យោងតាមការសិក្សាថ្មីមួយរបស់អ្នកវិទ្យាសាស្ត្របានឲ្យដឹងថា ការញ៉ាំបបរអាចជួយកាត់បន្ថយហានិភ័យនៃជំងឺទឹកនោមផ្អែមប្រភេទ២ ជាពិសេសគឺបបរគ្រាប់ធញ្ញជាតិដែលមានផ្ទុកជាតិសរសៃ fiber ខ្ពស់។
នៅក្នុងបបរគ្រាប់ធញ្ញជាតិ មានសារជាតិសរសៃ fiber ដែលល្អបំផុតក្នុងការប្រយុទ្ធប្រឆាំងការវិវដ្ដនៃជំងឺទឹកនោមផ្អែម។ លទ្ធផលនៃការស្រាវជ្រាវនោះបានបង្ហាញថាអ្នកដែលញ៉ាំជាតិសរសៃ fiber ច្រើន (២៦ក្រាមក្នុង១ថ្ងៃ) គឺមានអត្រាវិវឌ្ឍទៅរកជំងឺទឹកនោមផ្អែម ទាបជាងអ្នកដែលញ៉ាំតិច (១៩ក្រាមក្នុងមួយថ្ងៃ)។
ក្រុមអ្នកជំនាញដែលចូលរួមក្នុងការស្រាវជ្រាវនោះ បានឲ្យដឹងថាមូលហេតុ គឺអាចដោយសារតែជាតិសរសៃ fiber អាចរក្សាទម្ងន់ឲ្យស្ថិតក្នុងកម្រិតល្អ ពោលគឺស្មើនឹងការកាត់បន្ថយឱកាសនៃការឈានទៅរកជំងឺទឹកនោមផ្អែមប្រភេទ២ដែរ។
យ៉ាងណាមិញ តាមការស្រាវជ្រាវរកឃើញរបស់សាកលវិទ្យាល័យវិទ្យាសាស្ត្រ និងបច្ចេកវិទ្យានៃប្រទេសន័រវែស រួមជាមួយ Imperial College នៅទីក្រុងឡុងដុង ប្រទេសអង់គ្លេស បានបង្ហាញថាជាតិកាកសរសៃ Fiber នៅក្នុងផ្លែឈើ គឺពុំអាចជួយបង្ការហានិភ័យជំងឺទឹកនោមផ្អែមបានទេ។ បបរដែលដាំពីគ្រាប់ធញ្ញជាតិ ជាពិសេសអង្ករសម្រូប គឺជាប្រភពដ៏ល្អនៃជាតិសរសៃFiber ដែលបង្ការជំងឺទឹកនោមផ្អែមបាន។ មិនត្រឹមតែប៉ុណ្ណោះទេ បបរ ក៏ជួយកាត់បន្ថយជំងឺបេះដូង កាត់បន្ថយកូឡេស្ទេរ៉ូលក្នុងឈាម សម្រកទម្ងន់ និងជួយបង្ការជំងឺមហារីកផងដែរ។
គួរបញ្ជាក់ផងដែរថា គ្រាប់ធញ្ញជាតិចម្រុះមួយចានផ្ទុកជាតិសរសៃ៣ក្រាម ខណៈបបរមួយចានមានជាតិសរសៃ fiber ពី៣ ទៅ៤ក្រាម៕
0 comments:
Post a Comment