ដើម្បីទទួលបានសុខភាពរឹងមាំល្អ និងមានភាពប្រក្រតីនោះ អ្នកគួរតែទទួលទានអាហារអោយត្រឹមត្រូវតាមរបៀបរបប ចៀសវាងទទួលទានអាហារកំប៉ិកកំប៉ុក ខុសពេលខុសវេលានានា ព្រោះអីវាអាចបង្ករនូវបញ្ហាជាច្រើនដែលយើងមិនអាចប៉ាន់ស្មានទុក។ នៅពេលនេះ យើងសូមឆ្លៀតពេលរៀបរាប់ពីម្ហូបអាហារ ទាំង 8 ប្រភេទ ដែលអ្នកមិនគួរទទួលទានសោះឡើយមុនពេលអ្នកចូលគេង ព្រោះអីវាអាចបង្ករគ្រោះថ្នាក់ជាច្រើនដល់សុខភាពរបស់អ្នក។
1. គ្រឿងស្រវឹង
ទទួលទានគ្រឿងស្រវឹងមុនចូលដំណេកមិនមែនជារឿងល្អនោះទេ ព្រោះអីវាអាចធ្វើអោយខ្លួនប្រាណយើងមានភាពរញ៉េរញ៉ៃ ដំណើរការមិនប្រក្រតីបាន ជាពិសេសប្រព័ន្ធរំលាយអាហារតែម្តង។
2. ភេសជ្ជៈប្រភេទសូដា (ទឹកក្រូចនានា)
ទឹកក្រូចនានាដូចជា កូកាកូឡា ជាដើម វាផ្ទុកទៅដោយអាស៊ីត ដែលមិនល្អសោះឡើយសម្រាប់ក្រពះយើងដែលហៀបនឹងសម្រាកទៅហើយនោះ។ ទទួលទានភេសជ្ជៈប្រភេទនេះអាចប៉ះពាល់ខ្លាំងទៅដល់ក្រពះ ដូចជាបំផ្លាញសន្ទះស្រូបសារជាតុ និងបង្កើតសម្ពាធទៅដល់ពោះផងដែរ។
3. អាហារដែលមានជាតិខ្លាញ់ និងជាតិស្ករ
អាហារទាំងនេះមានដូចជាការ៉េម នំកញ្ចប់ នំធុង Cookie និងនំជាតិឈីសជាដើម ដែលវាអាចអោយយើងឆាប់ឡើងទំងន់ លើសឈាម និងឡើងជាតិខ្លាញ់ជាដើម។
4. ឈីស
ឈីសជាសមាសធាតុដែលមានលើអាហារដូចជា ភីហ្សា បឺហ្គឺ និងនំចំនីមួយចំនួនជាដើម ដែលវាអាចអោយអ្នកងាយឡើងទំងន់បំផុត គ្រោះថ្នាក់ដូចទៅនឹងរបស់របរខាងលើដៃ។
5. គ្រាប់ធញ្ញជាតិនានា
នៅពេលយប់ ក្រពះយើងវាឈប់ដំណើរការ និងស្រូបយកជីវជាតិអ្វីហើយ ហេតុដូច្នេះហើយគ្រាប់ធញ្ញជាតិដែលសំបូរដោយសារធាតុនានានឹងមិនមានប្រយោជន៍នោះទេ នៅពេលដែលអ្នកទទួលវានៅពេលយប់ ផ្ទុយទៅវិញ វាធ្វើអោយអ្នកឆាប់ឡើងគីឡូ ដោយសារតែសារធាតុខ្លាញ់ក្នុងវាប៉ុណ្ណោះ ជាពិសេសសណ្តែកដីតែម្តង។
6. សូកូឡា
សូកូឡាក៏ជាម្ហូបអាហារដែលសំបូរទៅដោយសារធាតុធាត់ផងដែរ លើសពីនេះទៅទៀតវាក៏មានសារធាតុកាហ្វេអ៊ីនទៀត ដែលអាចអោយយើងមិនអាចទទួលទានដំណេកបានស្កប់ស្កល់ឡើយ។
7. ផ្លែក្រូច
ដូចដែលយើងដឹងហើយថា ក្រូចសំបូរទៅដោយអាស៊ីត ហេតុដូច្នេះហើយប្រសិនបើយើងទទួលទានវានាពេលយប់ នោះវានឹងធ្វើអោយក្រពះអ្នកច្រាលឡើងជាក់ជាមិនខាន។
8. កាហ្វេ
វាមិនត្រឹមតែមានសារធាតុកាហ្វេអ៊ីនដែលធ្វើអោយអ្នកមិនអាចដេកស្កប់ស្កល់នោះទេ ក៏ប៉ុន្តែវាក៏ផ្លាស់ប្តូរកម្រិតអាស៊ីតក្នុងក្រពះអោយយើងអោយមានភាពប្រក្រតីផងដែរ ដែលវានឹងបង្ករបញ្ហាខ្លាំងដល់ប្រព័ន្ធរំលាយអាហារ។
សរុបសេចក្តីមក នាពេលរាត្រីមុនចូលគេងមិនមែនជាពេលដ៏ល្អសម្រាប់ទទួលទានអាហារនោះ ជាក់ស្តែងអាហារទាំងនោះត្រូវតែពោរពេញដោយសារធាតុចិញ្ចឹម និងវីតាមីនដូចជាផ្លែឈើនានា និងទឹកដោះគោជាដើម។ សូមចៀសវាងទទួលទានម្ហូបអាហារដែលយើងបានរៀបរាប់ខាងលើនេះអោយសោះ ដើម្បីទទួលបានសុខភាពល្អ ប្រសិនបើអ្នកមិនចង់ជួបប្រទះនឹងបញ្ហាសុខភាពនានាដូចជាជំងឺលើសឈាម ជំងឺធាត់ ទឹកនោមផ្អែម ជាដើម។
0 comments:
Post a Comment