ជារៀងរាល់ថ្ងៃ ស្បែកវិវឌ្ឍទៅមុខជានិច្ច។ វាប្រែប្រួលពីមួយថ្ងៃទៅមួយថ្ងៃ រហូតឈានទៅដល់ភាពជ្រីវជ្រួញនៅពេលអាយុកាន់តែច្រើន។ យ៉ាងណាមិញ បើយើងចេះថែរក្សាស្បែកបានល្អ វាអាចកាត់បន្ថយដំណើរការនៃការវិវឌ្ឍនោះបាន។ មានវិធីមួយចំនួនដែលអាចពន្យារភាពចាស់ជ្រីវជ្រួញនៃស្បែក និងជួយឲ្យអ្នកនៅក្មេងជាងវ័យ។ សាកល្បងវិធីខាងក្រោមនេះ៖
១. ប្រើប្រេងល្ង
ប្រេងល្ងមិនត្រឹមតែជួយផ្ដល់សំណើមដល់ស្បែកប៉ុណ្ណោះទេ ប៉ុន្តែថែមទាំងធ្វើឲ្យស្បែកភ្លឺថ្លា និងពន្យារភាពជ្រីវជ្រួញបានទៀតផង។ យកប្រេងល្ងមកម៉ាស្សាថ្នមៗលើស្បែកជារៀងរាល់ព្រឹក រួចងូតទឹកសម្អាតចេញដូចនេះវាជួយជម្រុះកោសិកាស្បែកងាប់ធ្វើឲ្យស្បែកអ្នកស្អាត ។
២. តែបៃតង
ទទួលទានតែបៃតងស្រស់ៗ ពិតជាមានគុណប្រយោជន៍សម្រាប់ស្បែក ដោយសារវាមានផ្ទុកសារធាតុប្រឆាំងអុកស៊ីតកម្មដែលជំរុញការដុតរំលាយអាហារក្នុងរាងកាយ ជួយឲ្យសុខភាពពីខាងក្នុងខ្លួនល្អ ដែលធ្វើស្បែកអ្នកនៅក្មេងជាងវ័យ។
៣. ជៀសវាងត្រូវពន្លឺថ្ងៃច្រើនជ្រុល
ពន្លឺថ្ងៃជួយផ្ដល់វីតាមីនDដែលល្អសម្រាប់ស្បែក ប៉ុន្តែត្រូវពន្លឺថ្ងៃខ្លាំង និងច្រើនពេក អាចធ្វើឲ្យស្បែកខូចជ្រីវជ្រួញទៅវិញ ជាពិសេសកាំរស្មីUV ព្រះអាទិត្យ ។ អ្នកអាចប្រើឡេការពារកម្ដៅថ្ងៃ ឬពាក់អាវវែងជិតៗដើម្បីការពារខ្លួនអ្នក ធ្វើបែបនេះអាចបង្ការស្បែកពីភាពជ្រីវជ្រួញបានខ្លះដែរ។
៤. ញ៉ាំខ្លាញ់ត្រី
ខ្លាញ់ត្រីជាប្រភពនៃជាតិអូមេហ្គា៣ដែលជំនួយទៅដល់ស្បែកឲ្យនៅក្មេងជាងវ័យ។ អ្នកអាចញ៉ាំវាផ្ទាល់ឬក្នុងទម្រង់ជាជីវជាតិថ្នាំគ្រាប់ក៏បាន ដែលវាជួយរក្សាស្បែកឲ្យនៅស្អាត។
៥. ជៀសវាងអាហារដែលប្រើស្ករសច្រើន
អ្នកមិនដឹងទេថាអាហារដែលប្រើស្ករសច្រើនពន្លឿនភាពចាស់នៃស្បែក ដោយហេតុថាស្ករសបម្លែងជាតិប្រូតេអ៊ីនក្នុងខ្លួននឹងធ្វើឲ្យស្បែកឆាប់ចាស់។ បើអ្នកចូលចិត្តផ្អែមអាចជំនួសវិញដោយញ៉ាំផ្លែឈើវិញដែលប្រសើរសម្រាប់ស្បែក។
៦. បំបាត់ស្រ្តែស
ស្ត្រែសជាចំណែកមួយ ធ្វើឲ្យស្បែកអ្នកចាស់ជ្រីវជ្រួញជាងអាយុ ហើយវាក៏បង្កបញ្ហាដល់សុខភាពមួយចំនួនផងដែរ។ អ្នកអាចកាត់បន្ថយស្រ្តែស ដូចជា ការហាត់ប្រាណ ការដើរលំហែ ឬដោយសកម្មភាពមួយចំនួនទៀតដែលជួយឲ្យអ្នកជៀសវាងពីការស្រែ្តស៕
0 comments:
Post a Comment