ប្រិយមិត្តមួយចំនួនប្រហែលជាមិនចេះទទួលទានម្រះឡើយ ដោយសារវាមានសារជាតិល្វីងខុសពីបន្លែនានា។ យ៉ាងណាមិញ សារជាតិល្វីងនោះហើយ ដែលមានអត្ថប្រយោជន៍ច្រើនហួសការស្មានចំពោះសុខភាព និងសម្រស់ ជាពិសេសគឺជំងឺទឹកនោមផ្អែម។
ខាងក្រោមនេះ ជាអត្ថប្រយោជន៍ទាំង ១០យ៉ាងរបស់ផ្លែម្រះ៖
១. ព្យាបាលជំងឺទឹកនោមផ្អែមប្រភេទ២
តាមការសិក្សាមួយចំនួនបានបង្ហាញថា ម្រះអាចកាត់បន្ថយជាតិស្ករក្នុងឈាម ដោយបង្កើនការរំលាយសារជាតិគ្លុយកូស។ ព្យាយាមទទួលទានម្រះជាអាហារ ឬយកទៅកិនធ្វើជាភេសជ្ជៈនឹងរឹតតែមានប្រសិទ្ធភាពខ្ពស់ ចំពោះការព្យាបាលជំងឺទឹកនោមផ្អែម។
២. រំលាយគ្រួសក្នុងតម្រងនោម
សារជាតិកំបោរកកដែលដោយតាមទឹក ឬអាហារនានាចូលទៅក្នុងខ្លួន អាចបង្កជាគ្រួសក្នុងតម្រងនោម។ ម្រះជាប្រភេទបន្លែម្យ៉ាង ដែលអាចមានប្រយោជន៍ជួយរំលាយគ្រោះទាំងនោះបាន មុនពេលវាឈានទៅរកភាពធ្ងន់ធ្ងរ ព្រោះវាអាចជួយកាត់បន្ថយជាតិអាស៊ីដកម្រិតខ្ពស់។
៣. កាត់បន្ថយជាតិខ្លាញ់
មិនត្រឹមតែជួយព្យាបាលជំងឺទេ ម្រះក៏អាចកាត់បន្ថយជាតិខ្លាញ់ សម្រាប់អ្នកលើសទម្ងន់ផងដែរ។ មានជាតិខ្លាញ់ខ្ពស់ អាចបង្កើនហានិភ័យគាំងបេះដូង លើសឈាម ដូចនេះគួរព្យាយាមកាត់បន្ថយខ្លាញ់តាមរយៈបន្លែធម្មជាតិ។
៤. ជួយព្យាបាលជំងឺមហារីកលំពែង
ជារឿងមួយគួរឲ្យភ្ញាក់ផ្អើល ដែលម្រះអាចជួយព្យាបាលជំងឺមហារីកលំពែង ប៉ុន្តែនេះគឺជារឿងពិត។ ម្រះអាចកាត់បន្ថយជាតិគ្លុយកូស ដែលជាភ្នាក់ងារបង្កើតកោសិកាមហារីកលំពែងយ៉ាងមានប្រសិទ្ធភាព។
៥. អត្ថប្រយោជន៍ចំពោះស្បែក
ទទួលទានអាហារ ឬភេសជ្ជៈដែលចម្រាញ់ចេញពីម្រះ នឹងអាចធ្វើឲ្យស្បែកកាន់តែមានសុខភាពល្អ។ ម្រះមានសារជាតិប្រឆាំង មុន រោគសើស្បែក និងប្រឆាំងជាមួយមេរោគពងបែកទាំងឡាយ។
៦. សម្រកទម្ងន់
បើប្រៀបធៀបជាមួយបន្លែដទៃ ម្រះមានសារជាតិកាឡូរីទាបបំផុត។ ម្រះជួយសម្រកទម្ងន់មែនពិត ប៉ុន្តែវាក៏មានសារជាតិបំប៉នរាងកាយខ្ពស់ផងដែរ។
៧. ប៉ូវថ្លើម
អត្ថប្រយោជន៍ស្ទើរនឹកស្មានមិនដល់មួយទៀតនោះ គឺម្រះអាចជួយប៉ូវថ្លើមដែលជាសរីរាង្គដ៏សំខាន់មួយក្នុងរាងកាយ។ លើសពីនេះ វាអាចជួយជំរុញតួនាទីរបស់ថង់ប្រមាត់ និងការពារជំងឺរលាកថ្លើម។
៨. ជួយរំលាយសារជាតិកាបូអ៊ីដ្រាត
សារជាតិកាបូអ៊ីដ្រាត ដែលមាននៅក្នុងអាហារផ្អែមៗ អាចផ្លាស់ប្ដូរទៅជាជាតិស្ករ ដែលមានផលមិនល្អចំពោះអ្នកជំងឺទឹកនោមផ្អែម។ ម្រះអាចជួយរំលាយសារជាតិនេះបានលឿន ដែលនាំឲ្យសារពាង្គកាយជម្រុះចោលភាពធាត់។
៩. ប្រភពវីតាមីន K
វីតាមីន K អាចជំនួយដល់សុខភាពឆ្អឹង បង្កកឈាមបានលឿន ព្រមទាំងប្រឆាំងនឹងការរលាក។
១០. ពង្រឹងប្រព័ន្ធភាពស៊ាំនៅក្នុងរាងកាយ
ប្រព័ន្ធភាពស៊ាំនៅក្នុងរាងកាយ មានតួនាទីសំខាន់ក្នុងការទប់ស្កាត់មេរោគ ព្រមទាំងជំងឺទាំងឡាយ។ទទួលទានម្រះ មិនត្រឹមតែអាចជួយព្យាបាលជំងឺជាច្រើនប្រភេទទេ វាថែមទាំងពង្រឹងប្រព័ន្ធការពាររាងកាយ ពីជំងឺនានាដូចជា ក្អក គ្រុន ផ្ដាសាយជាដើម។
0 comments:
Post a Comment