ងើបពីដំណេកពេលព្រឹកភ្លាម មនុស្សគ្រប់រូបតែងតែមុជទឹកជានិច្ច ព្រោះដើម្បីសម្អាតខ្លួន ក៏ដូចជាដើម្បីឲ្យមានអារម្មណ៍ស្រស់ស្រាយជាដើម។ ប៉ុន្តែការមុជទឹករបស់មនុស្សគ្រប់រូបគឺភាពខុសគ្នា ដោយអ្នកខ្លះចូលចិត្តមុជទឹកត្រជាក់ និង អ្នកខ្លះទៀតចូលចិត្តមុជទឹកក្ដៅ។ ប៉ុន្តែតាមការសិក្សាបានបង្ហាញថាការមុជទឹកត្រជាក់ពេលព្រឹកបានផ្ដល់អត្ថប្រយោជន៍ដូចជា៖
១. ចលនាឈាមរត់ស្រួល
យោងតាមលទ្ធផលនៃការស្រាវជ្រាវដែលធ្វើឡើងនៅប្រទេសអង់គ្លេសបានបង្ហាញថា ប្រសិនបើមុជទឹកត្រជាក់នៅពេលព្រឹកញឹកញាប់ វាធ្វើឲ្យចលនាឈាមរត់បានកាន់តែស្រួល។ មិនត្រឹមតែប៉ុណ្ណោះវាថែមទាំងធ្វើឲ្យមានអារម្មណ៍ស្រស់ថ្លា និងស្រួលខ្លួនផងដែរ។
២. ការមុជទឹកត្រជាក់ពេលពឹ្រកនឹងជួយបង្កើនកោសិការឈាមស
បន្ថែមទៀតនោះ ការមុជទឹកត្រជាក់ពេលព្រឹកនឹងបង្កើនកោសិកាឈាមសក្នុងរាងកាយ។ នៅពេលកោសិកាឈាមសកើនឡើង ភាពធន និងសមត្ថភាពរាងកាយអាចប្រឆាំងនឹងមេរោគផ្សេងៗបាន ដែលជួយឲ្យរាងកាយមិនងាយឆ្លងជំងឺ ព្រោះតែប្រព័ន្ធស៊ាំគឺត្រូវបានការពារ។
៣. កាត់បន្ថយការលើសឈាម
យោងតាមអ្នកជំនាញឈ្មោះ Frederic Premji មកពីក្រុមព្រឹក្សា ABH របស់អាមេរិកបានឲ្យដឹងថា ការមុជទឹកត្រជាក់ពេលព្រឹកនឹងកាត់បន្ថយអត្រាសម្ពាធឈាឡើងខ្ពស់ ការឡើងរឹងនៃសរសៃឈាម និង រោគយឺតសរសៃឈាម។ ទាំងនេះគឺដោយសារតែតំណក់ទឹកត្រជាក់បានជួយសម្រួលចរាចរនៃឈាមនៅលើសរីរាង្គកាយរបស់មនុស្ស។
៤. បង្កើនមេជីវិត និងចំណង់សិច
ការមុជទឹកពេលព្រឹកជាមួយនឹងទឹកត្រជាក់ ក៏មានឥទ្ធិពលវិជ្ជមានទៅលើសុខភាពបន្តពូជរបស់មនុស្សផងដែរ។ អត្ថប្រយោជន៍របស់វាគឺបង្កើននូវការផលិតអ័រម៉ូនតេស្តូស្តេរ៉ូនរបស់បុរស និង ក្រុមអ័រម៉ូន ស្ដេរ៉ូអ៊ីតរបស់ស្ត្រី។ ជាលទ្ធផលមេជីវិត និងចំណង់សិចនឹងកើនឡើង។
៥. ជួសជុលសុខភាពជាលិការាងកាយ
ទម្លាប់មុជទឹកត្រជាក់នៅពេលព្រឹកជារៀងរាល់ថ្ងៃវាក៏បានផ្ដល់គុណប្រយោជន៍ដល់សុខភាពជាលិការបស់មនុស្សផងដែរ។ ជាមួយនឹងការអនុវត្តបែបនេះ បណ្ដាញជាលិកានឹងបង្កើននូវសុខភាពស្បែកកាន់តែប្រសើរ ស្បែកមិនងាយស្ងួត និងមិនងាយទ្រុឌ។ បន្ថែមទៀតនោះ វាថែមទាំងកាត់បន្ថយស្នាមជាំ និងស្នាមអុចខ្មៅនៅផ្នែកក្រោមផ្នែកបានទៀតផង។
ប៉ុន្តែប្រសិនបើមុជទឹកក្ដៅវិញនោះស្បែកនឹងជ្រួញ ឬយារ។ បន្ថែមទៀតនោះទឹកត្រជាក់មានផលប៉ះពាល់វិជ្ជមានលើជាលិកាក្រចកដោយក្រចកកាន់តែមានសុខភាពល្អ រឹងមាំ និង មិនងាយបាក់។
៦. ធ្វើឲ្យសុខភាពសក់កាន់តែល្អ
អត្ថប្រយោជន៍មួយផ្សេងទៀតនៃការមុជទឹកត្រជាក់នៅពេលព្រឹកនោះ គឺវាជួយឲ្យសក់មានសុខភាពសក់ល្អ ជួយកាត់បន្ថយការជ្រុះសក់ និងសក់កាន់តែរឹងមាំ។
៧. កាត់បន្ថយជំងឺធ្លាក់ទឹកចិត្ត
ការមុជទឹកត្រជាក់ពេលព្រឹកវាអាចធ្វើឲ្យខ្លួនស្រស់ស្រាយ កាត់ជួយកាត់បន្ថយ Stress និងជំងឺធ្លាក់ទឹកចិត្តបានផងដែរ៕
0 comments:
Post a Comment