំផុត ហើយគប្បីទៅពិនិត្យធ្មេញអោយបានយ៉ាងតិចពីរដង ក្នុងមួយឆ្នាំ ដើម្បីតាមដានមើលសុខភាពវា ក្រែងលោមានបញ្ហាអ្វីមួយកើតឡើង មិនគួរទុកយូរឡើយ។ សង្ឃឹមថាអ្នកនឹងឧស្សាហ៍ទទួលទានអាហារទាំងអស់នេះអោយបានច្រើនជាង ធម្មតា ព្រោះអីវាមានអត្ថប្រយោជន៍ច្រើនណាស់ដល់ធ្មេញរបស់យើង ហើយវាក៏ងាយស្រួលក្នុងការស្វែងរកផងដែរ។

វិធីងាយៗការពារខ្លួនអ្នកឲ្យជៀសឆ្ងាយពីជំងឺផ្តាសាយ

6:42 PM No comments

មិត្តអ្នកអានទាំងអស់គ្នា មិនថាមានវ័យចំណាស់ ឬវ័យជំទង់ ឬវ័យក្មេងនោះទេ ត្រូវតែមានការការពារខ្លួនកុំឲ្យកើតជំងឺផ្តាសាយឲ្យសោះ ដោយសារជំងឺនេះអាចប៉ះពាល់ដល់សុខភាពច្រមុះ, បំពង់ក, ប្រព័ន្ធសុំាចុះខ្សោយ និងងាយនឹងកើតឡើង នៅពេលដែលអាកាសធាតុប្រែប្រួល ពីត្រជាក់មកក្តៅ ឬពីក្តៅមកត្រជាក់វិញ មិនទៀងទាត់ទើបវាកើតឡើងយ៉ាងរហ័សបំផុតនៅលើខ្លួនមនុស្សយើង ហើយជំងឺនេះងាយនឹងឆ្លងពីមនុស្សម្នាក់ទៅមនុស្សម្នាក់ទៀតយ៉ាង ងាយបំផុត។

នៅពេលនេះយើងនឹងណែនាំពីវិធីការពារកុំឲ្យកើតជំងឺផ្តាសាយ ជូនដល់មិត្តអ្នកអានបានជ្រាបឲ្យបានកាន់តែច្បាស់ ហើយមិត្តអ្នកអានអាចធ្វើតាមដើម្បីកុំឲ្យងាយនឹងកើតជំងឺនេះនៅ ពេលដែលប្រទេសកម្ពុជាយើងកំពុងតែមានអាកាសធាតុមិនទៀងទាត់ ហើយប្រហែលជាអាចនឹងចុះត្រជាក់ខ្លាំងតាមតំបន់មួយចំនួនដែលនឹង ទទួលរងឥទ្ធិពលខ្យល់មូសុងឦសាន និងជ្រលងសម្ពាធខ្ពស់ស៊ីបីរី ចាប់ពីថ្ងៃទី2 ដល់ថ្ងៃទី 5 ខែធ្នូ បើតាមសេចក្តីជូនដំណឹងរបស់ ក្រសួងធនធានទឹក និងឧត្តុនិយម បានចេញផ្សាយ។ ដូចនេះអ្នកត្រូវធ្វើតាមវិធីខាងក្រោម ដើម្បីកុំឲ្យជំងឺនេះកើតឡើង ៖

1. ហាត់ប្រាណ

អ្នកច្បាស់ជាបានដឹងហើយថាការហាត់ប្រាណ ពិតជាល្អសំរាប់សុខភាព ដូចនេះយើងនឹងបកស្រាយចំនុចសំខាន់នៃការហាត់ប្រាណនេះម្តងទៀតថា នៅពេលដែលយើងហាត់ប្រាណនោះ ខ្លួនប្រាណរបស់យើងនឹងបញ្ចេញជាតិពុលដែលមាននៅក្នុងញើស ដែលមាននៅក្នុងខ្លួន។ នៅពេលនោះដែរសារពាង្គកាយទាំងអស់ត្រូវបានដំនើរការ និងរំញោច ហើយធ្វើឲ្យរាងកាយកាន់តែរឹងមាំ និងធ្វើឲ្យប្រព័ន្ធសុំាកាន់តែរឹងមាំទៀតផង ដូចនេះមិនថាតែជំងឺផ្តាសាយទេ សូម្បីតែជំងឺផ្សេងៗក៏មិនងាយបំផ្លាញសុខភាពយើងបានដែរ បើសិនជាយើងហាត់ប្រាណបានទៀងទាត់។

2. ញុំាផ្សិត

ផ្សិតជារុក្ខជាតិម៉្យាងដែលយើងអាចយកមកធ្វើម្ហូបញុំាំបាន (សំដៅលើផ្សិតដែលមានលក់នៅលើទីផ្សារ និងផ្សិតដែលមានការបណ្តុះត្រឹមត្រូវ) នៅក្នុងផ្សិតមានសារធាតុសំខាន់ជាច្រើនអាចធ្វើឲ្យប្រព័ន្ធសុំាំ នៃសារពាង្គកាយកាន់តែរឹងមាំបំផុត ជាពិសេសវាអាចបង្ការជំងឺមហារីកកោសិការ, ជាតិពុលក្នុងខ្លួន និងបណ្តុះប្រព័ន្ធសុំាំក្នុងខ្លួនដើម្បីការពារកុំឲ្យកើតជំងឺ ផ្សេងៗទៀតបានផងដែរ។

3. ប្រើក្រូចឆ្មារ

ក្រូចឆ្មារពិតជាងាយស្រួលរកជាវមែនទែន ដូចនេះមិត្តអ្នកអានអាចប្រើប្រាស់ក្រូចឆ្មារ មកបន្ថែមនៅក្នុងទឹក ហើយក្លាយជាភេសជ្ជៈច្រើនប្រភេទបាន ដូចជាបន្ថែមក្នុងទឹកតែ ឬសូដា និងអាចបន្ថែមទៅក្នុងម្ហូបអាហារផ្សេងៗបាន ដើម្បីបន្ថែមឱជារស។ មិនត្រឹមតែមានការប្រើប្រាស់ត្រូវមាត់នោះទេ ក្រូចឆ្មារក៏ល្អសំរាប់សុខភាពដែរ វាមានជាតិវីតាមីន និងជាតិរ៉ែ ដែលអាចពង្រឹងដល់ប្រព័ន្ធសុំាំរបស់រាងកាយផងដែរ ហើយអ្នកក៏អាចយកក្រូចឆ្មារសំរាប់ការសំរកទំងន់បានផងដែរ។

អ្វីក៏ដោយ យើងគ្រប់គ្នាត្រូវការពារប្រសើរជាងព្យាបាល ដូចជារបស់របរប្រើប្រាស់ ឬសុខភាពរាងកាយក៏ដោយ យើងត្រូវតែថែរក្សាឲ្យបានល្អត្រឹមត្រូវ ដើម្បីកុំឲ្យមានបញ្ហា ឬជំងឺផ្សេងៗប៉ះពាល់ដល់អ្នកដទៃទៀតដែលគេមិនដឹងអី ជាពិសេសគឺកុមារ និងមនុស្សចាស់ជរា។

ការថើបមាត់ម្តងអាចផ្ទេរ 80 លានបាក់តេរីទៅវិញទៅមកបានយ៉ាងរហ័សបំផុត!

11:50 PM No comments

ជាង 1,000 ពាន់លានអតិសុខុមប្រាណរស់នៅក្នុងរាងកាយរបស់យើង ហើយនៅរង់ចាំជួយរំលាយអាហាររបស់យើងរាល់ថ្ងៃ ហើយមាន 700 បាក់តេរីខុសៗគ្នាដែលរស់នៅក្នុងមាត់របស់យើងម្នាក់ៗ ហើយវាអាចនឹងកកើតបានយ៉ាងលឿនបំផុត។ នៅពេលនេះអ្នកស្រាវជ្រាវបានរកឃើញថា 80 លានបាក់តេរីអាចចែករំលែកពីមនុស្សម្នាក់ទៅម្នាក់ទៀតបានយ៉ាងងាយ ស្រួលបំផុតតាមរយៈការថើបរបៀបស្ទីលបារាំង ដែលពួកគេតែងតែថើបគ្នាយ៉ាងតិច 9 ដងក្នុងមួយថ្ងៃ ដូចនេះបាក់តេរីទាំងនោះបានផ្ទេរទៅវិញទៅមកបានយ៉ាងងាយតាមរយៈ មាត់នេះឯង។

ពពួកបាក់តេរីនេះនៅគ្រប់ទីកន្លែងដូចជាចំនីអាហារ, សេន, បរិយាកាស និងរាងកាយយើងសឹងគ្រប់ទីកន្លែង ដោយគ្រាន់តែកន្លែងខ្លះមានតិច ឬច្រើនជាងប៉ុណ្ណោះ។ មនុស្សគ្រប់គ្នាតែងតែមានការថើប ហើយការថើបមានលក្ខណៈខុសៗគ្នាដូចជា ការថើបរបៀបស្រលាញ់រវាងឪពុកម្តាយ និងកូនៗ, បងប្អូន, មិត្តភក្តិ, សង្សារ និងប្តីប្រពន្ធជាដើម ដើម្បីបង្ហាញពីការស្រលាញ់ ឬការពេញចិត្តទៅកាន់មនុស្សពិសេសរបស់យើង ឬមនុស្សដែលយើងគោរព ហើយមិនមែនជាការបង្ខំ ឬបំពានច្បាប់ឡើយ។

លោក Remco Kort នៅខាងផ្នែកបរិស្ថានវិទ្យានិងប្រព័ន្ធជីវសាស្រ្ត បានបកស្រាយថាបាក់តេរីជាច្រើនអាចឆ្លងបានរហ័សបំផុតតាមមាត់ ដោយការថើបនេះឯង ហើយលោកនិងក្រុមការងារក៏បានជ្រើសរើសគូសង្សារចំនួន 21 គូមកទស្សនៈកិច្ច Artis Royal Zoo នៅទីក្រុង Amsterdam ដែលធំជាងគេនៃប្រទេសហូឡង់ ឲ្យចូលរួមបំពេញការឆ្លើយសំណួរអំពីការថើបរបស់ពួកគេ ហើយបានធ្វើការពិនិត្យមើលអណ្តាតរបស់ពួកគេមុនពេលថើប និងបន្ទាប់ពីថើបរួច ហើយលទ្ធផលក៏បានលាតត្រដាងនៃការថើបរបស់ពួកគេម្នាក់ៗ។ រាល់បាក់តេរីប្រមាណ 80 លានត្រូវបានផ្ទេរទៅវិញទៅមកក្នុងរយៈពេល 10 វិនាទីនៃការថើបម្តង។

ដូចនេះមិត្តអ្នកអានគួរតែគិតម្តងទៀតមុននឹងសំរេចចិត្តថើបនរណាម្នាក់តាម រយៈមាត់ ហើយមិនមែនត្រឹមតែឆ្លងបាក់តេរីប៉ុណ្ណឹងទេ។ ការថើបតាមមាត់អាចនឹងប៉ះទឹកមាត់គ្នា ហើយក៏អាចឆ្លងជំងឺថ្លើមពីគ្នា និងជំងឺឱកាសនិយមផ្សេងៗបានយ៉ាងរហ័សបំផុត។

សារប្រយោជន៍ដ៏ស្មានមិនដល់របស់សំបកផ្លែឈើក្នុងការព្យាបាលជំងឺ

11:48 PM No comments

អ្នកមានដឹងថា សំបកខ្ទឹមបារាំងផ្ទុកយ៉ាងច្រើននូវសារជាតិប្រឆាំងអុកស៊ីតកម្មជាង សាច់ ។ ស្រទាប់សំបកនេះផ្ទុកសារជាតិ quercetin មានប្រយោជន៍បំផុត ក្នុងការធ្វើឲ្យថយចុះសម្ពាធឈាម ហើយក៏ទប់ស្កាត់កំណកច្បាមសរសៃឈាម ។
cong-dung-cua-cac-loai-vo

សំបកផ្លែប៉ោមសម្បូរជាតិសរសៃ និងមានប្រយោជន៍សម្រាប់ប្រព័ន្ធរំលាយអាហារ ។ ជាងពាក់កណ្តាលនៃបរិមាណវីតាមីន C របស់ផ្លែប៉ោម សុទ្ធតែស្ថិតនៅសំបក ។ ការស្រាវជ្រាវបង្ហាញថា សារជាតិប្រឆាំងអុកស៊ីតកម្មនៅសំបកប៉ោម ធ្វើសកម្មភាពខ្លាំងជាងសាច់ និងច្រើនជាងពពួកផ្លែឈើ បន្លែផ្សេងៗ ។
cong-dung-cua-cac-loai-vo-1

សំបកក្រូចជួយរំលាយស្លេស -សំបកក្រូចសម្បូរវីតាមីន C, ប្រូតេអ៊ីន, ការ៉ូតេន និងសារជាំតិជីវជាតិមួយចំនួនផ្សេងទៀត ។ ក្រៅពីនេះ សំបកក្រូចមានប្រសិទ្ធភាពព្យាបាលអការៈហើមពោះ, ក្អក មានស្លេស ។
cong-dung-cua-cac-loai-vo-2

សំបកផ្លែសារី មានតម្លៃព្យាបាលជំងឺខ្ពស់, មានប្រយោជន៍សម្រាប់បេះដូង និងសួត, ជួយកម្ចាត់ជាតិពុល បញ្ចុះកម្តៅ ។ សំបកផ្លែសារីលាងស្អាតបុកឲ្យម៉ដ្ឋ លាយស្ករបន្តិច អាចព្យាបាលក្អក ។
cong-dung-cua-cac-loai-vo-3

សំបកទំពាំងបាយជូរ មានប្រយោជន៍សម្រាប់ជំងឺខ្លាញ់ក្នុងឈាមខ្ពស់ ។ បរិមាណ restveratrol ក្នុងសំបកទំពាំងបាយជូរ សម្បូរជាងក្នុងសាច់ និងគ្រាប់ ។
cong-dung-cua-cac-loai-vo-4

សំបកត្រឡាច ក្រៅពីវីតាមីន និងសារជាតិរ៉ែ នៅផ្ទុកពពួកសមាសធាតុងាយហួតផ្សេងៗ ។ មានប្រសិទ្ធភាពសម្រួលការបត់ជើងតូច, ជួយបន្ថយហើម, មានប្រយោជន៍បំផុតសម្រាប់អ្នកជំងឺទឹកនោមផ្អែម ។
cong-dung-cua-cac-loai-vo-5

សំបកត្រសក់បន្សាបជាតិពុល ជាកន្លែងសម្បូរសារជាតិជីវជាតិបំផុត របស់ផ្លែត្រសក់ ។
cong-dung-cua-cac-loai-vo-6

Lycopene ក្នុងសំបកប៉េងប៉ោះ ជាសារជាតិប្រឆាំងអុកស៊ីតកម្មខ្លាំងបំផុត ត្រូវបានរកឃើញក្នុងសារជាតិធម្មជាតិ, អាចទប់ស្កាត់ជំងឺសរសៃឈាមបេះដូង, កែប្រែប្រសើរឡើងសមត្ថភាពអង្គបដិបក្ខ, បង្ការមហារីក ។ ក្រៅពីនេះ សំបកប៉េងប៉ោះនៅជួយការពារផ្លូវពោះវៀន ។
cong-dung-cua-cac-loai-vo-7

ត្រប់ ស្វាយ ជាអាហារល្អបំផុតមួយ សម្រាប់អ្នកជំងឺសរសៃឈាមបេះដូង, បរិមាណជីវជាតិភាគច្រើន សុទ្ធតែស្ថិតនៅក្នុងសំបក ។ ប្រសិនចិតសំបកចោល គឺអ្នកបានធ្វើឲ្យបាត់បង់តម្លៃជីវជាតិមានប្រយោជន៍សម្រាប់សុខភាព ។
cong-dung-cua-cac-loai-vo-8

សំបកក្រូចឆ្មារព្យាបាលជំងឺមហារីក, ធ្វើឲ្យថយចុះកូឡេស្តេរ៉ូលក្នុងឈាម និងការពារសរីរាង្គប្រឆាំងតបជំងឺក្រិនឆ្អឹង ៕ cong-dung-cua-cac-loai-vo-10

Health

This is default featured slide 1 title

This is default featured slide 2 title

This is default featured slide 3 title

This is default featured slide 4 title

This is default featured slide 5 title

Saturday, December 20, 2014

អត្ថប្រយោជន៍ យ៉ាងច្រើន របស់ កញ្ចប់តែ ដែលអ្នក មិនដែល នឹកស្មានដល់!

Wednesday, December 17, 2014

ចំនុចសំខាន់ៗសម្រាប់អ្នកត្រូវយល់ដឹង មុនពេលសម្រេចចិត្តទិញទឹកបរិសុទ្ធទទួលទាន

Sunday, December 14, 2014

បំបៅដោះកូនយូរ អាចការពារកុមារពីការធាត់បំបៅដោះកូនយូរ អាចការពារកុមារពីការធាត់

អត្ថប្រយោជន៍ដ៏អាថ៌កំបាំងទាំង 28 របស់ផ្លែត្រសក់

វីធីទាំង 10 នេះអាចជំនួយដល់សុខភាពបេះដូងអ្នកដំនើរការបានកាន់តែប្រសើរ!

គន្លឹះប្រាំយ៉ាង ដើម្បីអោយស្បែករបស់អ្នកមានសុខភាពល្អ

អត្ថប្រយោជន៍ទាំង 5 របស់ប្រទាលកន្ទុយក្រពើ សម្រាប់សុខភាពរបស់យើងទាំងអស់គ្នា

Monday, December 1, 2014

ធ្វើម៉េចកុំអោយ លើសឈាម?

Sunday, November 30, 2014

ការហាល ខោអាវ នៅក្នុងផ្ទះ ដោយមិនត្រូវ ពន្លឺថ្ងៃ ធ្វើឲ្យប៉ះពាល់ ដល់សុខភាព មនុស្សយ៉ាងខ្លាំង!

គេងស្រាត ជួយទប់ស្កាត់ ជំងឺទឹកនោមផ្អែម និងមាន អត្ថប្រយោជន៍ ជាច្រើនទៀត!

Saturday, November 29, 2014

ហេតុអ្វី ប្រេងអូលីវ ល្អសម្រាប់សុខភាព?

Thursday, November 27, 2014

តើអ្នកគួរញុំាទឹកប៉ុន្មានក្នុងមួយថ្ងៃដើម្បីការពារជំងឺគ្រួសក្នុងតម្រងនោម?

អត្ថប្រយោជន៍ទាំង 6 ចំនុចរបស់ផ្លែ ក្រូចឆ្មារ ដែលប្រជាជនកម្ពុជាទាំងអស់គួរយល់ដឹង!

តើការបំបៅដោះកូនធ្វើអោយសុដន់យារមែនទេ?

អាហារទាំង 7 ប្រភេទ ដែលធ្វើអោយធ្មេញអ្នកមានភាពរឹងមាំ និងសស្អាតបាន

វិធីងាយៗការពារខ្លួនអ្នកឲ្យជៀសឆ្ងាយពីជំងឺផ្តាសាយ

Sunday, November 23, 2014

ការថើបមាត់ម្តងអាចផ្ទេរ 80 លានបាក់តេរីទៅវិញទៅមកបានយ៉ាងរហ័សបំផុត!

សារប្រយោជន៍ដ៏ស្មានមិនដល់របស់សំបកផ្លែឈើក្នុងការព្យាបាលជំងឺ

Chose Language

Blog Archive

Saturday, December 20, 2014

Wednesday, December 17, 2014

Sunday, December 14, 2014

Monday, December 1, 2014

Sunday, November 30, 2014

Saturday, November 29, 2014

Thursday, November 27, 2014

Sunday, November 23, 2014

Social Profiles

Chose Language

Blog Archive