ទឹកគឺជាតម្រូវការចាំបាច់សម្រាប់ភាវៈមានជីវិតទាំងអស់នៅលើភពផែនដី។ ទឹកដើរតួនាទីយ៉ាងសំខាន់សម្រាប់សុខភាពមនុស្សលោក ដូចជាអាហារអញ្ចឹង។ ការទទួលទានទឹកតាមពេលវេលានិងលក្ខខណ្ឌផ្សេងៗគ្នា អាចទទួលផលខុសៗគ្នា សម្រាប់សរីរាង្គរបស់មនុស្ស។ អស់រយៈពេលជាច្រើនទស្សវត្សន៍មកនេះ មនុស្សលោកបានប្រើប្រាស់ទឹកធ្វើជាថ្នាំ ដើម្បីព្យាបាលនូវជម្ងឺក្រពះ និង ជម្ងឺសើស្បែក។
ការទទួលទឹក មុនពេល អំឡុងពេល និង ក្រោយពេល ពិសារអាហារ ជៈឥទ្ធិពលផ្សេងៗពីគ្នាទៅលើក្រពះរបស់យើង។ ជាមួយគ្នានេះដែរ វាមានអត្ថប្រយោជន៍មួយចំនួននៃការទទួលទានទឹកនៅពេលព្រឹក នៅពេលដែលក្រពះរបស់អ្នក ទំនេរស្អាត។ នៅថ្ងៃនេះ ខេមបូរីផត សូមបង្ហាញពីគុណសម្បត្តិ ប្រាំយ៉ាងពីការទទួលទានទឹកពេលព្រឹក៖
- ប្រសិនបើយើងទទួលទានទឹកនៅពេលព្រឹកព្រលឹម ដោយអត់ទាន់បានញុំអីសោះ នោះទឹកនោះ នឹងមានតួនាទីលាងសម្អាតពោះវៀនធំរបស់អ្នកបានយ៉ាងស្អាត ហើយធ្វើឲ្យវាមានសមត្ថភាពស្រូបយកសារធាតុចិញ្ចឹមបានច្រើនជាងមុន។
- វាធ្វើឲ្យលោកអ្នកមានទឹកមុខស្រស់បស់ និង ស្បែកស មើលទៅមានសុខភាពល្អ ព្រោះទឹក វាមានតួនាទីចូលទៅកំចាត់ចោលនូវសារធាតុតុកស៊ីនពីឈាមរបស់អ្នក ធ្វើឲ្យស្បែករបស់អ្នកមានសភាពសនិងស្រស់ស្អាត។
- ការពិសារទឹកនៅពេលព្រឹក បង្កើតនូវកោសិកាឈាមក៏ដូចជា កោសិកាសាច់ដុំបានច្រើនផងដែរ។
- វាក៏ជាវិធីសាស្រ្តដ៏ល្អផងដែរ ដើម្បីធ្វើការសម្រកទម្ងន់ ដោយពិសារទឹកពេលព្រឹក។
- ម្យ៉ាងវិញទៀត វាក៏ធ្វើឲ្យមានតុល្យភាពនៃប្រព័ន្ធក្រពេញរបស់សរីរាង្គទាំងមូលរបស់មនុស្សផងដែរ ដោយធ្វើឲ្យមនុស្សមានសមត្ថភាពបញ្ចេញកម្លាំងធ្វើការបានយ៉ាងមុំាទាំនៅក្នុងជីវិតរស់នៅ និង អាចប្រឆាំងជាមួយមេរោគឆ្លងមួយចំនួនទៀតបានទៀតផង។
ដើម្បីទទួលបានសុខភាពល្អនិងអត្ថប្រយោជន៍ទាំងប្រាំខាងលើនេះ យើងសង្ឃឹមថា បងប្អូនប្រិយមិត្តនឹងព្យាយាមពិសារទឹកនាពេលព្រឹកព្រលឹមយ៉ាងតិចក៏មួយកែវ ឬ ពីរកែវដែរ មុននឹងចាប់ផ្តើមធ្វើអ្វីមួយ៕
0 comments:
Post a Comment