មនុស្សស្រីបច្ចុប្បន្នពេញនិយមកាត់សក់ខ្លីខ្លាំងណាស់ តែពេលខ្លះកាត់រួចបែរជាមានភាពស្ដាយក្រោយទៅវិញ។ ដើម្បីកុំឲ្យមានការខកចិត្តពេលកាត់ហើយនោះ សូមមើល៦ប្រការខាងក្រោមនេះដែលអ្នកគួរដឹងមុនពេលកាត់សក់ម៉ូដខ្លី៖
១. ស្វែងយល់ថាហេតុអ្វីបានជាអ្នកចង់កាត់វា
នេះជាជំហានដំបូង ហើយវាមានសារសំខាន់ខ្លាំងណាស់។ ការផ្លាស់ប្ដូរម៉ូដសក់គឺអាចបណ្ដាលមកពីការប៉ះពាល់អារម្មណ៍ដោយប្រការណាមួយ ឬអាកប្បកិរិយារបស់អ្នក ដូចនេះអ្នកត្រូវប្រាកដថាការកាត់សក់នេះគឺមានហេតុផលត្រឹមត្រូវ។ ឧទាហរណ៍អ្នកខ្លះចង់កាត់សក់ខ្លីបន្ទាប់ពីបែកបាក់ស្នេហាអីជាដើម ព្រោះពេលនោះអារម្មណ៍មិនល្អ។
២. ត្រូវប្រាកដថានេះជាការចង់ផ្លាស់ប្ដូរ
មនុស្សស្រី ពេលឃើញគេកាត់ស្អាត ក៏ចង់តាមគេដែរ។ ការចង់ផ្លាស់ប្ដូរនេះខ្លាំងពេកបានធ្វើឲ្យអ្នកមានការសោកស្ដាយក៏ថាបាន ព្រោះបានតែមួយឆាវៗ។
៣. ដឹងអំពីទម្រង់មុខខ្លួនឯង
ប្រសិនបើអ្នកពិតជាចង់ផ្លាស់ប្ដូរម៉ូដសក់មែន រឿងល្អបំផុតដែលគួរដឹងនោះគឺទម្រង់មុខរបស់អ្នកស៊ីគ្នានឹងសក់នឹងអត់?
៤. ជ្រើសយកម៉ូដសក់
ពេលកាត់ត្រូវជ្រើសរើសម៉ូដដោយខ្លួនឯងកុំជឿតាមសម្ដីជាង ឬមិត្តភ័ក្ដិ។
៥. រៀបចំគម្រោងដើម្បីថែទាំសក់ថ្មីឲ្យបានល្អ
សក់ខ្លីមិនមែនមានន័យថាងាយស្រួលក្នុងការថែរក្សាឡើយ។ វាទាមទារសាប៊ូណាដែលមានភាពគុណភាពខ្ពស់សម្រាប់ថែរក្សា។ មិនត្រឹមតែសក់ខ្លីគឺតម្រូវឲ្យទៅជួបជាង រៀងរាល់ពីរសប្ដាហ៍ម្ដងដើម្បីកាត់តម្រឹមឲ្យនៅតែឃើញស្អាត។
៦. រកហាងដែលល្អដើម្បីកាត់
ការកាត់សក់នេះមិនមែនជារឿងលេងសើចទេ ដូចនេះត្រូវធ្វើឲ្យប្រាកដថាអ្នកទុកចិត្តលើមនុស្សដែលកាត់វាថាអ្នកនោះជាមនុស្សមានជំនាញច្បាស់លាស់៕
0 comments:
Post a Comment