ការហាល ខោអាវ នៅក្នុងផ្ទះ ដោយមិនត្រូវ ពន្លឺថ្ងៃ ធ្វើឲ្យប៉ះពាល់ ដល់សុខភាព មនុស្សយ៉ាងខ្លាំង!

 កាលពីពេលថ្មីៗនេះ ក្រុមអ្នកវិទ្យាសាស្រ្ត បានរកឃើញថា ការហាលខោអាវ នៅខាង ក្នុងផ្ទះ គឺបានបង្កឲ្យ មានការប៉ះពាល់ សុខភាពរបស់ មនុស្សយ៉ាងខ្លាំង និងបានបង្ក ឲ្យមានជំងឺ ផ្សេងៗទៀត ជាច្រើនដែល យើងមិនធ្លាប់បានដឹង។

យោងតាមការបញ្ជាក់ ពីក្រុមអ្នកជំនាញ បានបង្ហាញឲ្យដឹងថា ការហាលខោអាវ នៅខាងក្នុងផ្ទះ ដោយ មិនទុកដាក់ ឲ្យវាត្រូវពន្លឺ ថ្ងៃត្រឹមត្រូវ អាចធ្វើឲ្យ កម្រិតនៃជាតិសំណើម នៅក្នុងផ្ទះ កើនឡើង ខ្ពស់រហូត ដល់ទៅ៣០% ដែលអាចបង្ក ឲ្យមានការ ដុះផ្សិត និង លំអងធូលី ផ្សេងៗទៀត សាយភាយពេញ ក្នុងផ្ទះ។ លើសពីនេះទៀត ជាតិលំអង ក៏ដូចជាការ ដុះផ្សិតទាំងនោះ បានបង្កប់នូវ សារធាតុម្យ៉ាង ដែលមាន ឈ្មោះថា Aspergillus Fumigatus spores ដែលអាចធ្វើឲ្យមនុស្ស មានជំងឺហឺត យ៉ាងធ្ងន់ធ្ងរ និងអាចធ្វើឲ្យ ប្រព័ន្ធស៊ាំ របស់មនុស្ស ចុះខ្សោយទៀតផង។

លោកសាស្ត្រាចារ្យ David Denning អ្នកស្រាវជ្រាវ ប្រចាំទីក្រុង Manchester ប្រទេស អង់គ្លេស បាន និយាយថា “ជាធម្មតាខោអាវ មួយគំនរដែល បោករួចហើយ អាចផ្ទុកទឹក បានជិត២លីត្រ ដូច្នេះបើសិន ជាយើងដាក់ហាល វាចោលនៅក្នុងផ្ទះ ជាតិទឹកទាំងនោះ នឹងធ្វើឲ្យបរិយាកាស ក្នុងផ្ទះមានសំណើម ជាហេតុធ្វើឲ្យ លំអងធូលី និងការដុះផ្សិត រីកលូតលាស់ យ៉ាងឆាប់រហ័ស ដែលវាជា ដើមហេតុក្នុងការ បង្កឲ្យមាន ការកកើត ជំងឺឆ្លងផ្សេងៗ ចំពោះប្រព័ន្ធ ដកដង្ហើមរបស់ មនុស្ស ដូចជាជំងឺ ហឺត ជាដើម”។
លោកសាស្ត្រាចារ្យ បានបញ្ជាក់ បន្ថែមទៀតថា “ស្ថានភាពរបៀបនេះ គឺវាបានប៉ះពាល់ខ្លាំង ទៅដល់ អ្នកដែល មានបញ្ហាខាង ផ្លូវដង្ហើម ឬអ្នកដែលមានផ្ទុក មេរោគអេដស៍ ព្រោះថា ប្រព័ន្ធស៊ាំ របស់ពួកគេ មានភាពទន់ ខ្សោយស្រាប់ ដូច្នេះនៅពេល ពួកគេរស់នៅ ក្នុងផ្ទះដែលមាន បរិយាកាសបែបនេះ នោះជំងឺនឹងកាន់តែ ធ្ងន់ធ្ងរបន្ថែមទៀត”។
យ៉ាងណាមិញ ក្រុមអ្នកវិទ្យាសាស្ត្រ ក៏បានផ្តល់ដំបូន្មាន ក្នុងការជៀសវាង បញ្ហានេះផងដែរ ដោយ លើកឡើងថា “គួរតែយកខោអាវ ដែលបោករួច ទៅហាលនៅខាងក្រៅផ្ទះ ឬក៏កន្លែង សុវត្ថិភាពណាមួយ ដែលមានពន្លឺថ្ងៃ និងខ្យល់ចេញចូល គ្រប់គ្រាន់ ទើបមេរោគ ក៏ដូចជា ជាតិលំអង និងការដុះផ្សិត មិនអាចរីក លូតលាស់ដើម្បី ទៅបំផ្លាញសុខភាព របស់មនុស្សបាន”៕
តើប្រិយមិត្តយល់ យ៉ាងណាដែរ?

Read More

គេងស្រាត ជួយទប់ស្កាត់ ជំងឺទឹកនោមផ្អែម និងមាន អត្ថប្រយោជន៍ ជាច្រើនទៀត!

យោងតាមរបាយការណ៍ បានឲ្យដឹងថា មនុស្ស ដែលមានទម្លាប់គេងស្រាត អាចជួយឲ្យមាន ការដុតរំលាយ ជាតិកាឡូរី នៅក្នុងខ្លួន បានយ៉ាងល្អ, ជួយទប់ស្កាត់ ជំងឺឆ្លងផ្សេងៗ, និងជួយបង្កើន ទំនាក់ទំនង របស់អ្នកជាមួយដៃគូ ព្រមទាំងជួយ ធ្វើឲ្យអ្នកឆាប់ គេងលក់យ៉ាងស្រួល ទៀតផង ហើយអ្វីដែល ពិសេសនោះ គឺការជួយទប់ស្កាត់ អ្នកមិនឲ្យ មានជំងឺទឹកនោមផ្អែម។

លោក Dr. Chris Idzikowski ពេទ្យជំនាញ ផ្នែកដំណេក និងជានាយក Edinburgh Sleep Centre បាននិយាយថា “ការគេងស្រាត បានធ្វើឲ្យខ្លួនប្រាណ របស់អ្នក មានភាពងាយស្រួល ក្នុងការរក្សា ភាពត្រជាក់ក្នុងខ្លួន និងរក្សា សីតុណ្ហភាពទាប សម្រាប់សម្រប តាមតម្រូវការ របស់ខួរក្បាល ដើម្បីជួយឲ្យ អ្នកគេងលក់ យ៉ាងស្កប់ស្កល់។ នៅពេលដែលអ្នក គេងលក់ស្កប់ស្កល់ ហើយនោះ ដំណើរការខួរក្បាល និង ការផលិតអ័រម៉ូន ក្នុងសារពាង្គកាយ នឹងប្រព្រឹត្តទៅក្នុង ដំណើរដ៏ល្អប្រសើរ ដែលអាចឲ្យអ្នក មានការគិត និងការចងចាំល្អ”។
គាត់ក៏បាន បញ្ជាក់បន្ថែមទៀតថា “លើសពីនេះទៀត ការគេងលក់ ដោយរក្សាសីតុណ្ហភាព ត្រជាក់នៅក្នុងខ្លួន ដែលបានមកពី ការគេងស្រាត វាបានជួយ សម្រួលទៅដល់ ការដុតរំលាយ ជាតិកាឡូរី នៅក្នុងខ្លួនរបស់ មនុស្សយើង ដែលអាចធ្វើឲ្យ មនុស្សជៀសឆ្ងាយ ពីភាពធាត់ជ្រុល និងជំងឺទឹកនោមផ្អែម”។

ទាំងនេះគឺជា ការស្រាវជ្រាវ រកឃើញថ្មីរបស់ ក្រុមអ្នកវិទ្យាសាស្រ្ត ពាក់ព័ន្ធទៅនឹង ទម្លាប់មនុស្ស ក្នុងការគេងស្រាត ហើយក៏បានបង្ហាញថា វាពិតជាអាច ផ្តល់នូវអត្ថប្រយោជន៍ បានច្រើនយ៉ាង សម្រាប់សុខភាពមនុស្ស ពិតប្រាកដមែន៕
តើប្រិយមិត្តយល់ យ៉ាងណាដែរ?

Read More

ហេតុអ្វី ប្រេង​អូ​លីវ ល្អ​សម្រាប់​សុខភាព​? ​

ប្រភេទ​សំខាន់​នៃ​ជាតិ​ខ្លាញ់ ដែល​មាន​នៅក្នុង​គ្រប់​ប្រភេទ​នៃ​ប្រេង​អូ​លីវ គឺជា​ពពួក​អាស៊ីត​ខ្លាញ់ Monounsaturated (MUFAs)​។ អាស៊ីត​ខ្លាញ់ MUFAs ត្រូវបាន​ចាត់ទុក​ថា ជា​ជាតិ​ខ្លាញ់ ដែលនាំអោយ​មាន​សុខភាព​ល្អ​។
ប្រសិនបើ​អ្នក​ជំនួស​អាហារ​របស់​អ្នក ដែល​ជា​ពពួក​ខ្លាញ់​ឆ្អែត ដោយ​ពពួក​ខ្លាញ់​មិនទាន់​ឆ្អែត ដូចជា អាស៊ីត​ខ្លាញ់ MUFAs និង​អាស៊ីត​ខ្លាញ់ Polyunsaturated (PUFAs) អ្នក​អាច​ទទួលបាន​អត្ថប្រយោជន៍​សុខភាព​មួយចំនួន​។ អាស៊ីត​ខ្លាញ់ MUFAs និង PUFAs អាច​ជួយ​បន្ថយ​ហានិភ័យ នៃ​ជំងឺ​បេះ​ដូង​បាន ដោយ​ការកែលម្អ​កត្តា​ហានិភ័យ​ដែល​ពាក់ព័ន្ធ​។ MUFAs ត្រូវបាន​រកឃើញ​ថា ជួយ​កាត់បន្ថយ​កូ​ឡេ​ស្តេ​រ៉ូល​សរុប​របស់​អ្នក និង​កម្រិត​កូ​ឡេ​ស្តេ​រ៉ូល​អាក្រក់ ចេញពី​រាងកាយ​។ MUFAs ក៏​អាច​ជួយ​ធ្វើអោយ​ឈាមកក​បាន​ធម្មតា ហើយ​ការស្រាវជ្រាវ​មួយចំនួន បានបង្ហាញ​ថា MUFAs ក៏​អាច​ផ្តល់​ប្រយោជន៍ ដល់​កម្រិត​អាំង​ស៊ុយ​លីន និង​ការត្រួតពិនិត្យ​ជាតិ​ស្ករ​ក្នុង​ឈាម ដែល​អាច​មាន​ប្រយោជន៍ ជាពិសេស ប្រសិនបើ​អ្នក​មាន​ជំងឺ​ទឹកនោម​ផ្អែម​ប្រភេទ​ទី ២​។
ប៉ុន្តែ ខ្លាញ់​ដែលនាំអោយ​មាន​សុខភាព​ល្អ ដូចជា ប្រេង​អូ​លីវ គឺ​មាន​កាឡូរី​ខ្ពស់ ដូច្នេះ ពួក​វា​ប្រើ​បាន​តែ​នៅក្នុង​កម្រិត​មធ្យម​តែប៉ុណ្ណោះ​។ ជ្រើសរើស​អាហារ​ដែល​សម្បូរ​អា​ស៊ីតខ្លាញ់ MUFA ដូចជា​ប្រេង​អូ​លីវ ដែល​មាន​នៅ​ក្នុង​អាហារ​ខ្លាញ់​ផ្សេងទៀត ជាពិសេស ប័រ សូម​កុំ​បន្ថែម​ទៅលើ​ពួក​វា​អោយសោះ​។
ហើយ​សូម​ចាំ​ថា អ្នក​មិន​អាច​ធ្វើអោយ​អាហារ​ដែល​មិនល្អ​សម្រាប់​សុខភាព ទៅ​ជា​ល្អ​សម្រាប់​សុខភាព ដោយ​គ្រាន់តែ​បន្ថែម​ប្រេង​អូ​លីវ ដល់​ពួក​វា​បាន​នោះ​ទេ​៕

Read More

តើ​អ្នក​គួ​រញុំា​ទឹក​ប៉ុន្មាន​ក្នុង​មួយ​ថ្ងៃ​ដើម្បី​ការពារ​ជំងឺ​គ្រួស​ក្នុង​តម្រង​នោម​?

​ការទទួល​សារធាតុ​រាវ​ឲ្យបាន​គ្រប់គ្រាន់​គឺជា​រឿងដ៏​ សំខាន់បំផុ​តដែល​មនុស្ស​ម្នាក់​អាច​ធ្វើទៅបាន​ដើម្បី​ការពារ​គ្រួស​ក្នុង​ តម្រងនោម​។​ចំពោះ​អ្នក​ដែល​មាន​គ្រួស​ក្នុង​តម្រងនោម អ្នក​គួរ​ទទួល​ទាន​ទឹក​ឱ្យបាន​ច្រើន​យ៉ាង​ហោច​ណាស់​ឲ្យបាន​២ លីត្រ​ក្នុង​មួយថ្ងៃ​។ ចំណែកឯ​អ្នក​ដែល​មាន​គ្រួស​វិញ​គឺ​តម្រូវឲ្យ​ផឹកទឹ​កកាន់តែច្រើន​។​ចំនួន​នៃ ​សារ​ធាតុទឹក​ដែល​មនុស្ស​ម្នាក់​ត្រូវការ​គឺ​អាស្រ័យ​លើ​អាកាសធាតុ​និង​ កម្រិត​នៃ​សកម្មភាព​ដែល​មនុស្ស​ធ្វើការ​ឬ​ធ្វើ​លំ​ហាត់ប្រាណ​។ ព្រោះ​កាលណា​មាន​អាកាសធាតុ​ក្តៅខ្លួន​អ្នកត្រូវការ​សារធាតុ​ទឹក​បន្ថែមទៀត​ ដើម្បី​ជំនួស​សារ​ធាតុទឹក​ដែល​បាត់បង់​តាម​ញើស​។​ការផលិត​ទឹកនោម​ក្នុង​២៤ ម៉ោង​អាច​ត្រូវបាន​ប្រើ​ដើម្បី​កំណត់​បរិមាណ​នៃ​ជាតិ​ទឹក​ដែល​បាន​ផលិត​ ក្នុង​មួយថ្ងៃ​។​ប្រសិនបើ​មាន​បរិមាណ​ទឹកនោម​ផលិត​បាន​តិចពេក​នោះ​អ្នក​អាច​ ត្រូវបាន​គេ​ណែនាំ​ឱ្យ​បង្កើន​ការ​ទទួលទាន​ជាតិ​ទឹក​បន្ថែម​។​ការសិក្សា​មួយ ​ចំនួន​បានបង្ហាញ​ថា​ភេសជ្ជៈ​ដូចជា​ទឹកក្រូច​អាច​ការពារ​ប្រឆាំងនឹង​ជំងឺ​ គ្រួស​ក្នុង​តម្រងនោម​បាន​ព្រោះ​វា​មាន​សារធាតុ​ស៊ី​ត្រាត​ដែល​អាច​ជួយ​ បញ្ឈប់​ការកកើត​ដុំគ្រី​ស្តាល់ ដែល​ជា​ដុំ​គ្រួស​៕

Read More

អត្ថប្រយោជន៍ទាំង 6 ចំនុច​របស់​ផ្លែ ក្រូចឆ្មារ ដែល​ប្រជាជន​កម្ពុជា​ទាំង​អស់​គួរ​យល់ដឹង!

ក្រូចឆ្មារត្រូវបានមនុស្សជាច្រើនយកទៅធ្វើជាគ្រឿងផ្សំ ដើម្បី​ធ្វើ​អោយ​ចំនី​អាហារ​មាន​ឱ​ជា​រស​ឈ្ងុយ​ឆ្ងាញ់​ពិសារ បាន​យ៉ាង​ច្រើន​បែប​ច្រើន​យ៉ាង​បំផុត ជាង​នេះ​ទៅ​ទៀត​នោះ​ក្រូច​ឆ្មារ​ក៏​បាន​យក​ទៅ​ធ្វើ​ជា​ភេសជ្ជៈ និង​បង្អែម​ខ្លះៗ​ផង​ដែរ ដែល​យើង​អាច​និយាយ​បាន​ថា វា​ពិត​ជា​មាន​សារៈ​សំខាន់​ខ្លាំង​ណាស់​ទៅ​ដល់​ការ​ហូប​ចុក​របស់​មនុស្ស​ ទូទាំង​ពិភព​លោក។ ទាំង​នោះ​គ្រាន់​តែ​ជា​ផ្នែក​មួយ​ខាង​អាហារ​ញ៉ាំ​តែ​ប៉ុណ្ណោះ បើ​យើង​និយាយ​អោយ​បាន​ស៊ី​ជម្រៅ​ទៅ​ដល់​ផ្នែក​សុខភាព ដែល​ក្រូច​ឆ្មារ​អាច​ផ្ដល់​អោយ​រាង​កាយ​មនុស្ស​យើង​វិញ​ទើប​បាន​ដឹង​ថា វា​មាន​អត្ថ​ប្រយោជន៍​ច្រើន​សម្រាប់​សុខភាព​របស់​យើង​ទាំង​អស់​គ្នា ដូច្នេះ​ថ្ងៃ​នេះ Cambo Report សូម​ធ្វើ​ការ​ណែនាំ​គុណ​សម្បត្តិ​ធំៗ​ទាំង 6 ចំនុច ដែល​ក្រូច​ឆ្មារ​អាច​ជួយ​ទៅ​ដល់​ផ្នែក​សុខភាព​របស់​យើង​បាន​ជូន​ទៅ​ដល់​ ប្រជាជន​កម្ពុជា​ទាំង​អស់​អោយ​បាន​យល់​ដឹង​បន្ថែម ទុក​ជា​ចំនេះ​ដឹង​ទូទៅ​ផ្នែក​សុខភាព។

ក្រូចឆ្មារក៏ស្ថិតនៅក្នុងពពួកផ្លែក្រូចផងដែរ គ្រាន់​តែ​វា​មាន​ទំហំ​តូច​ជាង និង​មាន​រសជាតិ​ជូរ​ប៉ុណ្ណោះ ហេតុ​នេះ ក្រូ​ឆ្មារ​ពោរ​ពេញ​ទៅ​ដោយ​វីតាមីន C កាល់ស្យូម ម៉ាញ៉េស្យូម សារធាតុ​ប្រឆាំង​អុកស៊ីត​កម្ម និង​សារជាតិ​ដែក ដែល​ខ្លួន​ប្រាណ​មនុស្ស​ត្រូវ​ការ​ទាំង​អស់ អាច​ជួយ​ទៅ​ដល់​សុខភាព​សក់​ក្បាល ស្បែក និង​ក្រចក​របស់​មនុស្ស​បាន​យ៉ាងប្រសើរ។

អត្ថប្រយោជន៍សំខាន់ៗទាំង 6 នៃក្រូចឆ្មាររួមមាន៖

• ជួយដោះស្រាយបញ្ហាមុនក្បាលខ្មៅ នៅលើផ្ទៃមុខ៖ ក្នុងផ្លែក្រូចឆ្មារបានផ្ទុកទៅដោយសារធាតុ​ម្យ៉ាង​ដែល​ប្រឆាំង​បាក់តេរី និង​មេរោគ​ផ្សិត ដូច្នេះ​វា​គឺ​ជា​ជម្រើស​ល្អ​មួយ​ក្នុង​ការ​ទប់​ស្កាត់ និង​បង្ការ​បញ្ហា​មុន​ក្បាល​ខ្មៅ​នៅ​លើ​ផ្ទៃ​មុខ ឬ​ផ្នែក​មួយ​ចំនួន​របស់​រាង​កាយ​មនុស្ស តាម​បែប​ធម្មជាតិ ដោយ​ចិត្ត​ក្រូច​ឆ្មារ​ស្ដើងៗ​យក​មក​អូស​លាង​ផ្ទៃ​មុខ​របស់​អ្នក តែ​បើ​មាន​ទឹក​ឃ្មុំ​លាយ​ជាមួយ​កាន់​តែ​ល្អ បន្ទាប់​ពី​ធ្វើ​ការ​លាង​មុខ​ចុះ​ឡើង​បាន​ប៉ុន្មាន​នាទី​ក្រោយ​មក អ្នក​អាច​យក​ទឹក​ស្អាត​មក​លាង​មុខ។ (ហាម​ទឹកក្ដៅ)
• ធ្វើអោយផ្ទៃមុខភ្លឺថ្លា៖ ដោយសារតែក្រូចឆ្មាមានសារជាតិជូរ (អាស៊ីត) ដែល​ផ្ទុក​នៅ​ក្នុង​ផ្លែ​ក្រូច វា​អាច​ជួយ​ទៅ​ដល់​ស្បែក​ខូច ជំរះ​ជាតិ​ខ្មៅៗ ឬ​ដី​ចេញ​ពី​ផ្ទៃ​មុខ​បាន​យ៉ាង​ប្រសើរ។ តែ​បើ​អ្នក​ប្រើ​ប្រាស់​ខ្លាំង​ហួស​ហេតុ​ពេក វា​អាច​ធ្វើ​អោយ​អ្នក​មាន​បញ្ហា​អាស៊ីត​កាត់​មុខ​ផង​ដែរ ហេតុ​នេះ​សូម​ប្រញ៉ាប់​លាង​ទឹក​ស្អាតចេញ!
• ធ្វើអោយធ្មេញសបែបធម្មជាតិ៖ ក្រូចឆ្មារ ក៏អាចជួយធ្វើអោយធ្មេញរបស់យើងស ដូច​ផ្លែ​ចេក​ផង​ដែរ តែ​របៀប​ធ្វើ​អោយ​ធ្មេញ​ស​បាន​តម្រូវ​អោយ​អ្នក​ធ្វើ​ការ​លាយ​បញ្ចូល​ទឹក​ សូដា ជាមួយ​ទឹក​ក្រូច​ឆ្មារ បន្ទាប់​មក​បៀម​ទឹក​នោះ​ក្នុង​មាត់​របស់​អ្នក​មិន​អោយ​យូរ​ជាង 1 នាទី​ឡើយ។ អ្នក​អាច​សាក​ល្បង​ធ្វើ​បែប​នេះ​ក្នុង​រយៈពេល 3 ដង​ក្នុង​មួយ​សប្ដាហ៍។
• កាត់បន្ថយផ្ទៃមុខមានខ្លាញ់ច្រើន៖ សម្រាប់អ្នកដែលមានផ្ទៃមុខមានខ្លាញ់ច្រើន អ្នកគប្បី​សាក​ល្បង​ប្រើ​ប្រាស់​ទឹក​ក្រូច​ឆ្មារ លាយ​ជាមួយ​នឹង​សំឡី​សើម​ជូត​ផ្ទៃ​មុខ​របស់​អ្នក​ត្រង់​ចំនុច​មាន​ខ្លាច់​ ច្រើន​ពិសេស​ត្រង់​ច្រមុះ​តែ​ម្ដង។ ការ​ធ្វើ​បែប​នេះ​ពុំ​អាច​បញ្ឈប់​ផ្ទៃ​មុខ​ខ្លាញ់​បាន​រហូត​ឡើយ តែ​វា​នឹង​កាត់​បន្ថយ​ខ្លាញ់​បាន​ច្រើន​គួរ​អោយ​កត់​សំគាល់។
• ធ្វើអោយសក់មានខុសភាពល្អ និង ស្រស់ស្អាត៖ ការយកទឹកក្រូចឆ្មារ លាយបញ្ចូល​ជាមួយ​នឹង​សាប៊ូ​កក់​សក់​របស់​អ្នក បន្ទាប់​មក​យក​ក្រាស​មក​សិត​សក់​របស់​អ្នក និង​អង្គុយ​ក្រោម​ពន្លឺ​ព្រះ​អាទិត្យ​ប្រហែល 1-2 ម៉ោង ដោយ​ធ្វើ​បែប​នេះ​អោយ​បាន​ម្ដង​ក្នុង​មួយ​សប្ដាហ៍ រហូត​បាន 2-3 សប្ដាហ៍ អ្នក​នឹង​ចាប់​អារម្មណ៍​ថា​សក់​អ្នក​ទន់ និង​រលើប​រលោង​ជាង​មុន ថែម​ទាំង​កាត់​បន្ថយ​បញ្ហា​អង្គែ​បាន​ទៀតផង។
• ធ្វើអោយក្រចកដៃ និង ក្រចកជើងស្អាត រឹងមាំ៖ ការយកខ្លាញ់អូលីវ លាយជាមួយទឹកក្រូចឆ្មារ​ដាក់​សំឡី ហើយ​ធ្វើ​ការ​ជូត​ទៅ​លើ​ក្រចក​ដៃ និង​ក្រចក​ជើង គឺ​ជា​វិធី​សាស្ត្រ​ដ៏​ពិសេស​មួយ ដែល​អាច​ជួយ​ដោះស្រាយ​បញ្ហា​ក្រចក​លឿង អោយ​ប្រែ​ពណ៌​ដូច​ក្រចក​ពណ៌​ធម្មជាតិ​បាន​យ៉ាង​ប្រសើរ។ ជាង​នេះ​ទៅ​ទៀត​វា​អាច​ជួយ​ធ្វើ​អោយ​ក្រចក​របស់​អ្នក​រឹង​មាំ​មិន​ផុយ​ដូច​ ក្រចក​ធម្មតា​នោះទេ។

សរុបសេចក្ដីមក ក្រូចឆ្មារមានផលប្រយោជន៍​ខ្លាំង​ណាស់​សម្រាប់​ជីវភាព​រស់នៅ​ប្រចាំ​ថ្ងៃ​ របស់​មនុស្ស​គ្រប់​គ្នា ហើយ​ក៏​ជា​គ្រឿង​ផ្សំ​មួយ ដែល​អាច​ធ្វើ​អោយ​អ្នក​មាន​សុខភាព​ល្អ​ទៅ​តាម​ការ​ប្រតិបត្តិ ឬ​ធ្វើ​ទៅ​តាម​ចំនុច​ទាំង 6 ខាង​លើ​នេះ។ ជា​ការ​ពិត​ណាស់​ក្រូច​ឆ្មារ នៅ​មាន​អត្ថ​ប្រយោជន៍​ជា​ច្រើន​ទៀត សម្រាប់​យក​ទៅ​ធ្វើ​អ្វី​ផ្សេងៗ​ទៀត ដូច្នេះ​បើ​ប្រិយមិត្ត​គិត​ថា​ចង់​សាក​ល្បង​ប្រើ​ប្រាស់​ក្រូច​ឆ្មារ​ជួយ​ជា ​ជំនួយ​ទៅ​ដល់​សុខភាព សូម​ចាប់​ផ្ដើម​ពេល​ណា​ក៏​បាន ដោយ​ពុំ​ចាំបាច់​ព្រួយ​បារម្មណ៍​អ្វី​ច្រើន​ដែរ រី​ឯ​តម្លៃ​ក៏​ធូរ​ថ្លៃ​ងាយ​ស្រួល​រក​នៅ​តាម​ទីផ្សារ​គ្រប់​ច្រកល្ហក។

Read More

តើ​ការ​បំបៅ​ដោះ​កូន​ធ្វើអោយ​សុដន់​យារ​មែន​ទេ​?

 81

​វា​គឺជា​រឿង​ធម្មតា​នោះទេ ដែល​មាន​ការងឿងឆ្ងល់​ថា​តើ​ការ​បំបៅ​ដោះ​កូន​នឹង​ប៉ះពាល់​ដល់​សុដន់​របស់​ អ្នក​ដែរឬទេ​?​ប៉ុន្តែ សូម​កុំ​បារម្ភ​ឡើយ​។​ការស្រាវជ្រាវ​មួយ​បានបង្ហាញ​ថា​ការ​បំបៅ​ដោះ​កូន ដូចជា មិន​មាន​ផល​អវិជ្ជមាន ដែល​អាច​ប៉ះពាល់​ដល់​សភាព​របស់​សុដន់​នោះឡើយ​។​

​អំឡុង​ពេល​មាន​ផ្ទៃពោះ​សរសៃពួរ​ដែល​បាន​ជួយ​ទ្រ​សុដន់​របស់​អ្នក​អាច​ នឹង​ធ្វើអោយ​សុដន់​របស់​អ្នក​ឡើង​តឺង ហើយ​ជា​ញឹកញាប់ អ្នក​មាន​អារ​ម្មរណ៍​ថា តឹង និង​ធ្ងន់ៗ​។ ការឡើង​តឹង​នេះ អាច​រួមចំណែក​ដល់​ការ​យារ​សុដន់ បន្ទាប់ពី​មាន​ផ្ទៃពោះ មិន​មែន​ថា​តើ​អ្នក​បំបៅ ឬ​មិន​បំបៅ​ដោះ​កូន​នោះទេ​។​សុដន់​ឡើង​យារ​អាច​នឹង​កត់សម្គាល់​បាន​ កាន់តែច្បាស់ នៅពេល​មាន​ផ្ទៃពោះ​ជា​បន្តបន្ទាប់​។​

​មាន​កត្តា​ផ្សេងទៀត​ក៏​អាច​រួមចំណែក​ដល់​ការ​យារ​សុដន់​ផងដែរ​ដែល​ ក្នុងនោះ រួមបញ្ចូល​ទាំង​ភាព​ចាស់​និង​ការជក់បារី ដែល​ទាំង​ពីរ​នេះ​អាច​ធ្វើអោយ កាត់បន្ថយ​នូវ​ភាពបត់បែន​នៃ​ស្បែក​។ ការ​លើស​ទម្ងន់​និង​ការ​មាន​សុដន់​ធំ​ពេក ក៏​អាច​មាន​ឥទ្ធិពល​ស្រដៀង​គ្នា​ផង​ដែរ​។​សូម​ចងចាំ​ថា ការ​បំបៅ​ដោះកូន​គឺ​ល្អ​បំផុត​សម្រាប់​ទារក​។ ចូរ​កុំ​មាន​ការភ័យខ្លាច​ការធ្លាក់​យារ​សុដន់ ដែល​មក​ពី​ការ​បំបៅ​ដោះ​កូន​។ ដើម្បី​ជួយ​រក្សា​រូបរាង​នៃ​សុដន់​របស់​អ្នក សូម​ធ្វើ​អោយ​របៀប​រស់នៅ​របស់អ្នក មាន​សុខភាព​ល្អ ដែល​រួម​បញ្ចូល​ការ​ហាត់ប្រាណ អោយ​ក្លាយ​ជា​ទម្លាប់​ប្រចាំថ្ងៃ​របស់​អ្នក បរិភោគ​អាហារ​ដែល​មាន​សុខភាព​ល្អ ហើយ​ប្រសិនបើ​អ្នក​ជក់បារី សូម​រក​ជំនួយ​ពី​គ្រូពេទ្យ ដើម្បី​ជួយ​អ្នក​អោយ​ឈប់​ជក់បារី​បាន​៕

Read More

អាហារទាំង 7 ប្រភេទ ដែល​ធ្វើ​អោយ​ធ្មេញ​អ្នក​មាន​ភាព​រឹង​មាំ និង​ស​ស្អាតបាន

ធ្មេញគឺជាសរីរាង្គដ៏ចំបាច់បំផុតមួយក្នុងប្រព័ន្ធរំលាយ​អាហារ ហើយ​វា​ក៏​ផ្តល់​សោភ័ណ​ភាព​អោយ​យើង​មើល​ទៅ​មាន​ភាព​ស្រស់​សង្ហារ​ទៀត​ផង។ ការ​ថែ​រក្សា​ធ្មេញ​មិន​ត្រឹម​តែ​ផ្តោត​ទៅ​លើ​ការ​ដុះ​ធ្មេញ សំអាត​ដោយ​ប្រើ​វិធី​ផ្សេងៗ និង​ឧស្សាហ៍​ទៅ​ជួប​ទន្តបណ្ឌិត​តែ​ប៉ុណ្ណោះ​ទេ ប៉ុន្តែ​ការ​ទទួល​ទាន​អាហារ​ពិសេសៗ​មួយ​ចំនួន​ក៏​នឹង​ជួយ​អោយ​ធ្មេញ​មាន​ សុខភាព​ល្អ និង​មាន​ភាព​រឹង​មាំ​ផង​ដែរ។ ប្រសិន​បើ​អ្នក​ចង់​អោយ​ធ្មេញ​អ្នក​មាន​ភាព​រឹង​មាំ សស្អាត និង​មាន​សុខភាព​ល្អ​នោះ អ្នក​គួរ​តែ​ព្យាយាម​ទទួល​ទាន​របស់​ទាំង 7 ប្រភេទ​ខាង​ក្រោម​នេះ​អោយ​បាន​ញឹក​ញាប់​និង​ច្រើន នោះ​អ្នក​នឹង​ទទួល​បាន​លទ្ធផល​ល្អ​បំផុត នឹក​ស្មាន​មិនដល់។

1. ទឹកដោះគោ

ធ្មេញត្រូវការសារធាតុ​កាល់ស្យូម​ជា​ច្រើន​ណាស់ ដើម្បី​អោយ​វា​មាន​ភាព​រឹង​មាំ និង​មាន​សុខភាព​ល្អ។ ទឹក​ដោះ​គោ​គឺ​ជា​អាហារ​ដែល​ងាយ​ស្រួល​រក​មក​ទទួល​ទាន​មួយ ហើយ​វា​ក៏​សំបូរ​ទៅ​ដោយ​សារធាតុ​កាល់​ស្យូម​ផងដែរ។

2. ផ្លែប៉ោម

ផ្លែប៉ោមគឺជាផ្លែឈើ​ដ៏​ពិសេស​ម្យ៉ាង ដែល​វា​នឹង​ជួយ​បង្កើត​ទឹក​មាត់​ក្នុង​មាត់​អោយ​ច្រើន​ជាង​មុន។ ទឹក​មាត់​ថ្មី​ដែល​បង្កើត​នេះ​វា​មាន​ប្រសិទ្ធ​ភាព​ខ្ពស់ អាច​ការពារ​ធ្មេញ​យើង​ពី​ការ​ចោះ​រុក ដោយ​បាក់តេរី​ផ្សេងៗ​ទៀតបាន។

3. ផ្សិត

ផ្សិតសំបូរទៅដោយ​សារធាតុ​វីតាមីន ដែល​វា​អាច​អោយ​ស្រទាប់​ការពារ​ធ្មេញ​យើង​មាន​ភាព​រឹង​មាំ​ជាង​មុន ក៏​ដូច​ជា​ដុះ​ថ្មី​បាន​ទៀត​ផង។ បន្ថែម​ពី​នេះ​ទៅ​ទៀត វា​ក៏​ជួយ​អោយ​ធ្មេញ​អាច​ស្រូប​យក​សារធាតុ​កាល់ស្យូម​បាន​ល្អ​ជាង​មុន​ផង​ ដែរ ដើម្បី​យក​មក​ស្ថាបនា​ធ្មេញ​អោយ​មាន​ភាព​រឹងមាំ។

4. ​ ទឹក

ទឹកអាចធ្វើអោយ​អញ្ចាញ​ធ្មេញ​មាន​សំណើម និង​ស្រស់​ស្រាយ​ជា​និច្ច ហើយ​វា​ក៏​នឹង​ផ្តល់​នូវ​សារធាតុ​រ៉ែ​ដែល​ធ្មេញ​ត្រូវ​ការ​មួយ​ចំនួន​ផង​ ដែរ។ បន្ថែម​ពី​នេះ​ទៀត វា​ក៏​ជួយ​សំអាត​ធ្មេញ​អោយ​មាន​ភាព​ស្រស់​ស្រាយ និង​ស្អាត​ផង​ដែរ ចៀសវាង​ការ​ពុក​ផុយ​ដោយសារ​តែ​បាក់តេរី​ផ្សេងៗ។ ហេតុ​ដូច្នេះ​ហើយ​សូម​ឧស្សាហ៍​ផឹក​ទឹក​អោយ​បាន​ញឹក​ញាប់​ទើបល្អ។

5. ឈីស

ឈីសជាហាររបស់អឺរ៉ុបទេ ប៉ុន្តែ​ឥលូវ​នេះ​យើង​ក៏​ឧស្សាហ៍​បាន​ញ៉ាំ​វា​ដែរ នៅ​លើ​មុខ​ម្ហូប​មួយ​ចំនួន។ ឈីស​វា​អាច​ប្រឆាំង​ជាមួយ​អាស៊ីត​មួយ​ចំនួន​ក្នុង​ធ្មេញ​បាន ដែល​អាស៊ីត​ទាំង​នោះ​គឺ​ជា​ដើម​ហេតុ​ការ​ពុកធ្មេញ។

6. ផ្លែក្រួច

ក្រូចពោរពេញទៅដោយ​អាស៊ីត​មាន​ប្រយោជន៍ ដែល​វា​អាច​ជួយ​ការពារ ក៏​ដូច​ជា​លាង​សម្អាត​ធ្មេញ​យើង​អោយ​មាន​សុខភាព​ល្អ កំចាត់​នូវ​បាក់តេរី និង​មេរោគ​ផ្សេងៗ។ ហេតុ​ដូច្នេះ​ហើយ​បន្ទាប់​ពី​ទទួល​ទាន​អាហារ​ហើយ អ្នក​គួរ​តែ​ញ៉ាំ​ផ្លែ​ក្រូច រឺ​ក៏​ទឹក​ក្រូច ដើម្បី​អោយ​វា​ជួយ​សម្អាត​ធ្មេញ​យើង​អោយ​បានស្អាត។

4. គ្រាប់ធញ្ញជាតិផ្សេងៗ

គ្រាប់ធញ្ញជាតិទាំង​អស់​ដែល​មាន​ដូច​ជា​គ្រាប់ ល្ពៅ ឳឡឹក Almond ផ្កា​ឈូក​រ័ត្ន សណ្តែក … សុទ្ធ​សឹង​តែ​ជា​អាហារ​ដ៏​ពិសេស​ដល់​រាង​កាយ ដោយ​វា​មាន​ផ្ទុក​ទៅ​ដោយ​សារធាតុ​ជា​ច្រើន​ដូច​ជា​ខ្លាញ់, ប្រូតេអ៊ីន, វីតាមីន, និង​សារធាតុ​រ៉ែ​មាន​ប្រយោជន៍​ដល់ធ្មេញ។

ជាការពិតណាស់ ធ្មេញគឺជាវត្តុសំខាន់មួយ ដែល​អ្នក​គួរ​តែ​ថែរក្សា​វា​អោយ​បាន​ប្រុង​ប្រយ័ត្ន​បំផុត ហើយ​គប្បី​ទៅ​ពិនិត្យ​ធ្មេញ​អោយ​បាន​យ៉ាង​តិច​ពីរ​ដង ក្នុង​មួយ​ឆ្នាំ ដើម្បី​តាម​ដាន​មើល​សុខភាព​វា ក្រែង​លោ​មាន​បញ្ហា​អ្វី​មួយ​កើត​ឡើង មិន​គួរ​ទុក​យូរ​ឡើយ។ សង្ឃឹម​ថា​អ្នក​នឹង​ឧស្សាហ៍​ទទួល​ទាន​អាហារ​ទាំង​អស់​នេះ​អោយ​បាន​ច្រើន​ជាង ​ធម្មតា ព្រោះ​អី​វា​មាន​អត្ថ​ប្រយោជន៍​ច្រើន​ណាស់​ដល់​ធ្មេញ​របស់​យើង ហើយ​វា​ក៏​ងាយ​ស្រួល​ក្នុង​ការ​ស្វែង​រក​ផងដែរ។

Read More

វិធីងាយៗការពារ​ខ្លួន​អ្នក​ឲ្យ​ជៀស​ឆ្ងាយ​ពី​ជំងឺ​ផ្តាសាយ

មិត្តអ្នកអានទាំងអស់គ្នា មិនថាមានវ័យចំណាស់ ឬ​វ័យ​ជំទង់ ឬ​វ័យ​ក្មេង​នោះ​ទេ ត្រូវ​តែ​មាន​ការ​ការពារ​ខ្លួន​កុំ​ឲ្យ​កើត​ជំងឺ​ផ្តាសាយ​ឲ្យ​សោះ ដោយសារ​ជំងឺ​នេះ​អាច​ប៉ះ​ពាល់​ដល់​សុខភាព​ច្រមុះ, បំពង់​ក, ប្រព័ន្ធ​សុំា​ចុះ​ខ្សោយ និង​ងាយ​នឹង​កើត​ឡើង នៅ​ពេល​ដែល​អាកាស​ធាតុ​ប្រែ​ប្រួល ពី​ត្រជាក់​មក​ក្តៅ ឬ​ពី​ក្តៅ​មក​ត្រជាក់​វិញ មិន​ទៀង​ទាត់​ទើប​វា​កើត​ឡើង​យ៉ាង​រហ័ស​បំផុត​នៅ​លើ​ខ្លួន​មនុស្ស​យើង ហើយ​ជំងឺ​នេះ​ងាយ​នឹង​ឆ្លង​ពី​មនុស្ស​ម្នាក់​ទៅ​មនុស្ស​ម្នាក់​ទៀត​យ៉ាង​ ងាយបំផុត។

នៅពេលនេះយើងនឹងណែនាំពីវិធីការពារ​កុំ​ឲ្យ​កើត​ជំងឺ​ផ្តាសាយ ជូន​ដល់​មិត្ត​អ្នក​អាន​បាន​ជ្រាប​ឲ្យ​បាន​កាន់​តែ​ច្បាស់ ហើយ​មិត្ត​អ្នក​អាន​អាច​ធ្វើ​តាម​ដើម្បី​កុំ​ឲ្យ​ងាយ​នឹង​កើត​ជំងឺ​នេះ​នៅ​ ពេល​ដែល​ប្រទេស​កម្ពុជា​យើង​កំពុង​តែ​មាន​អាកាស​ធាតុ​មិន​ទៀង​ទាត់ ហើយ​ប្រហែល​ជា​អាច​នឹង​ចុះ​ត្រជាក់​ខ្លាំង​តាម​តំបន់​មួយ​ចំនួន​ដែល​នឹង​ ទទួល​រង​ឥទ្ធិពល​ខ្យល់​មូសុង​ឦសាន និង​ជ្រលង​សម្ពាធ​ខ្ពស់​ស៊ីបីរី ចាប់​ពី​ថ្ងៃ​ទី2 ដល់​ថ្ងៃ​ទី 5 ខែ​ធ្នូ បើ​តាម​សេចក្តី​ជូន​ដំណឹង​របស់ ក្រសួង​ធន​ធាន​ទឹក និង​ឧត្តុនិយម បាន​ចេញ​ផ្សាយ។ ដូច​នេះ​អ្នក​ត្រូវ​ធ្វើ​តាម​វិធី​ខាង​ក្រោម ដើម្បី​កុំ​ឲ្យ​ជំងឺ​នេះ​កើតឡើង ៖

1. ហាត់ប្រាណ

អ្នកច្បាស់ជាបានដឹងហើយថាការហាត់ប្រាណ ពិត​ជា​ល្អ​សំរាប់​សុខភាព ដូច​នេះ​យើង​នឹង​បក​ស្រាយ​ចំនុច​សំខាន់​នៃ​ការ​ហាត់​ប្រាណ​នេះ​ម្តង​ទៀត​ថា នៅ​ពេល​ដែល​យើង​ហាត់​ប្រាណ​នោះ ខ្លួន​ប្រាណ​របស់​យើង​នឹង​បញ្ចេញ​ជាតិ​ពុល​ដែល​មាន​នៅ​ក្នុង​ញើស ដែល​មាន​នៅ​ក្នុង​ខ្លួន។ នៅ​ពេល​នោះ​ដែរ​សារពាង្គ​កាយ​ទាំង​អស់​ត្រូវ​បាន​ដំនើរ​ការ និង​រំញោច ហើយ​ធ្វើ​ឲ្យ​រាង​កាយ​កាន់​តែ​រឹង​មាំ និង​ធ្វើ​ឲ្យ​ប្រព័ន្ធ​សុំា​កាន់​តែ​រឹង​មាំ​ទៀត​ផង ដូច​នេះ​មិន​ថា​តែ​ជំងឺ​ផ្តាសាយ​ទេ សូម្បី​តែ​ជំងឺ​ផ្សេងៗ​ក៏​មិន​ងាយ​បំផ្លាញ​សុខភាព​យើង​បាន​ដែរ បើ​សិន​ជា​យើង​ហាត់​ប្រាណ​បាន​ទៀងទាត់។

2. ញុំាផ្សិត

ផ្សិតជារុក្ខជាតិម៉្យាងដែលយើងអាចយកមកធ្វើ​ម្ហូប​ញុំាំ​បាន (សំដៅ​លើ​ផ្សិត​ដែល​មាន​លក់​នៅ​លើ​ទីផ្សារ និង​ផ្សិត​ដែល​មាន​ការ​បណ្តុះ​ត្រឹម​ត្រូវ) នៅ​ក្នុង​ផ្សិត​មាន​សារធាតុ​សំខាន់​ជា​ច្រើន​អាច​ធ្វើ​ឲ្យ​ប្រព័ន្ធ​សុំាំ​ នៃ​សារពាង្គ​កាយ​កាន់​តែ​រឹង​មាំ​បំផុត ជា​ពិសេស​វា​អាច​បង្ការ​ជំងឺ​មហារីក​កោសិការ, ជាតិ​ពុល​ក្នុង​ខ្លួន និង​បណ្តុះ​ប្រព័ន្ធ​សុំាំ​ក្នុង​ខ្លួន​ដើម្បី​ការពារ​កុំ​ឲ្យ​កើត​ជំងឺ​ ផ្សេងៗ​ទៀត​បាន​ផងដែរ។

3. ប្រើក្រូចឆ្មារ

ក្រូចឆ្មារពិតជាងាយស្រួលរកជាវមែនទែន ដូចនេះ​មិត្ត​អ្នក​អាន​អាច​ប្រើ​ប្រាស់​ក្រូច​ឆ្មារ មក​បន្ថែម​នៅ​ក្នុង​ទឹក ហើយ​ក្លាយ​ជា​ភេសជ្ជៈ​ច្រើន​ប្រភេទ​បាន ដូច​ជា​បន្ថែម​ក្នុង​ទឹក​តែ ឬ​សូដា និង​អាច​បន្ថែម​ទៅ​ក្នុង​ម្ហូប​អាហារ​ផ្សេងៗ​បាន ដើម្បី​បន្ថែម​ឱ​ជារស។ មិន​ត្រឹម​តែ​មាន​ការ​ប្រើ​ប្រាស់​ត្រូវ​មាត់​នោះ​ទេ ក្រូច​ឆ្មារ​ក៏​ល្អ​សំរាប់​សុខភាព​ដែរ វា​មាន​ជាតិ​វីតាមីន និង​ជាតិ​រ៉ែ ដែល​អាច​ពង្រឹង​ដល់​ប្រព័ន្ធ​សុំាំ​របស់​រាង​កាយ​ផង​ដែរ ហើយ​អ្នក​ក៏​អាច​យក​ក្រូច​ឆ្មារ​សំរាប់​ការ​សំរក​ទំងន់​បាន​ផងដែរ។

អ្វីក៏ដោយ យើងគ្រប់គ្នាត្រូវការពារប្រសើរជាង​ព្យាបាល ដូច​ជា​របស់​របរ​ប្រើ​ប្រាស់ ឬ​សុខភាព​រាង​កាយ​ក៏​ដោយ យើង​ត្រូវ​តែ​ថែ​រក្សា​ឲ្យ​បាន​ល្អ​ត្រឹម​ត្រូវ ដើម្បី​កុំ​ឲ្យ​មាន​បញ្ហា ឬ​ជំងឺ​ផ្សេងៗ​ប៉ះ​ពាល់​ដល់​អ្នក​ដទៃ​ទៀត​ដែល​គេ​មិន​ដឹង​អី ជា​ពិសេស​គឺ​កុមារ និង​មនុស្ស​ចាស់ជរា។

Read More

ការថើបមាត់ម្តង​អាច​ផ្ទេរ 80 លាន​បាក់តេរី​ទៅ​វិញ​ទៅ​មក​បាន​យ៉ាង​រហ័សបំផុត!

ជាង 1,000 ពាន់លានអតិសុខុមប្រាណរស់នៅក្នុងរាងកាយ​របស់​យើង ហើយ​នៅ​រង់ចាំ​ជួយ​រំលាយ​អាហារ​របស់​យើង​រាល់​ថ្ងៃ ហើយ​មាន 700 បាក់តេរី​ខុសៗ​គ្នា​ដែល​រស់​នៅ​ក្នុង​មាត់​របស់​យើង​ម្នាក់ៗ ហើយ​វា​អាច​នឹង​កកើត​បាន​យ៉ាង​លឿន​បំផុត។ នៅ​ពេល​នេះ​អ្នក​ស្រាវជ្រាវ​បាន​រក​ឃើញ​ថា 80 លាន​បាក់តេរី​អាច​ចែក​រំលែក​ពី​មនុស្ស​ម្នាក់​ទៅ​ម្នាក់​ទៀត​បាន​យ៉ាង​ងាយ​ ស្រួល​បំផុត​តាម​រយៈ​ការ​ថើប​របៀប​ស្ទីល​បារាំង ដែល​ពួក​គេ​តែង​តែ​ថើប​គ្នា​យ៉ាង​តិច 9 ដង​ក្នុង​មួយ​ថ្ងៃ ដូច​នេះ​បាក់តេរី​ទាំង​នោះ​បាន​ផ្ទេរ​ទៅ​វិញ​ទៅ​មក​បាន​យ៉ាង​ងាយ​តាម​រយៈ​ មាត់​នេះឯង។

ពពួកបាក់តេរីនេះនៅគ្រប់ទីកន្លែងដូចជាចំនីអាហារ, សេន, បរិយាកាស និង​រាង​កាយ​យើង​សឹង​គ្រប់​ទី​កន្លែង ដោយ​គ្រាន់​តែ​កន្លែង​ខ្លះ​មាន​តិច ​ឬ​ច្រើន​ជាង​ប៉ុណ្ណោះ។ មនុស្ស​គ្រប់​គ្នា​តែង​តែ​មាន​ការ​ថើប ហើយ​ការ​ថើប​មាន​លក្ខណៈ​ខុសៗ​គ្នា​ដូច​ជា ការ​ថើប​របៀប​ស្រលាញ់​រវាង​ឪពុក​ម្តាយ និង​កូនៗ, បង​ប្អូន, មិត្តភក្តិ, សង្សារ និង​ប្តី​ប្រពន្ធ​ជា​ដើម ដើម្បី​បង្ហាញ​ពី​ការ​ស្រលាញ់ ឬ​ការ​ពេញ​ចិត្ត​ទៅ​កាន់​មនុស្ស​ពិសេស​របស់​យើង ឬ​មនុស្ស​ដែល​យើង​គោរព ហើយ​មិន​មែន​ជា​ការ​បង្ខំ ឬ​បំពាន​ច្បាប់ឡើយ។

លោក Remco Kort នៅខាងផ្នែកបរិស្ថាន​វិទ្យា​និង​ប្រព័ន្ធ​ជីវសាស្រ្ត បាន​បក​ស្រាយ​ថា​បាក់តេរី​ជា​ច្រើន​អាច​ឆ្លង​បាន​រហ័ស​បំផុត​តាម​មាត់ ដោយ​ការ​ថើប​នេះ​ឯង ហើយ​លោក​និង​ក្រុម​ការងារ​ក៏​បាន​ជ្រើស​រើស​គូ​សង្សារ​ចំនួន 21 គូ​មក​ទស្សនៈ​កិច្ច Artis Royal Zoo នៅ​ទី​ក្រុង Amsterdam ដែល​ធំ​ជាង​គេ​នៃ​ប្រទេស​ហូឡង់ ឲ្យ​ចូល​រួម​បំពេញ​ការ​ឆ្លើយ​សំណួរ​អំពី​ការ​ថើប​របស់​ពួក​គេ ហើយ​បាន​ធ្វើ​ការ​ពិនិត្យ​មើល​អណ្តាត​របស់​ពួក​គេ​មុន​ពេល​ថើប និង​បន្ទាប់​ពី​ថើប​រួច ហើយ​លទ្ធផល​ក៏​បាន​លាត​ត្រដាង​នៃ​ការ​ថើប​របស់​ពួក​គេ​ម្នាក់ៗ។ រាល់​បាក់តេរី​ប្រមាណ 80 លាន​ត្រូវ​បាន​ផ្ទេរ​ទៅ​វិញ​ទៅ​មក​ក្នុង​រយៈពេល 10 វិនាទី​នៃ​ការ​ថើបម្តង។

ដូចនេះមិត្តអ្នកអានគួរតែគិតម្តងទៀតមុន​នឹង​សំរេច​ចិត្ត​ថើប​នរណា​ម្នាក់​តាម ​រយៈ​មាត់ ហើយ​មិន​មែន​ត្រឹម​តែ​ឆ្លង​បាក់តេរី​ប៉ុណ្ណឹង​ទេ។ ការ​ថើប​តាម​មាត់​អាច​នឹង​ប៉ះ​ទឹក​មាត់​គ្នា ហើយ​ក៏​អាច​ឆ្លង​ជំងឺ​ថ្លើម​ពី​គ្នា និង​ជំងឺ​ឱកាស​និយម​ផ្សេងៗ​បាន​យ៉ាង​រហ័សបំផុត។

Read More

សារប្រយោជន៍​ដ៏​ស្មាន​មិន​ដល់​របស់​សំបក​ផ្លែឈើ​ក្នុងការ​ព្យាបាល​ជំងឺ​

​អ្នកមាន​ដឹងថា សំបក​ខ្ទឹមបារាំង​ផ្ទុក​យ៉ាងច្រើន​នូវ​សារជាតិ​ប្រឆាំង​អុកស៊ីតកម្ម​ជាង​ សាច់ ។ ស្រទាប់​សំបក​នេះ​ផ្ទុក​សារជាតិ quercetin មាន​ប្រយោជន៍​បំផុត ក្នុងការ​ធ្វើ​ឲ្យ​ថយចុះ​សម្ពាធ​ឈាម ហើយក៏​ទប់ស្កាត់​កំណក​ច្បាម​សរសៃឈាម ។​
​ សំបក​ផ្លែ​ប៉ោម​សម្បូរ​ជាតិ​សរសៃ និង​មាន​ប្រយោជន៍​សម្រាប់​ប្រព័ន្ធ​រំលាយ​អាហារ ។ ជាង​ពាក់កណ្តាល​នៃ​បរិមាណ​វីតាមីន C របស់​ផ្លែ​ប៉ោម សុទ្ធតែ​ស្ថិតនៅ​សំបក ។ ការស្រាវជ្រាវ​បង្ហាញថា សារជាតិ​ប្រឆាំង​អុកស៊ីតកម្ម​នៅ​សំបក​ប៉ោម ធ្វើ​សកម្ម​ភាពខ្លាំង​ជាង​សាច់ និង​ច្រើនជាង​ពពួក​ផ្លែឈើ បន្លែ​ផ្សេងៗ ។​
​ សំបក​ក្រូច​ជួយ​រំលាយ​ស្លេស -​សំបក​ក្រូច​សម្បូរ​វីតាមីន C, ប្រូតេអ៊ីន​, ការ៉ូ​តេន និង​សារ​ជាំ​តិ​ជីវជាតិ​មួយចំនួន​ផ្សេងទៀត ។ ក្រៅពីនេះ សំបក​ក្រូច​មាន​ប្រសិទ្ធភាព​ព្យាបាល​អកា​រៈ​ហើមពោះ​, ក្អក មាន​ស្លេស ។​
​ សំបក​ផ្លែ​សារី មានតម្លៃ​ព្យាបាល​ជំងឺ​ខ្ពស់​, មាន​ប្រយោជន៍​សម្រាប់​បេះដូង និង​សួត​, ជួយ​កម្ចាត់​ជាតិពុល បញ្ចុះ​កម្តៅ ។ សំបក​ផ្លែ​សារី​លាង​ស្អាត​បុក​ឲ្យ​ម៉ដ្ឋ លាយ​ស្ករ​បន្តិច អាច​ព្យាបាល​ក្អក ។​
​ សំបក​ទំពាំងបាយជូរ មាន​ប្រយោជន៍​សម្រាប់​ជំងឺ​ខ្លាញ់​ក្នុង​ឈាម​ខ្ពស់ ។ បរិមាណ restveratrol ក្នុង​សំបក​ទំពាំងបាយជូរ សម្បូរ​ជាង​ក្នុង​សាច់ និង​គ្រាប់ ។​
​ សំបក​ត្រឡាច ក្រៅពី​វីតាមីន និង​សារជាតិ​រ៉ែ នៅ​ផ្ទុក​ពពួក​សមាសធាតុ​ងាយ​ហួត​ផ្សេងៗ ។ មាន​ប្រសិទ្ធភាព​សម្រួលការ​បត់ជើង​តូច​, ជួយ​បន្ថយ​ហើម​, មាន​ប្រយោជន៍​បំផុត​សម្រាប់​អ្នកជំងឺ​ទឹកនោមផ្អែម ។​
​សំបក​ត្រសក់​បន្សាប​ជាតិពុល ជា​កន្លែង​សម្បូរ​សារជាតិ​ជីវជាតិ​បំផុត របស់​ផ្លែ​ត្រសក់ ។​
Lycopene ក្នុង​សំបក​ប៉េងប៉ោះ ជា​សារជាតិ​ប្រឆាំង​អុកស៊ីតកម្ម​ខ្លាំង​បំផុត ត្រូវបាន​រកឃើញ​ក្នុង​សារជាតិ​ធម្មជាតិ​, អាច​ទប់ស្កាត់​ជំងឺ​សរសៃឈាម​បេះដូង​, កែប្រែ​ប្រសើរឡើង​សមត្ថភាព​អង្គ​បដិបក្ខ​, បង្ការ​មហារីក ។ ក្រៅពីនេះ សំបក​ប៉េងប៉ោះ​នៅ​ជួយ​ការពារ​ផ្លូវ​ពោះវៀន ។​
​ ត្រប់ ស្វាយ ជា​អាហារ​ល្អ​បំផុត​មួយ សម្រាប់​អ្នកជំងឺ​សរសៃឈាម​បេះដូង​, បរិមាណ​ជីវជាតិ​ភាគច្រើន សុទ្ធតែ​ស្ថិតនៅក្នុង​សំបក ។ ប្រសិន​ចិត​សំបក​ចោល គឺ​អ្នក​បានធ្វើ​ឲ្យ​បាត់បង់​តម្លៃ​ជីវជាតិ​មាន​ប្រយោជន៍​សម្រាប់​សុខភាព ។​
​ សំបក​ក្រូចឆ្មារ​ព្យាបាល​ជំងឺមហារីក​, ធ្វើ​ឲ្យ​ថយចុះ​កូ​ឡេ​ស្តេ​រ៉ូ​ល​ក្នុង​ឈាម និង​ការពារ​សរីរាង្គ​ប្រឆាំង​តប​ជំងឺ​ក្រិន​ឆ្អឹង ៕      

Read More

តើ​អ្វី​ជា​មូលហេតុ​នៃ​ការចេញ​ទឹកមាត់​ខុសធម្មតា​?

 66

​ទឹកមាត់​ចេញ​ច្រើនពេក ជាធម្មតា​គឺ​ជា​បញ្ហា​ដែល​កើតមាន​ម្តង​ម្កាល និង​កម្រ ដែល​វា​ជា​បញ្ហា​គួរ​អោយ​មាន​ការព្រួយបារម្ភ​។ ជាធម្មតា ក្រពេញទឹកមាត់​ផលិត​ទឹកមាត់​ប្រហែល ០.៥ ទៅ ១.៥ លីត្រ​ក្នុង​មួយថ្ងៃ​។ ទោះជា​យ៉ាងណា​ដោយសារតែ​ការ​លេប​ជា​ញឹកញាប់​និង​ដោយ​មិនដឹង​ខ្លួន អ្នក​ប្រហែលជា​មិន​សម្គាល់​ដឹង​ពី​បរិមាណ​នេះឡើយ​។ ប្រសិន​បើ​លោក​អ្នក​ហាក់ដូចជា​មាន​ការចេញ​ទឹកមាត់​ច្រើន​ហួសហេតុ ភ្លាមៗ​មួយ​រំពេច វា​អាច​ដោយសារតែ​ក្រពេញទឹកមាត់​របស់​អ្នក​ផលិត​ទឹកមាត់​ច្រើនជាង​ធម្មតា (sialorrhea) ឬ​ដោយសារតែ​អ្នក​មាន​ការលំបាក​ក្នុងការ​លេប​ចូល​។ ការចេញ​ទឹក​មាត់ច្រើន​ហួសប្រមាណ​អាច​បណ្តាលមកពី​ការផលិត​ទឹកមាត់​ច្រើនពេក ដែល​មាន​មូលហេតុ​ដូចជា ៖

• ​ការ​ច្រាល​អាស៊ីត​ក្រពះ 
• ​ការបង្ក​រោគ​ក្នុង​មាត់​ឬ​បំពង់ក​
• ​ការប្រើ​ថ្នាំ​មួយចំនួន​ដូចជា Clonazepam, Clozapine, Pilocarpine​និង Carbidopa-Levodopa ជាដើម​
• ​ការ​មាន​ផ្ទៃពោះ​
• ​ការ​រលាក​ភ្នាស​ស្តើង​នៅក្នុង​មាត់​៕

Read More

តើ​ធ្វើ​ដូចម្តេច​ដើម្បី​កុំឲ្យ​មាន​ស្នាមហើយ​របួសឆាប់​ជា​សះស្បើយ​?

 678

• ​នៅ​អោយ​ឆ្ងាយ​ពី​ព្រះអាទិត្យ​៖​កាលណា​ស្លាកស្នាម​ត្រូវ​កំដៅ ឬ​ពន្លឺព្រះអាទិត្យ​អាច​បណ្តាល​ឱ្យ​វា​ឡើង​ខ្មៅ​និង​ពន្យឺតការ​ជាសះស្បើយ​ របស់​វា​។​កាំរស្មីអ៊ុ​លត្រា​UV​ជម្រុញ​កោសិកា​ដែល​ផលិត​សារធាតុ​ពណ៌​ត្នោត​ នៅ​ក្នុង​ស្បែក ឱ្យ​បញ្ចេញ​សារធាតុ​ពណ៌​ត្នោត​បន្ថែមទៀត ដែល​ជាហេតុ​ធ្វើអោយ​វា​ឡើង​ខ្មៅ​។​មុនពេល​ធ្វើ​ដំណើរ​អ្នក​គួរ​លាបឡេ​ការពារ ​កម្តៅថ្ងៃ​ដែលមាន SPF30 ឬ​ខ្ពស់ជាង​នេះ​។​ឡេ​ការពារ​កម្តៅថ្ងៃ អាច​ការពារ​ប្រឆាំងនឹង​កាំរស្មីអ៊ុ​លត្រា​UVA​និង​កាំរស្មីអ៊ុ​លត្រា​UVB​។ អ្នកគួរ​លាបឡេ​បន្ថែមទៀត បន្ទាប់​ពី​អ្នក​ហែល​ទឹក​បន្ទាប់ពី​បែក​ញើស ឬ​ក្នុង​រយៈពេល​ពីរ​ម៉ោង​ម្តង​។​អ្នក​គួរ​កំណត់​ពេលវេលា​របស់​អ្នកក្នុង​ប៉ះ ​ទៅ​នឹង​កំដៅ​ព្រះអាទិត្យ​ជាពិសេស​រវាង​ម៉ោង ១០ ព្រឹក​និង​ម៉ោង ២ រសៀល​។ ប្រសិនបើ​អ្នក​ជៀស​មិន​បាន​អ្នក​គួរ​ពាក់​សម្លៀកបំពាក់​ការពារ​ដូចជា​ អាវដៃវែង​ខោជើងវែង និង​ពាក់មួក​ធំៗ​ជាដើម​។​
• ចូរ​កុំ​ប្រើ​វីតាមីន​E​លាប​លើ​ស្លាកស្នាម ៖ អ្នក​ប្រហែលជា​ធ្លាប់​លឺថា​ការ​លាប​វីតាមីន​E នៅលើ​ស្នាមរបួស នឹង​ជួយ​ឱ្យ​វា​ជាសះស្បើយ​លឿន​។​ប៉ុន្តែ​បើ​យោង​តាម​ការស្រាវជ្រាវ​មួយ​ពី​ សាកលវិទ្យាល័យ​ក្រុង​ម៉ៃ​អា​មី បានបង្ហាញ​ថា ការ​លាប​សារធាតុចិញ្ចឹម​ដោយ​ផ្ទាល់​ទៅលើ​ស្លាកស្នាម គឺជា​ការរារាំង​ដល់​ការ​ជាសះស្បើយ​ទៅវិញ​ទេ​៕ 

Read More

កូន​ខាំ​ដោះ អំឡុង​ពេល​បៅ​គួរ​ធ្វើ​ម៉េច​?​

 96

​កុមារ​ជា​ច្រើន​ជារឿយ​ច្រើនតែ​លេង​ក្បាល​សុដន់​ម្តាយ​ ជាមួយនឹង​អញ្ចាញ​របស់​ពួកគេ ហើយ​នេះ​មិនមែន​មានន័យថា វា​បង្កអោយមាន​ផលប៉ះពាល់​នោះទេ​។​ប៉ុន្តែ​នៅពេលដែល​ពួកគេ​ចាប់ផ្តើម​ ដុសធ្មេញ​កូន​អាច​ខាំ​ដែល​គេ​មិនដឹង​ថា​នេះ​ធ្វើអោយ​ឈឺ​ដល់​ម្តាយ​ឡើយ​។​ ការផ្តល់​អោយ​កូន​នូវ​អ្វី​ដែល​រឹង​និង​ត្រជាក់​ដើម្បី​ទំពារ​មុននឹង​បំបៅ​ ដោះ​កូន​អាច​ជួយ​អញ្ចាញ​ហើយ​បន្ទាប់មក​អញ្ចាញ​នឹងមិន​តឹង​ដែល​អាច​បន្ថយ​ការ ​ខាំ​បាន​។​

​ជារឿយៗ​អ្នក​អាច​ប្រាប់​ទៅ​កូន​វិញ​បាន​ខ្លះៗ គឺ​នៅ​ពេល​ដែល​កូន​ខាំ​ដែល​ជា​ធម្មតា​នៅពេល​ដែល​គេ​សប្បាយចិត្ត​សូម​ ចាប់ផ្តើម​រុញ​មាត់​គេ ចេញពី​សុដន់​របស់​អ្នក​។​

​មើល​កូន​របស់​អ្នក​ដើម្បី​ដក​ពី​ការ​បៅ​។​នៅពេល​ដែល​វា​ជាក់ស្តែង​ថា​វា​លេង​សូម​ដក​សុដន់​មុននឹង​គេ​មាន​ឱកាស​ខាំ​។​

​ប្រសិនបើ​គេ​នៅតែ​ខាំ​សូម​សង្កត់​មាត់​កូន​របស់​អ្នក​អោយ​កៀក​នឹង​ ទ្រូង​ដើម្បី​ធ្វើអោយ​គេ​កាន់តែ​ពិបាក​នឹង​ខាំ​ឬ​បញ្ឈប់​ការ​បំបៅ​ដោយ​ដាក់​ ម្រាមដៃ​របស់​អ្នក​នៅ​ជ្រុង​នៃ​មាត់​របស់គេ​។​ព្យាយាម​និង​ប្រតិកម្ម​ថ្នមៗ​ និង​សូម​កុំ​បង្កើន​សម្លេង​ដូចនេះ​កូន​មិន​ខ្លាច​ឬ​ភ័យ​នោះទេ​។​

​ប៉ុន្តែ ក្នុង​ករណី​ជា​ច្រើន​ការ​ខាំ​អាច​ជា​សញ្ញា​ដែល​កូន​របស់​អ្នក​ត្រូវបាន​ធ្វើ ​ជាមួយ​នឹង​បំបៅ ឬ​ជា​ពេល​ដែល​ចង់​ប្រាប់ថា ពួកគេ​ធុញ​នឹង​ការ​បៅ​។ វិធីសាស្ត្រ​ដើម្បី​ជួយ​បន្ថយ​អនុភាព​នៃ​ការ​ខាំ​រួមមាន ៖

• ​និយាយថា “​ម៉ាក់​មិនមែន​សម្រាប់​ខាំ​នោះទេ​។ កូន​អាច​ខាំ​អ្វី​ផ្សេង​បាន​”​ហើយ​យក​របស់​អ្វី​មួយ​អោយ​ពួកគេ​។​
• ​សាកល្បង​ចាប់ផ្តើម​សកម្មភាព​ថ្មី​ប្រសិន​បើ​កូន​របស់​អ្នក​ហាក់ដូចជា​មិន​សប្បាយចិត្ត និង​កំពុងតែ​ចង់​ដក​មាត់​ចេញពី​សុដន់​។​
• ​លើក​កូន​របស់​អ្នក ជាមួយនឹង​ការ​អោប ឬ​ថើប​ជាដើម​នៅពេលដែល​គាត់​បៅ​ដោយ​មិន​មាន​ការ​ខាំ ឬ​កំពុង​តែ​ព្យាយាម​ខាំ​៕-

Read More

របៀបសំរកក្បាលពោះ​ធំ​មក​រាប​ស្មើ​វិញ​បាន ក្នុង​រយៈពេល​ដ៏​ខ្លី​តាម​វិធី​ធម្មជាតិពិតៗ!

ក្រុមការងារយើងបានបកស្រាយពីអត្ថប្រយោជន៍នៃខ្ទឹមស រួច​មក​ហើយ​នៅ​អត្ថបទ​មុន ហើយ​ខ្ទឹម​ស​ជា​រុក្ខជាតិ​មួយ​ដែល​មាន​សារៈ​សំខាន់ យក​មក​សំរាប់​ធ្វើ​ម្ហូប និង​យក​មក​ព្យាបាល​ជំងឺ​ផ្សេងៗ​តាំង​ពី​បុរាណ​រហូត​មក​ដល់​ពេល​នេះ​ក៏​នៅ​តែ ​មាន​ការ​ប្រើ​ប្រាស់​ចាំបាច់​សំរាប់​ជីវិត​ប្រចាំ​ថ្ងៃដែរ។

ចំនុចពិសេសមួយទៀតគឺ ខ្ទឹមសអាចសំរក់ទំងន់​បាន ហើយ​មិន​ប៉ះពាល់​ដល់​សុខភាព​ទៀត​ផង។ នៅ​ពេល​នេះ​យើង​នឹង​ណែនាំ​ពី​ការ​ប្រើ​ប្រាស់​ខ្ទឹម​ស យក​មក​សំរក​ក្បាល​ពោះ​ធំ​ដែល​ពោរ​ពេញ​ដោយ​ជាតិ​ខ្លាញ់​ឲ្យ​រាប​ស្មើ​វិញ​បាន យ៉ាង​មាន​ប្រសិទ្ធ​ភាព ហើយ​មិន​ចំនាយ​ថវិកា​ច្រើន ថែម​ទាំង​ល្អ​សំរាប់​សុខភាព​ទៀត​ផង។ ដូច​នេះ​មិត្ត​អ្នក​អាន​អាច​ធ្វើ​បាន​តាម​ការ​ណែនាំ​ខាងក្រោម៖

របស់ត្រូវការ ៖

• ខ្ទឹមស 3 កំពឹស
• ទឹកក្រូចឆ្មា 1 ផ្លែ
• ទឹកបរិសុទ្ធ 1 កែវ

ការប្រើប្រាស់ ៖

• លាយទឹកក្រូចឆ្មា 1 ផ្លែដែលបានច្របាច់រួចនោះ ចូលទៅក្នុងទឹក 1 កែវ
• ទំពារខ្ទឹមស 3 កំពឹស ហើយផឹកទឹកដែលបានលាយនោះចូល
• ធ្វើឲ្យបានជារៀងរាល់ព្រឹកនៅពេលពោះទទេរ, វាត្រូវចំណាយពេល 2 សប្តាហ៍នឹងឃើញលទ្ធផលពិតៗ។

សំរាប់មិត្តអ្នកអានដែលមានក្បាលពោះធំអាចធ្វើតាមវិធីខាងលើនេះ​បាន ឬ​ក៏​អាច​ណែនាំ​មិត្តភក្តិ​ដទៃ​ទៀត ដែល​អ្នក​ស្គាល់​ចង់​សំរក​ក្បាល​ពោះ​អាច​សាក​ល្បង​ធ្វើ​ជាមួយ​គ្នា​ដើម្បី​ ទទួល​បាន​ក្បាល​ពោះ​រាប​ស្មើ​ស្រស់​ស្អាត ដោយ​ងាយ​ជាមួយ​វិធី​ធម្មជាតិនេះ។

Read More

ចង់បាន​បបូរមាត់​ស្អាត​តើ​គួរ​ធ្វើ​បែបណា​?

​ស្ត្រី​គ្រប់រូប​តែងតែ​ចង់បាន​បបូរមាត់​ទន់​និង​ ស្រស់ស្អាត​។ វិធី​មួយ​ចំនួន​ខាងក្រោម​នេះ​អាច​ជួយ​ធ្វើអោយ​បបូរមាត់​របស់​អ្នក​មើល​ទៅ​ ទ្រលុកទ្រលន់ និង​ជួយ​ការពារ​បបូរមាត់​របស់​អ្នក​បាន​៖

1. ​កុំ​ជក់បារី​៖​ការជក់បារី​មិន​ត្រឹមតែ​ធ្វើអោយ​ខូចសុខភាព​នោះទេ​ប៉ុន្តែ​ក៏​ធ្វើអោយ​បបូរមាត់​ខ្មៅ​ផងដែរ​។​
2. ​ជៀសវាង​ការផឹក​តែ​និង​កាហ្វេ​ច្រើន​ហួស​៖​ជាតិ​កាហ្វេ​អ៊ី​ន​គឺជា​កត្តា​មួយ​ដ៏​សំខាន់​ដែល​ធ្វើអោយ​បបូរមាត់​ខ្មៅ​។​
3. ​ជៀសវាង​ការប៉ះពាល់​ផ្ទាល់​ជាមួយ​ពន្លឺព្រះអាទិត្យ​៖​ការប៉ះពាល់​ ជាមួយ​កាំរស្មី​UV​យូរ​ជា​លទ្ធផល​ធ្វើអោយ​បបូរមាត់​សឹក​រិច​រិល​។​ក្រែ​មលាប ​បបូរមាត់​ដែល​អាច​ការពារ​បបូរ​មាត់​ពី​កំដៅ​ព្រះអាទិត្យ​យ៉ាងហោចណាស់​ក៏​ មាន​15 SPF​ដែរ​។​
4. ​ជៀសវាង​ការលិត​បបូរមាត់ ព្រោះ​វា​អាច​ធ្វើអោយ​បបូរមាត់​ស្ងួត​និង​ប្រេះ​។​
5. ​បរិភោគ​អាហារ​ដែល​ជួយ​ដល់​ស្បែក​ជាមួយនឹង​ជីវជាតិ​រ៉ែ​ដើម្បី​ ធ្វើអោយ​បបូរមាត់​ស្រស់ស្អាត​។​ការបរិភោគ​ផ្លែឈើ​និង​បន្លែ​គឺជា​ប្រភព​ដ៏​ ល្អ​នៃ​វីតាមីន​និង​សារធាតុ​រ៉ែ​ដែល​ចិញ្ចឹម​ស្បែក​របស់​អ្នក​។​
6. ​ទទួលទាន​ទឹក​៨​កែវជា​រៀងរាល់ថ្ងៃ​ដើម្បី​ជួយ​រក្សា​អោយ​ស្បែក​បបូរមាត់​ទន់​និង​ការពារ​កោសិកា​បបូរ​បាត់​ពី​ការស្លាប់​៕

Read More

អ្នក​គួរ​ទទួល​ទាន​“​ការ៉ុត​”​បន្ថែមទៀត​

1. ​ការ៉ុត​គឺជា​ប្រភព​នៃ​សារធាតុ​ប្រឆាំង​អុកស៊ីតកម្ម​ដ៏​សម្បូរ​ បំផុត​ក្នុង​ចំណោម​បន្លែ​ផ្សេងៗ​ដែល​អាច​បំលែង​វីតាមីន​A​នៅក្នុង​រាងកាយ​ ដើម្បី​ជួយ​រក្សា​ស្បែក​អោយមាន​សុខភាព​ល្អ​។​
2. ​ការ៉ុត​ជួយ​បង្កើន​ទឹកមាត់​និង​ផ្គត់ផ្គង់​សារធាតុ​រ៉ែ​វីតាមីន​ និង​អង់ស៊ីម​មួយចំនួន​ដើម្បី​ជា​ជំនួយ​ក្នុង​ការរំលាយ​អាហារ​។​ការ​ញ៉ាំ​ ការ៉ុត​អោយបាន​ទៀងទាត់​អាច​ជួយ​ការពារ​ជំងឺ​ដំបៅ​ក្រពះ​និង​ជំងឺ​ប្រព័ន្ធ​ រំលាយ​អាហារ​ផ្សេងទៀត​។​
3. ​ការ៉ុត​ជួយ​បន្សាប​ជាតិ​អាស៊ីត​នៅក្នុង​រាងកាយ​។​
4. ​ការ៉ុត​គឺជា​ប្រភព​ដ៏​ល្អ​នៃ​សារធាតុ​ប៉ូ​តា​ស្យូម​ដែល​អាច​ជួយ​ រក្សា​កម្រិត​ជាតិ​សូ​ដ្យូ​ម​នៅក្នុង​ឈាម​ធ្វើអោយ​អ្នក​មាន​សុខភាព​ល្អ និង​ជួយ​កាត់បន្ថយ​ជំងឺលើសឈាម​។​
5. ​ការ៉ុត​អាច​ជួយ​សម្លាប់​មេរោគ​ដែល​បង្ក​គ្រោះថ្នាក់​នៅ​ក្នុង​មាត់​និង​ជួយ​ការពារ​ជំងឺ​ធ្មេញ​ពុក​។​
6. ​ការ៉ុត​អាចជួយ​ព្យាបាល​របួស និង​កាត់បន្ថយ​ការ​រលាក​។​
7. ការ៉ុត​អាចជួយ​កាត់បន្ថយ​ហានិភ័យ​នៃ​ជំងឺមហារីក​ពោះវៀនធំ​និង​ជួយ​លើកកម្ពស់​សុខភាព​ពោះវៀន​។​
8. ការ៉ុត​អាចជួយ​គ្រប់គ្រង​ជាតិ​ស្ករ​នៅក្នុង​ឈាម​។​
9. ​ការ៉ុត​មាន​កម្រិត​ជាតិ​សរសៃ​ខ្ពស់​ដែល​អាច​ជួយ​កាត់បន្ថយ​កូ​ឡេ​ ស្តេ​រ៉ូល​អាក្រក់​និង​បង្កើន​កូ​ឡេ​ស្តេ​រ៉ូល​ល្អ​ដើម្បី​ជួយ​កាត់បន្ថយ​ ដុំ​កំណក​ឈាម​និង​បង្ការ​ជំងឺ​បេះដូង​។​
10. សរ​ធាតុ​ចិញ្ចឹម​ដែល​មាន​នៅក្នុង​ការ៉ុត​អាច​បង្កើន​សុខភាព​ភ្នែក​ស្បែក​សក់​ក្រចក​ជួយ​កំចាត់​ជាតិពុល​និង​បង្កើត​កោសិកា​ថ្មី​៕

Read More

វិធីងាយស្រួល ទាំង ៧យ៉ាង ជួយអ្នក ឲ្យស្រកទម្ងន់ បានលឿន ដោយមិន ចាំបាច់ តមអាហារ

ជាការពិត មនុស្សនិមួយៗតែងតែ ចង់បាន នូវរាងស្រឡូន ស្អាត ជាពិសេសគឺ មនុស្សស្រីផ្ទាល់តែម្តង ពីព្រោះ រាងកាយជាផ្នែកមួយ ដែល ជួយទាក់ទាញ ក្រសែភ្នែក ពីអ្នកដទៃបាន។ សម្រាប់ថ្ងៃនេះ ប្រិយមិត្តនឹង អស់កង្វល់ ពីបញ្ហាឡើងទម្ងន់ គឺខ្មែរឡូត នឹងជម្រាប ពីវិធីសម្រក ទម្ងន់ដែលមាន ប្រសិទ្ធភាព ដោយមិនចាំបាច់តមអាហារ៖

១) រៀបចំ គម្រោងហាត់ប្រាណ៖ ប្រសិនបើអ្នកចង់ស្រកទម្ងន់ ការហាត់ប្រាណជាប្រចាំ វាជាជម្រើស ដ៏ល្អសម្រាប់អ្នក ប៉ុន្តែអ្នកគួរតែ រៀបចំ គម្រោងឲ្យបាន ច្បាស់លាស់ ផងដែរ។ ជាពិសេស ការហាត់ប្រាណ នឹងអាចផ្លាស់ប្តូរ រូបរាងរបស់អ្នក ទៅជារាងស្លីមស្អាតបាន។
២) កុំបន្ថែមជាមួយ នឹងអាហារមិនល្អ (junk food) ក្នុងរបបអាហាររបស់អ្នក ៖ អ្នកគួរតែ កាត់បន្ថយ នូវអាហារមិនល្អ ចំពោះសុខភាពរបស់អ្នក ប៉ុន្តែ មិនមានន័យថា ឲ្យអ្នក តមនោះទេ គឺមានន័យថា អ្នកគួរតែ បរិភោគអាហារណា ដែលមិនមាន ជាតិកាឡូរីច្រើន។  ប្រសិនបើអ្នក អាចកាត់ បន្ថយនូវរបប អាហារមិនល្អ ទាំងអស់នោះបាន ទម្ងន់របស់អ្នក នឹងអាចស្រក បានយ៉ាងលឿនផងដែរ។
៣) បរិភោគអាហារ ឲ្យបានទៀងទាត់៖ ចំពោះការបរិភោគ អាហារទៀងទាត់ ពិតជាសំខាន់ណាស់ ដែលជួយ ឲ្យក្រពះរបស់អ្នក មានដំនើរការល្អ។ បន្ថែមពីនេះ អ្នកមិនគួរ បង្អត់អាហារខ្លួនឯងនោះទេ ពីព្រោះវា ធ្វើឲ្យប៉ះពាល់ដល់ សុខភាពរបស់អ្នក បានផងដែរ។ ដូច្នេះ ប្រសិនបើអ្នក ចង់ស្រកទម្ងន់ គួរតែរៀបចំ ម៉ោងបរិភោគ ឲ្យបានច្បាស់ ប៉ុន្តែអ្នក ត្រូវប្រាកដចិត្តថា ក្នុងរបបអាហារនិមួយៗ គួរតែបរិភោគ ក្នុងបរិមាណត្រឹមត្រូវផងដែរ។
៤) បញ្ឈប់ ជាមួយនឹង អាហារសម្រន់ នៅពេលអ្នក មិនឃ្លាន៖ ភាគច្រើន នៅពេលអ្នកមាន អារម្មណ៍ធុញ តប់ប្រមល់ អ្វីមួយ អ្នកតែង បន្ថែមជាមួយ នឹងអាហារសម្រន់  ឥតបានការ ដែលពួកវា សុទ្ធតែធ្វើឲ្យ អ្នកឡើងទម្ងន់។ ដូច្នេះអ្វីដែលល្អ អ្នកគួរតែជៀសវាង អាហារ ទាំងនោះ នៅពេល អ្នកមិនឃ្លាន ហើយអ្នកគួរតែ ផ្លាស់ប្តូរ ការបរិភោគ ជាមួយនឹង របស់ឥតបានការទាំងនោះ នៅពេលអ្នកធុញ មកជាការ ដើរកំសាន្ត ហាត់ប្រាណវិញ ប្រសើរជាង។
៥) ជៀសវាងទំពារអាហារ នៅកណ្តាលអាធ្រាត្រ៖ ប្រសិនបើ អ្នកបេជ្ញាចិត្តថា ចង់ស្រកទម្ងន់ អ្នកគួរតែ យល់នូវចំនុចមួយថា ការបរិភោគ អាហារ នៅកណ្តាលអាធ្រាត្រ វាមិនមែន ជាជម្រើសល្អ របស់អ្នក នោះទេ ហើយវានឹងធ្វើឲ្យ អ្នកឡើងទម្ងន់ ជាលំដាប់ផងដែរ។
៦) បរិភោគអាហារ ក្នុងបរិមាណសមស្រប៖ ចំពោះចំនុចទី៣ គឺបានបញ្ជាក់ប្រាប់អ្នក រួចមកហើយថា គួរតែបរិភោគឲ្យបាន ទៀងទាត់ គឺពេលព្រឹក ថ្ងៃត្រង់ និងល្ងាច ប៉ុន្តែអ្នកគួរតែ ដឹងថា ក្នុងពេល និមួយៗនោះ តើអ្នកបរិភោគអាហារក្នុង បរិមាណសមស្របដែររឺទេ? ជាមួយ គ្នានោះដែរ អ្នកក៏ អាច បន្ថែម ជាមួយនឹង បង្អែម១ចាន បន្ទាប់ពីបរិភោគអាហារ ក្នុងមួយសប្តាហ៍បានម្តង ផងដែរ។
៧) គួរតែជៀសវាង បរិភោគអាហារក្រៅផ្ទះ៖ ប្រហែលជាអ្នក ដឹងច្បាស់ហើយ ថានៅពេលអ្នក បរិភោគ ក្រៅផ្ទះ គឺសុទ្ធសឹងតែ អាហារ សម្បូរជាតិ ផ្អែម ខ្លាញ់ ដែលវាធ្វើឲ្យ សុខភាពរបស់អ្នក ចុះ ទ្រុឌទ្រោម ហើយថែមទាំង ឲ្យទម្ងន់អ្នក ឡើងទៀតផង។
ទាំងនេះជាវិធីមួយចំនួន ក្នុងការជួយអ្នក ឲ្យស្រកទម្ងន់បាន ដោយមិនចាំបាច់តមអាហារច្រើន៕

ប្រភព  magforwomen

Read More

មូលហេតុ​នៃ​ការ​ឈឺចង្កេះ​

​ជារឿយៗ ការ​ឈឺចង្កេះ កើតមាន​ដោយ​មិន​មាន​មូលហេតុ​ច្បាស់លាស់​ដែល​គ្រូពេទ្យ​អាច​កំណត់​បាន​ ជាមួយនឹង​តេស្ត ឬ​ការថត​ចង្កេះ​នោះទេ​។ បញ្ហា​ដែល​ផ្សារភ្ជាប់​ទូទៅ​ទៅ​នឹង​ការ​ឈឺចង្កេះ រួមមាន ៖

• ការ​យារ​សរសៃ​ត​ឆ្អឹង ឬ​សាច់ដុំ ៖ ការលើក​របស់​ធ្ងន់ៗ​ដដែលៗ ឬ​ការធ្វើ​ចលនា​ដែល​មិន​ត្រឹមត្រូវ​ភ្លាមៗ អាច​ធ្វើអោយ​ទាញ​សាច់ដុំ​ចង្កេះ និង​សរសៃ​ត​ឆ្អឹង​ដែល​មាន​នៅ​នឹង​ឆ្អឹងខ្នង​។ ប្រសិនបើ​អ្នក​មាន​កាយសម្បទា​ចុះខ្សោយ​បញ្ហា​នេះ​អាច​បណ្តាលអោយ​សាច់ដុំ​ គាំង​ជាប់ និង​ឈឺ​។​
• ​រហែក​សន្ទះ​ឆ្អឹងខ្នង ៖ សន្ទះ​ឆ្អឹងខ្នង​មាន​ សកម្មភាព​ដូច​ទៅ​នឹង​ដុំ​មួយ​ទន់​នៅ​ចន្លោះ​ឆ្អឹង​កង​ខ្នង​នី​មួយៗ​។​ វត្តមាន​នៃ​ការ​របូត​ចេញ ឬរ​ហែក​សន្ទះ​ឆ្អឹងខ្នង ដោយ​មើលឃើញ​ដោយ​ការ​ថតកាំរស្មីអ៊ិច មិនមែន​មានន័យថា​មានការ​ឈឺចង្កេះ​នោះទេ​។ ជំងឺ​នៃ​សន្ទះ​ឆ្អឹងខ្នង​ជារឿយៗ​ត្រូវបាន​រកឃើញ​ដោយ​ចៃដន្យ​។ មនុស្ស​ជាច្រើន​ដែល​មិន​មាន​ការ​ឈឺចង្កេះ​ប្រែជា​មានការ​របូត ឬរ​ហែក​សន្ទះ​ឆ្អឹងខ្នង​នោះ​នៅ​ពេល​ដែល​ពួកគេ​ថតកាំរស្មីអ៊ិច​លើ​ឆ្អឹងខ្នង​ ដោយ​មូលហេតុ​ដទៃទៀត​។​
• ​ជំងឺ​រលាក​សន្លាក់ឆ្អឹង ៖ ជំងឺ​រលាក​សន្លាក់ឆ្អឹង អាច​ប៉ះពាល់​ដល់​ចង្កេះ​។ ក្នុង​ករណី​មួយ​ចំនួន​ជំងឺ​រលាក​សន្លាក់ឆ្អឹង​នៅ​នឹង​ឆ្អឹងខ្នង អាច​នាំ​អោយ​ស្ទះ​លំហរ​ចន្លោះ​ពី​ឆ្អឹងខ្នង​នី​មួយៗ​។​
• ​ភាពខុសប្រក្រតី​នៃ​ឆ្អឹង ៖ ការ​ឈឺចង្កេះ អាច​កើតមានឡើង​ប្រសិនបើ​ឆ្អឹងខ្នង​កោង​ខុសពី​ធម្មតា​។ ឆ្អឹងខ្នង​កោង​អាច​នាំ​អោយ​ឈឺចង្កេះ ប៉ុន្តែ​ជា​ទូទៅ​កើត​មាន​ប្រសិនបើ​ការ​កោង​នោះ​ខ្លាំង​ប៉ុណ្ណោះ​។​
• ​ជំងឺ​ពុក​ឆ្អឹង ៖ ការ​បាក់​ឆ្អឹងខ្នង​អាច​កើតមានឡើង​នៅពេល​ដែល​ឆ្អឹង​ក្លាយជា​ផុយ ឬ​ស្រួយ​៕

Read More

អត្ថប្រយោជន៍​របស់​ទឹកឃ្មុំ​ចំពោះ​សុខភាព​

1. ជួយ​ការពារ​ជំងឺមហារីក​
2. ​ជួយ​ការពារ​ជំងឺ​បេះដូង​
3. ​ជួយ​កាត់បន្ថយ​ដំបៅ​ក្រពះ​ពោះវៀន​និង​ជំងឺ​ផ្សេងទៀត​
4. ​ប្រឆាំង​បាក់តេរី​ប្រឆាំង​ពពួក​ផ្សិត​
5. ​បង្កើន​សកម្មភាព​កីឡា​
6. ​កាត់បន្ថយ​ការ​ក្អក​និង​រលាក​បំពង់ក​
7. ​វា​ត្រូវ​បាន​គេ​រក​ឃើញ​ផង​ដែរ​ថា​វា​មាន​សារៈប្រយោជន៍​ក្នុង​ ការលើក​កំពស់​សុខភាព​ភ្នែក​សម្រក​ទម្ងន់​ព្យាបាល​បញ្ហា​ងាប់​លិង្គ​និង​ ការបញ្ចេញ​ទឹកកាម​មិន​គ្រប់គ្រាន់​ជំងឺ​ផ្លូវ​ទឹកនោម​ជំងឺ​ហឺត ជំងឺ​រលាក​ទងសួត​ជំងឺ​រាគរូស​និង​ការ​ចង្អោរ​។​
8. ​ជួយ​គ្រប់គ្រង​ជាតិ​ស្ករ​នៅក្នុង​ឈាម​
9. ​ជួយ​ព្យាបាល​របួស​និង​ការ​រលាក​
10. ​ជួយ​បង្កើន​មេរោគ​ល្អ​នៅក្នុង​ពោះវៀន​ដើម្បី​ជួយ​ក្នុង​ការរំលាយ​អាហារ​
11. ជួយ​អោយ​ស្បែក​ស្រស់ស្អាត​៕

Read More

ស្ត្រី​មាន​ផ្ទៃពោះ​មួយចំនួន​សប្បាយ​នឹង​ការ​រួមភេទ​ក្នុងអំឡុងពេល​ត្រីមាស​ទី​២​ជាង​ពេល​ធម្មតា​

ការ​រួមភេទ​ក្នុងអំឡុងពេល​មាន​ផ្ទៃពោះ​គឺជា​រឿង​ក្រោយ​គេ​ បង្អស់​នៅក្នុង​ចិត្ត​ស្ត្រី​មួយចំនួន ជាពិសេស​នៅពេល​ដែល​ពួកគេ​កំពុងតែ​មាន​បញ្ហា​ជាមួយនឹង​ការ​ចង្អោ​រ ក្អួត និង អស់កំលាំង​យ៉ាងខ្លាំង​។ ចំនែកឯ​ស្ត្រី​ខ្លះ​ទៀត​បែរជា​ចង់​រួមភេទ​ខ្លាំង​ជាង​មុន​ក្នុង​អំឡុងពេល​ មាន​ផ្ទៃពោះ​។ បុរស​ក៏​អញ្ចឹង​ដែរ​គឺ​ត្រូវបាន​គេ​ចែកចេញជា​ប្រភេទ​ផ្សេង​គ្នា​ទាក់ទង​នឹង​ ការ​រួមភេទ​ក្នុងអំឡុងពេល​មាន​ផ្ទៃពោះ​។ បុរស​ខ្លះ​ចូលចិត្ត​រួមភេទ​ជាមួយ​ស្ត្រី​មាន​ផ្ទៃពោះ ប៉ុន្តែ​បុរស​ខ្លះ​ទៀត​បែរជា​ភ័យខ្លាច​អំពី​ការប៉ះពាល់​ដល់​ទារក ឬ ដៃគូ​ដែលមាន​ផ្ទៃពោះ​ទៅវិញ​។ 

​តើ​ការ​រួមភេទ​ក្នុង​អំឡុង​ពេល​មាន​ផ្ទៃពោះ​មាន​សុវត្ថិភាព​ដែររឺទេ​? 

​វា​អាច​ជា​ដំណឹង​ល្អ ឬ ដំណឹង​អាក្រក់​អាស្រ័យ​ទៅលើ​ការគិត​របស់​អ្នក​។ អ្នកជំនាញ​បាន​និយាយថា "​ការ​រួមភេទ​អំឡុងពេល​មាន​ផ្ទៃពោះ​គឺ​មាន​សុវត្ថិភាព​សម្រាប់​ស្ត្រី​ ភាគច្រើន ដោយ​មិន​មាន​ផលវិបាក​អ្វី​ទាំងអស់ ហើយ​មាន​ហានិភ័យ​ទាប​ជាមួយនឹង​ផ្ទៃពោះ "​។ មនុស្ស​មួយចំនួន​មាន​អារម្មណ៍​សប្បាយរីករាយ​ជា​នឹង​ការ​រួមភេទ​អំឡុងពេល​មាន ​ផ្ទៃពោះ​ណាស់ ហើយ​អ្នកខ្លះ​ទៀត រីករាយ​ជា​មួយ​វា​តិចតួច​ប៉ុណ្ណោះ "​។ ក្នុងអំឡុងពេល​ត្រីមាស​ដំបូង ស្ត្រី​ជា​ច្រើន​បាន​រាយការណ៍​ថា​គ្មាន​ចំ​នង់​រួមភេទ​នោះទេ ដោយសារតែ​ពួកគេ​មាន​អារម្មណ៍​ធុញទ្រាន់​នឹង​ការ​ក្អួតចង្អោរ ប៉ុន្តែ​ក្នុង​អំឡុងពេល​ត្រីមាស​ទី​ពីរ ពួកគេ​មាន​អារម្មណ៍​ល្អប្រសើរ​ជាង​មុន និង​មាន​ការបញ្ចេញ​ទឹករំអិល​កាន់តែច្រើន​។​ទាំងអស់នេះ​ហើយ​ដែល​ធ្វើអោយ​ការ​ រួមភេទ​មាន​ភាព​ទាក់ទាញ និង ពេញចិត្ត​កាន់តែខ្លាំង​។ ជាង​នេះ​ទៅទៀត​នោះ​ស្ត្រី​ភាគច្រើន​មិនទាន់​មាន​ពោះធំ​ណាស់​ណា​ទេ​នៅក្នុង​ អំឡុង​ត្រីមាស​ទី​២​នេះ​។ នៅពេល​ដែល​ពោះ​ចេះ​តែ​ធំ​ឡើង ហើយ​អ្នកមាន​អារម្មណ៍​អស់កម្លាំង នោះ​ការ​រួមភេទ​ហាក់ដូចជា​មិនសូវ​មាន​ភាព​ទាក់ទាញ​ទៀត​នោះ​៕​

Read More

បើ​ចង់​បាត់​មុន​តើ​គួ​រញុំា​អាហារ​បែបណា​?

​មុន​ជា​បញ្ហា​មួយ​ដែល​ធ្វើអោយ​មនុស្ស​បាត់បង់​សម្រស់​។ អ្នក​កើតមុន​តែង​ចង់​រក​វិធី​ដើម្បី​កំចាត់​មុន​។ ដូច្នេះ​តើ​អ្នក​គួរ​បរិភោគ​អាហារ​បែបណា​?

1.  តែ​បៃតង​៖ ​តែ​បៃតង​អាច​ជួយ​សម្អាត​រាងកាយ ពង្រឹង​កោសិកា និង​កាត់បន្ថយ​មុន​។​
2. បន្លែ​បៃតង​៖​ សាឡា​ត់ ស្ពៃ និង​បន្លែ​បៃតង​ផ្សេងទៀត​អាចជួយ​បង្ការ​ការ​កើតមុន​។ អាហារ​ទាំងនេះ​មាន​ផ្ទុក​វីតាមីន​A​ដែល​អ្នក​គួរ​ទទួល​ទាន​អោយបាន​ រៀងរាល់ថ្ងៃ​។​
3. ផ្កា​ខាត់ណា​ខៀវ​៖ ​រួម​ជាមួយនឹង​អាហារ​សំបូរ​ វីតាមីន​A B C E និង​K អ្នក​ក៏​ត្រូវការ​អាហារ​ប្រឆាំង​នឹង​ប្រតិកម្ម​អុកស៊ីត​ដែលជា​ភ្នាក់ងារ​ជួយ ​ក្នុង​ការប្រយុទ្ធប្រឆាំង និង​ជួយ​កាត់បន្ថយ​ការ​កើតមុន​។​
4. ក្រូចឆ្មា និង​ទឹក​ក្រូចឆ្មា​៖​ វា​អាច​ជួយ​ សម្អាត​រាងកាយ និង​សរីរាង្គ​។ អាស៊ីត​នៃ​ក្រូចឆ្មា​អាច​ជួយ​សម្អាត​បាក់តេរី​នៅក្នុង​រន្ធ​ញើស​។ វា​ក៏​អាចជួយ​ក្នុង​ការការពារ​មុន និង​កាត់បន្ថយ​មុន​ផងដែរ​។ ផលប្រយោជន៍​មួយទៀត​នៃ​ក្រូចឆ្មា​គឺ​វា​អាច​ជួយ​លុបបំបាត់​ស្នាម​មុន​។ ក្រូចឆ្មា​គឺជា​ជំរើស​ក្នុង​ការព្យាបាល​ធម្មជាតិ​ដើម្បី​ប្រយុទ្ធប្រឆាំង​ នឹង​ការការពារ​ការ​កើតមុន និង​កាត់បន្ថយ​ស្នាម​មុន​៕

Read More

មូលហេតុដែល​អ្នក​គួរ​ដុស​ធ្មេញ​ជាមួយអំបិល

នៅក្នុងអំបិលមានសារជាតិកាល់ស្យូម, ម៉ាញេស្យូម, ស៊ីលីកូន, ផូស្វ័រ, សូដ្យូម និង​នីកែលដែក ហើយ​នេះ​គ្រាន់​តែ​ជា​សារជាតិ​មួយ​ចំនួន​នៅ​ក្នុង​អំបិល​តែ​ប៉ុណ្ណោះ។ សារជាតិ​ទាំង​នេះ​អាច​ការពារ និង​ពង្រឹង​អញ្ចាញ​ធ្មេញ, បំបាត់​ក្លិន​មិន​ល្អ​ក្នុង​មាត់ ហើយ​ថែម​ទាំង​ធ្វើ​ឲ្យ​ធ្មេញ​ស និង​ជា​ពិសេស​វា​មាន​ជាតិ​អីយ៉ូត​ច្រើន អាច​ការពារ​បាក់តេរី​នៅ​ក្នុង​មាត់​បាន​យ៉ាងប្រសើរ។

របៀបប្រើប្រាស់៖

• នៅពេលដែលអ្នកដុសធ្មេញ អ្នក​អាច​ដាក់​អំបិល​តាម​សមមាត្រ​សម​ល្មម​លាយ​ជាមួយ​ថ្នាំ​ដុស​ធ្មេញបាន
• អ្នកអាចខ្ពុលមាត់ជាមួយទឹកអំបិល ដោយគ្រាន់​តែ​លាយ​អំបិល​កន្លះ​ស្លាប​ព្រា​ចូល​ទៅ​ក្នុង​ទឹក​ក្តៅ​ឧណ្ណៗ ហើយ​ខ្ពុល​ឲ្យ​បាន​រយៈពេល 30 វិនាទី វា​នឹង​អាច​ការពារ​អញ្ចាញ​ធ្មេញ​អ្នក​ឲ្យ​រឹង​មាំ, ទប់​ស្កាត់​បាក់តេរី និង​ការពារ​មិន​ឲ្យ​ពង​មាត់បាន។

អំបិលពិតជាមានអត្ថប្រយោជន៍ខ្លាំងណាស់ ពីមួយ​ជំនាន់​ទៅ​មួយ​ជំនាន់ មនុស្ស​គ្រប់​គ្នា​ត្រូវ​ការ​

Read More

របស់ទាំង 6 ដែលមូសខ្ពើមបំផុត

បើសិនជាការរស់នៅរបស់​អ្នក​មាន​ការ​រំខាន​ពី​សត្វ​មូស​ចង្រៃ ដែល​តែ​ងតែ​មក​ខាំ និង​យាយី​អ្នក​នៅពេល​ជួប​ជុំ​មិត្តភក្ភិ ឬ​ក៏​អង្គុយ​ស្ងៀម​តែ​ម្នាក់​ឯង ទោះ​នៅ​ក្នុង​ផ្ទះ ឬ​ក៏​នៅ​ក្រៅផ្ទះ​​និយាយ​ឲ្យ​ចំ​គឺរំខាន​យើង​គ្មាន​ពេល​សំរាក ទាល់​តែ​យើង​រកវិធី​ផ្សេងៗ ដូច​ជា​ប្រើប្រាស់​ប្រដាប់​ឆក់​មូស, ដុតធូប​មូស ឬបាញ់​ថ្នាំមូស​ទើប​មូស​រត់​គេច​បណ្តោះ​អាសន្ន ឬ​ត្រឹម​តែ​សន្លប់​តែ​ប៉ុណ្ណោះ។

​​

កាលពីពត៌មានប៉ុន្មានសប្តាហ៏មុន ក្រុម​ការងារ​យើង​បាន​ចេញ​ផ្សាយ​ពី របៀប​ការ​ពារ​មូសសំរាប់​ប្រជាជន​កម្ពុជា ដោយ​សារ​តែ​រដូវ​នេះ​មាន​ភ្លៀង​ធ្លាក់​មិន​ទៀង​ទាត់ ទើប​ក្រុមការ​ងារ​យើង​ព្យាយាម​យក​ពត៌​មាន​ណាដែល​សំខាន់​ទាក់​ទង​នឹង​ការ​ ការពារ​សុខភាព​របស់​ប្រជាជន​យើង។ ហើយ​នៅ​ពេល​នេះ​យើង​បាន​នាំ​ពត៌មាន​មួយទៀត និយាយ​ពី​របស់​ដែល​មូស​ខ្ពើម​បំផុត ដែល​អ្នក​មិន​ធ្លាប់​ដឹង​ពីមុនមក។

1. កង្ហារអេឡិចត្រូនិច

អត្ថប្រយោជន៏របស់កង្ហារមិនមែនឲ្យតែអ្នកត្រជាក់តែមួយគត់នោះទេ វា​អាច​ឲ្យមូស​ជៀស​ឆ្ងាយ​ពី​អ្នក​បាន ដោយ​សារ​តែ​មូស​មិនអា​ច​ជំនះ​នឹង​ល្បឿន​ឆ្ងល់ 10 ម៉ាយ​ក្នុង​មួយ​ម៉ោង​បាន​ទេ ដូច​នេះ​ពេល​ដែល​អ្នក​បើក​កង្ហារ​ដែល​មាន​ល្បឿន​ខ្លាំង មូស​ទាំង​នោះ​នឹង​ខ្ទាត។ មូស​តាម​វាយ​ប្រហារ​យើង​តាម​រយៈ​ខ្យល់​កាបូន ឌី​អុក​ស៊ីត ដែល​យើង​ដក​ដង្ហើ​មចេ​ញ ហើយ​និ​ង​កំដៅ​របស់​រាង​កាយ​យើង។

2. កូនជ្រូកតូច

បើសិនជាអាចយកកូនជ្រូកធ្វើជាសត្វចិញ្ចើម ដោយ​សារ​តែ​សត្វជ្រូក​មាន​កំដៅ​ក្នុង​ខ្លួន​ខ្លាំង​ជាង​មនុស្ស​ធម្មតា(ហូមូ​ សាព្យាម) ដូចនេះ​មូស​ចាប់​អារម្មណ៏​ទៅ​លើជ្រូក​ជាង​មនុស្ស ប៉ុន្តែ​មិន​អីទេ​ដោយ​សារ​តែ​ជ្រូក​មាន​ស្បែក​ក្រាស់​ជាង​មនុស្ស​ដូចនេះ​មូស ​មិន​ងាយ​នឹង​វាយ​ប្រហារ​ជ្រូកទេ។ បើ​សិនជា​អ្នក​នៅ​ក្បែរ​ជ្រូកច្បាស់​ជា​គ្មាន​អារម្មណ៏​ថា​មូស​ខាំទេ ហើយ​អ្នក​ដែល​ឧស្សាហ៏​ត្រូវ​រំខាន​ដោយ​មូស​គួរ​តែ​ទិញកូន​ជ្រូក​មួយ​យក​ទៅ​ ចិញ្ចើម​ទៅ។

3. កូនប្រជៀវត្នោត

ចំនុចនេះកាន់តែមានអត្ថប្រយោជន៏ ប្រសិនបើអ្នក​មិន​ចិញ្ចើម​សត្វ​ជ្រូក​បាន​ទេ អ្នក​អាច​ចិញ្ចើម​កូន​សត្វ​ប្រជៀវ​ត្នោត​វិញ ដែល​វា​អាច​ហោះជុំ​វិញ តាម​រក​ចំនី​របស់វា​ដែល​ជា​សត្វ​មូស។ វា​អាច​ស៊ី​សត្វមូសបាន​ចន្លោះ​ពី 500 ដល់ 1,000 ក្បាល​ក្នុង​រយៈ​ពេល​មួយ​ម៉ោង ដូច​នេះ​អ្នក​នឹង​លែង​មាន​ការ​រំខាន​ដោយ​មូស​ទៀត​ហើយ។

4. ឥទ្ធពលនៃផ្កា ម៉ារីហ្គោល

ផ្កាប្រភេទនេះ គេអាចចាត់ទុកជាផ្កាមួយដែល​មាន​ឥទ្ធពល​ខ្លាំង​ក្នុង​ការ​សំលាប់​មូស ហើយ​មូស​ក៏​ខ្លាច​វា​បំផុត​ដែរ កន្លែង​ដែល​មាន​ផ្កា​នេះដុះ កន្លែង​នោះ​គឺ​គ្មាន​មូស​សូម្បី​តែ​មួយ។ បើសិន​ជា​អ្នក​មាន​សួន​ផ្កា​ដែល​អា​ច​ដាំផ្កានេះ​បា​ន​ទៀត​គឺ​កាន់​តែល្អ វា​នឹង​អាច​ទាក់​ទាញ​សត្វ​កន្ទុំរុយ និង​សត្វ​ចាប​ផ្សេងៗ​ដែលវា​អាចនឹង​ស៊ីមូស​បានផងដែរ។

5. ថ្នាំកម្ចាត់មូស

មិត្តអ្នកអានអាចដាក់ថ្នាំនេះនៅក្នុងទឹកដែលទុកចោល ដូច​ជាអាង​ទឹក ឬ​ពាង​ទឹក​ផ្សេងៗ​បាន វា​អាច​បណ្តេញ​មូស​មិន​ឲ្យ​ពង​ក្នុង​ទឹក ហើយ​អ្នក​អាច​រ​ក​ទិញ​បាន​តាម​បណ្តា​ហាង​ទំនើប​ផ្សេងៗ​បាន​នៅ​ក្នុង​ ប្រទេសកម្ពុជា។

6. ទឹកវាន់នីឡាស្រស់

ទឹកវាន់នីឡាស្រស់នេះគេតែងតែប្រើប្រាស់លាយជាមួយ​ម្សៅ​សំរាប់​ធ្វើ​ជា​នំ​ ផ្សេងៗ ប៉ុន្តែ​អត្ថប្រយោជន៍​របស់​វាក៏​អាច​បណ្តេញ​មូស​បាន​ដែរ។ អ្នក​អាច​រក​ជាវ​ទឹក​នេះ​នៅ​តាម​បណ្តា​ផ្សារ​ទំនើប​ផ្សេងៗ​នៅ​ក្នុងប្រទេស​ កម្ពុជា ហើយ​អ្នក​ដាក់​ទឺក​នេះ​ពីរ​ស្លាប​ព្រា​ចូល​ក្នុង​ទឹក​ធម្មតា​មួយកែវ បន្ទាប់​ចាក់​ចូល​ក្នុង​ប្រដាប់​បាញ់ ហើយ​បាញ់​ទៅ​លើ​ស្បែក​ដែល​គ្មាន​អ្វីគ្របដណ្តប់ ​ដូច​នេះ​មូសមិនអា​ច​ខាំ​អ្នក​បានទៀតទេ។

មិត្តអ្នកអានត្រូវតែយល់ដឹងពីរបៀបការពារឲ្យបានច្បាស់ ហើយ​ធ្វើតាម​ដោយ​មាន​ការ​យល់​ដឹង ទើប​អ្នក​អា​ច​ការពារ​ដោយ​សុវត្ថិ​ភាព ដូច​នេះ​សុខ​ភាព​របស់​អ្នក​កាន់​តែ​ប្រសើរ​តាម​នឹង។ យើងនឹង​ព្យាយាម​រក​ពត៌​មាន​ចំនេះ​ដឹង​សំខាន់ៗ​សំរា​ប់​ឲ្យមិត្តអ្នក​អាន​បាន ​ជ្រាប និង​អាច​ថែរក្សា​បាន​ទៀតផង។

Read More