មានស្ត្រីជាច្រើន បានស្លាប់ដោយសារជំងឺមហារីក សុដន់ ជារៀងរាល់ឆ្នាំ។ ការរកឃើញនៅដំណាក់កាលដំបូង និងការព្យាបាលទាន់ពេលវេលា ធ្វើអោយអ្នកមានឱកាសជាសះស្បើយខ្ពស់។ គ្មានវិធីសាស្ត្រ ដើម្បីការពារជំងឺមហារីកសុដន់បានទេ តែមានគន្លឹះខ្លះៗ ដើម្បីការពារខ្លួនអ្នក ប្រឆាំងនឹងជំងឺមហារីកសុដន់ ៖
• ការធ្វើលំហាត់ប្រាណ ៖ វាជួយអោយប្រពន្ធ័ភាពស៊ាំរាងកាយខ្លាំងក្លា និង ពង្រឹងរាងកាយអោយរឹងមាំ។
• កំណត់ការញ៉ាំជាតិអាល់កុល ៖ ការញ៉ាំជាតិអាល់កុលច្រើន អាចជម្រុញអោយកើតមាន ជំងឺមហារីកសុដន់ ប៉ុន្តែ ការញ៉ាំជាតិអាល់កុលតិចតួច អាចការពារខ្លួនប្រឆាំង នឹងជំងឺមហារីកសុដន់ទៅវិញ។
• ការញ៉ាំបន្លែ និងផ្លែឈើគ្រប់គ្រាន់ អាចជួយការពារខ្លួនអ្នក ប្រឆាំងនឹងជំងឺមហារីកសុដន់ ដោយសារវាផ្ទុកសារធាតុប្រឆាំងអុកស៊ីតកម្ម។
• ប្រវត្តិក្រុមគ្រួសារ ៖ ជំងឺមហារីកសុដន់ អាចជាជំងឺតំណរពូជ ដោយសារបំរែបំរួលហ្សែន។ តែវាអាចកើតឡើងប្រហែល ៥ ទៅ ១៥ ភាគរយប៉ុណ្ណោះ។
• ការពិនិត្យរកដុំសាច់ អោយបានទៀងទាត់ ៖ វាអាចជួយអោយអ្នក ដឹងពីបំរែបំរួលសុដន់ដូចជា ទំហំ រូបរាង និងភាពតឹងណែននៃសុដន់។
• គោលដៅដើម្បីរកឃើញដំបូង ៖ អ្នកត្រូវថតសុដន់ អោយបានទៀងទាត់ នៅពេលអ្នកមានអាយុ ៤០-៥០ ឆ្នាំ ហើយត្រូវពិភាក្សាជាមួយវេជ្ជបណ្ឌិត អំពីការពិនិត្យរកជំងឺមហារីកសុដន់។
• ត្រូវយកចិត្តទុកដាក់លើទម្ងន់ ៖ ការលើសទម្ងន់ ធ្វើអោយអ្នក ប្រឈមមុខនឹងជំងឺមហារីកសុដន់។
• ការពារដោយថ្នាំ ៖ មានថ្នាំមួយចំនួន ដែលអាចរារាំងអ័រម៉ូន ដែលធ្វើអោយកើតមានកោសិកាមហារីកសុដន់។
• ឈប់ជក់បារី ៖ បារីធ្វើអោយមានមហារីកសូត និងមហារីកដទៃទៀត ដូចជា មហារីកសុដន់ផងដែរ៕
0 comments:
Post a Comment