ដើមទ្រូងគឺជាផ្នែកមួយនៃរាងកាយ ដែលបង្កើនភាពទាក់ទាញសម្រាប់សុភាពនារី។ ដើមទ្រូងស្អាត មូលក្លំ គឺជាអ្វីដែលនារីជាច្រើនប្រាថ្នាចង់បាន និយាយឲ្យចំគឺគ្មាននារីណាចង់បានសុដន់តូច ឬយារធ្លាក់នោះទេ។ យ៉ាងណាក្ដី សុភាពនារីជាច្រើនបានជួបប្រទះបញ្ហានេះ ដោយសារកត្តាផ្សេងៗ។
មានវិធីធម្មជាតិងាយៗមួយចំនួន ដែលអាចជួយឲ្យសុដន់តឹងណែនស្អាតល្អបាន ដែលមានដូចខាងក្រោមនេះ៖
ម៉ាស្សា
ស្ដាប់មើលទៅដូចប្លែកបន្តិច តែការម៉ាស្សាលើសុដន់ ពិតជាអាចជួយឲ្យស្បែកត្រង់កន្លែងនោះមិនទន់ជ្រាយបាន។ ម៉ាស្សាដោយខ្លួនឯង ពីរទៅបីដងក្នុងមួយសប្ដាហ៍ ដោយចលនារុញសុដន់ឡើងលើ ជួយពង្រឹងដល់ជាលិកាដើមទ្រូង និងសម្រួលដល់ចរន្តឈាមដែលធ្វើឲ្យសុដន់មិនងាយយារធ្លាក់។
លំហាត់ប្រាណ និងជីវជាតិបន្ថែម
ការធ្វើលំហាត់ប្រាណគឺជាជម្រើសទីមួយដែលជួយឲ្យទម្ងន់របស់អ្នកនៅថេរ ដែលវាមិនធ្វើឲ្យស្បែកផ្នែកដើមទ្រូងយារធ្លាក់ដោយសារធាត់ពេកឬស្គមពេក ។ ម្យ៉ាងទៀតការញ៉ាំអាហារដែលមានជីវជាតិដូចជាប៉េងប៉ោះ ការ៉ុត ស្ពៃ អាចបង្ការភាពធ្លាក់យារនៃសុដន់បានផងដែរ។
ជ្រើសយកទំហំអាវទ្រនាប់ដែលត្រឹមត្រូវ
រើសយកអាវទ្រនាប់ដែលមានទំហំសមល្មមទៅនឹងសុដន់ ជាពិសេសពេលពាក់ទៅមិនរឹបពេក និងមិនរលុងពេកដែរ។ ពាក់អាវទ្រនាប់ដោយមានប៉ុងទ្រសមនឹងទំហំដើមទ្រូងបានត្រឹមត្រូវជួយបង្ការភាពយារធ្លាក់សុដន់បាន។
ប្រើប្រេងធម្មជាតិលាប
ប្រើប្រេងធម្មជាតិមកលាបលើដើមទ្រូងដែលជួយបន្តឹងដើមទ្រូងឲ្យតឹងណែន តួយ៉ាងដូចជាប្រេងគ្រាប់ផ្លែទទឹម ឬប្រេងផ្សំពីប្រទាលកន្ទុយក្រពើសំបូរដោយសារធាតុAloe Vera ជាជម្រើសល្អបំផុត។ យកប្រេងគ្រាប់ទទឹម ឬប្រេងផ្សំពីប្រទាលកន្ទុយក្រពើមកលាបម៉ាស្សាថ្នមលើទ្រូង ទុកចោលរយៈពេល១០នាទីរួចលាងសម្អាតនឹងទឹកត្រជាក់។ ធ្វើបែបនេះ៣ទៅ៤ដងក្នុងមួយសប្ដាហ៍ជួយឲ្យទ្រូងមូលក្លំមិនងាយធ្លាក់យារ។
ញ៉ាំទឹក និងផ្ដល់សំណើមឲ្យបានគ្រប់គ្រាន់
ការទទួលទានទឹកបានគ្រប់គ្រាន់ជួយពន្យារភាពចាស់នៃស្បែក ដោយក្នុងនោះវាបង្ការភាពយារធ្លាក់ជ្រីវជ្រួញនៃស្បែករួមទាំងស្បែកដើមទ្រូងផងដែរ។ ក្រៅពីនេះការផ្ដល់សំណើមតាមរយៈការងូតទឹកសម្អាតសុដន់ជាប្រចាំ ធ្វើឲ្យដើមទ្រូងទន់រលោងមិនងាយជ្រីវជ្រួញធ្លាក់យារ៕
0 comments:
Post a Comment