នៅពេលហាត់កីឡាខ្លាំង ជាពិសេសអ្នកដែលជាអត្តពលិក ប្រាកដជាធ្លាប់ជួបអាការៈរមួលក្រពើ ដែលបណ្ដាលមកពីការបន្ថែមសំពាធខ្លាំងទៅលើសាច់ដុំ ឬកង្វះជាតិរ៉ែក្នុងខ្លួន ធ្វើឲ្យសាច់ដុំឡើងរឹងនិងឈឺចាប់។ យ៉ាងណាមិញក៏មានវិធីសាស្ត្រមួយចំនួនបង្ការ និងបន្ធូរបន្ថយអាការៈរមួលក្រពើនេះបានដែរ៖
របៀបបង្ការ
១. ទម្លាប់ហាត់ប្រាណឲ្យបានទៀងទាត់ត្រឹមត្រូវជារៀងរាល់ថ្ងៃ។
២. លំហាត់ប្រាណសាច់ដុំ(កម្ដៅសាច់ដុំ) មុនពេលលេងកីឡាដែលប្រើកម្លាំងខ្លាំងដូចជារត់ប្រណាំង លើកទម្ងន់ជាដើម។
៣.ញ៉ាំទឹកឲ្យបានគ្រប់គ្រាន់ដែលជួយឲ្យរាងកាយមានជាតិទឹកគ្រប់គ្រាន់។
៤.រក្សាការញ៉ាំឲ្យមានតុល្យភាពពោលគឺញ៉ាំឲ្យទៀងទាត់និងសមល្មមជាពិសេសបន្លែ ផ្លែឈើ។
៥. ពាក់ខោអាវឈុតណាដែលអ្នកគិតថាសមស្រួលសម្រាប់ការហាត់ឬលេងកីឡារយៈពេលយូរ និងធ្វើចលនាខ្លាំង។
របៀបបន្ធូរបន្ថយ
១. ញ៉ាំទឹកឲ្យបានច្រើនជាពិសេសទឹកដែលមានជាតិអេឡិចត្រូលីត (អ៊ីយ៉ុង) ដែលជួយរក្សាឲ្យមានជាតិរ៉ែក្នុងរាងកាយ។ ជៀសវាងការញ៉ាំភេសជ្ជៈដែលសំបូរជាតិស្ករខ្ពស់ដែលបណ្ដាលឲ្យអាការៈរមួលក្រពើធ្ងន់ធ្ងរ។
២. ញ៉ាំអ្វីដែលជាតិវីតាមីនឲ្យច្រើនកំឡុងពេលរមួលក្រពើ។ កង្វះជាតិវីតាមីន និងជាតិរ៉ែបណ្ដាលឲ្យកើតអាការៈរមួលក្រពើជាពិសេសជាតិម៉ាញេសូម និងជាតិរ៉ែស័ង្កសី។
៣. លាតសន្ធឹងសាច់ដុំ និងម៉ាស្សាឈ្លីសាច់ដុំរហូតដល់អាការៈរមួលក្រពើថមថយ។
៤. ស្អំទឹកកកលើសាច់ដុំដែលរមួល ដែលជួយបន្ថយការឈឺចាប់បាន។
0 comments:
Post a Comment